Aulki bat elurretan

by Uxue Alberdi

Idazle gazteentzako VIII. Igartza Saria irabazi zuen Uxue Alberdik ipuin-bilduma baten proiektuarekin, eta, lan horretan urtebetez jardun eta gero, liburu amaitua plazaratzen du orain: Aulki bat elurretan, Suedian giroturiko istorio gazi-gozoz osatua. Kale txukunak, jende ordenatua, laku ederrak, elurrezko panpinak... Eta eskale zarpailak, alkoholiko errukarriak, maitasun anemikoak, harreman izoztuak. Horra hor Suedia, Suediaren zati batzuk behintzat, Uxue Alberdik hautatuak eta moldatuak, ipuin liburu bat egiteko. Kanpoko paisaiaren gainetik barne paisaia nagusitzen da ordea: ez zaigu esaten elurra ari ote duen espaloien gainean, ez zaigu axola ere, baina bai elurra ari duela bihotz barneetan, maluten dotorezia guztiarekin, baita zuritasun horren hustasun lazgarriarekin ere. Alde horretatik, suediarrez ez baizik nonahiko gizon-emakumeez ari da egilea, idazkera eder, airos eta iradokitzaile batez.

180 pages, Paperback

First published January 30, 2007

About the author

Uxue Alberdi Estibaritz (Guipúzcoa, 1984) is a Basque writer and versolari, with a degree in Journalism.

Reviews

[Leire · Rating 4 out of 5]

3.5/5

[Elion · Rating 4 out of 5]

Bonito pero un poco difícil de entender dependiendo la historia

[Mr. Mercedes · Rating 3 out of 5]

Edvard Munchen ipuinaren inguruko aurkezpena egitea egokitu zitzaidan; ikaskide bakoitzari ipuin bat zegokion (batzuk ipuin bera egin behar izan zuten). Lehenengoa izan nintzen aurkezpena egiten. Klaseak hasi berriak ziren eta ikaskide asko ez nituen oraindik ezagutzen.