Valtýr Stefánsson - Ritstjóri Morgunblaðsins

by Jakob F. Ásgeirsson

Valtýr Stefánsson er einn áhrifamesti maður í sögu fjölmiðlunar á Íslandi og hefur stundum verið kallaður faðir íslenskrar blaðamennsku. Valtýr var ritstjóri og stærsti eigandi Morgunblaðsins um nærri fjörutíu ára skeið (1924-1963). Hann var jafnframt einn helsti skógræktarfrömuður landsins og kom víða við í menningarlífinu.

Valtýr vann það afrek að gera Morgunblaðið að blaði allra landsmanna.

Í bókinni er skyggnst á bak við tjöldin og greint frá mörgu úr sögu Morgunblaðsins sem ekki hefur verið á allra vitorði. Valtýr Stefánsson – Ritstjóri Morgunblaðsins er í senn ævisaga frumkvöðuls og saga Morgunblaðsins – og íslensk mannlífssaga frá lokum 19. aldar og fram yfir miðja 20. öld.

Bókin var tilnefnd til Íslensku bókmenntaverðlaunanna árið 2003.

554 pages, Hardcover

First published January 1, 2003

Reviews

[Sigurður Ásbjörnsson]

Þessi bók er að minnstu leyti um Valtý Stefánsson. Þetta er að mestu leyti saga Morgunblaðsins á ákveðnu árabili, skrifað af dyggum aðdáenda. Besti hlutinn er byrjun bókarinnar. Iðulega er langt mál um hluti sem engu skipta fyrir manninn Valtý.