Пишувајќи ги изгубените топки

by Фросина Пармаковска

Пишувајќи ги изгубените топки“ на Фросина Пармаковска е краток роман кој понесува, со својата духовитост и интелигенција уште од првите страници. Сместено во современа урбана средина, дејството ни ги открива суптилните фрустрации во односите помеѓу луѓето, психолошките компоненти на нивните, често, бизарни однесувања, во еден бескраен, ониричен свет во кој дејствувањето на главните ликови во областа на имагинарното е многу поочигледна опција од реалното. Наративниот пристап кон дејството на романот има повеќе перспективи, а тоа значи дека дејството ни се открива преку различните точки на гледање на ликовите што претставува современа и модерна наративна постапка која во последните гоодини има се’ поголем број на поддржувачи во литературниот свет.
Ова е и роман кој во манирот на магичниот реализам и неговата тенденција за помирување на опозитите, се обидува да ги испише сеќавањата преку апсолутниот заборав. Книгата е преполна со спомени, неостварени љубовни емоции кои извираат од секое ќоше на писмото, со исконска желба за нивно потиснување во дамарите на младите кревки души на актантите. Главната карактеристика на овој роман сепак останува интересниот оригинален и духовит стил, ироничните алузии на современите духовни состојби, и сето тоа крунисано со суптилна гротескна атмосфера.

90 pages, Paperback

First published April 1, 2013

About the author

Фросина Пармаковска е родена во Скопје во 1985 година. Дипломирала на Филолошки факултет, катедра за Општа и компаративна книжевност. Магистрирала на Институт за македонска литература, на Културолошки студии, тема „Варијации на магичниот реализам во светскиот и македонскиот роман“.

Има објавувано раскази во книжевни списанија, а во 2013 го објави романот „Пишувајќи ги изгубените топки“ (Култура). „Вишнова хроника“ (Или Или, 2014) е нејзин втор роман, а „Одбројување" (Или Или, 2017), трет. „Вишнова хроника“ стана финалист за престижната награда Роман на годината за 2014, која ја доделува Утрински весник, а истиот роман подоцна доживеа преводи на бугарски и украински јазик.

Reviews

[Марија Андреева · Rating 5 out of 5]

Одлична книга!
Интересна приказна, одлично разработена, нарацијата е феноменална.
Фросина има стил на пишување кој едноставно те вовлекува во приказната и не те остава на раат сѐ додека не ја завршиш и последната реченица.