Donker Leuens

Kalli Krynauw #1

by Lien Roux-de Jager

Kalli Krynauw is bang en dis nie wat sy wil wees nie. Sy wil weer haar ou self wees - hardegat, dinamies, in beheer, 'n suksesvolle forensiese psigo-fisioloog. Sy kry weer 'n saak om te ondersoek en dit doen wondere vir haar selfvertroue, maar bring ook 'n hele kaboedel nuwe spanningslyne in haar lewe - onder andere De Waal Brink, die konsultant wat aangestel is om te help met die ondersoek. Sy vertrou hom nie, maar kan nie help om te swig voor sy eiesoortige manlikheid nie.

312 pages, Paperback

First published January 1, 2012

About the author

Lien Roux-de Jager het die afgelope vier jaar in Mafikeng gewoon, waar haar man aan die Noordwes-universiteit gedoseer het. ’n Verrykende ervaring. Sy is nou terug in Pretoria en as alles eers op sy plek is, sal die sleutelbord weer volstoom klik. Haar man is haar klankbord en haar kinders haar eerlike kritici. As ’n storie in ’n drif vasval, kerf sy dinge uit hout – eende, visse, skilpaaie, uile, olifante, slange, krokodille en etniese beeldjies. Sy probeer hard om fiks te bly, soms ’n verlore stryd as die storielyn dringend raak. Buiten skryf, is sy ’n kompulsiewe leser van al wat ’n storie is. Sy skryf ook spanningsverhale, kortverhale, kinderverhale en historiese romans.

Reviews

[Muller Rossouw · Rating 2 out of 5]

Oulike idee!
Bietjie vreemd vertel en die dialoog is nie oortuigend nie.
Ek het wel die spanning aan die einde van die boek geniet!
Hopelik is die res van die reeks meer natuurlik en oortuigend!

[Nicolene Smith · Rating 3 out of 5]

Goeie storielyn, maar seker gebeure spesifiek geskryf om jou te mislei, was voorspelbaar.

Die hoofkarakter was nie oortuigend nie. Meer geneig na pateties as 'n sterk hoofkarakter.

Weereens: dit is nie altyd nodig om altyd seks in 'n storielyn in te skryf nie.

Ek hoop die hoofkarakter en by-storielyne raak beter in hierdie reeks...

[Sandra Jacobs · Rating 5 out of 5]

Baie baie goed

Ek ken nie Lien le Roux-de Jager se werke nie en hierdie was ‘n eerste vir my. De Jager het nie teleurgestel nie.
Ek gaan verseker die volgendes in die reeks ook lees!
Dankie vir die goeie boek!

[Amanda · Rating 3 out of 5]

In Donker Leuens word die leser voorgestel aan ‘n interessante karakter in die persoon van Kalli Krynauw. Sy werk daaraan om haar ritme terug te vind in haar beroep as forensiese psigofisioloog, nadat sy haarself misreken het met ‘n persoon wat sy moes toets. Sy het ’n traumatiese ervaring oorleef en is gretig om weer haar selfvertroue te herstel. Haar eerste saak lewer egter ‘n heel nuwe stel uitdagings en gevare op.

Die skrywer plant van vroeg af vernuftig saadjies van wantroue in verskeie karakters, en ‘n situasie wat wil neig na ’n liefdesdriehoek, ontwikkel parallel met die spanningslyn van die ondersoek.

Die gemaklike skryfstyl en oortuigende karakters, sorg vir ‘n aangename leeservaring. Die versoeking was sterk om halfpad deur die boek, die sinopsis van die opvolgboek te gaan lees. Die oop einde van die boek het die leser reeds aan die wonder oor Kalli se toekomstige wedervaringe.

[Anne-Marie · Rating 3 out of 5]

Dis 'n lekker storie, maar ek kan net 3 sterre gee, want daar is net TE veel onwaarskynlikhede in die verloop van die gebeure, veral in hoe die heldin elke keer gered word. Andersins lees die boek baie lekker.

[Elize · Rating 3 out of 5]

Ek het Donker Leuens geniet, wel gedaan Lien Roux-de Jager. Word aanbeveel vir enige iemand wat hou van 'n liefdesverhaal met skop!

[Marnich · Rating 4 out of 5]

Baie goed.
Maar nie vir my so goed soos slim leuens nie.
Mal oor Lien se skryfsels