عيب ولا حرام

by سارة رياض

فتاه نشأت بين ثقافتين مختلفتين تماما,والدها مصري وامها يبانية, لكنها رغم ذلك حافظت على هويتها لتقدم لنا مزيجا مدهشا لفتاه مسلمة تحاول الاحتفاظ بجوهر دينها رغم حداثتها الظاهرة, سارة رياض تقدم لنا في هذا الكتاب رحلة ثقافية ومعرفية في اروقة نظرتها الفلسفية لقضايا اجتماعية ودينية تخشى اي فتاه في عمرها مجرد التفكير فيها, ورغم ان الكلام ليس عيبا ولا حراما بالنسبة لها الا انه سيكون في نظر البعض عيبا بينما في نظر البعض سيكون حراما مطلقا

Genres: Nonfiction

145 pages, Paperback

First published March 1, 2013

Reviews

[سامح شاهين · Rating 3 out of 5]

كتاب شبابى يعرض وجهة نظر خاصة بالحجاب والعلاقة بين الولد والبنت فى إطار فهم كاتبته للدين ورغم بساطة اﻷسلوب إلا أنه تعرض لجانب هام فى أزمة الإرتباك بين مانؤمن به ومانراه حولنا وكيف أثر ذلك علينا

"احنا حفظنا الدين أكتر ما فهمناه وخفنا من ربنا أكتر ما حبناه"
"لو فهمت هتقتنع ولما تقتنع الحكاية حتبقى سهلة قوى إحنا مشكلتنا إن محدش أقنعنا عشان كده الحكاية صعبة علينا"

كم هذه الجملتين ملخصتين لكثير وكثير من مشاكلنا الحالية

أنصح بقرائته لكل اﻷعمار وباﻷخص الشباب الصاعد أقل من 25 عاما فأسلوب الكتاب وتبسيطه مع عمق التفكير والربط بين الدين واﻷفلام واﻷغانى يسهل نقل الفكرة فى إطار عصرى

[Omneya Yamane · Rating 3 out of 5]

بنت فهمت شوية في الدين ذي ماهي قالت و بتحاول تدعي الناس للي هي فهمته ، طريقة الكتابة عجبتني ، ربطها لحاجات بافلام عجبني جدا .. في بعض الاوقات حستها متشدد و اوقات تانية لا ..
خلتني افتكر حاجات كتير كنت سمعتها من شيوخ و نسيتها و في حاجات هي سمعتها و نقلت الفكرة بس بطريقتها و كنت انا عارفة انا بقرا ايه من قبل مكمل لاني كنت سمعها من الشيوخ قبل كده
كويس لناس لسه بتعرف المعلومات ديه و كويس لناس محتاجة تذكرة .. خفيف و ظريف جدا يخلص ممكن جدا في يوم من
سهلته
سطرت على مقولات عجبتني هقراها من وقت لتاني عشان افتكر مبادئ مهمة

[Shrouk Shafie · Rating 3 out of 5]

فيه مشاكل عرضتها كويس وبينت أسباب مكنتش أعرفها.. لكن في نفس الوقت مفيش حل مفيد أو مبتكر , الحلول تقليدية جدا.. زاثد التكرار في بعض المشاكل والثرثرة فيها فوق اللازم

[الزهراء الصلاحي · Rating 1 out of 5]

بوست فيسبوكي وبنعيد ونزيد فيه 🙄

[Hoda Nagm · Rating 1 out of 5]

في أخر صفحة من الكتاب سألت نفسي ذات السؤال المكتوب على الغلاف لكن بصيغة مختلفة شوية: هو العيب ولا الحرام إلي خلى الأنثى دايماً تشيل مسؤولية أخطاء إلي حواليها سواء كانت أم أو صديقة أو حبيبة أو أياً كان؟ الكاتبة هنا بتحاول تعرض الفكرة دي بخجل بالعامية، وحقيقة خاب ظني خصوصاًان وصف الكتاب بيقول ان المكتوب مختلف عن المعتاد بينما هو المعتاد ذات نفسه ومفرقش عن الكلام اليومي إلي بنسمعه بيرجح كفة التبرير على كفة الإنسانية .. على أي حال ندمي مش كبير لإني مؤمنة انه مهم جداً أقرأ فكر المختلفين عشان اقرب من افكارهم واناقش قصورها .. وده أكيد لاعيب ولاحرام

[عبيرجمال الدين · Rating 5 out of 5]

الكتاب رائع وانصح بيه كل البنات
اللي مش عارفين حدود العلاقة بين الشاب والفتاة
مشغولة بسبب الحجاب
الكتاب رائع جدا
والقارئة لطيفة وصوتها كويس ومعبر جدا
بس
أول ما تقرأ انجلش تتحول لمضيفة وهى بتعلن عن قيام الرحلة
أو تحس أن روبوت هو اللي بينطق الانجلش
كانت بتفصلني أول ما تنطق الكلمات الانجلش
الكتاب رائع

[Manal Zaher · Rating 3 out of 5]

كتاب فى مجمله كويس ..مش عميق و مش سطحى
اكتر حاجه عجبتنى فيه هى الفكره اللى الكتاب نفسه بيروجلها ..و هى انك تخوض رحلتك الدينيه الخاصه ..و توصل لمبادئك الذاتيه ..تتعمق فى الامور و الاوامر الربانيه عشان تفهم الغرض اللى وراها
الكتاب مكانش فيه افكار جديده بالنسبه لى ..معظمه كان تأكيد على افكار موجوده بالفعل ..يمكن اكون بس اختلفت مع جزء او جزئين جوه فكره كده ..فيه نوع من التعميم فيهم
الكتاب مش كتاب دينى قد ما هو تجربه خاصه ..رحلة و رؤيه خاصه لمواضيع معينه فى الدين ..اللغه بتاعته مش حاساها لغة كتاب حسيتها اكتر كأن حد قاعد قدامى و بيكلمنى ..شايفاها حاجه كويسه عموما ..مافيش تكلف و بيتناسب مع الموضوع و فكرة التجربه الذاتيه
ركزت على الحجاب و العلاقه بين الرجل و المرأه ..و دى تعد من القضايا المحيره فى المجتمع حاليا ..و شرحتهم بوجهة نظر كويسه ..استفدت منها شوية معلومات
over all,
الكتاب ماغيرش فيا حاجه مثلا .. قد ما عرفنى و فهنى شوية حاجات ..و أكدلى اقناعات قديمه
كتاب كويس و خفيف ..يصلح انه يتقرى فى المواصلات و اوقات الفراغ :)

[Zara · Rating 4 out of 5]

هوه كتاب يتحدث عن فهم ديننا من منظور الكاتبة وهي فتاة من اب مصري وام يابانيه ولم تكن تدرك معنى ديننها او لم تتوسع فيه الا بعد ان سافرت الى بلدها الآخر اليابان اي موطن والدتها حيث قاموا باستجوابها عن بعض الاسئله المهمة عن الدين الاسلامي والتي يجب على كل مسلم معرفة اجوبتها ولكن في هذا الجيل لا احد يدرك اجابة هذه الاسئلة فأستغربت من عقليتها وانحرجت في آن واحد كيف لها ان لاتعرف وهي من المفروض انها تمثل هذا الدين وتجيب على ابسط سؤال فبدأت تتوسع في دينها وتتحدث في كتابها عن علاقة الفتاة والشاب والاختلاط والحجاب وكيف اقتنعت بكل شي بعد ان فهمت ان الدين لم يفرض شي الا وهو يريد مصلحة الفرد وحافظ على كرامة المرأة وعفتها وانصح بقرائته خصوصا فئة المراهقين

[Adham · Rating 4 out of 5]

اول مرة شوفت الكتاب دة بالصدفةو قريت الكلام الى فى ضهر الكتاب و الى بعد ما خلصته قررت مش أصدقك تعليق دون على الكتب بتاعتها-احترامى للدار الرائعة دى :)-.....الفكرة كل الى توقعتوا انها واحدة هتقارن ما بين الدين و المجتمع اليابانى.....و النضج فى الفكر فى اخر فصل.... بس طلع اكتر من مجرد تجربة...يجب القول بأن الكتاب رائع

ممكن اكون غلطان...بس بنسبة كبيرة الى مش شايف انه رائع....من الاخر بيكابر عن مواضيع فيه....هو مجرد واحد بعد ما قرأ الكتاب....لسه بيكابر....قصدى مش راضى يعترف انه اتعلم دروس مش درس واحد

[Ahmed · Rating 3 out of 5]

بنت عايزه تتدين ودي تجربتها في التدين ورايها ورايها وتحليلها للمشاكل اللي بتحصل
يمكن ناس تشوف ان 3 نجوم كتير علي تقييم الكتاب
بس اصلا انك تكتب في الاتجاه ده مغامره في حد ذاتها
وتاني حاجه اسلوب التحليل عاجبني وان ماكنتش متفق مع كل الافكار اللي في الكتاب , بس في المجمل تقريبا متفق معاها
اعتقد في بنات كتير ويمكن شباب يمهم انهم ياخدوا بصّة علي الكتاب وان كنت عارف ان مش هايكون في اتفاق قوي علي الكتاب

[Noha Shams Eldin · Rating 1 out of 5]

ولو في نص نجمه كمان ..

[Candleflame23 · Rating 1 out of 5]

كتاب بسيط جداً بلغة بسيطة جداً لمستوى قارئ بسيط جدا
أتمنى أن تقف موجة نشر الكتب بالعامية حتى تصل الكتب لجمهور أكبر

وشكرا
تقيمي ١/٥

[Reham Gamal · Rating 4 out of 5]

الكتاب تحفه !
جالي في وقت كنت محتاجاه تماما
عبرتي عن مشاكل كتير عندي مكنتش عارفه اعبر عنها
عبرتي عن الصراع اللي بتعيشه كل بنت في المجتمع ده
خليتيني اواجه نفسي بحقايق كتير كنت دايما بنكرها
كرهتيني في الرجاله أكتر :D وفي نفس الوقت خليتيني اتعاطف معاهم
عرفت اسباب كل حاجه بيعملوها
فكرة ان حياتنا جزء من الدين وليس العكس حلوه جدت
عرفت اني فعلا مش عارفه حاجات كتير عن ديني وهي اساسيات
خليتيني ابحث اكتر في الجزء ده
فصل الصداقه بين الولد والبنت كان أكثر من رائع
الاسلوب مبسط ومرن ويناسب اي مرحله عمريه خصوصا الشباب
العيب الوحيد اللي في الكتاب هو الحلو الغير واقعيه شويه
او يصعب تطبيقها على الواقع
يعني لو حل الشباب في العين الزايغه والمشاكل اللي بتنتج عنها هو الحجاب
فعمركـ ما هتقدري تحجبي كل بنات مصر
وبالتالي المشكله هتفضل موجوده .. وهكذا

[Shereen Omar]

ك��اب متميز لمن يريد الالتزام ولا يعرف من أين يبدأ
الفصل الأول عن حب الله عز وجل النابع من الفهم الحقيقي لرحمة الله وعن اجتنباب المعاصي خوفا من النار وليس من الخوف من إغضاب الله عز وجل معنى لم نتربي عليه ... وهنا مربط الفرس
الكتاب وضع النقط على الحروف في "العلاقة بين الرجل والمرأة" ممن هم من غير محارمها .. بشكل بسيط ومنطقي يقنع العقل ولا يفرض عليه شيئا

[Yara · Rating 1 out of 5]

سبب عدم اعجابي بالدعاة الجدد امثال معز مسعود ومصطفى حسني وغيرهم .. انهم كانوا دائما يقولون اشياء تبدوا بديهية للغاية بالنسبة لي .. وهذا ما تكرر في هذا الكتاب.
فما الجديد المفيد عندما تقول الكاتبة ان الحجاب فرض في الاسلام؟ .. كلنا نعرف هذا .. نعم الكثير منا لا يطبق مفهوم الحجاب الحقيقي .. ولكننا نعرفه ..
وما الجديد عندما تخبرنا ان العلاقات الحب و "الصحوبية" بين الجنسين حرام .. كلنا ندرك ذلك ..

[Reham Taher · Rating 2 out of 5]

اشتريت الكتاب لعنوانه الملفت ..اما بالنسبة للمضمون فهو تقريبا ثقافة وحدود معظم الشباب دلوقتي في نظرته للدين بالشكل السطحي جدا البسيط،معظم استشهادات الكتاب بأقوال دعاه و مقولات اجنبيه وده مش عيب بس مفيش ولا ايه قرانيه او حديث بما اننا بنتكلم في حاجة دين بقى ..فكان المفروض يكون في اي استشهاد بحاجة من الكتاب او السنة..
وبرغم كل ده الى انها خطوه جيدة لبنت في العمر ده
:)

[منة عبدالحليم · Rating 2 out of 5]

الكتــاب محتواه حلو بس طريقة الكتابة مش حلوة , أعتقد لو كان إتكتب بطريقة أفضل من كدة كان هيأثر أكتر في القاريء و لو كان إتكلم في كل نقطة بشيء من التفصيل أكتر من كدة

كـ تجربة بنت فـ هو ممتاز , أما كـ كتـاب فللأسف ضعيف

[Mariam El maraghy · Rating 4 out of 5]

كتاب شدني اوى و خلصته بسرعة اسلوب الكتابة ممتع جدا و بتناقش مواضيع شبابية مهمة بأسلوب بسيط و بتحاول انها تبسط كل المواضيع بحيث انها تخلي اللي قدمها يعمل بالنصيحة عن حب مش مضايق ولا خايف
فعلا كتاب يستخق القراءة

[Noha · Rating 3 out of 5]

At some parts, the book was shocking, the data it offered. It is an informative& useful book. The style of writing is very simple and easy to follow.

I would recommend the book, especially to young teens.

[Nermy · Rating 4 out of 5]

تجربة نفسية ودينية بين الفس وهواها في محيط الثقافات التي نعيشها ونتمناها. صراعات حقيقية أدهشني تشابهها فيما بين الفتيات والنهايات المماثلة من قرارات وآراء ولكن للنهاية بقية في رأيي

[Nesma El sehmawy · Rating 5 out of 5]

بالرغم من بساطة اسلوب الكاتبة الا انى اتأثرت بيه اوى و اقتنعت بوجهة نظرها

[Ali Hassan · Rating 3 out of 5]

كتاب خفيف ولذيذ ممكن تخلصه فى ساعه وانت بتشرب الشاى
أفكار الكاتبة حلوة وبحس انها قدرت تبلور أفكار فى دماغى مكنتش بعرف أوصلها للناس كويس

[Waly Abdellatif · Rating 1 out of 5]

The book language is very "casual", which I did not find impressive. I found some of the arguments weak and not convincing.

[Eman Reda · Rating 4 out of 5]

الاربع نجمات دول على الجزء بتاع الصداقه بين البنت و الولد و الزماله فى محيط الشغل ..

[Aya Adel]

انا انجذبت جدا لرايكم عن الكتاب بس لحد دلوقتی مش لاقياه link pdf ليه ممكن لو حد معاه لينك ينزله او ادعولی الاقيه و شكرا

[سارة الليثي · Rating 2 out of 5]

اشتريت الكتاب ده من حوالي عشر سنين تقريباً من مكتبة ومضة أيام ما كانت مكتبة كتب 😁
اللي لفتني ليه النبذة اللي ع ضهر الغلاف اللي بتقول إن الكاتبة نصها مصري ونصها ياباني وجمعت بين الثقافتين
طبعاً أنا شدني الموضوع ده وحبيت أعرف هاكتب ايه؟ خصوصاً كمان إن اسمها سارة زيي ;) وكمان أنا طول الوقت بفكر أكتب كتاب عن تجربتي والوقت اللي عشته في اليابان؛ فاعتقدت إن ممكن يكون الكتاب ملهم ليا بشكل من الأشكال
بس الكتاب فضل مركون طول السنين دي معرفش محتواه من جوة إيه لحد ما فتحت الكيس البلاستيك اللي عليه من يومين بس
خلاصة مضمون الكتاب إنها بتتكلم عن نقاط تنحصر في نقط الحجاب ولبس البنات وعلاقات الحب والارتباط والجواز من وجهة نظرها زي ما هي فهمت من الدين
فيه حاجات كتير بتقولها كويسة ومنطقية وحاجات بتحاول تظهر إنها علمية وإنها مقتنعة بيها بعد بحث وتمحيص لكن في الحقيقة واضح جداً تأثرها بموضة الدعاة الجدد وخصوصاً معز مسعود اللي مالية الكتاب باقتباسات منه
حاجات كتير لو فكرت فيها بعقلانية هتلاقي إنهم كانوا بيهروا فيها وهي ماشية وراهم
بس يحسب ليهم وليها عموماً إن ده كان باب ليها للإلتزام وإنها تعرف إن الحجاب فرض ع الأقل، وإنها حاولت توصل خبرتها لأبناء جيلها في وقتها مكنش لازم تستنى سنين تانية كتير ع ما تفهم كل حاجة
أبو بكر الصديق أول ما الرسول قاله عن الإسلام وآمن خرج من عنده يدعو الناس للإيمان والإسلام مستناش لما يبقى جهبذ وفقيه الأول عشان يبدأ يعرف الناس الدين الجديد
وفي الآخر هي لما كتبت الكتاب ده كانت لسة بنت صغيرة عندها 21 سنة الله أعلم دلوقتي تفكيرها بقى فين وعرفت ايه أكتر وهل هي لسة مقتنعة بكل اللي كتبته في الكتاب ده ولا بقى ليها وجهة نظر مختلفة في بعض الجوانب؟

#عيب_ولا_حرام لـ #سارة_رياض
#جولة_في_الكتب #كتب_دينية
#سارة_الليثي

[Youssef Elzeny · Rating 3 out of 5]

جيد في طرح الفكرة بإسلوب سهل - لغة العامية المصرية ، تطرح الكاتبة وجهة نظرها في توظيف وفهم الدين الخاطئ أحيانا ، الذي بدوره يؤدي إلي مجموعة أحكام مغلوطة تعمل بها الثقافة المجتمعية ، وتوضح أن الدين لا يقتصر فقط علي مجموعة الأحكام بمعني أفعل ولا تفعل ، وإنما في مجمله شيء أسمي من ذلك له علاقة بروحانيات النفس وجوهرها ، كما أن "المتدين" ليس هو الذي يأخذ بالمظهر الديني علي حساب الجوهر الديني ، ومدى خوفه من الله علي حساب حبه له أو أكثر من حبه له ، وتلعب التنشئة الاجتماعية دوراً في ذلك بإستخدام الترهيب عوضاً عن الترغيب.

يُعد هذا الكتاب بمثابة مرآة تعكس المُشكلات الاجتماعية في مصر وآليات التعامل معها ، ومن أهم تلك المشكلات التي ذُكرت في الكتاب :
1- الحجاب
2- العلاقة بين الجنسين

[Yousif Al Zeera · Rating 3 out of 5]

عاشت الكاتبة ثقافات مختلفة كون والدها من مصر ووالدتها من اليابان وعاشت بين تلك الدولتين. في هذا الكتاب تريد تستعرض تجربة مرّت بها وما هي برأيها أفضل طريقة للتعامل بين الجنسين في مجتمعاتنا. هل بعض الآداب الإسلامية مهم مراعاتها أم لا ؟ الحجاب / غض البصر / مصاحبة الجنس الآخر / الحديث مع الجنس الآخر / نوعية الحديث / الخ من المواضيع التي تتطرق لها

ما يميز الكتاب إنه مطعّم ببعض نتائج الدراسات الغربية وكذلك من فهم الموضوع من زاوية الرجال والنساء وليس النساء فقط.

[Mohammad Faisal · Rating 3 out of 5]

كتاب بسيط وجميل
تتحدث به الكاتبة سارة رياض عن تجربتها الشخصية التي عايشتها بسبب الاختلاف الثقافي بين البلدين اللذين اتيا منهما ابويها (اليابان ومصر ) وكيف كان الصراع الذي واجهته مع نفسها بسبب المفاهيم الدينية التي كانت محجبة و مغلوطة احيانا

[Amal Hamzawi · Rating 1 out of 5]

فكرة الكتاب حلوة جدا التنفيذ وحش جدا الأفكار مكررة و مفيش مساحة تخلي اللي قدامها يفكر معاها هو اُسلوب سرد وخلاص كتاب ملهوش طعم انا محستش بيه