Ələkeçməz Yaquar

by Elxan Elatlı

Ailəsi ilə Rusiyanın kiçik bir şəhərində yaşayan azərbaycanlı iş adamı Fikrət Nəzərlinin yeni tikilmiş qoyun ferması naməlum şəxslər tərəfi ndən yandırılır. Bir həftə sonra isə ona anonim məktub gəlir: “Çıx get buradan, yoxsa sən də, bütün ailən də məhv ediləcəksiniz”. İş adamı bu təhdidə əhəmiyyət vermir. Səhvi də elə burada olur. Bir həftədən sonra böyük oğlu güllələnib öldürülür. Şahidlər hər iki hadisə ilə bağlı qara rəngli “Yaquar” avtomobilindən bəhs edirlər. Fikrətin Moskvada yaşayan hüquqşünas dostu baş verənləri araşdırmaq üçün gənc detektivlər Ayxan Asayevi və Melisa Kazakovanı şəhərə gətirir. Onlar dərhal işə başlayır. Az sonra Melisa naməlum şəxs tərəfindən qətlə yetirilir. Şahid ifadələrinə görə, güllə qara “Yaquar”dan atılıbmış. Asayev sevimli dostunun ölümündən sarsılıb özünə qapanır, günün çoxunu içməklə və yatmaqla keçirir. Ələkeçməz “Yaquar” isə öz qurbanlarının sayını artırmaqda davam edir. Artıq bütün şəhər əhalisi qorxu içindədir, küçədə qara “Yaquar” görəndə hamı qeyri-ixtiyari olaraq vahimələnir. Fikrət çıxılmaz vəziyyətdədir. Bütün qəzəbini Asayevin üstünə töküb ondan evini və şəhəri tərk etməsini tələb edir. Az sonra isə Fikrətə məlum olur ki, bütün bu qanlı hadisələrin daha qorxunc səbəbləri varmış...

272 pages, Paperback

First published January 1, 2011

About the author

Osmanov Elxan Əbdürrəhman oğlu - azərbaycanlı yazıçı, şair, Azərbaycan Yazıçılar Birliyinin üzvü, "Qızıl qələm" mükafatı laureatı. Elxan Elatlı 1962-ci il 19 dekabrda Şamaxı rayonunun Sis kəndində anadan olub. Orta təhsilini doğma kəndlərində aldıqdan sonra Bakıdakı Fizika–riyaziyyat təmayüllü Respublika 1 saylı məktəbində davam elətdirib. Uşaq yaşlarından ədəbiyyata böyük marağı olub. Kiçik şeirlər və hekayələr yazıb. "Kirpi" jurnalında miniatürləri, rayon qəzetində çoxsaylı məqalələri çap olunub.

1980–1985–ci illərdə BDU–nun mexanika–riyaziyyat fakültəsində oxuyub. 1985–2001–ci illərdə doğulduğu kənddə fizika–riyaziyyat müəllimi, rayon icra hakimiyyətinin ərazi üzrə nümayəndəsi, məktəb direktoru vəzifələrində çalışıb. 2001-ci ildən Bakı şəhərində yaşayır. İndiyədək 14 kitabı işıq üzü görüb ki, onların üçü şeir, ikisi riyazi məntiq, doqquzu isə detektiv nəsr əsərləridir. "Xəyanət" romanından sonra detektiv yazıçı kimi tanınmağa başlayıb. İrihəcmli "Qan ləkəsi" romanı və oradakı hadisələrin müəyyən mənada davamı olan "Cəhənnəmdən gələn səs" romanı vətənpərvərlik tərbiyəsi baxımından qiymətli əsərlər hesab oluna bilər. Azərbaycan Yazıçılar Birliyinin üzvüdür.

Reviews

[Leyli]

Elxan Elatlinin eserleri hemishe mene maraqli gelib. Ancaq ishden imkan tapib, axtara bilmirem. indi saytda gordum, oxumaq qerarina geldim.

[Cavidan · Rating 5 out of 5]

Güzelmis gayret

[Murad Axmedov · Rating 5 out of 5]

👍👍

[Anar · Rating 5 out of 5]

oxuya bilsem thinki yazacam