لا تثقى بأغنية حزينة

by باميلا عبدالرافع

نسكافيه باللبن ، نسكافيه بالمبيض ، نسكافيه بلاك، شاى وبس ، شاى بالياسمين ، بالقرفة ، بالنعناع ، شاى بالفاكهة ، شاى ريحته حلوة ، وطبعا شاى على الولعة ، شطة، مخلل، ليمون، كبدة من ع العربية ،حاجات مضرة بس ما تقدرش تعيش من غيرها، فيه ناس عاملة زى النسكافيه باللبن بسيط و هادى و يتسحب جواك على طراطيف صوابعه لحد ما يخليك ما تنساهوش ، ناس زى النسكافيه بلاك تكرهها أول ما تشوفها و يمكن تدب معاها خناقة بعدين تحبها و تكتشف أن غضبك منها كان خوف من الحب ده ، و ناس زى النسكافيه بالمبيض صناعية ولا ليها أى لازمة ، و فيه اللى زى الكبدة تبقى معدى من جنب الراجل 500 حاجة تقولك ما تشتريش و حاجة بس زى ريحتها تخليك تجرى على العربية و تقف تستنى الدور ، و ناس زى الليمون بيلسع بس فيه فى أخره كده لذة ، أما الدنيا بقى فهى زى الشاى اللى على الولعة تقعد ساعة تحضر النار و ساعة تولعها و ساعة تستناها تهدى و بعدين ممكن على الشاى ما يطلع تكون خرجت أو اللمة انفضت بس لما تدوقه هتعرف أنه استاهل أنك تستناه زى الناس اللى بتيجى بعد طول انتظار

46 pages, ebook

First published March 28, 2013

Reviews

[Hanan · Rating 4 out of 5]

beautiful