السيناريو والحوار في السينما المصرية

المكتبة السينمائية

by مصطفى محرم

يتضمن هذا الكتاب أربع دراسات كتبها بتكليف من عده هيئات هذه الدراسات هى: أولاً الكتابة عن السيناريو فى السسينما المصرية، ثانياً الحوار فى السينما المصرية وثالثاً: عن أفلام حرب أكتوبر فى السينما المصرية وراباعاً: عن نجيب محفوظ الأديب العالمى ككاتب سينمائى وقد عالج المؤلف علاقة هذا الأديب الكبير بالسينما المصرية من جانب واحد وهو جانب السيناريو الذى كان يحترفه نجيب محفوظ فى السينما المصرية.

121 pages, Paperback

First published January 1, 2002

Reviews

[مصطفي سليمان · Rating 1 out of 5]

صفر هو حجم الاستفادة
صفر هو حجم الجدية ف الكتاب
صفر هو مقدار حبي وتقديري ل مصطفي محرم

مصطفي محرم من مدرسة

علي سبيل المثال والحصر انا احسن مؤلف ف مصر

علي ايه؟ وهو فيه مليون شبهة عليه انه حرامي ومدعي؟؟

مثلا ف كتابه الشنيع دا

بيتهم نجيب محفوظ بسرقة رواية
أولاد حارتنا

وان نجيب محفوظ ياعيني مش بيعرف يكتب لما كبر ف كان بيستهل

غير تشنيعه عليه انه كاتب سيناريو سئ
وانه كل ادواره انحسرت
في التمصير
وان كاتب سيناريو ضعيف





رايه فل علي عيني و رأسي هو حر
لكن لما يبقي اللي بيقول دا حرامي
ومش بيكتب اسامي ناس
علي شغلهم مثل فيلم الهروب
اللي اعاد كتابته بشير الديك
ولم يكتب اسمه

يبقي لا فكك منا بقي

لما يموت احمد زكي وبعديها بأيام يقعد يشنع عليه ويشتمه ويعمل كتاب مخصوص سب وخوض ف احمد زكي بعد وفاته
يبقي تتوكس علي عينك

وبعدين مفيش اي كاتب بيحترم نفسه يمرمط شغل زملائه ويجي يقولك لكن شغلي انا بسم الله ماشاء الله عليه
حاجة كدا اخر زهزهة

المشكلة انه رجل مثله ينشر كتبه ف مكتبة الاسرة ويترجم أغلب الكتب الفنية فلك ان تتخيل كم الكوارث
وف الاخر يبقي الفنان
والمؤلف
علي ايه بلا وكسة


كتاب بائس لرجل لا أحبه

[Sara Adam · Rating 1 out of 5]

كتاب لا يستحق القراءة ولا أنصح به أبداً
لن يستفيد به دارس السينما ولا الهاوى
ولا حتى المتابع والشغوف بالفن السابع
مجرد أراء شخصية إنطباعية
لا يستند فيها للمنطق أو حتى للنقد الموضوعي

وتشعر انه كتب على عجل ولم يكتبه عن بحث وتقصى ودراسة مطولة
مجرد تقضية واجب لا أكثر ولا أقل
لمجرد أنه تم تكليفه بكتابة شئ عن الحوار فى السينما المصرية
لم أستفد من الكتاب فى شئ
غير انى عرفت المصدر الحقيقى لكثير من الأفلام المصرية القديمة المسروقة
يعنى مش بس كتاب السيناريو فى العصر الحالى اللى بيسرقوا
لا دا الموضوع ليه جذور وقديم أوى
فيلم دموع الحب 1935 مسروق من رواية ماجدولين لألفونس كار دون الإشارة إلى الأصل
وكرر إخراج نفس القصة أحمد بدرخان فى فيلم رسالة غرام
أفلام ممنوع الحب و تاكسى حنطور وشهداء الغرام كلهم مسروقين من روميو وجولييت
أفلام ليلى وعهد الهوى ورجال بلا ملامح وعاشق الروح والسكاكينى
مسروقين من غادة الكاميليا لألكسندر ديماس الابن
كل أفلام يوسف وهبى مسروقة من اصل أجنبى
فيلم دايما فى قلبى 1946 مسروق من فيلم جسر ووتر لو وكانت السرقة نقلاً بالمسطرة
لك يوم يا ظالم مسروق من رواية تريزا راكان لإيميل زولا
شباب امراة الرواية والفيلم مسروقين من رواية سافو لألفونس دوديه
فيلم رسالة من امرأة مجهولة 1962 مسروق من رواية من ستيفان زفايج
فيلم مجرم فى اجازة مسروق من النمر النائم لجوزيف لوزى واللى كتب السيناريو نجيب محفوظ
لا أنام الفيلم والرواية مسروقين من صباح الخير يا حزن لفرنسواز ساجان
والقائمة تطول
والعدد فى اللمون