(لحظة من فضلك الحياة لا ترجع إلى الخلف (الطبعة التانية

by إسلام حجي

ديوان للشاعر إسلام حجي



لحظه من فضلك سـكـوت ...
هو ايه معنى الـحـيـاه ؟
.. مش لحظه لو ماتت نمـوت
مش ايوة حاضنة فايدها لا
فنجان صباحي بنكهة الحلم الغميق؟
وملامح الوش البرئ
طعم المرارة محلياه
لحن النايات ..ويّا الطبول
طب بوح وقول
من غير ما يطلع اي صوت


يقول عنه د/يسري العزب

في هذا الديوان للطبيب إسلام حجي نبضات قلب شاب يعيش الواقع بوجوده الكامل..يحلم لوطنه بالتغيير إلى الاجمل، تحمل نصوصه معولا رشيقا من الفكاهة والسخرية التي تصل احيانا لدرجة التبكيت وتقف احيانا عند مجرد التنكيت، ولعل عنوان ديوانه الاول يؤكد هذا ، بل انه يحمل الكثير من الدلالات التي تدفع دائما إلى معاودة النص تذوقا وتحليلا

Genres: Poetry

143 pages, Paperback

First published January 1, 2010

About the author

السؤال بتاع وصف الذات ده عِقـاب
عمري محبيت اقراه عن حـد .. دايما كان بيخصني كـلامه .. هو اللي هيعرفني عليه
و من خـلاله هصـدقه أو لأ

وشوية الأرقام المُجردة من وقعـها .. مش باعرف اعزف عليها
مش عارف ده عيبي ولا عيبها هي اللي جامدة بما يكفي انها متتعزفش

لكن عموما
طول عمـري عايش في القاهرة
طبيب بشري \ جامعة القاهرة بردو ..
بكتـب .. معظم الوقت يعني
:)


بس الحاجه اللي نفـسي اكتبها اوي اوي..
لسه فكرتها مجتليش..
و لو جت ..هادور على غيرها لانها اكيد مش هاتبقى هيّ

Reviews

[Gehad Ibrahim · Rating 5 out of 5]

اخيرا و للاسف خلصت رحلتى مع الديوان .. بس متأكده انى مش همل من الرحله دى و هيكون ليا معاها ميعاد تانى
ماشاء الله فعلا اسلوب راقى انسان راقى تفكير راقى
انا عمرى على فكره ما اهتميت انى اشترى كتاب شعر معاصر او لكاتب جديد
كل كتبى قدييييييييييمه جدا
و كنت بحس ان خلاص الكلمات بالاحاسيس دى انعدمت ف وقتنا ده
بس بجد استمتعت جدا بالكتاب ماشاء الله و ان شاء الله الى جاى هيكون احسن و احسن
:)

[Nada Alaa · Rating 4 out of 5]

حبِّيت شِعر إسلام حجي مِن صفحتُه على الفيس ..
و لأنه ألهمني هِناك جِبت الكِتَاب =) ..
مُلهِم رغم إنه ف بعض القصايد معرِفش يتحكم في الموسيقى =) ..

[Hala Mohamed]

الحياة لا ترجع إلي الخلف حقا..

[Shrooq Hisham · Rating 5 out of 5]

انآ لسه مخلصه الديوآن بجد حلو جدا :) اكتر حاجه عجبتني ( ملامح , ولحظه من فضلك , فوبيآالحب , ولمسه )
بس عندي سؤال يعني ايه " حجيتــزمات " ؟

[Kareem · Rating 5 out of 5]

أحبيبي أإسلام ^_^

بجد تحفة ... تقدر تقول مُلهم

ربنا يوفقك يا دوك :)

[فاطمة سامى · Rating 4 out of 5]

ليه لازم نعيش تبعا لتعاريف موضوعة مسبقا؟؟؟
ليه مانعيشي...ونستنتج تعاريفنا بنفسنا؟!؟”

[Shimaa (Hamssa) · Rating 3 out of 5]

فيه موهبة لكن لسه محتاجه شغل ،، الديوان بعضه كويس جدا

[ايمان · Rating 4 out of 5]

“خـليـك مـابين ورق الشـجـر الـلي الـخـريف بيــوّقـعه...\قادر تعيـش روح الـربيع.. وقادر اوي..اوي تـسـمعه”
..................
“سـأنـطـلق نـحو الـعام الجـديد .. أحـلامي تـمنـحُ خـطـواتي الثقة .. وخـطواتي تـصنع الطـريـق .. وطـريقي يضيـئهُ حـُسنُ الـظنِ بالله
كـل ذلك يـُظـللهُ الـصبر .. فلا مَـطر الحـزن يُغـرقهُ ولا تُـعرقـلهُ وسـاوسُ اليـأس .”
...................................
“ربمـا لا يمكـنك أن تـكون نبيـا أو رسـولا...

لكن دائمـا هنـاك متـسعٌ لـك في قلـبِ أحـدهم لـتُلهِمـهُ
............................
“لنا عـند الله رزقٌ و رضـا .. لا تطـلبـوا الأولى إلا و قد طلبتم معهـا الثـانيـة
وحـده الله يتكفل بالرزق و بالرضا به .. جميلٌ ربي أحبـه”

[Aya Abdelrafea · Rating 4 out of 5]

“لمـا تـلاقي نـفسك بقالك فتـرة مـاشي في نفق مظـلم لوحـدك
ياريت متخـفش ..
حاول تِـثَّبـت عينـك عـلى عيون النور اللي في آخر النفق
وبص في عنيـن الضي و صدق اوي من جواك ..
ان الانفاق اتعملت خصيصا اختصارا للوقت و الجهد
يعني احمد ربنا ..
لأنه اكيـد النفق اللي انت خايف منه دا ..
ربنا بيختصرلك بيه مشواار كان هيبقى أطول اوي و اكثر ارهاقا من اللي انت فيه دلوقتي

[Ahmad Atlam · Rating 2 out of 5]

لحظة من فضلك
عنواني
احدب ولكن
قدر

دول بس اللي الى حد ما عجبوني ودول اللي خلوني ازود النجمة التانية :)

[محمد الحويف · Rating 2 out of 5]

كقارئ جيد لإسلام حجي فهذه ليست أفضل كتاباته
أعجبتني جداً تلك الفواصل الصغيرة بين القصائد وأقتبس منها واحدة أفكر فيها كثيراً من الأمس
" الإعتراف بالضعف قوة لا أملكها "

[Han]

Nice