دیوان عمادالدین نسیمی: تورکجه-فارسجه شعرلری

by سید عمادالدین نسیمی, علیرضا یخفروزانی (توپلایان)

270 pages

First published January 1, 2010

Reviews

[Sajjad Mahin Ahadzade · Rating 5 out of 5]

منده سؽغار ایکی جاهان، من بو جاهانه سؽغمازام،
گؤهری لامکان منم، کؤنو مکانه سؽغمازام.
عرشله فرش و کاف‌و نون منده بولوندو جۆمله چون،
کس سؤزونو و ابسم اوْل، شرح و بیانه سؽغمازام.
کؤنو مکاندؽر آیتیم، ذاتی دورور بیدایتیم،
سن بو نیشانلا بیل منی، بیل کی، نیشانه سؽغمازام.
کیمسه گۆمانه ظن ایله اوْلمادی حق ایله بیلیش،
حققی بیلن بیلیر کی، من ظنّو گۆمانه سؽغمازام.
صورته باخ و معنینی صورت ایچینده تانی کیم،
جیسم ایله جان منم ولی، جیسم ایله جانه سؽغمازام.
هم صدفم، هم اینجییم، حشرو صیرات ادینجییم،
بونجا قوماش و رخت ایله من بو دۆکانه سؽغمازام.
گنجی-نیهان منم من اوش، عئینی-عیان منم، من اوش،
گؤوهری-کان منم من اوش، بحرو‌ و کانه سؽغمازام.
گرچی موحیطی-اعظمم، آدؽم آدامدؽر، آدمم،
دار ایله کونفکان منم، من بو مکانه سؽغمازام.
جان ایله هم جاهان منم، دهریله هم زامان منم،
گؤر بو لطیفئیی کی من، دهر‌ و زمانه سؽغمازام.
نجوم ایله فلک منم، وحی ایله هم ملک منم،
چک دیلینی و ابسم اوْل من بو لیسانه سؽغمازام.
ذرره منم، گونش منم، چار ایله پنج و شئش منم،
صورتی گؤر بیان ائله، چۆنکی بیانه سؽغمازام.
ذات ایلیم صیفات ایله، قدر ایلیم برات ایله،
گولشکرم نبات ایله، بسطه دهانه سؽغمازام.
نار منم، شجر منم، عرشه چیخان هجر منم،
گؤر بو اوْدون زبانه سین، من بو زبانه سؽغمازام.
شمس منم، قمر منم، شهد منم، شکر منم،
روحی-روان باغؽشلارام، روحی-روانه سؽغمازام.
گرچی بو گون نسیمیم، هاشیمیم، قورئیشیم،
بوندان اولودور آیتیم، آیت و شأنه سؽغمازام

[Mah · Rating 5 out of 5]

نسیمی