المعجم الوجيز في تلخيص البهاريز

by شيماء حبيب

كنت محتارة أكتب إيه هنا !

وبعدين قلت وليه لازم أكتب أصلا ؟

اقروا الكتاب وابعتولي اللي فهمتوه منه .
واللي اتفقتوا معاه واللي اختلفتوا فيه

111 pages, Unknown Binding

Reviews

[Eman · Rating 2 out of 5]

كنت حاسة كأني قاعدة مع واحدة بتتكلم زي واحدة لسة متعرفة عليها في كليتي مثلا

عارف لما تقابل حد ، تلاقي نفسك بتجامله لما تسمع منه كلام يغيظك شوية خصوصا لما يقعد يتكلم بكلمات أجنبية بطريقة اوفر شوية

او يستخف شوية في بعض المواقف

وساعات تحس إنك مبسوط من سماع كلام انت عارفة كويس بس عايز حد يكلمك فيه تاني

شوية وتلاقي كلام ما يتناسبش معاك خالص

زي ما حد يقول لحد مكتئب وما عندوش مساحة حرية ينطلق فيها ، إنت ليه مشبتاخد عربيتك وتنطلق علشان ترتاح !!!! :(

مثلا يعني

حسيت كمان انه تقليد للكتب اللي انتشرت يعني حسيته كتاب بيحاول يقترب من كتب العسيلي وعمرو سلامة لفرط اعجاب الكاتبة بهم

اعتقد انه مناسب لمرحلة سنية اقل شوية

يعني حاسة اني ممكن كنت اعجب بيه وانا صغيرة

[Mustafa Yusuf · Rating 1 out of 5]

الكتاب ده كانت ممكن المؤلفة تعمل فيديو 3 دقائق عن نفسها وعن اصحابها وتبقى اكنك قريت الكتاب بالظبط

[Nehal Nasr · Rating 1 out of 5]

لا مش قادرة أكمل أكتر من صفحة 26 حلو اوى كدة والنجمة الواحدة بس عشان دة أول عمل للكاتبة لكن الكتاب مناسب جدا لفئة عمرية معينة زى طلبة الجامعة كدة ولحد أصلا مش بيقرا لأن انا مش شايفة أى اسلوب أدبى انا شايفة واحدة قاعدة جنبى وبتحكى وتهزر وتتكلم انجليش على عربى وبعدين لو الكتابة سهلة كدة أعتقد ان كلنا ممكن نجمع أفكارنا وننزلها فى كتاب، ناقصها كتييييييييييييييييييييييييييير خبرة وياريت تستعين بآراء ادباء كبار لأن أكيد هيفيدوها كتير

[Moataz Ali · Rating 1 out of 5]

لازم الكاتبة تراجع نفسها وتراجع القيمة اللى كانت عاوز توصلها للقارئ مقدرتش أكمل اكتر من ٣٥ صفحة بجد القراءة هى أن تستفيد من فكرة جديد طريفة فى التفكير جديدة اى حاجة إنما هذا الكتاب لايوجد به شئ ليضيفه أو باللغة المكتوب بها فاااااااضى

[Ahmed Abd El-Hamid · Rating 2 out of 5]

كتاب لا بأس به الى حد ما

بغض النظر عن انه مقتضب جدا

بس لطيف

[Heba Mostafa · Rating 1 out of 5]

إشتريت الكتاب بكل حماس فالكاتبة إبنة محافظتى ولكن للأسف تلاشى هذا الحماس تماما بعد قراءة الكتاب .. فالكتاب مكتوب بالعامية مع إضافة بعض الرتوش بالانجليزى ملهاش أى لازمة زى ok, u know, ...
يعنى حتى مش مصطلحات ؟.. بالاضافة إن هناك فصلين من الاهداءات فى نصف الكتاب إلى أصدقائها بالاسم طب خليها فى فقرة الاهداء او حتى فى آخر الكتاب!
بإختصار الكتاب صادم إلى حد كبييير

[Omar Abd · Rating 5 out of 5]

شيماء مش هقولك حاجه بجد عشان انتي عارفه راي من الاول
الكتاب بجد قيمه فنيه اوووي ليه فوائد كتيره انا مبعرفش انقد بس الكتاب فوائده وحكمه وكل مايحتويه اكني قاعد مع نفسي براجع حاجات كتيره ف حياتي وانا بقراه اكني قاعد مع صحابي بناقش موضوع بصوت عالي

[Mona · Rating 2 out of 5]

كان كتاب لذيذ لكن بسيط جدا ومفيهوش افكار جديده

[Omnia Mohyee · Rating 4 out of 5]

من الكتب الرهيبة بجد .. حاجة كده خفيفة ماتحسش بيها وانت بتقراها بس بجد مفييييد جدا و هتحس باختلاف ف حياتك بعده :))
الغلاف والاسم عاجبنى اوى ^^