ಗ್ರಹಣ [Grahana]

by S.L. Bhyrappa

Grahana is the whelming of truth by untruth. A Sanyasi goes about apprising the people of the village that life should be found on values and not superstitions.

Genres: Fiction

208 pages, Paperback

First published January 1, 1972

About the author

Dr S.L. Bhyrappa is a litterateur par excellence. He writes in the south Indian language, Kannada, and has been the bestselling novelist for over 25 years now. His novels are widely translated to pan Indian languages. He is the bestselling novelist in Marathi over the past decade and is among the top-five bestselling authors in Hindi. He is a conscious artist that depicts fundamental human emotions in his novels. In addition to his profound knowledge of Indian philosophical and cultural traditions, Professor Bhyrappa has since his childhood had intense personal experiences in both rural and urban milieu. Consequently, his characters are deeply rooted in Indian soil. Seminars have been and are being held on his novels, and volumes of literary criticism have been published on his works.

His books have found their way to the curriculum of undergraduate and postgraduate degree courses of the universities in the state of Karnataka, and have been the subject of about 20 PhD dissertations. He has penned 24 novels and four volumes of literary criticism and books on aesthetics, social issues and culture. Most of his novels are translated into almost all the Indian languages and six into English. He has served as a Prof. of Philosophy over three decades at NCERT.

Dr Bhyrappa is an avid listener of both Indian and Western classical music and has a keen eye for Art. Travelling has been his paasion since childhood and he has travelled across the globe touching the glaciers of poles, forests of Amazon, deserts of Africa, bustling cities of Europe and the United States. He has trekked in the Alps, the Rockies, Andes and in Fujiama, but the Himalayas remain his greatest passion.

Academic Publications in English
--------------------------------------
Values in Modern Indian Educational Thought, 1968 (New Delhi: National Council of Educational Research and Training)
Truth & Beauty: A Study in Correlations, 1964 (Baroda: M. S. University Press)
20 Research Papers published in various Journals like Indian Philosophical Quarterly, Darshana International, Journal of University of Baroda

Research and Fellowship
----------------------------
National Research Professor, Government of India, 2014
One of the five members of the Indian Literary Delegation that visited China on invitation by the Government of China, 1992
Ford Foundation Award to visit the USA to study the cultural problems of Indian immigrants to the USA, 1983
British Council Fellowship tenured at the School of Education, University of London, 1977

Reviews

[Bharat · Rating 5 out of 5]

I have been a staunch opposer of superstitions in everyday life since entering into my teens and developing a sense of rational and analytical thinking. But, at the same time I understood why some people were deep into it, especially the people from older generations, who didn't have access to scientific education. Beliefs in gods and superstitions were their way to have some sense of security and calmness in their everyday lives by looking upwards to he/she who shall keep them unscathed from calamities etc. However, what is dismaying to me is that some people who've had scientific education continue to believe in superstitions and old traditions. Respecting them from the point of preserving culture is ok, but enforcing them in critical situations belies rationality.

So, as I went through Grahana, I was immediately hooked. It starts delightfully as a professor narrating the phenomenon of solar eclipse to the college and has to go back to home where his wife has started following the superstitions associated with the eclipse. In Grahana, Bhyrappa shows us why he is one the most astounding and masterful writer of Kannada novels and stories.

Bhyrappa's control over the story is very gripping as he takes us from the beginning to the end among the social dilemmas associated with various characters comprising of a heretic who wishes to switch to grahasta (leading family life) by marrying a doctor and has to encounter various stigma and protests against them from the village council steeped in age old superstitions.

[Chaitra · Rating 5 out of 5]

Grahana or Eclipse as roughly translated, penned by S L Bhyrappa turned out to be a unique read for me. It's by far his short novel I've read and the moment I read the first page I realised it's way different than his previous works I have read. That's how I found it. The presentation of the characters, their psychological backgrounds, their dependency and surging belief in certain aspects of religious doctrines is so perfect. I loved the contemplating soliloquy of the main characters. Each of them have their own perspective and approach to the world which often clash and constrast with one another, sometimes get submissive sometimes dominant.

I was amused with the title and it didn't take much time to realise why the author chose it. As I finished the book I realised grahana is more like the personification of thick veil over one's intellect take on the world, a slight movement off the main track. In the end I realised, this grahana didn't just take place to the nameless person believed to be the spiritual leader of Himagiri but also to the folks of the place itself mirrored by Himagiri's neighbors.

Out of all, I found the character of Saroja very brave and daunting and it surprised me because for me she was the only one who stayed clear of this grahana. I may sound wrong to the other readers because this book turned out to be very complex to me and I was wondering if I could give a justifiable opinion on this work.

I loved how the author probes one to ponder over the question if the spiritual transformation and societal upgrading are possible without the dominant presence of a leader, be it a political or religious one. In Himagiri, that happens despite the presence of the Sanyasi who often chose to stay away from all the entitlements and stuck around to make sure the people of Himagiri understood how independent they are of their own transformation.

But their persisting deep rooted dependency over someone as their guide despite all the development they had kind of saddened me in the end and I realised expecting otherwise would be way more fictitious since Grahana turned out to be the depiction of the realities of our society and my expectations being worded in the work wouldn't be more like thought provoking but indeed a reassurance of not so easily occuring lie. The book was so addictive and each character has its own uniqueness and something new to add. Most of the times I failed to understand but just like I found Saroja very strong I also found the character of Sanyasi very complexed and he seemed more unsatisfied with everything he experiments with his life. So for me, the questions from his point of view still remain unanswered.

[Yashwanth Balighatta · Rating 5 out of 5]

ಸಂಸಾರಿಯ ಮಠ ಕಟ್ಟುವ ಹಟ, ಸನ್ಯಾಸಿಯ ವಿಭಿನ್ನ ರೀತಿಯ ಸಮಾಜಮುಖೀ ತುಡಿತ, ಸಾಮಾನ್ಯರನ್ನು ಮಠದ ಹೆಸರು ಹೇಳಿ ಮರಳುಗೊಳಿಸುವ ಅಸಾಮನ್ಯರು. ಈ ಲೌಕಿಕ ಜೀವನದ ಮೇಲೇರಲು ತುಡಿಯುವ ಮತ್ತಷ್ಟು ಜೀವಗಳು.

ಬಹುಷ: ಒಂಟಿತನ, ಲೌಕಿಕ ಜಂಜಡಗಳ/ ದ್ವಂದಗಳ ಬಗ್ಗೆ ಭೈರಪ್ಪನವರ ಹಾಗೆ ಇನ್ನಾರು ಬರೆಯಲಾರಾರೆನೋ.

[Lsharathkumar · Rating 4 out of 5]

S.L.Byrappa is a master story teller and this has been proven time and again. Each and every story of his makes us introspect about our assumptions and beliefs and creates a whirlpool of thoughts and emotions which leave one a better Human Being. Grahana is no different. The story happens at the back drop of a Solar eclipse. There are various discussions about religious and scientific beliefs regarding the same. A thought provoking book and deserves to be read by one and all!

[Triplets · Rating 5 out of 5]

What writer....🙏🙏

[Vasanth · Rating 5 out of 5]

"ಗ್ರಹಣ" ಎಂದರೆ 'ಹಿಡಿದುಕೊಳ್ಳುವುದು' ಎಂಬ ಅರ್ಥ ಬರುತ್ತೆ. ಆದರೆ ಸೂರ್ಯಗ್ರಹಣದಲ್ಲೇ ಆಗಲಿ ಚಂದ್ರಗ್ರಹಣದಲ್ಲೇ ಆಗಲಿ ವಾಸ್ತವವಾಗಿ ಯಾವುದು ಯಾವುದನ್ನು ಹಿಡಿಯುವುದಿಲ್ಲ. ಗ್ರಹಣ ಅನ್ನುವ ಶಬ್ದದಲ್ಲಿ ಒಂದು ದುಶ್ಶಕ್ತಿ ಅಥವಾ ದೈತ್ಯನು, ಸೂರ್ಯ ಅಥವಾ ಚಂದ್ರನನ್ನು ಹಿಡಿದುಕೊಳ್ಳುತ್ತಾನೆ ಅನ್ನುವ ಪುರಾಣದ ಅರ್ಥಧ್ವನಿಯಿದ್ದರೂ ಇಂಗ್ಲಿಷಿನ "ಎಕ್ಲಿಪ್ಸ್" ಎನ್ನುವುದು ವೈಜ್ಞಾನಿಕವಾಗಿ ಸೂಕ್ತವಾದದ್ದು. ಎಕ್ಲಿಪ್ಸ್ ಅಂದರೆ ಮರೆಮಾಡುವುದು, ಮುಚ್ಚುವುದು ಎಂದರ್ಥ, ಆದ್ದರಿಂದ ಶುದ್ಧ ವೈಜ್ಞಾನಿಕ ದೃಷ್ಟಿಯಿಂದ ಗ್ರಹಣ ಅನ್ನುವ ಶಬ್ದವನ್ನು ನಾವು ಬಿಟ್ಟುಬಿಟ್ಟರೇ ಒಳ್ಳೆಯದು" ಎನ್ನುವುದರೊಂದಿಗೆ ಕಾದಂಬರಿ ಆರಂಭವಾಗುತ್ತದೆ.

ಗ್ರಹಣದ ಅರ್ಥವನ್ನು ವಿವರಿಸುವುದರೊಂದಿಗೆ ಆರಂಭವಾದ್ದರಿಂದ ಮತ್ತು ಕೃತಿಯ ಶೀರ್ಷಿಕೆಯೂ ಗ್ರಹಣವೇ ಆದ್ದರಿಂದ, ಗ್ರಹಣದ ಕುರಿತಾಗಿ ವೈಜ್ಞಾನಿಕ ಚರ್ಚೆಗಳು, ಪ್ರಶ್ನೆ -ಉತ್ತರಗಳು ಈ ಕಾದಂಬರಿಯಲ್ಲಿ ಇರಬಹುದು ಅಂದುಕೊಂಡೆ. ಆದರೆ ಇಲ್ಲಿ ಸಮಾಜಕ್ಕೆ ಹಿಡಿದಿದ್ದ ಗ್ರಹಣದ ಬಗ್ಗೆ ಭೈರಪ್ಪನವರು ಆಳವಾಗಿ ಬರೆದಿದ್ದಾರೆ.
ಸಂಪೂರ್ಣ ಜನಸೇವೆ ಮಾಡುವವನು ಸನ್ಯಾಸಿಯೇ ಆಗಬೇಕೆ ? ಸೇವೆ, ಸನ್ಯಾಸ ಒಂದನ್ನೊಂದು ಬಿಟ್ಟು ಇರಲಾರವೇ ? ಹಾಗದರೆ ನಿಜವಾದ ಸನ್ಯಾಸದ ಪ್ರತ್ಯೇಕತೆ ಯಾವುದು ?
ಪರೋಪಕಾರ ಮಾಡಿ ಸಮಾಜ ಉದ್ಧಾರ ಮಾಡುಕ್ಕೆ ಆಧ್ಯಾತ್ಮದ ಆಧಾರದ ಅವಶ್ಯಕತೆಯಾದರೂ ಏನು ? ಎಲ್ಲ ರೀತಿಯಲ್ಲೂ ಮುಂದುವರೆದ ಮನುಷ್ಯನಲ್ಲಿ ಪರಸ್ಪರ ಸಹಕಾರದ ಗುಣ ಯಾಕೆ ಸಹಜವಾಗಿರಬಾರದು ?
ಆಜನ್ಮ ಬ್ರಹ್ಮಚಾರಿಯೊಬ್ಬರು ಗಾರ್ಹಸ್ಥ್ಯಕ್ಕೆ ಕಾಲಿಡುವುದು ಸರಿ ಅನ್ನುವುದಾದರೆ, ಸನ್ಯಾಸಾಶ್ರಮದಿಂದ ಗಾರ್ಹಸ್ಥ್ಯಕ್ಕೆ ಸನ್ಯಾಸಿಯೊಬ್ಬರು ಬಂದರೆ ತಪ್ಪೇ ?

ಒಬ್ಬ ಮನುಷ್ಯ ಸನ್ಯಾಸಿಯ ಪಟ್ಟಕ್ಕೇರಿದರೆ, ಎಲ್ಲರ ಸಹಜ ಜೀವನಕ್ಕಿಂತ ವಿಭಿನ್ನವಾಗಿ ಇರಬೇಕ್ಕೇನ್ನುವ ಕಟ್ಟಲೆ ನಮ್ಮ ಸಮಾಜದ ಜಡ್ಡು ಪರಿಕಲ್ಪನೆ. ಜೀವನದ ಸಾಕ್ಷಾತ್ಕಾರ ಇರುವುದೇ ಗೃಹಸ್ತದಲ್ಲಿ, ನಮ್ಮ ಋಷಿ ಮುನಿವರ್ಯರೆಲ್ಲಾ ಗೃಹಸ್ತಾಶ್ರಮವನ್ನು ಪಾಲಿಸಿದವರೇ. ಕಾಲಾನುಕ್ರಮೇಣ ಸನ್ಯಾಸಿಯ ನಾಮಫಲಕವನ್ನು ಹಾಗೂ ಅವನು ಹೀಗೆಯೇ ಇರಬೇಕು ಎಂಬ ಚೌಕ್ಕಟ್ಟನ್ನು ಸಮಾಜ ಪರಿಚಯಿಸಿದ್ದು. ಇದರ ನಿದರ್ಶನ ಹಾಗೂ ಮರೆಮಾಚಿರುವ ಅದೆಷ್ಟೋ ಆಚಾರದ ವಿಚಾರದ ಪರಿಕಲ್ಪನೆ ತುಲನಾತ್ಮಕವಾಗಿ ಗ್ರಹಣದ ತರುವಾಯ ವ್ಯಕ್ತವಾಗಿದೆ.

ಹೀಗೆ ಕಾದಂಬರಿಯು ನಮ್ಮ ಮುಂದೆ, ತೋರಿಕೆ-ವಾಸ್ತವತೆ, ಧರ್ಮ-ಅಧರ್ಮ, ಸತ್ಯ-ಅಸತ್ಯಗಳು ಒಂದೊರೊಳಗೊಂದು ಸೇರಿ ಜೀವನದ ಹಲವು ಮೂಲಭೂತ ಪ್ರಶ್ನೆಗಳನ್ನು ನಮ್ಮ ಮುಂದೆ ಇಡುತ್ತದೆ.

[Sanjay Manjunath · Rating 5 out of 5]

ಶ್ರದ್ಧಾಪೂರ್ವಕವಾಗಿ ಅದಕ್ಕಿಂತ ಹೆಚ್ಚಾಗಿ 'ಭಯ'ವೆಂಬ 'ಭಕ್ತಿ'ಯಲ್ಲಿ ರೂಢಿಗತವಾಗಿ ನಡೆಯುತ್ತಿದ್ದ ನಂಬಿಕೆಯೊಂದು ಇದ್ದಕ್ಕಿದ್ದಂತೆ ಒಡೆದು ಹೋದರೆ ಅದನ್ನು ಅರಗಿಸಿಕೊಳ್ಳಲು ಮತ್ತು ಸರಿಪಡಿಸಲು ಬೇಕಾದ ಸಮಯವೇ ಗ್ರಹಣವಾಗಿದೆ ಈ ಕೃತಿಯಲ್ಲಿ.

ತಾನು ಕಂಡುಕೊಂಡ ಸಾಂಪ್ರದಾಯಿಕತೆಯನ್ನು ಮೀರಲು ಆಗದ ಹಿಮಗಿರಿ ಎಂಬ ಪಟ್ಟಣದೊಳಗೆ 20 ವರ್ಷಗಳ ಕಾಲ ನೆಲೆ ನಿಂತು ಅದೇ ಸಂಪ್ರದಾಯದ ಮೂಲ ದ್ರವ್ಯವಾದ ಸ್ವಾಮೀಜಿಯು, ತನ್ನ ಮೂಲಕ ಅದೇ ಪಟ್ಟಣದಲ್ಲಿ ಬೇರುಬಿಟ್ಟ ಮೂಡನಂಬಿಕೆಗಳನ್ನು ಹೋಗಲಾಡಿಸಲು ಹೋಗಿ, ತಾನೇ ಅಲ್ಲಾಡುವಂತಾಗಿ ಹೋಗುವ ಕಥೆಯಿದೆ ಇಲ್ಲಿ.

ಆ ಕಥೆಯನ್ನೇ ಇಟ್ಟುಕೊಂಡೆ ಅಂದಿಗೂ-ಇಂದಿಗೂ ಪ್ರಶ್ನೆ ಮಾಡದೆ ಅನುಸರಿಸುತ್ತಿರುವ ಎಷ್ಟೋ ಸಂಪ್ರದಾಯ, ಕಟ್ಟುಪಾಡುಗಳನ್ನು ಮುರಿಯಲು ಯೋಚನೆ ಮಾಡದ ಸಮಾಜದ ಟೊಳ್ಳುತನವನ್ನು ಹೇಳಿದ್ದಾರೆ ಎಂದೆನಿಸಿತು.

ಒಟ್ಟಾರೆಯಾಗಿ ಭೈರಪ್ಪನವರ 'ಟಚ್' ಕಮ್ಮಿಯಾಗಿದೆ ಎಂದು ಅನಿಸಿದ್ದು ಬಿಟ್ಟರೆ, ಆಗಿನ ಕಾಲಘಟ್ಟದಲ್ಲಿಯೇ ಸ್ವಾಮೀಜಿ ಒಬ್ಬರು ಸಂಸಾರಿಯಾಗುವಂತಹ ಕ್ರಾಂತಿಕಾರಿ ನಡುವಳಿಕೆ, ಭ್ರೂಣ ಹತ್ಯೆ ಅಂತಹ ವಿಷಯಗಳು.. ಶಾಸ್ತ್ರ, ಸಂಪ್ರದಾಯ, ವೈಜ್ಞಾನಿಕತೆ, ಸತ್ಯ, ಧರ್ಮ, ಅಧರ್ಮ, ಪ್ರತಿಷ್ಠೆ, ಗೌರವ, ಅಹಂಕಾರ ಎಂಬ ಹಲವು ವಿಷಯಗಳ ಜೊತೆಗೆ ಜೀವನವನ್ನು ಸಮೀಕರಿಸಿ ಪ್ರಸ್ತುತಪಡಿಸಿರುವ ಈ ಕೃತಿಯು ಎಂದೆಂದಿಗೂ ಸಲ್ಲುವಂಥದ್ದು.

[Soumya · Rating 4 out of 5]

ಭೈರಪ್ಪ ಅವರ ಬರವಣಿಗೆ ಆದಿ ಇಂದ ಅಂತ್ಯದವರೆಗೂ ಹಿಡಿದು ಇಡತ್ತೆ. ಅದ್ಕೆ ಗ್ರಹಣ ಪುಸ್ತಕ ಹೊರತಲ್ಲ.

ಸನ್ಯಾಸಿ��ೊಬ್ಬ ಸಂಸಾರಿ ಆಗ್ತೀನಿ ಅಂದಾಗ, ಜನರು ಅದನ್ನ ಹೇಗೆ ಸ್ವೀಕರಿಸುತ್ತಾರೆ; ಮಠ ಮಂದಿರ ಹೆಸರಿನಲ್ಲಿ ಮಾಡುವ ದರೋಡೆ; ಭ್ರೂಣಹತ್ಯೆ ಈ ಎಲ್ಲಾ ವಿಚಾರಗಳನ್ನ ಎಲ್ಲೂ ಬೇಜಾರು ಬರದಂತೆ ಈ ಪುಸ್ತಕದಲ್ಲಿ ಬರೆದಿದ್ದಾರೆ.

1972 ಅಲ್ಲಿ ಬರೆದ book ಆದ್ರೂ ಇವತ್ತಿಗೂ ಸಮಂಜಸ ಅನ್ಸತ್ತೆ.

[Prashanth Bhat · Rating 5 out of 5]

ಮಥನ. ನಾಟಕವಾದದ್ದನ್ನು ಕಾದಂಬರಿ ಮಾಡಲು ಹೊರಟು ಸ್ವರೂಪ ಹಾಳಾಯಿತು ಅಂದಿದ್ದರು.ಎರಡನೆಯ ಓದಿಗೂ ಹಾಗನಿಸಲಿಲ್ಲ. ಸ್ವಾಮೀಜಿಯೊಬ್ಬರ ವಿವಾಹದಂತಹ ಕ್ರಾಂತಿಕಾರಕ ವಿಷಯವೂ, ನಂಬಿಕೆಗಳ ಪತನವೂ, ಭ್ರೂಣ ಹತ್ಯೆಯ ವಿರುದ್ಧದ ಅಂತ್ಯದಿಂದ ಆ ಕಾಲಕ್ಕೆ ಬರೆದರೂ ಈಗಲೂ ಸಲ್ಲುವ ವಿಷಯ.

[Nayaz Riyazulla · Rating 4 out of 5]

ಬಹಳ ತಿಂಗಳುಗಳ ನಂತರ ಬೈರಪ್ಪರ ಒಂದು ಕಾದಂಬರಿ ಓದಿದೆ. ಅವರಿಗೆ ಅವರೇ ಸಾಟಿ, ಇಲ್ಲಿ ನಮಗೆ ಎಷ್ಟೋ ಪ್ರಶ್ನೆಗಳು ಕಾಡುತ್ತವೆ... ಗೊತ್ತೇ ಇರದ ಉತ್ತರಗಳು ಸಿಗುತ್ತವೆ, ಅಚ್ಚರಿ ಮೂಡಿಸುತ್ತದೆ...ಕೊನೆಗೆ ಮನಸ್ಸು ಗೊಂದಲಮಯವಾಗೇ ಉಳಿಯುತ್ತದೆ.

ವಿಶಿಷ್ಟ ವಸ್ತು ಮತ್ತು ಪ್ರಬುದ್ಧ ಬರವಣಿಗೆ

[Vaishali Bhat · Rating 3 out of 5]

"ನಾಲ್ಕು ಜನ ಏನ್ ಹೇಳ್ತಾರೆ" ಅಂತ ಹೆದರಿ ನಡೆಸೋ ನಮ್ಮ ಈ ಬದುಕೇ ಈ ಪುಸ್ತಕದ ಸಾರಾಂಶ ಅನ್ಸತ್ತೆ. ಸತ್ಯ ಹೇಳಿದ್ರು ಜನ ಅವರಿಗೆ ಏನ್ ಉಪಯೋಗ ಆಗುತ್ತೋ ಅದನ್ನೇ ನಂಬುತ್ತಾರೆ ಅಥವಾ ನಂಬಿಸ್ಥಾರೆ. 'ಮಠ'ದ ಹೆಸರಲ್ಲಿ ಆಗೋ ಲೂಟಿ, ಜನರ ನಂಬಿಕೆ, ವಾಸ್ತವತೆಯ ಪೂರ್ಣ ಮುಖವಾಡ ರಹಿತ ಚಿತ್ರಣ S L ಭೈರಪ್ಪನವರ ಹೊರತು ಯಾರು ನೀಡಲು ಬಹುಶಃ ಸಾಧ್ಯವಿಲ್ಲ. ಭೈರಪ್ಪನವರ ಬೇರೆ ಪುಸ್ತಕಗಳಿಗೆ ಹೋಲಿಸಿದರೆ ಈ ಪುಸ್ತಕ ಮನಸಿನ ತೊಳಲಾಟಗಳ ಜೊತೆ ಆಡಿದ್ದು ಸ್ವಲ್ಪ ಕಡಿಮೆಯೇ.

[Koustubh · Rating 4 out of 5]

"Grahana", The name of this novel when translated in english is "Eclipse".

Another classic from S.L.Bhyrappa. The novel is nothing but discovering the truth by realizing how we cloak ourselves with lies knowingly or unknowingly. The truth is obscured by a lie.

The characters in this novel are typical Bhyrappa's strong characters. Bhyrappa goes very deep and tries to counter the so called blind beliefs or the "Stereotypes" with subtlety not compromising on the rationality of thought. He makes a person not just to read this novel, but to dig deep into ones own thoughts and think what is wrong and what is right. Reading Bhyrappa's novel is always a thinking process and hence a reader after reading the novel feels as if he/she attended a debate session. One starts to think what is the depth of knowledge of Bhyrappa at last and looks forward to read his other novels.

[Sudhanva Ramesh · Rating 3 out of 5]

This book is not as impressive as Gruhabhanga is, but definitely makes you wonder about the misconceptions in todays society. There are certain elements and streams that goes off track from the main story and makes you wonder if that branch was even required. Nevertheless the relevance of this to todays world is just as good as any.

In all, i would have expected the heroine in the story to be more brave given her education background and would have loved to read what would have happened if she had admitted marrying a "Swami". That thread would go a long way in making aware of how to handle those situations and how to identify with the feelings of a sanyasi(if any).

Not the best of what i read, but definitely in the top few.

[Sanjota Purohit · Rating 4 out of 5]

An eclipse takes place when one heavenly body such as a moon or planet moves into the shadow of another heavenly body.
There are two types of eclipses on Earth: an eclipse of the moon and an eclipse of the sun.

Bhairappa has explained the myths & truths (and also scientific beliefs) about the eclipse.

https://sanjotapurohit.com/%E0%B2%97%...

[Yashawanth Ramaswamy · Rating 3 out of 5]

It deals with the life of a Saint who thrives to develop a village and it's surrounding areas by establishing education institutes and hospital. But when sadhu tries to become a common family man by loving a doctor and decides to marry her, people around him and the society doesn't let him to do so in the name of tradition and superstitions.

[Thamme Gowda · Rating 4 out of 5]

I like the modern thinking of author.

[Nandeesh BM · Rating 4 out of 5]

“Power resides where men believe it resides."
ಕಳೆದ ವರ್ಷ ನಾನು ಓದಿದ 'A Song of Ice and Fire' ಪುಸ್ತಕ ಸರಣಿಯಲ್ಲಿನ ವಾಕ್ಯವೊಂದನ್ನು ನಾನು ಇಲ್ಲಿ ಉಪಯೋಗಿಸುವ ಸಮಯ ಬರಬಹುದು ಅಂತ ನಾವು ಊಹಿಸಿರಲಿಲ್ಲ .
ಜೀವನವೆಂದರೆ ನೇ ಹಾಗೆ ಅನ್ನಿಸಬಹುದು. ಊಹೆಗೆ ನಿಲುಕದ್ದು. ಎಲ್ಲವೂ ನಮ್ಮ ಆಲೋಚನೆಗಳಿಗೆ ಸಿಕ್ಕು, ಊಹೆಗಳ ಬಾಹುಗಳಲ್ಲಿ ಬೆಚ್ಚನೆಯ ಆಶ್ರಯ ಪಡೆದರೆ ಅದು ಬೇಸರವಾಗಿ ಜೀವನವೇ ಜಿಗುಪ್ಸೆ ಅನ್ನಿಸಬಹುದು.
ಆದರೆ ‘ಗ್ರಹಣ’ ಕಥೆಯಲ್ಲಿ ಬರುವ ಗ್ರಾಮದ ಜನರಿಗೆ ಅಂತಹ ಬೇಸರವೇನೂ ಆಗಿರುವುದಿಲ್ಲ.
ಸಾಂಪ್ರದಾಯಿಕ ಕಟ್ಟಳೆಗಳನ್ನು ಅತ್ಯಂತ ಶ್ರದ್ಧಾಪೂರ್ವಕವಾಗಿ , ಶ್ರದ್ಧೆಗಿಂತಲೂ ಹೆಚ್ಚಿನ ಭಯದಲ್ಲಿ ಆಚರಿಸುವುದು ನಮ್ಮ ದೇಶದಲ್ಲಿರೋ ಸಂಪ್ರದಾಯ. ಶ್ರದ್ಧೆಗೆ ಶಾಪ ತಗುಲಿ ಅದು ಮಲಿನವಾಗಿ ಅದನ್ನಾಚರಿಸುವವರ ಮನಸ್ಸು ಸಹ ತುಕ್ಕು ಹಿಡಿದು ಶ್ರಾದ್ಧಿಯಿಂದ ಸಾಕ್ಷಾತ್ಕರಿಸಿಕೊಳ್ಳಬಹುದಾದುನ್ನೆಲ್ಲ ವಿಪ್ಲವಗೊಳಿಸಿಕೊಳ್ಳಬಾರದೆಂದೇ ಸಮಾಜದಲ್ಲಿ ‘ಭಯ’ ತನ್ನ ಉತ್ತಮ ಪಾತ್ರವನ್ನು ವಹಿಸುತ್ತದೆ .
ಆದರೆ ಆ ‘ಭಯದ’ ಗುತ್ತಿಗೆ ಪಡೆದುಕೊಡವರಂತೆ ಪಟ್ಟಭದ್ರ ಹಿತಾಸಕ್ತಿಗಳು ಅದರ ವಾರಸುದಾರಂತೆ ತಮ್ಮ ಅಧಿಕಾರವನ್ನು ಚಲಾಯಿಸುತ್ತಿರುತ್ತಾರೆ . ಆ ‘ಭಕ್ತಿ-ಭಯ’ಗಳನ್ನೂ ತಮ್ಮ ಅನುಕೂಲಕ್ಕೆ ತಕ್ಕಂತೆ ಮೇಲೆ ಕೆಳಗೆ ಮಾಡಿ ಅದರಿಂದ ತಮ್ಮ ಶಕ್ತಿಯನ್ನು ಸಮಾಜದ ಮೇಲೆ ಚಲಾಯಿಸುತ್ತಾರೆ. ಪುರೋಹಿತಶಾಹಿಯೂ ಆಗಿರಬಹುದು ಅಥವಾ ಗೌಡಿಕೆಯ ಹಮ್ಮು ಬಿಮ್ಮುಗಳೂ ಆಗಿರಬಹುದು. ಜನರ ‘ಭಯ ಭಕ್ತಿಗಳನ್ನು’ ತಮ್ಮ ಮುಷ್ಟಿಯಲ್ಲಿ ಹಿಡಿದುಕೊಂಡು ಆಡಳಿತ ನಡೆಸದಿದ್ದರೆ ಅವರಿಗೆ ನೆಮ್ಮದಿಯಿಲ್ಲ.
ಅಂತಹ ಸಮಾಜದಲ್ಲಿ , ತನ್ನದೇ ವಿಶಿಷ್ಟ ಆಲೋಚನೆಗಳಿಂದ ಹೊರಹೊಮ್ಮಿದ ವ್ಯಕ್ತಿ , ಜನರ ಭಯ ಗಳನ್ನ ಧಿಕ್ಕರಿಸುವುದಲ್ಲದೆ ಅದರ ಮೂಲಕ ಅವರ ಭಕ್ತಿಯ ಮೂಲ ಕಿತ್ತುಕೊಂಡರೆ ? ಜನರ ಜೀವನಕ್ಕೆ ಮೂಲವಾದ ಭಕ್ತಿಯನ್ನೇ ಕಳೆದುಕೊಂಡರೆ ಆ ಅನಾಥಪ್ರಜ್ಞೆಯಲ್ಲಿ ಅವರು ತಮ್ಮ ಜೀವನವನ್ನು ಹೇಗಾದರೂ ನಡೆಸಿಯಾರು? ಸಮಾಜಕ್ಕೆ ಹೇಗಾದರೂ ಒಳಿತು ಮಾಡಿಯಾರು ?
ಇಪ್ಪತ್ತನೇ ಶತಮಾನದಲ್ಲಿ ಭಾರತ ದೇಶಕ್ಕೆ ಆಗಮಿಸಿದ ‘ತರ್ಕಬದ್ಧ ಆಲೋಚನೆಗಳು’ , ‘ವೈಜ್ಞಾನಿಕ ತಳಹದಿಯಲ್ಲಿ ತಗೆದುಕೊಳ್ಳಬೇಕಾದ ನಿರ್ಣಯಗಳು’ - ಇಂತಹ ಸಿದ್ಧಾಂತಗಳು ಮನುಷ್ಯನಿಗೆ ಭಕ್ತಿಯ, ಭಯದ ಆಧಾರವಿಲ್ಲದೆ ಆಲೋಚಿಸುವ, ಚರ್ಚೆ ಮಾಡುವ, ನಿರ್ಣಯ ತಗೆದುಕೊಳ್ಳುವ ಶಕ್ತಿಯನ್ನು ನೀಡಿದವು. ಭಯ ಭಕ್ತಿಗಳ ಡಾಂಭಿಕತೆ , ಶ್ರದ್ಧೆಯ ಪೊಳ್ಳುತನ , ಇವೆಲ್ಲವನ್ನೂ ಬದಿಗಿಟ್ಟು ಮಾನವನ ಒಳಿತಿಗಾಗಿ ಪ್ರಗತಿಪರ ಆಲೋಚನೆ ಮಾಡುವ ಮನಸ್ಥಿತಿ ಮನುಷ್ಯನ ಏಳ್ಗೆಗಾಗಿ ಹೊಸದೊಂದೇ ಭಾಷ್ಯವನ್ನೇ ಬರೆದಿತ್ತು. ಒಂದು ಗ್ರಾಮದಲ್ಲಿ ಒಬ್ಬ ಅಂತ ವ್ಯಕ್ತಿ ಇದ್ದರೂ ಸಾಕು, ಅವನು ಇಡೀ ಗ್ರಾಮವನ್ನು ಉದ್ಧಾರ ಮಾಡುತ್ತಾನೆ ಅನ್ನೋ ನಂಬಿಕೆಯ ಮೊಳಕೆ ಅಲ್ಲಲ್ಲಿ ಒಡೆಯುತ್ತಿತ್ತು.
ಆದರೆ, ಸಮಾಜ ಅಂಥವರನ್ನು ಎಷ್ಟರ ಮಟ್ಟಿಗೆ ಪುರಸ್ಕರಿಸುತ್ತದೆ ? ತಾರ್ಕಿಕ, ವಿಜ್ಞಾನಿಕ ಆಲೋಚನೆಗಳಿಂದ ಸಮಾಜಕ್ಕೆ ಒಳಿತು ಮಾಡುವ ಉದ್ದೇಶವುಳ್ಳ ವ್ಯಕ್ತಿ, ಶ್ರದ್ಧೆ, ಭಯ ಭಕ್ತಿಗಳಿಂದ ಎಷ್ಟರ ಮಟ್ಟಿಗೆ ವಿಮುಕ್ತಿ ಹೊಂದಿರಬೇಕು. ಪೂರ್ಣ ವಿಮುಕ್ತಿ ಹೊಂದಿದರೆ ಸಮಾಜ ಅವನನ್ನು ಪುರಸ್ಕರಿಸೀತೇ ? ಅಥವಾ ಭಯ ಭಕ್ತಿ, ರೂಢಿ ನಂಬಿಕೆಗಳನ್ನೇ ಇಟ್ಟುಕೊಂಡು ಎಷ್ಟರ ಮಟ್ಟಿಗೆ ತಾರ್ಕಿಕ ಆಲೋಚನೆಗಳನ್ನು ಮಾಡಲಾದೀತು ?

ಈ ದ್ವಂದ್ವದ ವಿಸ್ತೃತ ರೂಪವೇ ‘ಗ್ರಹಣ’ .

ಸಾಮಾನ್ಯವಾಗಿ ಮನುಷ್ಯನ ಜೀವನದಲ್ಲಿ ನಡೆಯುವ ಆಂತರಿಕ ಮತ್ತು ಬಾಹ್ಯ ದ್ವಂದ್ವಗಳ ಪರಿಷ್ಕರಣೆಯೇ ಮುಂದೆ ಲೇಖನ, ಕಾವ್ಯ, ಮಹಾಕಾವ್ಯಗಳಾಗುತ್ತವೆ . ಆದರೆ ಆ ವಿಷಯಗಳನ್ನು ಘಟನೆಗಳ ಮೂಲಕ ಓದುಗನ ಮನಮುಟ್ಟುವಂತೆ, ಅವನ ನಾಡಿ ಮಿಡಿದು ಮನಸ್ಸಿನಾಳದಲ್ಲಿ ಆಲೋಚನೆಯ ಕಿಡಿ ಹತ್ತಿಕೊಂಡಾಗ ಕೃತಿ ಬರೆದಿರುವ ಲೇಖಕ ಓದುಗರ ಮನಸ್ಸಿನಲ್ಲಿ ಚಿರಸ್ಥಾಯಿಯಾಗಿ ಉಳಿಯುತ್ತಾನೆ.

ಎಸ್.ಎಲ್. ಭೈರಪ್ಪನವರ ಈ ಪುಸ್ತಕ ಮನುಷ್ಯನ ಒಳಚಿತ್ರಣವನ್ನು ಪುಸ್ತಕದ ಹಾಳೆಗಳ ಮೇಲೆ ಓದುಗನ ಮನಮುಟ್ಟುವಂತೆ ಚಿತ್ರಿಸಿದೆ. ನಂಬಿಕೆ ತರ್ಕ ಸಂಪ್ರದಾಯಿಕತೆಗಳ ನಡುವೆ ನಡೆಯುವ ಜೀವನ. ತನ್ನ ಸಾಂಪ್ರದಾಯಿಕತೆಯನ್ನು ಮೀರಿ ಬೆಳೆಯಲಾಗದ ಸಮಾಜ ಮತ್ತು ಸಮಾಜದ ಕುಗ್ಗು , ಕುಟಿಲತೆಗಳನ್ನು ಮೀರಿ ನಿಂತು ಜನರನ್ನು ಭಯಮುಕ್ತರಾಗಿ ಸ್ವತಂತ್ರರನ್ನಾಗಿ ಮಾಡುವ ಅಭಿಲಾಷೆಯುಳ್ಳ ಕಥಾನಾಯಕ . ಜನರ ಮನಸ್ಸಿನಿಂದ ಮೂಢನಂಬಿಕೆ, ಭಯವನ್ನು ಹೋಗಲಾಡಿಸುವ ದೃಷ್ಟಿಯಿಂದ ಅವನು ಮಾಡುವ ಕಾರ್ಯಗಳು. ಭಯ ದುಃಖಗಳು ಅಳಿಸಿಹೋಗುತ್ತ ಅದು ಭಕ್ತಿ ನಂಬಿಕೆಗಳ ರೇಖೆಗಳನ್ನು ಹೇಗೆ ಇಲ್ಲವಾಗಿಸುತ್ತದೆ ಅನ್ನೋದಕ್ಕೆ ಈ ಕೃತಿ ಉತ್ತಮ ಉದಾಹರಣೆಯಾಗಿದೆ .

ಗ್ರಹಣ ಕಾಲದಲ್ಲಿ ನಡೆಯುವ ಆಚರಣೆಗಳ ಹಿನ್ನಲೆ, ಅದನ್ನು ಸಮರ್ಥಿಸಿಕೊಳ್ಳಲು ಸಾಂಪ್ರದಾಯಸ್ಥರು ಕೊಡುವ ಒತ್ತಾಯಪೂರ್ವಕ ಸಮಜಾಯಿಷಿಗಳು, ಬ್ರಹ್ಮಚರ್ಯದಿಂದ ಗೃಹಸ್ಥಾಶ್ರಮಕ್ಕೆ ಕಾಲಿಡುವಲ್ಲಿ ಹಿಂಜರಿಕೆಯುಳ್ಳ ಆದರೆ ತನ್ನ ವಯಸ್ಸಿನ ಆಜ್ಞೆಗಳನ್ನು ಮೀರಲಾಗದೆ ಆಂತರಿಕವಾಗಿ ಒದ್ದಾಡುವ ಪ್ರಾಧ್ಯಾಪಕ. ಸಮಾಜವನ್ನು ಧಿಕ್ಕರಿಸುವ ಆಂತರಿಕ ಸ್ವಾತಂತ್ರ್ಯವಿದ್ದರೂ , ಕಾಲದ ಹೊಡೆತಕ್ಕೆ, ಸಂದರ್ಭಗಳ ಆಟಕ್ಕೆ ಸಿಕ್ಕಿ ತನ್ನ ನಂಬಿಕೆಗಳನ್ನೇ ಪ್ರಶ್ನಿಸಿಕೊಳ್ಳುವ ಸನ್ಯಾಸಿ, ಸನ್ಯಾಸತ್ವದ ಆಳವನ್ನು ಅರಿಯಲಾಗದೆ ತಮ್ಮ ನಂಬಿಕೆಗಳಿಗೆ ಕಟ್ಟುಬಿದ್ದು ತೊಳಲಾಡಿ ಕ್ರೋಧಗೊಳ್ಳುವ ಗ್ರಾಮಸ್ಥರು, ತಮ್ಮ ಹಿತಾಸಕ್ತಿಗಳನ್ನು , ನಂಬಿರುವ ವಿಧಾನಗಳನ್ನು ಬೇಕೆಂದರೂ ಬಿಡಿಸಿಕೊಳ್ಳಲಾರದ ಗ್ರಾಮದ ಹಿರಿಯರು . ಇದರ ಮಧ್ಯದಲ್ಲಿ ಬೆಳೆದು ನಿಲ್ಲುವ ಗ್ರಾಮ .
ಸಂಪ್ರದಾಯಗಳು, ತರ್ಕಗಳು ಏನೀ ಆದರೂ , ಅದು ಸಮಾಜದ ಒಳಿತಿಗಾಗದಿದ್ದರೆ ಅದಕ್ಕೆ ಅರ್ಥವಿಲ್ಲವೆಂಬ ತಿರುಳಿನ ಜೊತೆಗೆ ಸಮಾಜಸೇವೆಗೆ, ಜನಪರ ಕಾಳಜಿಗೆ ಬೆಸೆದುಕೊಂಡಿರುವ ನಂಬಿಕೆಯ ಭದ್ರ ಕೊಂಡಿ ಕಳಚಿಕೊಂಡರೆ ಎಲ್ಲರೂ ಸ್ವಾರ್ಥಿಗಳಾಗುತ್ತಾರೆ ಎಂಬ ಸಂದೇಶವನ್ನು ಸಹ ಈ ಕೃತಿ ನೀಡುತ್ತದೆ .

ವಿಜ್ಞಾನ , ತರ್ಕ, ಯುವ ಶಕ್ತಿಯ ಬಲ ಮತ್ತು ಅದರಿಂದ ದೇಶಕ್ಕೆ ಮತ್ತು ಸಮಾಜಕ್ಕಾಗಬಹುದಾಗುವ ಬೌದ್ಧಿಕ ಮತ್ತು ಆರ್ಥಿಕ ಒಳಿತನ್ನು ಸಹ ಲೇಖಕರು ತಿಳಿಯಾಗಿ ಬಿಡಿಸಿ ಬರೆದಿದ್ದರೆ.

ಭೈರಪ್ಪನವರು ಬರೆದಿರುವ ಪುಸ್ತಕಗಳಲ್ಲಿ ಅತ್ಯುನ್ನತ ಕೃತಿ ಇದು ಎಂದು ಹೇಳಲಿಕ್ಕಾಗುವುದಿಲ್ಲವಾದರೂ ಈ ಪುಸ್ತಕ ತನ್ನ ಉದ್ದೇಶವನ್ನು ನೂರಕ್ಕೆ ನೂರರಷ್ಟು ಪೂರೈಸಿದೆ ಎಂದು ಹೇಳಬಹುದು.

ಸಮಾಜ, ನಂಬಿಕೆ, ಆಧ್ಯಾತ್ಮ ವಿಷಯಗಳಲ್ಲಿ ಆಸಕ್ತಿ ಉಳ್ಳವರು ಈ ಕೃತಿಯನ್ನು ಕೊಂಡು ಓದಿ ಅನಿಸಬಹುದು ಅನ್ನುವ ಸಲಹೆಯನ್ನು ನೀಡುತ್ತಿದ್ದೇನೆ .

[Karthikeya Bhat · Rating 4 out of 5]

ಗ್ರಹಣ:
ಗ್ರಹಣವೆಂದರೆ ಹಿಡಿಯುವುದು,ಮತ್ತೂಂದು ಅರ್ಥ ಮೋಹ. ಮಠದ ಸ್ವಾಮಿಗಳು ಸಂಸಾರಸ್ತನಾಗಲು ಹೊರಟರೆ ಸಮಾಜವು ಹೇಗೆ ಪ್ರತಿಕ್ರಿಯಸುತ್ತೆಂಬುದನ್ನು , ಮಠದ ಸ್ವಾಮಿಗಳ ಹೆಸರನ್ನು ದುರುಪಯೋಗಪಡಿಸಿಕೊಂಡು ಸಮಾಜವು ಮಾಡುವ ಕಾರ್ಯಗಳು. ಕಾಷಾಯ ವಸ್ತ್ರವನ್ನ ಧರಿಸುವವರೆಲ್ಲರನ್ನು ಸ್ವಾಮಿಗಳೆಂದು ನಂಬುವ ಮೂಢ ಜನಗಳ ಬಗ್ಗೆ ಇಲ್ಲಿ ತಿಳಿಯಬಹುದು. ಈ ಕಥೆ ನಡೆಯುವುದು ಹಿಮಗಿರಿ ಗ್ರಾಮದಲ್ಲಿ, ಸ್ವಾಮಿಗಳ ಮೋಹಕ್ಕೆ ಒಳಗಾಗಿ ಸರೋಜ ಬಸುರಿಯಾಗುತ್ತಾಳೆ. ಅದೇ ಮೋಹದಲ್ಲಿ ಸ್ವಾಮಿಗಳು ಬ್ರಹ್ಮಚರ್ಯವನ್ನು ತ್ಯಜಿಸಿ ತನಗೆ ಮದುವೆಯಾಗಿದೆಯಂದು ಜನರಲ್ಲಿ ನಂಬಿಕೆಯನ್ನು ಹುಟ್ಟಿಸಲು ಪ್ರಯತ್ನಮಾಡಿ ಅದು ವಿಫಲವಾದ್ದಲ್ಲಿ, ಸಮಾಜವು ಹೇಗೆ ಇವರ ಮೇಲೆ ಪ್ರತಿಕ್ರಿಯಸುತ್ತಂಬುದನ್ನು ಇಲ್ಲಿ ಅರ್ಥವಾಗುತ್ತದೆ. ಸ್ವಾಮಿಗಳು ಸರೋಜಳನ್ನು ತ್ಯಜಿಸಿ ಹೂರಟಹೋದಮೇಲೆ ತಾನು ಬಸುರಿಯಾಗಿ ಪಡುವ ಮಾನಸಿಕ ಕಷ್ಟಗಳನ್ನೆಲ್ಲ ಓದಿ ತಿಳಿಯಬೇಕು.

ಕೊನೆಯಲ್ಲಿ ಈ ಸಾಲನ್ನು ಹೇಳಿದ್ದಾರೆ
"ಇಲ್ಲದ್ದನ್ನು ಇಲ್ಲವೆನ್ನಲು ಅಳುಕಿ ಇದೇ ಎಂದು ಸಾಧಿಸುವುದು ಎಷ್ಟು ಸುಳ್ಳೋ, ಇರುವುದನ್ನು ಇದೆ ಎನ್ನಲು ಹೆದರಿ ಇಲ್ಲವಾಗಿಸಿಕೂಂಡರೆ ಅದೊ ಅಷ್ಟೇ ಸುಳ್ಳು."

[Skanda Prasad · Rating 3 out of 5]

ಹಿಮಗಿರಿಯೆಂಬ ಹಳ್ಳಿಗೆ ಹಿಮಾಲಯದಿಂದ ಬಂದಂತಹ ಒಬ್ಬ ಕರ್ಮಯೋಗಿ ಸನ್ಯಾಸಿಯನ್ನು ಊರ ಮಠದ ಸ್ವಾಮಿಗಳನ್ನಾಗಿ ನೇಮಿಸಬೇಕೆಂಬ ಹಳ್ಳಿಯವರ ಬಯಕೆಯನ್ನು ತಿರಸ್ಕರಿಸಿ, ಸಣ್ಣ ಗುಡಿಸಲಲ್ಲಿ ಜೀವಿಸುತ್ತಾರೆ. ಮಠ, ಉತ್ಸವ, ಆಡಂಬರಕ್ಕೆ ವ್ಯಯಿಸುವ ಬದಲು ಹಳ್ಳಿಯ ಅಭಿವೃದ್ಧಿಗಾಗಿ ಶಾಲೆ, ಆಸ್ಪತ್ರೆ ಆರಂಭಿಸಿ ಹಳ್ಳಿಯ ಉದ್ಧಾರ ಮಾಡುವ ಸ್ವಾಮಿಗಳಿಗೆ ಒಂದು ಹೆಣ್ಣಿನ ಮೇಲಿನ‌ ಆಕರ್ಷಣೆಯಿಂದ ಏನೆಲ್ಲಾ ನಡೆಯುತ್ತದೆ ಎಂಬ ಕಥಾಹಂದರವಿರುವ ಕಾದಂಬರಿ. ಓದಿಸಿಕೊಂಡು ಹೋಗುವ ಕಥೆಯಾದರೂ, ತಿಳಿದುಕೊಳ್ಳಲು ಹೆಚ್ಚೇನಿಲ್ಲಾ ಎಂದೆನಿಸಿತು.

[Abhi · Rating 4 out of 5]

|!• ಗ್ರಹಣ •!|

ಪೀಠಿಕೆ

ವ್ಯವಸ್ಥೆಯ ಕುರಿತು ಪರ ವಿರುದ್ದ ಮಾತನಾಡುವ ಬಣಗಳಿವೆ. ನಮಗೂ ವ್ಯವಸ್ಥೆಗೂ ಸಂಬಂಧವೇ ಇಲ್ಲವೆನ್ನುವ ಬಣಗಳಿವೆ. ವ್ಯವಸ್ಥೆಯನ್ನು ಸೃಷ್ಟಿಸುವ ಬಣಗಳಿವೆ. ಆದರೆ ನಮ್ಮ ನಡುವೆ ವ್ಯವಸ್ಥೆಯನ್ನು ಪ್ರಶ್ನಿಸುವ ಬಣಗಳು ತೀರಾ ಕಡಿಮೆ. ಧಾರ್ಮಿಕ ವ್ಯವಸ್ಥೆಯೇ ಆಗಲಿ, ಸಾಮಾಜಿಕ ವ್ಯವಸ್ಥೆಯೇ ಆಗಲಿ ಒಪ್ಪಿಗೆ ಇದ್ದರೂ ಒಪ್ಪಿಗೆ ಇಲ್ಲದಿದ್ದರೂ ಯಾವುದೋ ಕಾಣಿಸದ ಭಯದಿಂದಲೋ ಭಕ್ತಿಯಿಂದಲೋ ಏನನ್ನೂ ಪ್ರಶ್ನಿಸದೇ ಹಲ್ಲು ಕಚ್ಚಿ ಬದುಕುವವರ ಸಂಖ್ಯೆ ತುಸು ಹೆಚ್ಚೇ ಆಗಿದೆ. ಅದೇ ರೀತಿಯ ಪ್ರಶ್ನೆಗಳನ್ನು ಹುಟ್ಟಿಸಿ ಮತ್ತಷ್ಟು ಉತ್ಕೃಷ್ಟ ಯೋಚನೆಗಳನ್ನು ಮೂಡಿಸುವ ಪುಸ್ತಕ "ಗ್ರಹಣ"

ಪುಸ್ತಕದ ಆಳಂತರಾಳಕ್ಕೆ ಇಳಿಯುವ ಮುನ್ನ ಪದಶಃ ಅರ್ಥದ ಕಡೆಗೆ ಗಮನ ಹರಿಸಬೇಕು. ಗ್ರಹಣಕ್ಕೆ ಇಂಗ್ಲೀಷಿನಲ್ಲಿ ಎಕ್ಲಿಪ್ಸ್ ಎನ್ನುತ್ತಾರೆ ಅಂದರೆ ಅಡ್ಡ ಬರುವುದು ಎಂದರ್ಥ. ವೈಜ್ಞಾನಿಕವಾಗಿ ಸೂರ್ಯ ಭೂಮಿ ಚಂದ್ರರು ಅಡ್ಡಡ್ಡಲಾಗಿ ಬರುವುದೇ ಎಕ್ಲಿಪ್ಸ್. ಕನ್ನಡದ ಅಥವಾ ನಮ್ಮ ವ್ಯವಸ್ಥೆಯಲ್ಲಿ ನಾವು ಆ ವೈಜ್ಞಾನಿಕವಾಗಿ ನಡೆಯುವ ಪ್ರಕ್ರಿಯೆಗೆ ಕರೆಯುವ ಹೆಸರು ಗ್ರಹಣ ಅಂದರೆ ಹಿಡಿದುಕೊಳ್ಳುವುದು. ಅಸಲಿಗೆ ಬಾಹ್ಯಾಕಾಶದಲ್ಲಿ ಸೂರ್ಯನೆಂಬ ನಕ್ಷತ್ರವೇ ಆಗಲಿ, ಭೂಮಿಯೆಂಬ ಗ್ರಹವೇ ಆಗಲಿ, ಚಂದ್ರನೆಂಬ ಉಪಗ್ರಹವೇ ಆಗಲಿ. ಯಾವುದೂ ಯಾವುದನ್ನೂ ಹಿಡಿದುಕೊಂಡಿರುವುದಿಲ್ಲ. ಹಾಗಾದರೇ ಗ್ರಹಣ ಹಿಡಿಯುವುದು ಎಲ್ಲಿ? ತರ್ಕಿಸಬೇಕು!

ಭೈರಪ್ಪರವರು ಮೊದಲು ಗೆಲ್ಲುವುದು ವಸ್ತುವಿನ ಆಯ್ಕೆಯಲ್ಲಿ. ಸಾರಸ್ವತ‌ ಲೋಕದಲ್ಲಿ ಪ್ರತಿ ಪುಸ್ತಕವೂ ಲೇಖಕನಿಗೆ ಒಂದು ಹೊಸ ಜನುಮದಂತೆ. ಅವರ ಧೋರಣೆಗಳು ಅವರ ಚಿಂತನೆಗಳು ಆಧುನಿಕ ಎನ್ನಲಾರೆ. ಅವು ವಾಸ್ತವಿಕವಾಗಿರುತ್ತವೆ‌. ಆಸ್ತಿಕ ಮತ್ತು ನಾಸ್ತಿಕವಾದಗಳ ಪರಿಧಿಯ ಆಚಿನದು ವಾಸ್ತವ. ಏಕೆಂದರೆ ಅದು ಕೇವಲ ನಂಬಿಕೆಯಲ್ಲ. ಪಾಲಿಸಿಕೊಂಡು ಬಂದ ಅಥವಾ ಪಾಲಿಸುವುದಿಲ್ಲ ಎನ್ನುವ ಶಾಸ್ತ್ರವೂ ಅಲ್ಲ. ವಾಸ್ತವ ಎಂದರೆ ಸತ್ಯ. ಭೈರಪ್ಪನವರು ಚಿಂತನೆಗಳು ಕೂಡ ಹಾಗೆಯೇ!!!

ಪರಿಚಯ

ಗ್ರಹಣ ಪುಸ್ತಕ ಈ ಮೇಲೆ ಹೇಳಿದಂತೆ ವ್ಯವಸ್ಥೆಯೆಡೆಗೆ ಹಲವಾರು ಪ್ರಶ್ನೆಗಳನ್ನು ಹುಟ್ಟಿಸುತ್ತದೆ. ಒಂದು ಉತ್ತಮ ಸಮಾಜವನ್ನು‌ ರೂಪಿಸಲು ವ್ಯವಸ್ಥೆಯು ಪಾರದರ್ಶಕ ‌ಗಾಜಿನಂತೆ‌ ಇರಬೇಕು. ಪ್ರಜೆ ಮತ್ತು ಪಾಲಕರ ನಡುವೆ ಅದೊಂದು ಪಾರದರ್ಶಕತೆ ಇರದಿದ್ದರೇ ಅದು ಉತ್ತಮ ಸಮಾಜದ ಲಕ್ಷಣವಲ್ಲ‌ ಎಂಬುದು ನನ್ನ ಅಭಿಪ್ರಾಯ. ಗ್ರಹಣ‌ ಕಾದಂಬರಿಯಲ್ಲೂ ಕೂಡ ಅದೇ ತೆರನಾದ ವಿಷಯ ಮತ್ತು ವಸ್ತು ಇದೆ. ನಮಗೆ ಸದ್ಯಕ್ಕೆ ವ್ಯವಸ್ಥೆಯೆಂಬುದು ಕನ್ನಡಿಯಂತಿದೆ. ನಾವು ನಮ್ಮ ಧೋರಣೆಗಳು‌, ನಮ್ಮ ಚಿಂತನೆಗಳು ವ್ಯವಸ್ಥೆಯಂತೆ ಪ್ರತಿಬಿಂಬಿಸುತ್ತಿವೆ. ನಾವು ಭಾಗಶಃ ಒಪ್ಪಿದ್ದೇವೆ. ಆದರೆ ಕನ್ನಡಿಯ ಗಂಟಿನ‌ ಹಿಂದೆ ನಡೆಯುತ್ತಿರುವ ಪಿತೂರಿ‌ ಮತ್ತು ಶಾಸ್ತ್ರದ ‌ಹೆಸರಿನಲ್ಲಿರುವ ಮೂರ್ಖ‌ನಂಬಿಕೆಗಳು ಕಾಣಿಸುವುದೇ ಇಲ್ಲ. ಗ್ರಹಣ ಪುಸ್ತಕದ ವಿಶೇಷತೆ ಇರುವುದೇ ಆ ವಿಚಾರದಲ್ಲಿ!

ಪಟ್ಟಣ ಎಂದು ಕರೆಸಿಕೊಳ್ಳಬಲ್ಲ ಹಿಮಗಿರಿ ಎಂಬ ಗ್ರಾಮದ ಸುತ್ತಮುತ್ತ‌ ನಡೆಯುವ ವಿದ್ಯಮಾನಗಳು ಗ್ರಹಣ ಪುಸ್ತಕದ ಒಟ್ಟು ಸಾರಾಂಶ. ಪುಸ್ತಕ ಆರಂಭವಾಗುವುದು ಒಂದು‌ ಶಿಕ್ಷಣ ‌ಸಂಸ್ಥೆಯ ಸಮಾರಂಭದಲ್ಲಿ. ಕಾಲೇಜಿನ ಪ್ರಿನ್ಸಿಪಾಲರು ಆ ಸಮಾರಂಭದಲ್ಲಿ ಗ್ರಹಣದ ಕುರಿತು ಅವರ ವೈಜ್ಞಾನಿಕ ನಿಲುವುಗಳನ್ನು ಮಂಡಿಸುತ್ತಾರೆ. ಆದರೆ ಪುಸ್ತಕದುದ್ದಕ್ಕೂ ಗ್ರಹಣದೆಡೆಗಿನ‌ ಮೂಢನಂಬಿಕೆಗಳ ಬೇಳೆಯನ್ನು ಬೇಯಿಸುವ ಪ್ರಯತ್ನವನ್ನು ಇತರ ಪಾತ್ರಗಳು ಮಾಡಿದ್ದಾರೆ. ವಿಪರ್ಯಾಸವೇ ಸರಿ. ವಿಜ್ಞಾನ ಎಷ್ಟು ಮುಂದುವರೆದರೂ ವ್ಯವಸ್ಥೆ ಮುಂದುವರೆದಿಲ್ಲ‌‌ ಎಂಬುದಕ್ಕೆ ಆ ಪ್ರಯತ್ನ "ಅಂಗೈ ಮೇಲಿನ ಹುಣ್ಣಿನಂತೆ" ಭಾಸವಾಗುತ್ತದೆ.

ಅದೇ ಸಮಾರಂಭದಲ್ಲಿ ಊರಿನ‌‌ ಗುರು ಹಿರಿಯರು, ಮುಖ್ಯಸ್ಥರು ಇರುತ್ತಾರೆ. ಹಿಮಗಿರಿ ಪಟ್ಟಣವೆಂದು‌ ಕರೆಸಿಕೊಳ್ಳುವ ಮಟ್ಟಕ್ಕೆ ಬೆಳೆಯಲು‌ ಅತಿ ಮುಖ್ಯ ಕಾರಣ ಅಲ್ಲಿನ ಹಿಮಗಿರೀಶ್ವರ ಮಠ ಮತ್ತು ಅದರ ಸ್ವಾಮಿ. ಅವರು ಊರಿಗೆ ಬಂದಮೇಲೆ ಅವರ ಆಧ್ಯಾತ್ಮಿಕ ‌ಶಕ್ತಿಯಿಂದ ಊರು ಉದ್ಧಾರವಾಯಿತು ಎಂಬ ನಂಬಿಕೆಗಳಿರುತ್ತವೆ. ಅದೊಂದು‌ ಪುಣ್ಯಕ್ಷೇತ್ರದಂತಾಗಿರುತ್ತದೆ. ದಕ್ಷಿಣದ‌ ಹಿಮಾಲಯವೇನೋ ಎಂಬಷ್ಟು!!! ಅವರು "ಸ್ವಾಮಿ" ಆದಾಗಿನಿಂದ ಊರಲ್ಲಿ ಶಾಲೆಗಳು, ಆಸ್ಪತ್ರೆ, ಪ್ರಸೂತಿ ಗೃಹಗಳು, ಹಾಸ್ಟೆಲ್‌‌ಗಳು ಸೇರಿದಂತೆ ಹಲವಾರು ಸಮಾಜಮುಖಿ ಕಾರ್ಯಗಳು ನಡೆದಿರುತ್ತವೆ. ಅವರು ಹಿಮಗಿರೀಶ್ವರ ಮಠದ ಮಠಾಧೀಶ ಎಂದು ಜನರು ದೇಣಿಗೆಯನ್ನು ಮಳೆ ಸುರಿಸುತ್ತಿರುತ್ತಾರೆ.

ಅದೇ ಸಮಾರಂ‌‌ಭದಲ್ಲಿ ಪ್ರಸೂತಿ ಗೃಹದ ��ುಖ್ಯ ವೈದ್ಯೆ ಸರೋಜಮ್ಮ ಕೂಡ ಇರುತ್ತಾರೆ.

ಪ್ರಸ್ತುತ ಸ್ವಾಮಿಗಳು ಹಿಮಗಿರಿಯ ಮುಂದಾಳತ್ವ ವಹಿಸುವ ಮುನ್ನ ಐದು ತಲೆಮಾರುಗಳ‌ ಹಿಂದೆ‌ ಊರಿನ ದೊಡ್ಡ ‌ಕುಳವಾದ ಅಪ್ಪೇಗೌಡರ ಮುತ್ತಾತನಿಗೆ ಅಂದಿನ ಮಠಾಧೀಶರು ಮಠ ತೊರೆದು‌ ಹಿಮಾಲಯಕ್ಕೆ ಹೋಗುತ್ತೇನೆ ಎಂದು ತಿಳಿಸುತ್ತಾರೆ. ಮಠದ ಗತಿ ಎಂದು ಕೇಳಿದಾಗ ಹಿಮಾಲಯದಿಂದ ಬರುವ ವ್ಯಕ್ತಿಯೊಬ್ಬರು ‌ಹಿಮಗಿರಿಯನ್ನು ಸರಿ ದಾರಿಗೆ ತರಲಿದ್ದಾರೆ ಎಂದು ಕಾಲ‌ಜ್ಞಾನವನ್ನು ನುಡಿದು ಹೋಗುತ್ತಾರೆ. ಅದರಂತೆಯೇ‌ ಐದು‌ ತಲೆಮಾರಿಗೂ‌ ಸಾಗಿ ಬರುವ ಈ ಜವಾಬ್ದಾರಿ ಅಪ್ಪೇಗೌಡರ ಹೆಗಲೇರಿರುತ್ತದೆ. ಅದಕ್ಕೆ‌ ಪುಷ್ಟಿ ಎಂಬಂತೆ ಪ್ರಸ್ತುತ‌ "ಸ್ವಾಮಿಗಳು" ಊರಿಗೆ ಬಂದಾಗ ಪೂರ್ವಾಪರ ವಿಚಾರಿಸಿ ಮಠಾಧೀಶರಾಗುವಂತೆ ಕೋರಿಕೊಂಡಿರುತ್ತಾರೆ.‌ ಆದರೆ!!!!

ಭೈರಪ್ಪನವರ ಪುಸ್ತಕಗಳಲ್ಲಿ ಕಾಣಸಿಗುವ ಮತ್ತೊಂದು ಅಂಶ, ಭೂತ ಮತ್ತು ವರ್ತಮಾನ! ಒಂದು ಕಥೆ‌ ಹೇಳಿದರೇ ಅದಕ್ಕೊಂದು‌ ಪೂರ್ವ ವೃತ್ತಾಂತ ಹೇಳಿರುತ್ತಾರೆ. ಅದರ ಫಲಿತಾಂಶವೆಂಬಂತೆ ಕಾದಂಬರಿಯಲ್ಲಿ ಮಿನಿ ಕ್ಲೈಮ್ಯಾಕ್ಸ್ ಮತ್ತು ಮಿನಿ ಆರಂಭಗಳು ಇರುತ್ತವೆ. ಅಂತೆಯೇ‌ ಆ ಅಂತ್ಯ ಆರಂಭಗಳು ಕಾದಂಬರಿಗೆ ಇನ್ನೊಂದು ಹೊಸ ಕೋನವನ್ನು ನೀಡಿ‌ ಕಾದಂಬರಿಯ ಓಘವನ್ನು ಇನ್ನಷ್ಟು ತೀಕ್ಷ್ಣಗೊಳಿಸುತ್ತವೆ.‌ ಬ್ರಹ್ಮಚರ್ಯ ಗೃಹಸ್ಥ ವಾನಪ್ರಸ್ಥ ಸನ್ಯಾಸ ಎಂಬುದು ಹಿಮ್ಮುಖವಾಗಿ ಚಲಿಸುವುದು ಚಲಿಸಿರುವುದು ಸರಿಯಾ ಎಂಬ ಶಾಸ್ತ್ರಬದ್ಧ ತರ್ಕ ಶುರುವಾಗುತ್ತದೆ. ಅಸಲಿಗೆ ಸ್ವಾಮಿ ಸನ್ಯಾಸಿಯಾಗಿದ್ದರಾ ಅಥವಾ ಸಂಸಾರಿಯಾಗಿದ್ದರಾ? ಅವರು ಅವರ ತತ್ವ ನಿರ್ಧಾರ ಮತ್ತು ನಿಲುವುಗಳನ್ನು ಸಮರ್ಥಿಸಿಕೊಳ್ಳಲು ವ್ಯವಸ್ಥೆ ಮತ್ತು ವಾಸ್ತವ ಬಿಟ್ಟಿತಾ?

ಮಠ ಮತ್ತು ಮಠಾಧಿಪತ್ಯ‌ ಮಾತ್ರವಲ್ಲದೇ, ಪುಸ್ತಕದಲ್ಲಿ ಸಂಸಾರದ ತಾಪತ್ರಯಗಳಿವೆ. ಪಾತ್ರಗಳು ಅಚ್ಚಳಿಯದೆ ಉಳಿದುಹೋಗುವಂತಹ ಅದ್ಭುತವಾದ ನಿರೂಪಣೆಯಿದೆ. ಶಾಸ್ತ್ರಿಗಳು, ಅಚ್ಚಮ್ಮ ಇನ್ನಿತರ ಮುಖ್ಯ ಪಾತ್ರಗಳು. ಇವರೊಂದಿಗೆ ಬರುವ ಪ್ರಿನ್ಸಿಪಾಲರ ಪತ್ನಿ ಲಲಿತಾಳ ಪಾತ್ರ ಎಂಥವರಿಗೂ ಕರುಳು ಹಿಂಡುವಂತೆ ಮಾಡುತ್ತದೆ ಎಂದರೆ ಪ್ರಾಯಶಃ ಅದು ತಪ್ಪಾಗುವುದಿಲ್ಲ.

ಲಲಿತಾ ಏನು ಮಾಡಿದ್ದಳು, ಸಮಾಜ‌ಮುಖಿಯಾದ ಸ್ವಾಮಿಗಳು ಪಾಲಿಸುವ ತತ್ವಗಳ ಹಿಂದಿನ ಕಾರಣಗಳೇನು, ಪುಷ್ಟಿ ನೀಡಿದ ಅಂಶಗಳೇನು, ಅವರ ಸಮರ್ಥನೆಗಳೇನು, ವ್ಯವಸ್ಥೆ ಅದನ್ನು ಒಪ್ಪಿತಾ ಅಥವಾ ಎಂದಿನಂತೆ ತನ್ನದೇ ಆದ ಕಥೆಯೊಂದನ್ನು‌ ಕಟ್ಟಿತಾ ಎಂಬ ಯಾಕೆ ಏನುಗಳ ನಿಮ್ಮ ಮನದಲ್ಲಿ ಮೂಡಿದ್ದರೆ ಗ್ರಹಣ ಪುಸ್ತಕವನ್ನು ದಯವಿಟ್ಟು ಓದಿ. "ವ್ಯವಸ್ಥೆಗೆ ಹಿಡಿದ ಗ್ರಹಣ ಬಿಡಬೇಕೋ ಬಿಡುತ್ತೀರೋ ಬಿಡಿಸುತ್ತೀರೋ" ನಿರ್ಧಾರಗಳು ನಿಮ್ಮವು!!!

ಪರಿಸಮಾಪ್ತಿ

ಗ್ರಹಣ ಪುಸ್ತಕವು ಮಠದ ಮತ್ತು ಮಠಾಧೀಶರ ಜೀವನದ ವಿದ್ಯಮಾನಗಳು ಬಗ್ಗೆ ಮಾತನಾಡಿದೆ. ಅದಕ್ಕೆ ವ್ಯವಸ್ಥೆ ಮತ್ತು ಸಮಾಜದ ಪ್ರತಿಕ್ರಿಯೆಯನ್ನು ಒಳಗೊಂಡಿದೆ ಎಂದುಕೊಂಡರೆ ಮೂರ್ಖತನವೇ ಸರಿ. ವೈಯಕ್ತಿಕವಾಗಿ ನನಗೆ ಮಠ ಮತ್ತು ಮಠಾಧೀಶ ಇಲ್ಲಿ ಕೇವಲ ಒಂದು ಉಪಮೆಯಂತೆ ಕಂಡವು. ಭೈರಪ್ಪರವರು ಆ ಎರಡು ಉಪಮೆಗಳ ಮುಖಾಂತರ ನಾವು ಪ್ರಶ್ನಿಸದೇ ಅನುಸರಿಸುತ್ತಾ ಬಂದಿರುವ ಎಷ್ಟೋ ಸಾಮಾಜಿಕ ಕಟ್ಟುಪಾಡುಗಳ ಕಟ್ಟೆಯನ್ನು ಕೆಡವಿ ನಮ್ಮ ಆಲೋಚನೆಗಳಿಗೆ ಹಿಡಿದಿರುವ ಗ್ರಹಣವನ್ನು ಬಿಡಿಸಿ ಅಡ್ಡ ನಿಂತಿರುವ ಮೂರ್ಖ ನಂಬಿಕೆಗಳ ಎಕ್ಲಿಪ್ಸ್ ಅನ್ನು ಸರಿಸಲು ಪ್ರಯತ್ನಿಸಿದ್ದಾರೆ ಎಂದನಿಸಿತು.

ಮುಗಿಸುತ್ತೇನೆ..!!!

ಈ ೨೦೪ ಪುಟಗಳ ಪುಸ್ತಕದ ಸಾರ್ಥಕ ಓದು ನಿಮ್ಮದಾಗಲಿ!!!

ಶುಭವಾಗಲಿ,

ಅಭಿ...

[Sunil Dasappanavar · Rating 1 out of 5]

ಶುರು ಮಾಡಿದ ತಪ್ಪಿಗೆ ಕಷ್ಟಪಟ್ಟು ಓದಿ ಮುಗಿಸಿದ ಪುಸ್ತಕ. ಒಂದು ಸಣ್ಣ ಕಥೆಯಾಗಬಹುದು ವಿಷಯವನ್ನು ಭೈರಪ್ಪನವರು ಹಿಗ್ಗಿಸಿ ಒಂದು ಕಾದಂಬರಿ ಮಾಡಿದ್ದಾರೆ. ಯಾವ ಪಾತ್ರಕ್ಕೂ ಒಂದು ಸ್ಪಷ್ಟತೆ ಇಲ್ಲ. ಪಾತ್ರಗಳ ವಿಷಯಾಂತರ ಇದು ಇವರ ಕಾದಂಬರಿಯೇ ಅನ್ನುವಷ್ಟು ಅನುಮಾನ ಬರಿಸುತ್ತದೆ.

[Chandrika Mysore · Rating 5 out of 5]

A great read! ಪಾತ್ರಗಳ ಭಾವನೆಗಳು ಹಾಗೂ ಯೋಚನೆಯ, ಸರಿ ತಪ್ಪು, ಶಾಸ್ತ್ರ ವಿಜ್ಞಾನ ಗಳ ಸುಳಿಯಲ್ಲಿ ಸಿಕ್ಕಿಕೊಳ್ಳುವಂತಹ ಸನ್ನಿವೇಶಗಳು, ಮತ್ತು ಪಾತ್ರಗಳ ಮನಸಿನ ಗೊಂದಲವನ್ನು ಅದ್ಭುತವಾಗಿ ಬರೆದಿದ್ದಾರೆ.. ಸನ್ನಿವೇಶಗಳನ್ನು ಬರೆಯುವುದು ಸುಲಭ, ಆದರೆ ಪಾತ್ರಗಳ ಮನಸಿನ ಆಲೋಚನೆಗಳನ್ನು ಓದುಗರಿಗೆ ಎಲ್ಲೂ ಏನು ತಪ್ಪದಂತೆ ಮುಟ್ಟಿಸುವುದು ಭರಪ್ಪ ನವರ ವೈಶಿಷ್ಟ್ಯ!

[Niteesh Bhat · Rating 4 out of 5]

'Grahana', the book revolves around all the superstitions that we all have heard in the Indian society. How these deep rooted false beliefs about the eclipse can be misused or used to hide the truth. How difficult is it to break and change people's minds ?

The story is interesting, relatively short compared to other SLB works. Its well written and it makes us think what we believe and follow.

[Dr Henry chinasky · Rating 4 out of 5]

arishadvargagalige horagadavaru yaaruntu

[Chinmay · Rating 5 out of 5]

very compelling and thought provoking novel. Another gem from S.L.Bhairappa , who is undoubtedly one of the best story tellers in India.

[Venkatesh J · Rating 4 out of 5]

Its a good novel, very interesting

[Swathi S · Rating 5 out of 5]

ಗ್ರಹಣ
ಮೊದಲನೆಯದಾಗಿ ವೈಯುಕ್ತಕವಾಗಿ ನನಗೆ ಭೈರಪ್ಪ ಅವರ ಕಥಾವಸ್ತು ಯಾವಾಗಲೂ ಇಷ್ಟ ಆಗೋ ಅಂಥದ್ದು. ನಮ್ಮ ಮಧ್ಯದಲ್ಲೇ ನಡೆದ ಎಷ್ಟೋ ಘಟನೆಗಳು, ನಮ್ಮದೇ ಊರಿನಲ್ಲಿ ನಡೆದ ಘಟನೆಗಳು, ಅಲ್ಲೆಲ್ಲೋ ಕೇಳಿದ ಘಟನೆಗಳು. ಇಂಥವೇ ಭೈರಪ್ಪ ಅವರ ಕಥಾವಸ್ತು. ಆದರೆ ಇವರ ಬರವಣಿಗೆ ಓದಿದ ಮೇಲೆ, ಅಯ್ಯೋ ನಾನು ಈ ರೀತಿಯಲ್ಲಿ ಯೋಚನೆ ಮಾಡೆ ಇರಲಿಲ್ಲ ಅಲ್ವ ಅಂತ ಅನಿಸುತ್ತೆ.

ಅಂಥದ್ದೇ ಒಂದು ಕಥೆ ಗ್ರಹಣ. ಅನಿಷ್ಟಕ್ಕೆಲ್ಲಾ ಶನೀಶ್ವರನೇ ಕಾರಣ ಅನ್ನೋ ಹಾಗೆ ಇಲ್ಲಿ ನಡೆಯೋ ಸುಮಾರು ಘಟನೆಗಳಿಗೆ ಗ್ರಹಣ ಕಾರಣ ಅನ್ನೋ ಕಥೆ.

ಅತೀ ಸೂಕ್ಷ್ಮವಾಗಿ ಗಮನಿಸಿದರೆ, ಇಲ್ಲಿ ಗ್ರಹಣಕ್ಕಿಂತ ಹೆಚ್ಚು ಮುನ್ನಲೆಗೆ ಬಂದಿರೋದು, ಭಕ್ತಿ ಮತ್ತು ಸೇವೆಯ ಸಂಭಂದ.

ಹಿಮಾಗಿರಿ ಅನ್ನೋ ಊರು. ಪಾಳು ಬಿದ್ದಿರುವ ಮಠ. ಎಲ್ಲಿಂದನೋ ಬಂದ ಒಬ್ಬ ಸನ್ಯಾಸಿ. ಊರಿನ ಜನರಿಗೆ, ಶಾಸ್ತ್ರಿಗಳಿಗೆ, ಮುಖ್ಯಸ್ಥರಿಗೆ ಸನ್ಯಾಸಿ ಮಠದ ಪೀಠಧಿಪತಿಗಳಾಗಬೇಕು, ಮಠ ಅಭಿವೃದ್ದಿ ಮಾಡಬೇಕು ಅನ್ನೋ ಅಭಿಲಾಷೆ. ಸನ್ಯಾಸಿಗೆ ಊರಿನಲ್ಲಿ ಶಾಲೆ ಆಸ್ಪತ್ರೆ ಕಟ್ಟಬೇಕು. ಅಭಿವೃದ್ದಿ ಮಾಡಬೇಕು. ಇದೆಲ್ಲ ಜನರ ಧನ ಸಹಾಯದಿಂದ ಆಗಬೇಕು. ಆದರೆ ಜನ ಸ್ವಾಮನಸ್ಸಿನಿಂದ ಸಹಾಯ ಮಾಡಬೇಕು. ಮಠ ಸ್ವಾಮಿ, ಭಕ್ತಿ, ಭಯ ಇದ್ಯವುದರಿಂದಲೂ ಆಗಕೂಡದೆಂದು ಅನ್ನೋ ಅಭಿಪ್ರಾಯ.

ಹೀಗೆ ಕಥೆಯ ಸಾರದ ತುಂಬಾ ಧರ್ಮ, ಸೇವೆ, ಆಧ್ಯಾತ್ಮ, ಜನರ ಮೂಡನಂಬಿಕೆ, ಧರ್ಮದ ಬಗೆಗಿನ ತಪ್ಪು ಕಲ್ಪನೆ ಹೀಗೆ ಹಲವಾರು ವಿಷಯಗಳ ಬಗ್ಗೆ ವಿವರಣೆ ಸಾಗುತ್ತಾ ಹೋಗುತ್ತದೆ. ಎಷ್ಟೋ ಸಲ ನಮ್ಮ ನಿಮ್ಮ ಇಷ್ಟು ದಿನದ ನಂಬಿಕೆಯನ್ನು ಸಹ ಪ್ರಶ್ನೆ ಮಾಡಿಕೊಳ್ಳೋ ಹಾಗೆ ಮಾಡುತ್ತೆ ಭೈರಪ್ಪ ಅವರ ಬರವಣಿಗೆ.

ಭೌರಪ್ಪನವರ ಬರವಣಿಗೆಯ ಇನ್ನೊಂದು ವಿಶೇಷ ಎಂದರೆ, ಅವರ ಪುಸ್ತಕ ಓದೊಡಕ್ಕೆ ಶುರು ಮಾಡಿದರೆ ಕಥೆ, ಪಾತ್ರ, ಸನ್ನಿವೇಶಗಳು ನಮ್ಮನ್ನು ಆವರಿಸಿಕೊಂಡು ಬಿಡುತ್ತವೆ. ನಾವು ಅದರ ಒಂದು ಭಾಗವೇ ಅನ್ನೋ ಹಾಗೆ ಅನ್ಸತ್ತೆ.
ಲಲಿತಮ್ಮ ಗೆ ಹೆರಿಗೆ ನೋವು ಶುರುವಾಗಿ ಹೆರಿಗೆ ಕಷ್ಟ ಆಗ್ತಿದೆ ಅಂತ ಓದ್ದಾಡೋವಾಗ ನಮ್ಮೊಳಗೂ ಒಂದು ತಳಮಳ ಪ್ರಾರಂಭ ಆಗುತ್ತೆ. ಲಲಿತಳಿಗೆ ಸುಲಭವಾಗಿ ಹೆರಿಗೆ ಆಗಲಿ ಅಂತ ಅಂದುಕೊಳ್ಳೊ ಅಷ್ಟು ಕಥೆಯಲ್ಲಿ ನಮ್ಮನ್ನ ಲೀನವಾಗಿಸುತ್ತವೆ.

ಒಟ್ಟಿನಲ್ಲಿ ಗ್ರಹಣ ಧರ್ಮ, ಸೇವೆ, ಆಧ್ಯಾತ್ಮ ಇವುಗಳ ಮೇಲಿನ ನಮ್ಮ ನಂಬಿಕೆಗೆ ಹಿಡಿದ ಗ್ರಹಣ ಬಿಡಿಸೋದಂತೂ ಖಂಡಿತ.

[Krishna · Rating 4 out of 5]

This is a 3 star book, but I have rated it 4 star keeping mind the date of its first publication which was in 1972 and then author's own work of telling how the story was formed 4 years ago and then he had re written it 2 years later i.e. around 1970.

The story is simple, it still exist, it still happens, even in 2023. It explores the reality of daily life in the eyes of few major characters who either part of the ruling ecosystem capable of changing the course of life path, and other are those who happen to belong very closely or in relation of these characters.

All in all its a mind blowing journey, not to mention the effort put in knowing the system as is and to put it in words, some words which are still taboo even in the present day is expressed without fabrication. The story in all is the war between faith and reality, they belong together, they wage war, they part, but again somehow they join back. The ending shows this.

If there is a chance for you to read and travel the path that was taken by the ordinary people a few decades after the independence, then take that chance. The story explores the very mind of factions belonging to traditionally and modernly educated, how each weigh in their options and decisions just to co-exist.

[Hari · Rating 5 out of 5]

As usual one of best works of SL Byrappa, Most of the books of Byrappa deals with Question "What is dharma?"

The End is abrupt and the reader longs for more, Not only it Triggers so many questions in the reader mind.

Did swami succeed in its endevor to remove that religious practise are not need for the upliftment of the mankind.
Did the Professor and his wife realize no matter how much they hide - some day the truth about their pursuit to have progeny will come out.
Did the Yagneswar shastri realize that he is causing more harm in the name of tradition.
What happen to the students whose ignorance was removed at least to some extent by Swamiji/Bhaskar .
What triggers/caused Saroja to confess the truth at the end -- is it guilt or self realization...
What happens to the Hemagirishvara Kalyana comittee
We know for sure the eclipse/grahana is short lived. So in the end did truth finally prevail and get over the ignorance/fallacy that eclipsed it.

One thing for sure i know can say with utmost certainty is that - the reader's grahana (ignorance/falsehoot) is removed to some extent by this novel and for that i am forever grateful to byrappa.

[Srilekha CB]

ಗ್ರಹಣ ಎಂದರೆ ಹಿಡಿದುಕೊಳ್ಳುವುದಲ್ಲ, ಮರೆಮಾಚುವುದು...

ಹಿಮಗಿರಿ, ಮಠ, ಹಿಮಗಿರಿ ಕಲ್ಯಾಣ ಸಮಿತಿ, ಸ್ವಾಮಿಗಳು, ಅವರ ಕರ್ಮಯೋಗ, ಶಾಲಾ ಕಾಲೇಜು ಆಸ್ಪತ್ರೆಗಳ ನಿರ್ಮಾಣದ ಮೂಲಕ ಅವರ ಸಮಾಜ ಸೇವೆ,  ಡಾ. ಸರೋಜಮ್ಮ, ಅವರ ವೈದ್ಯಕೀಯ ಜ್ಞಾನ, ಸೇವೆ, ಧೈರ್ಯ, ಪ್ರಾಂಶುಪಾಲರು, ಅವರ ಬ್ರಹ್ಮಚರ್ಯ , ಬ್ರಹ್ಮಚರ್ಯದಿಂದ ಗೃಹಸ್ಥಾಶ್ರಮಕ್ಕೆ ಅವರ ಪಯಣ, ಅವರ ಪತ್ನಿ ಲಲಿತಮ್ಮ, ಅವರ ಸುಳ್ಳು ಗರ್ಭ, ಯಗ್ನೇಶ್ವರ ಶಾಸ್ತ್ರಿಗಳು, ಅವರ ಬುದ್ಧಿವಂತಿಕೆ ವಾಕ್ಚಾತುರ್ಯ, ಸಂದರ್ಭಗಳನ್ನು ನಿಭಾಯಿಸುವ ಶಕ್ತಿ, ಅವರ ಹೆಂಡತಿ ಅಚ್ಚಮ್ಮ, ಅವರ ಮಡಿವಂತಿಕೆ, ಮಾತೃ ಹೃದಯ, ಅಪ್ಪೇಗೌಡರು, ಅವರ ದಾನಗುಣ, ಅವರದೇ ಆದ ಧರ್ಮ ಶ್ರದ್ಧೆ , ಚಂದ್ರಪ್ಪ, ಅವರ ರಾಜಕೀಯ, ಸ್ವಾರ್ಥ, ಶಿವಪ್ಪ, ಯುವ ವಿದ್ಯಾರ್ಥಿ,ಅವನ ಪ್ರಶ್ನೆ ಮಾಡುವ ಧೈರ್ಯ, ಸ್ವಾಮಿಗಳ ಸನ್ಯಾಸಾಶ್ರಮದಿಂದ ಗೃಹಸ್ಥಾಶ್ರಮದ ಪಯಣ.. ಅದರ ಧರ್ಮ ಸಂಕಟ.. ಇನ್ನು ಬಹಳಷ್ಟು ವಿಷಯಗಳ ಬಗ್ಗೆ ಚರ್ಚೆ ಮಾಡಿದ್ದಾರೆ ಭೈರಪ್ಪನವರು... "ಇಲ್ಲದ್ದನ್ನು ಇಲ್ಲವೆನ್ನಲು ಅಳುಕಿ ಇದೇ ಎಂದು ಸಾಧಿಸುವುದು ಎಷ್ಟು ಸುಳ್ಳೋ, ಇರುವುದನ್ನು ಇದೆ ಎನ್ನಲು ಹೆದರಿ ಇಲ್ಲವಾಗಿಸಿಕೂಂಡರೆ ಅದು ಕೂಡ ಅಷ್ಟೇ ಸುಳ್ಳು." ಎಂಬ ಸಾಕ್ಷಾತ್ಕಾರದ ಸಂದೇಶವನ್ನು ಕೊಟ್ಟು, ಸಾಮಾಜಿಕ ಕಟ್ಟುಪಾಡುಗಳ ಕಟ್ಟೆಯನ್ನು ಕೆಡವಿ ನಮ್ಮ ಆಲೋಚನೆಗಳಿಗೆ ಹಿಡಿದಿರುವ ಗ್ರಹಣವನ್ನು ಬಿಡಿಸಲು  ಪ್ರಯತ್ನಿಸಿದ್ದಾರೆ...