Camiño perigoso

by Ánxela Loureiro

Os tempos eran difíciles e máis para unha rapaza de trece anos que ten que coidar dos seus irmáns pequenos, xa que os seus pais desapareceron. A protagonista decátase da inxusta realidade ó ver en perigo a súa familia e decide emprender un arriscado percorrido na procura da liberdade dos seus seres queridos. A adversidade, a fatiga, os medos e as doenzas non impiden que siga adiante e se mergulle nunha apaixonante aventura. Camiño perigoso, finalista do Premio Merlín 2002 de literatura infantil, escrita por Ánxela Loureiro e ilustrada por Juan Carlos Abraldes, é unha novela de aventuras onde a acción, o drama, o amor e os toques humorísticos se mesturan nun relato que achega á vez claves de carácter histórico.

160 pages, Paperback

First published November 10, 2008

About the author

Ánxela Loureiro Fernández, nada en Ferrol en 1956, é unha mestra e escritora galega de literatura infantil e xuvenil. Cultiva diferentes xéneros literarios: teatro, novela, poesía e guión cinematográfico. Exerceu a docencia en colexios e institutos de Ferrol e o Centro de Formación e Recursos.