وبدأ الظلام

by عمرو المنوفي

حينما يلتف الظلام حولك بحر ملته القائمة

ويترك الضياء
ندبة في صفحاتك المتلاشية
ويغزو البرد قلبك
والصقيع عقلك
وترتجف اطرافك من الهول القادم
ففي عالم الظلام لا مجال لفرصة ثانية

152 pages, Paperback

First published January 1, 2009

Reviews

[هاشم السداوى · Rating 1 out of 5]

طبعا النجمة دى ليا انا طبعا عشان قدرت اعصر على نفسى كيلو ليمون واخلص العك ده

[Hadeer · Rating 1 out of 5]

:( انا مش هوجه اي كلام للكاتب ! لانه كتب و شلنا وخلاص ! بس انا بوجه الكلام للي ناوي يقراها

بلااش ! وافتكر اني قولت بلاش عشان مرااارتك مش هتستحمل تقرا روايه في الاخر ولا هتفهم حاجه ولا هتلاقيلها نهايه اساسا :v !

[عمر الخير · Rating 1 out of 5]

مش عارف ليه حسيت أن الكتاب دا استهتار بعقلية القارئ

ما بين السياق العام المهري في 100 الف عمل قبل كدا

وما بين الحشو الرهيب الموجود في

دا الحشو اكتر من الأحداث

[Khaled Saleh · Rating 1 out of 5]

فعلا من اسوأ ما قرأت
اتمني من هذا الشخص اﻻ ينشر شيئا" قبل التأكد من مستواه الفني

عيييييب بجد علي دور نشر كبيره زي دار ليلي انها تنشر الهطل ده

قال عالم النور وعالم الظلام وشهد وطاقات

دي افﻻم السبكي انضف يا راجل !!!!

[Jasmine · Rating 1 out of 5]

في الحقيقة بجد انا مش عارفة اعمل تقييم للرواية ديه .... مش عارفة اديها نجمة واحدة ويمكن تكون متستحقهاش ولا اديها تلات نجوم على الاقل لخيال الكاتب اللي كان واضح في الرواية .... الحقيقة احييه عليه لو هو اتخيل كل ده في دماغه عشان يقدر ينقله على الورق .... لكن وانت بتقرا تحس انك بتتفرج على انمي خيال علمي ..... في الاول افتكرت ان موضوع الرواية الجن والشياطين وكدة وهو اللي برع الكاتب الحقيقة في اظهاره في كتاب حكايات الموتى .... المجال ده كان لايق عليه .... انصحه بالاستمرار فيه ..... اخاف اني اكون مش محايدة لاني اساسا باكره افلام وروايات الخيال العلمي وباعتبرها انها اي حاجة تيجي في دماغ الكاتب يحطها في رغيف ... معلش قصدي في ورقة :D .... ده مش عيب على الكاتب ده انا باعتبر كل كتاب الخيال العلمي كدة .... لان مفيش اسهل من انك تسمح لعقلك انه يتجه لاكثر شطحات العقل جنونا وتسيبه يحلم باللي نفسه فيه وتكتبه على ورقة .... حرب بين الكواكب حط ... فضائيين وسفن فضاء وماله .... ناس بتخطف البني ادمين تعمل عليهم تجارب ميضرش ماله فيلم independence day مش وحش ..... بس اللي بحيي الكاتب عليه بجد هو قدرته على وضع القارئ معاه في هذا الخيال ..... سواء بحبه او مبحبوش فانا كشخص معنديش القدرة على صياغة شطحات عقلي بهذا الشكل .... ده اللي بحيي عليه الكاتب .... اما القصة والاسلوب ففكرني جدا جدا جدا باسلوب دكتور نبيل فاروق ومش عارفة ليه اذ فجاة قارنت في دماغي بين هذه الرواية ورواية عزازيل .... حسيت بحاجات كدة مش كويسة الحقيقة :D .... وكنت هسيب الرواية ومكملهاش ويمكن استخدمها استخدامات اخرى بس لاني باعتبر اني اسيب كتاب من نصه ده خسارة ليا لاني ممكن استفيد منه حتى بمعلومة صغيرة واني افرط في اي كتاب عندي ده بردو خسارة مادية فكملته للاخر .... بس هذا لا يمنع اني مع راي كل التعليقات على الرواية انها من اسوء روايات الكاتب .... تحية على اسلوبك في اخراج خيالك بس والنبي كفاية كدة :D .... انا بهزر والله

[Abdullah · Rating 1 out of 5]

إيه الهبل ده ؟!!

[Mostafa Saad · Rating 1 out of 5]

وعلى رأي روزو بنتي
بففففففففففففففففففففففففففففف على دي رواية

[Sara · Rating 1 out of 5]

انا هعمل الريفيو دا عشان اقول محدش يقرا الشئ دا
النجمة دى لمرارتى اللى استحملت معايا انها تقرا الكلام المكتوب دا
تقريبا كتبه وهو بيتفرج على فيلم Thor
او شئ من هذا القبيل عيب اوى بجد

[Cha.Me · Rating 1 out of 5]

هرتلة وخرابيط وسرد بائس أبله !!!!! ماهذا ؟؟ اي جريمة ارتكبتموها في حق الورق بكتابة هذه المهزلة !!!! واهم شيء انها مصنفة رعب !!! ههه فعلا شيء مثير للشفقة الرعب بنفسه مستغرب اللي يحصل !!! قرأت بضع صفحات وشعرت بعوارض الجلطة .. ليتني قرأت تعليقات الناس قبل اقرأها ، وبعدين حضرة الكاتب فجأة انتقل بالسرد من لسان حلمي الى الراوي العليم .. كذا بدون اي مقدمات !! ع الاقل لو تركت السرد الثاني يبدأ بفصل جديد !! فعلا شيء منرفز

[Batoul Garnit · Rating 2 out of 5]

قيمتها نجمتين للبداية المشوقة فقط أما باقي الرواية فلا هو رعب و لا هو تشويق. بعد قرائتي للبداية تشوقت كثير للاحداث اللي راح تحصل بعدين بس تعرضت لخيبة امل لما وصلت حبكة الرواية جد طفولية و تافهة عوالم ثانية و كلام فارغ ملوش أي لزمة.

[Lolo. · Rating 1 out of 5]

ما قدرت اكملو صراحة و اكتفي بالقدر اللي وصلتلو اكتر من كدا حتعب 🙂

[Fatemah Abdel Haleem · Rating 1 out of 5]

لا لغة ولا قصة ولا سرد ولا حبكة ... معرفش إيه اللي خبطني ف نافوخي خلاني أقرأها

[Dina · Rating 1 out of 5]

الرواية ممكن تكون كويسة بس انامش من محبي ال star wars و اعتقد دمجها بالفراعنة مش ظريف
دا رأيي عشان نوع الرواية مش عجبني بس عمرو المنوفي بشكل عام من المؤلفين المفضلين عندي

[Ramy · Rating 2 out of 5]

يقول العقاد
لا يوجد كتاب لا تستفيد منه شىء حتى الكتب التافهة تتعلم منها معنى التفاهة

عمرو المنوفى كاتب رعب ممتاز و له روايات و قصص اروع بكثير
لكن القصة دى اتسلقت الثيمة مكررة حرب و حشد قوى النور ضد قوى الظلام
لا اعرف ااصنفها ك قصة رعب او فنتازيا او خيال علمى
و للاسف فى كل صنف من دول هى اصلا ساقطة

القصة كان ممكن ان تكون ف نصف او ثلثى عدد الصفحات لولا طريقة د نبيل فاروق فى الكتابة و التى الهمت جيل كامل
فاصبحوا يقلدونها هى و اسلوب د احمد خالد توفيق لا شعوريا
و حينما تسالهم يقولون نعم هذا هو اسلوبى الخاص

و اندفع يحطم فى جيش العدو و افراده تتساقط
و تتساقط
و تتساقط
فى عنف
و بلا هوادة
...

خود بقا "اللّازمة" دى ف كل فصل مرتين ثلاثة
فقط لعمل جو حماسى تشويقى متصاعد
حتى و ان لم تكن هناك احداث تدعو لذلك فعليا

هى تعلّى من حماس غير موجود و تملأ صفحات غير موجودة

الكتاب التالى : كيف تصبح إنسانا؟ (ما بعد التنمية الذاتية)

[Toqa · Rating 1 out of 5]

قصة اطفال هي انسب جملة ممكن توصف الكتاب ده
الكتاب غير واضح بالمرة هو بيحكي فيه وبكتشف انه فجأة بيحكي في جزء اخترعه من دماغه ودخله في سياق الاحداث وانا المفروض اتقبل
ده غير التكرار الكتير في استخدام الكلمات
والوصف الزايد عن حده
الرواية كلها عبارة عن شوية كلام متكررين
زي وصفه للكواكب اللي معرفش كانت بتعمل ايه فجأة في الكتاب
ولا وصفه للخير والشر
الكتاب كله سطور متكررة بس بكلمات متشابهة ليس اكثر ولا أقل

[Mohammed saad · Rating 1 out of 5]

هرتله !
مش هكمله طبعا

[Morad · Rating 1 out of 5]

سيئه جدااااا

[Christeen · Rating 1 out of 5]

صورة اقل من كلاسيكية لتصور الحرب بين قوى الخير و الشر. لم استمتع بالكتاب و لم احظي بقصة الرعب المنشودة.

[Hadia · Rating 2 out of 5]

رواية سيئة بكل المعايير

[Nada · Rating 1 out of 5]

للأسف اسوء كتاب اقراه فى حياتى لدرجت انى اول مرة مكملش كتاب بقراه للاخر
...للاسف مؤلف الكتاب ده وهو بيكتبه كان عامل زى الطفل اللى بيتفرج على افلام اجنبى كتير قبل ما ينام وراح قرر يكتبله كتاب!

[Princess banoota · Rating 1 out of 5]

احداث متلخبطة تجسيد للشر ف النفوس على مر العصور ... مملة ف احداثها الغير مفهومة

[Ryma aguir · Rating 1 out of 5]

مشوشه جدا سرد و خيال سيء لا ادري ترتيبها في كتابات عمرو المنوفي و لاكن قلمه افضل من هذا بمراحل

[Asmaa · Rating 1 out of 5]

سخيفه قوي

[Amany]

da fuck is that shit ..!

[Fatma Ibrahim]

سيئة للغاية

[Rosa Elebyary · Rating 1 out of 5]

من اسؤأ ما قرأت
مملة
الخيال سئ
التشبيهات رديئة

[Mohammad Sayed · Rating 1 out of 5]

لو ينفع اقل من نجمة كنت اديتها
٠/١٠

[Lawrence William]

هبد
محاولة عبيطة لتقليد نبيل فاروق

[Nesma · Rating 1 out of 5]

لا انصح بها