هاني بوتر

by أحمد متاريك

سماء إمبابة تشهد معركة جوّية مُخيفة وتاريخية بين مقشّتين..
ما إن لحقَ كوستافيلاّ بهاني حتى وقف الأول على مقشّته وأوشك على اقتناص الثاني والإطباق على زوره بقبضتيه، فجأة تشنّكلتْ المقشّة في حِزمة أسلاك وصلة دِش مُتشابكة، التفّت حوله كأذرع أخطبوط، فتدلّى منها مِن قدميه كرَجل عنكبوت، في أسى احولَّت عيناه، كل واحدة ذهبتْ في اتجاه، واحدة طالعتْ هاني وهو يبتعد، والأخرى طالعتْ المقشّة وهي تهوي لأسفل بسرعة تُفّاحة نيوتن..

Genres: Audiobook

192 pages, Paperback

First published January 1, 2013

About the author

كاتب مصري، وُلِد في محافظة دمياط، عمل سكرتيرًا لتحرير جريدة "اليوم الجديد"، ويشغل الآن منصب رئيس قسم معرفة في موقع "إضاءات".

صدر له حتّى الآن:
1- جوزني شكرًا.. الطبعة الأولى صادرة عن دار مير
2- أنا وأبويا والميدان.. إلكتروني
3-عزازول.. إلكتروني
4- هاني بوتر.. الطبعة الأولى والثانية صادرتان عن دار المصري
5- نسوانجي.. كتاب إلكتروني
6- التاريخ الحرام.. كتاب ورقي صادر عن دار الوطن

فى الصبح طفل برئ و مساه يبان تجاعيد ...و فوق طريق الأيام تجرى الحياة مشاوير...
و... نشوف ملامح الزمن متعاده فى المواليد ...و احنا البشر كلنا أعمار ورق
بيطير... دايره تدور بالبشر وياّ الزمان بتفوت ...دمعه على اللى مضى
دمعة فرح بالجاى ....يا حىّ طول ما انت حىّ مسيره يجى الدور ....دى حكايه متكرّره
من يوم ولادة الضىّ..!

Reviews

[Mohammed Arabey · Rating 2 out of 5]

أنت فاكر ان هاري بوتر واحد بس في العالم..الواد البريطاني ده بس؟
ولا كنت فاكر ان مجتمع السحره ومدرسه السحر في بريطانيا بس؟

لا ده احنا كتير اوي

وهـانـي بـوتـر ..بطل هذه الروايه واحد مننا ..مصري..ورث ذلك عن ابيه وجده

لم يعرف سوي في عيد ميلاده الثاني عشر..حيث استيقظ فجأه ليلا ليجد ابيه يتحدث لوائل الفأر حول البلوره السحريه مرتديا زعبوطه..ليبدأ بعدها رحلته لمدرسه السحر..في نفس الحي الذي يعيش به..أمبـابـه العظيمه

وكما يذهب هاري بوتر الي حاره دايجون بالنقر علي بعض الاحجار في الحائط الحجري لفناء خلفي باحد الحانات..او يتجهه لرصيف قطار مدرسته بالجري اتجاه الحائط بالرصيف 9 و10
فان هاني بوتر يذهب لمجتمع السحره عن طريق شجره بفناء احدي مدارس امبابه...لها علامه غامضه..لا لا ,لايطرق عليها بيده او بعصاه السحريه..اتذكر كيف يدخل الموظفين لوزاره السحر البريطانيه؟حسنا هي لهذه الطريقه اقرب..نوعا ما

عالم غريب..حي السحره بخيامه..حزب حريه وعداله يسعي لان يكون في صداره حي السحره .. مدرسه سحر..لماضه تلاميذنا المصريين وسعت لتصل مدارس السحر..تاريخ عالم السحره في مصر.. رجل اعمال فاسد يسعي لامتلاك امبابه فيستعين بالساحر الشرير...ثم المواجهه و"الحته" الاكشن
كل هذا رائع..اسلوب احمد متاريك مازال متأثرا بشيئا من "الوصف التطويلي المفصل" من جراء قرائته ليوسف زيدان "سبعميت مره" كي يعمل تلك القصه القصيره الرائعه من وجهه نظري
"عزازول"
ولكن لابأس..فالوصف الشديد قامت به مؤلفه هاري بوتر ..وهذه تعتبر تنويعه عليها
خفه الدم..اسلوب ساخر..فكره عالم السحر نفسه كل هذا ممتاز ويدفعني لترشيح الروايه لمن يريد وقتا خفيفا وضحكه ساخره بروايه قصيره لذيذه سواء قرأت هاري بوتر ام لا ستعجبك كقصه خفيفه
-----------------

ولكن بالنسبه لي الحلو مايكملش
ليس فقط كاشد معجبي سلسله هاري بوتر..واعتبر نفسي
Potterhead
ولكني شعرت ان سلسله بهذا العمق تستحق روايه بها شئ بسيط من العمق
تخيل معي قطعه قماش جميله حريريه مطرزه باحجار كريمه ومطعمه بخيوط ذهبيه..يمكنك عمل فستان رائع منها ولكنك اخترت عمل شال حريري فحسب..مازال جميلا لان الخامه جيده لكنه ليس بكمال الفستان
حسنا, تشبيه مبالغ فيه ولكن بالنسبه لي اول ماتبادر لذهني هو ان احمد متاريك سيقدم بارودي " صوره مماثله ساخره من الروايه الاصليه " لسلسله هاري بوتر كما فعل في "عزازول".. ولكنه اخذ الفكره وضافها لقصه شبهه قصيره..مختلفه تماما عن عالم وافكار هاري بوتر
ربما هي ميزه حيث انه قام بجزء قصير توضيح عالم مجتمع السحر في مصر ..ولكنه لم يكن ابدا بالعمق المطلوب
اذا كانت الروايه بارودي فربما تجاوزت تماما عن الحاجه للعمق -بالرغم من ان بارودي عزازيل كان به عمقا مقاربا لفكره الروايه الاصليه- ولكن الروايه ليست بارودي كما يتضح من بدايه احداثها ولذلك وجب العمق بالنسبه لي في الروايه
العمق الذي كنت افضله والذي يظل محافظا علي روح الروايه..كحبكه اعلي في تقديم تاريخ السحر...المدرسه نفسها والمدرسين والدراسه
اوحتي اسقاط اعلي بدلا من التلميحات السياسيه الخفيفه "مثلا اعضاء حزب الحريه والعداله بمجتمع السحره او ماشبهه" اشياء من هذا القبيل كانت ستجعل الروايه بالتاكيد افضل

فعندما يحصل المؤلف علي فرصه كتابه كتاب سينشر ويصدر بالاسواق عليه محاوله تقديم احسن ماعنده واقواه..يقرأه ويحاول اثراءه مره واثنان وثلاث حتي يشعر انه ليس بالامكان افضل مما كان
التجربه لذيذه وجيده ولا تعتبر تقييمي الخاص بالكتاب يعبر عن قيمه الكتاب نفسه فهذه وجهه نظر فقط
فمثلا قيمت مؤخرا كتاب بنجمتين
الليله الثالثه والعشرون
بالرغم من اني واثق انه يستحق اعلي ولكن التقييم هنا "شخصي" فمثلا
It was Ok
ولكنه لم يصل لدرجه انه اعجبني بوجهه عام
وهنا نفس الامر..الفكره لذيذه واعجبتني..الاسلوب ساخر واعجبني ايضا ولكن بوجهه عام ينقصه شيئا ليعجبني الكتاب ككل
في النهايه..اعتقد ان اذا قام احمد متاريك بجزء ثان من هاني بوتر..سأقرأه فبالتأكيد سيحاول جعله اقوي..ولن يكون هذا اخر كتاب اقرأه له
ملحوظه هامه
احببت جدا جدا جدا الاهداء في اول الكتاب..فهو لشخصيه اعشقها جدا
وجميل ان تكرمها باهداء او حتي ذكر في احداث الروايه..لمسه وفاء جميله تستحق التقدير

محمد العربي
من 28 يونيو 2013
الي 29 يونيو 2013

[أحمد متاريك · Rating 5 out of 5]

طالما أنا إللي كاتبه يبقى أكيد حاجة محصلتش ولا هتحصل :D :D

[ياسمين Thabet · Rating 2 out of 5]

تخيل معي انك تاخد العيدية بعد شهور طويلة من الزنقة وتقرر تصرفها على الكتب ولانك في عيد وعاوز تفرح وتضحك تقرر تشتري كتاب ساخر

تخيل بقى بعد كل ده تكتشف انك دفعت 25 جنيه على الفاضي....هو ده احساسي دلوقتي

اسفة احمد متاريك مبدئيا باعتذرلك لاني حاكون قاسية عليك في الريفيو بتاعي عشان دمي محروق على الفلوس اللي اتدفعت فاستحملني

بس برضه حاحاول اكون نقدي بناء

اولا عنوان الكتاب هاني بوتر....

الحقيقة ان السبب الرئيسي لشرائي الكتاب هو العنوان لانه فعلا مبتكر ويموت من الضحك

ثانيا الغلاف :

نص نص....كان ممكن يكون تصميم احسن من كدة

ثالثا سعر الكتاب :

غالي جدا بالنسبة لحجمه وعدد صفحاته

رابعا فكرة الكتاب:

الفكرة الرئيسية بعيدا عن التفاصيل عجبتني تصوير السحرة بشكل ساخر وهي فكرة جديدة ومبتكرة وغنية بالكثير الذي يجلب الضحك بعيدا عن طريقة تناول الكاتب لفكرة زي دي

اللي عجبني في الكتاب:

- الاله ست اله كل حاجة مقندلة عند الفراعنة ( الجملة اللي فعلا تضحك)
- البغبغان سليط اللسان فكرة ظريفة وهو الشخصية الوحيدة اللي عجبتني في الكتاب ولو انه في بعض المشاهد كان اوفر
- ابويا دلوقتي نايم ومفيش حاجة تصحيه الا لو خرمنا الاوزون جنبه حلو التشبيه ده
- عجبتني الحتة بتاعة احمد لما قعد يدور على الشجرة اللي عليها محمد وسعاد محمد واميرة وكدة
- كنت عامل حسابي انه سخن وحطيت صن بلوك......حلوة الجملة دي


اللي معجبنيش في الكتاب:


- اول حاجة واهم حاجة انه كتاب ساخر...يعني المفروض يكون مضحك....بس في كتب بتكون فعلا مضحكة وفي كتب بتحاول تكون مضحكة لكن ماعرفتش....انا حسيت ان المحتوى الساخر في الكتاب مفتعل جدا...وماضحكنيش....ولاني لسة مخلصة باط مان وضحكتني جدا جدا فماقدرتش امنع نفسي من المقارنة...
- تناول الكاتب لفكرة بالعبقرية دي بشكل انا شايفة انه سطحي وفي افكار وتفاصيل احسن من كدة بكتير.
- بعض الحوارات مش مضبوطة ومش مناسبة للشخصية وللموقف وبرضه حاول فيها الكاتب كل جهده يفتعل السخرية والضحك....مثال الحوار مابين هاني والكشخا في الجزء الاول من الكتاب مع ان مفروض هاني داخل على واحد مهم في السحر وداخل لوحده يعني مفروض يكون خايف بس اخد الموضوع بسخرية جدا وقعد يسخر من الكشخا والراجل مستحمله عادي...حوار مفتعل...كذلك انه كل شوية يناديه باسم غير كشخا عشان يثير االضحك....حسيتها اوفر اوي
- ذكر السياسة وسط الرواية ببعض التعليقات حسيته مالوش اي لزمة والمفروض تتلغي التعليقات اللي بتتكلم عن السياسة دي فعلا وتشبيه الاشكال بشخصيات في االساحة السياسية لانها برضه مفتعله كمان لان مالهاش اي علاقة بموضوع الكتاب....وخرجتني برة مود الكتاب تماما وحسستني ان الكاتب بيحاول يستدر اهتمام القارئ او اعجابه.
- وصف المدينة بتاعة السحرة لانها صفرا بالآية صفراء فاقع لونها تسر الناظرين....مش فاهمة ليه التشبيه ده دي آية وده موضوع ساخر ماكنش له لزمة ابدا التشبيه ده.
- حبكة القصة كانت ضعيفة موضوع البيوت اللي بتختفي والقط والفار ويشم القدر وكدة ماعجبتنيش
- نهاية الرواية كانت ضعيفة جدا وكذلك مشهد القتال وخصوصا اللحظة اللي انضرب فيها الشرير كانت اوفر اوي

وبكدة يكون خلص الريفيو بتاعي واتمنى احمد متاريك يكون كلامي خفيف عليك وماتضايقش منه بس بجد انا مقهورة ومحروقة على فلوس العيدية

واخيرا حد ياخد مني هاني بوتر ويديني بداله مروحة!!!!

[Salma Saeed · Rating 1 out of 5]

الفكرة لطيفة جدا لكن تنفيذها كان مش حلو

[Mustapha]

خراااااااااااااااااااااااا....و لا نجمة واحدة

اسوء 180 ورقة و اسوء 70 دقيقة

[Acttoon · Rating 1 out of 5]

الرواية قاتلة للتوقعات بصراحة .. ممكن لو مكانشتي مبنية علي قصة بقوة هاري بوتر وتفاصيلها كانت تعدي

منكرشي ان فيها افيهات مضحكة

لكن بصرحة صادمة في ضعفها لاستغلال موارد القصة الاصلية الضخمة من الافكار

وكمان النهاية ضعيفة زيادة عن اللزوم

اتمني تكون رواية عزازول افضل من هاني بوتر

وجهت نظر ممكن تكون ظالمة عشان انا من عشاق الرواية الاصلية.

[Mahy · Rating 3 out of 5]

خفيف الظل, و ممتع

[Ayman Bashndy · Rating 3 out of 5]

جيد للضحك وتضييع نصف ساعة من الوقت لكن الكاتب يحاول تصنع الكوميديا لدرجة مصطنعة فى بعض الأجزاء.

[عبيرجمال الدين · Rating 3 out of 5]

لذيذ ضحكني في جمل ضحكتني اوي
كتاب لطيف بعد كتب دسمة
مش لازم كل اللي يكتب يكون نجيب محفوظ ولا الرافعي

[Muhammad Galal · Rating 2 out of 5]

قصة خفيفة مأخوذة فكرتها عن القصة الشهيرة" هاري بوتر" ، بس بدل "هاري" بقى اسمه" هاني" و أحداث القصة تدور في مدرسة السحرة الحلوين في "إمبابة"، رواية خفيفة ، و خفّة دم "متاريك" ظاهرة في أغلب الفقرات اللي تحدث بها على لسان شخصيته الأساسيّة " هاني جلال" ، بشكل عام أداء "متاريك" ارتفع في هذه الرواية ، بالتوفيق في قادم الأعمال .

[Lina Mahmoud · Rating 4 out of 5]

ممتع ومضحك هو نوع مختلف من الادب الساخر لكنه لايق على اسلوب حياتنا وكلامنا الان،وشجعنى للبحث عن اعمال اخرى للكاتب ‏

[Sara · Rating 1 out of 5]

أممممم .. بشكل مباشر مختصر مملة
الفكرة حلوة ، محدتش أستخدامها لكن كتابتها جاءت سيئة جدًا و مملة .

[أروى محمد الزريعي · Rating 5 out of 5]

أول كتاب كوميدي أقرأه.. وهوا كوميدي بحق!

[Yami · Rating 2 out of 5]

I can say 2 stars and a half,

The title was funny enough to attract my attention, so I was curious and read it.

It is not a pure parody of Harry Potter, only has a theme as an outline, and carried on from there.
fcourse it adds nothing to literature, it is only a silly little book, with lots of funny remarks, and stupid dialogue,but it will make you grin in some parts;the Egyptian parody is always funny if it is used right.

So if you want to kill sometime,and in the mood of reading without really wanting to, then it is suitable for you.

[Yasmina Habbal · Rating 4 out of 5]

اعتقد انه لازم يكون فيه مغامرات تانية وأجزاء زي سلسلة رجل المستحيل كدة ؛) والله تبقى فكرة هايلة ومش لازم يكون فيه تفاصيل قوي كثيرة قد ما فيه قصة مختلفة ومغامرة مختلفة كل مرة!! يعني مش لازم تتقري بتسلسل علشان تتفهم ؛) مرة قصة عن دروسه المختلفة في المدرسة!! مرة كارثة عاملها وبيحاول يصلحها!! كام مرة أشرار مختلفين وهو بيحاربهم!! كدة يعني!! تبقى سلسلة كتب جامدة مووووووووووت :)

[Comixawy Comics · Rating 4 out of 5]

خيال ممتع و ساخر مع بعض الإسقاطات علي واقع الحياة في مصر ٢٠١٢-٢٠١٣ ... اعتقد اذا تم إخراجها كقصة مصورة ستكون ناجحة جدا لما فيها من تصوير لعالم السحر بس بلمسة مصرية شعبية أصيلة ...
الي الكاتب : تسلم دماغك يا سيد المعلمين :-) :-)

[Tasneem · Rating 1 out of 5]

طيب !
انا كنت متوقعة حاجة افضل من انا وابويا والميدان واقوي من عزازول ،،
مش عارفة اقيمها فعلا ،،

أ/ أحمد عنده طريقة ف السرد لطيفة جدا لكن المرة دي مش حسيت ان الكتاب دا مختلف او فيه حاجة مميزة !

كنت أتمني يكون أقوي :(

[Bassel Yasser · Rating 3 out of 5]

ممكن تتعمل زي قصص ميكي في مجله كده.

[نرمين الشامي · Rating 1 out of 5]

الكتاب ده لو اتعمل قصة كوميكس للاطفال هيبقى حلو جدا
لكن انه يتعمل كتاب للكبار ده اتجاه خاطئ .

[Mfia Gzar · Rating 4 out of 5]

كتاب ملوش اي تلاتين لازمه
ولا فيه اي فايده
بس ممتع جدا

[Mahmoud · Rating 1 out of 5]

LOL
what a Goood sense of Humor


parody of harry potter

[Wesam Karam · Rating 1 out of 5]

الكتاب غريب مريب ومفهوش جديد
الاصعب انه مليان الفاظ ومش كفايه انه بالعامية لكن الالفاظ نزلت من قيمته
حصل ان قريته pdf
ولو كان جبته بفلوس كنت هندم الكتاب سئ المضمون اسوء

[Afaf · Rating 1 out of 5]

اول تجربة ليا مع الكاتب وشكلها بداية مطمنش

[Yazan Algarawneh · Rating 1 out of 5]

من أسوء القراءات لهذه السنة
بتتكلم عن هاني الي ابوه ساحر و بيروح عشان يعمل مهمه و خاجة قمة العبث

الرواية إذا يمكن تصنيفها على ذلك فهي تنتمي لروايات الساخرة مع اسقاطات على الواقع المصري ما بعد الثورة و هي الفترة التي كتبت فيها هذه الرواية

بشكل عام أقل من عادي و السبب الوحيد الي يخليك تقرأها هو
لا الصراحة مافي سبب

[يُمنى El-Maghraby · Rating 3 out of 5]

روياو خفيفة كوميديه جدا والتقيم لمستوى الكوميديا فيها.
الوصف طويل وكتير.. بس عمتا هتستمتع
سمعتها علي اوديو بوك
هي تحريف مصري لقصة هاري بوتر قدر احمد انه يخليني اكرر واتخيلها كفيلم هتكون مستواها عالي جدا

[Wael Mansour · Rating 1 out of 5]

تبسيط سخيف لواحده من اجمل سلسلة روايات قرأتها.
في الغلاف الخلفي هناك معركه جويه باستخدام المقشات، وليست موجوده في القصه اصلا!!

[Shady Hussein · Rating 1 out of 5]

كنت متوقع الكثير من الفكاهه والضحك ولكن صدمنى ما آل إليه الكتاب من تفاهة سخيفه

[Mohamed Shorepagy · Rating 4 out of 5]

يمكن ترشيحه لطفل في بداية مطالعته للكتب

[جهاد عبدالحميد · Rating 1 out of 5]

ضعيفة وتفاصيلها كتيرة لدرجة الملل .. مافيهاش حاجة مثيرة ولا شدتني

[أروى - جانجاه · Rating 1 out of 5]

كل ال شدني العنوان.
كان لو كتب عليه قصة للأطفال هيكون جيد جدا.
نفرني منه بشدة الغلطات الأملائية و النحوية.
زهقت منه و مكملتش الصراحة.