عزيف

by عمرو المنوفي

أنت التالي..!
عندما رددت هذه العبارة بصوت عالٍ، وبطريقة لا إرادية،كسا كل شيء حولي ضوء أحمر متألق، سطع كبرق لحظي، قبل أن ينحسر من فضاء الغرفة، ويتركز حول حواف المرآة، ثم يتلاشى تمامًا؛ ليجتاحني بعدها رعب عاتٍ، مما جعل طوفان من الأسئلة يتفجر بداخل عقلي.
يا إلهي!.. هل حان الوقت؟.. هل اقتنصوا شحتة؟.. هل سأموت حقًا؟!
نظرت لصدري غير مصدق، عيناي تكادان أن تغادرا محجريهما.. لقد وسمت بخاتم الموت.
الأمر حقيقي إذًا!

Genres: Horror, Novels, Fiction

408 pages, Paperback

First published January 1, 2013

Reviews

[Nayra.Hassan · Rating 2 out of 5]

دماء سبعة من الذكور على نصل مطلسم ،تقضي على الشيطان !؟
و الله انا حكايتي مع روايات الرعب صارت تعزف على الربابة. اعترف انها نوع خبيث جدا من الادمان

و لكننا نحن عشاق الرعب لا نطلب الكثير..قليل من التشويق..احداث تدهشنا قليلا... و بعض الاحترام لعقولنا

العزيف هو صوت الجن👻..ويقدم لنا عمرو المنوفي بطله يتيم الابوين منذ سن العاشرة..يضطر للعيش مع جده الشيخ المريب في شقة مسكونة..يتضح له في سن 17 ان جده دجال و ساحر اسود. .و غرفته بوابة للجحيم
..و بعد احداث ملفقة
يدخل الأصدقاء الحمقى السبعة..لتنطلق اللعنة..فهل تقتلهم شهواتهم الكبرى..و هل يروا القمر التالي🌚؟

و من ص 120يبدأ كاتبنا في استعراض الخطايا السبع الشهيرة مثل الشراهة و الحسد ..و يطبقها بتفكك كبير ..و تجميعات من سلسلة ما وراء الطبيعة .. وتطويل لا يصدق..لا يصدق حقا..400صفحة ليه؟؟
ليه؟
الشخصيات فيها خلل ما
وا لأسلوب ملىء بالاستطراد و الشطط و التشبيهات البعيدة
كانت هتبقى ممتازة لو كانت 230صفحة مثلا ..لم ترعبني ..و لكنها تجمع كل ما قد يخطر لنا : جن شياطين..تيوس..استحواذ..تقمص 🐐

بعد تلخيص شديد تنفع فيلم يحتاج ميزانية مرعبة..
ممكن تسميته مثلا: السابع يموت في اليوم السابع
و قد تكون مناسبة اكتر للاصغر عمرا مني

و اذا كنت قد فكرت ان هناك" اي "شبه بين كتاب العزيف الاصلى و هذا ..ستحزن كثيرا ..كثيرا جدا

[Sermeen Abdallah · Rating 1 out of 5]

عنوان الرواية مع الغلاف
يحسسك ان الرواية تحفة
بس للاسف
قمة الملل ومفيش اى حاجة تشدك انك تكمل
غير بس انك تعرف هو عايز يوصل لايه ف الاخر
زى المسلسل البايخ
لما يبقى عندك فضول تشوف اخره
عشان بس تثبت لنفسك انك كنت من الاول صح
وان المسلسل ميستهلش الوقت اللى ضاع عليه

اسلوب عمرو فى السرد ممل جدا
وطريقته فى الوصف والحكى
متجذبش الانتياه
دا غير انه بيوصف حاجات ملهاش لازمة
زى مثلا وصفه لتفاصيل فى الاول كدا
عن عايدة
المشكلة بقى ان وصفه دا بيفصل الواحد عن الاحداث
خصوصا ان فيه وصف مش بيضيف حاجة
دا غير انه فى الجزء الاخير واصف الاحادث بشكل مطول
وبطريقة مملة

فى الاول الرواية كانت ماشية حلو بغض النظر عن طريقة السرد
وبعدين الرواية قلبت على فيلم
seven
قلت طب ماشى مش مشكلة
اكمل اشوف هيوصل لايه وعايز يقول ايه
من فكرة الخطايا السبع
لكن الجزء الاخير بقى
محستش انه ليه علاقة باى حاجة
طب ايه لازمة الخطايا السبع يعنى !!

كان مممكن يكمل ف الموضوع من غير حوار
الخطايا السبع دا
ولا هو معرفش يوظف صحابه
فقال ندخل فكرة الخطايا السبع
انا عن نفسى مفهمتش يعنى
الغرض من الموضوع دا
وايه علاقتة بفكرة العالم الاخر
وايه اصلا الرابط ما بين
جزء الخطايا والجزء الاخير

دا غير اصلا ان وانت بتقرأ
فى جزء الخطايا
فجأة كدا تلاقى الخطيئة خلصت
والشخص مات
مع انه بيفضل يوصف ويحكى عن الشخصية كتير
وهوب فجأة
الخطيئة اللى بعدها


الروايه ضعيفة جدا
ومفككة جدا جدا
واسلوبها ممل جدا جدا جدا

الحاجة الوحيدة اللى طلعت بيها
من الروايه
ان عزيف هو صوت الجن
ودى معلومة عرفتها من الروايه
غير كدا
انا مستمتعتش باى حاجة خالص

[Mahmoud · Rating 1 out of 5]

عايز تكتب رواية ؟
جه في دماغك الفكرة
ادخل عالنت
هات جوجل اعمل سيرش عالموضوع اللي جه في دماغك
جمع حبة معلومات من هنا على حبة من هنا
اعمل حبكة حرب بين الخير و الشر عالموضوع ده
احشي الرواية بأي سخافات
اعمل غلاف جامد للكتاب
حط عنوان يشد الناس
انشر الرواية

[Amr Mohamed · Rating 1 out of 5]

ما هو لما تكون رواية رعب والبطلة بتاعتها جن انثي اسمها سماح تعرف انك لابس في رواية بنجمة واحدة يعني متخيلين حد عمل رواية رعب واكشن والبطل جني اسمه عمرو مثلا هتكون رواية رعب او رواية اساسا هتكون كرتون

بداية الرواية اول تلاتين صفحة كدا معقولة سبع اصحاب خدوا لعنة من الحجة سماح وكل واحد ليه خطيئة فقلبت القصة شويةعلي فيلم السبع خطايا شوية وكل خطيئة حد يعملها يموت

كل ده ماشي وقصة عادية مملة لكن اخر خطيئة الغرور وصاحبها امجد بطل القصة اللي متزحول مع اصحابه في اللعنة ويومين ويموت زي بقية اصحابه جاله واحد غريب من بعد ارضي تاني واتحرك معاه بمخه وقاله الموضوع بقي اللي هو
الرواية قلبت من فيلم سيفين لفيلم خيال علمي مصري حاجة انترستيلر كدا او ارماجدون بس بطولة ياسر جلال

حرب كونية أطرافها مين عم امجد البشري صاحب الخطيئة السابعة والغريب اللي من بعد كوني تاني وجاب معاه شعبه لدرجة ان ناسا يا جماعة خدت بالها لما عبروا من بعد لبعد عشان طلعوا طاقة وهما بيعدوا ..تهريج والله
وسماح الجنيه ومعاها مردة جن وسحرة من المغرب وكهنة من التبت بيحاربوا وهما في التبت بعقولهم عشان بس المشوار وشرطة وجيش وعم احمد البقال..ده ناقص نبعت رجالة من بولاق يحاربوا

كل دولا بقي بيحاربوا مين تيس انا مبهرجش ده عبارة عن كائن وحش مش عارفين جاي من انهي بعد او بلد امه ايه وجاي يحارب عشان يحرر اصحابه في كهف في المغرب اتحبسوا من كام الف سنة عشان يحتلوا الارض
لو نهاية القصة ان امجد ده كان بيحلم عشان خطيئته كانت تبقي اوقع

المهم الحرب خلصت ومش هحرق النهاية بس امجد بيتلكم مع الغربب اللي طلعله من بعد تاني قاله حمد علي السلامة الحمد الله كسبنا ؟
الغريب قاله امجد متنساش بقي ان ليك اصحاب في بعد تاني اوعي هااا... اللي هوا لو نزلت المهندسين ابقي عدي انت بس ..لا عيني والله بس اجدد رخص بس عشان فيه كمين في اول البعد بأعطل عنده

استسهال في الحبكة وملل وبعدين يعني يأما تبقي عن الخطايا السبع او خيال علمي واخرها 200 صفحة مش 400

[Osama Fahim · Rating 2 out of 5]

الجزء الاول من الرواية ينبأك بأنها ستكون روايه عظيمه...الجزء الثاني يخليك تحاول تخلص بسرعه علسان انت زهقت...الجزء الثالث يخليك تقول كويس مش بطال...
فالمجمل روايه كويسه

[Haytham Mohamed · Rating 1 out of 5]

الرواية مستواها هابط للغاية لاترقي لأي شئ . روايات ما ورا الطبيعة افضل منها بمراحل. الكاتب برغم ان فكرة الرواية مقبولة لكنه أمعن في وصف مشاعر كل شخص واهمل الأحداث التي كانت ممكن ان تكون غنية لدرجة اشعارك بالمل . المؤلف حاول جمع اكتر من فكره وزاد عليها با الملل والتطويل لدرجة نسيان الأحداث. لا انصح احد بشرائها لان القيمة المالية لا تساوي ضياع وقتك

[نرمين الشامي · Rating 2 out of 5]

اكثر رواية ممكن تغيظنى وتنرفزنى هى الرواية اللى اولها حلو وبعدين بتسوء
الرواية كان بدايتها ممتعه فى اول 50 صفحه وبعدين فقدت كل متعتها

اولا الكاتب من الواضح جدا جدا تأثره بالدكتور احمد خالد توفيق وده رغم حبى للدكتور احمد خالد الا انه عيب فى حق عمرو المنوفى
لما احب اسلوب الدكتور احمد هاقرأ له بكل بساطه
مش هروح اقرأ لحد متأثر بيه او بمعنى اصح مش هاسيب الاصل واروح للصورة
امال فين شخصيتك واسلوبك ككاتب؟
لازم عمرو المنوفى وكتير من الكتاب الشباب اللى بيكتب رعب دلوقتى ينتبه
لازم تخرجوا من عباءة الدكتور احمد خالد توفيق
بلاش تفنوا نفسكم فيه
لازم يبقى لك اسلوبك المستقل واللى لما يقراه القارئ يقول اه ده اسلوب عمرو المنوفى او عمر عودة او ايا كان
لكن لما الكل يبقى شبه بعضه هيتلاشوا ومش هيفضل الا الاستاذ اللى تأثروا بيه


ثانيا الرواية طوووووووووووووووووووووويلة جداااا ومش عارفة ليه كان ممكن اختصارها فى نصف عدد الصفحات وكان هيبقى افضل


ثالثا الاحداث غير واضحه رغم التطويل والاستطراد الكتير لكن فيه حاجات ماكنتش واضحه او تحس ان فيه لخبطه


رابعا التقليدية فى التناول ماكنش فيه اى ابتكار فى تناول المواضيع سواء الخطايا السبع او الجن
مفيش جديد كلاام اتقال قبل كده كتتير


وفى النهاية لولا ان استاذ عمرو المنوفى موهوب فعلا بس يمكن لم يحالفه الحظ المرة دى
ماكنتش هاكتب الريفيو وكنت هاقيم وخلاص
وانا سمعت ان اسلوبه تطور فى روايات اخرى هاقرأها بإذن الله

[Sara · Rating 1 out of 5]

بدأت أحس أن في كتاب مصريين بـ يمصروا الأفلام الاجنبي !
فيلم سفن علي العالم الآخر
الرواية كلها مفككة
الشخصيات كثيرة جداً أغلبها ملهوش أسم و ده يربك لأنك مبتعرفش مين اللي بيكلم
أسلوب الوصف ممل و تفاصيله ملهش لازمه زى فصل عايدة ده
التفاصيل مطولة و ممطوطة
يعني كلمة مفيدة تكتب في سطرين !!
مفيهمتش الرابط بين الخطايا السبعة و العالم الآخر
كل شوية ورق في ناحية مع بعض
وصف كتير وفجأة ينط و في الفصل أو الخطيئة اللي بعدها
الحبكة تقري��اً مش موجودة
الرواية ضعيفة جداً جداً

[Ahmed · Rating 1 out of 5]

فيلم الخطايا السبعه لبراد بيت + فيلم عربى قديم= روايه عزيف

لا أدرى لماذا يخدعنا الكاتب باسم مشوق وغلاف جذاب ,والروايه خاليه من الدسم
هل لمجرد ان وضعت كلمه عزيف عنواناً لاحد الفصول ان اسمي الروايه باسمه ؟؟

اذا تركت نفسى لحبال النقد ,فسوف اكون اول من يموت خنقاً بها ...لانى حانق جدا على الكاتب
فالاسلوب ملىء بتكرار الجمل ,ولا يوجد تصوير جيد للشخصيات التى لا تستطيع ان تصورهم فى خيالك
لافتقادك الحد الادنى من المعلومات او التفاصيل التى يجب ان توضع فى اى شخصيه لترسمها فى ذهن القارىء

ثم نأتى للمعركه العجيبه التى لا تعرف من هم اطرافها والتى تجد فيها كل الابطال مسيرين لا ناقه لهم ولا جمل ,قرابين بشريه ثم الكائن الشيطانى ثم الكائن الشيطانى الاخر ثم نائله التى هى بالمناسبه سماح ,ثم ملوك الجان ثم كائنات لا نعرف كنهها اقحمت فى الروايه على حين غره

كل هؤلاء يتقاتلون من اجل العوده الى عالمهم (الذى لم يعد له احد فى النهايه )
ثم الاغنيه الكوميديه التى استخدمت فى فك شفره الرق والتى تتناسب عكسيا مع جو الروايه التى يجب ان تصيبك بالرعب ,هذا الرق الذى اكله البطل (ويالاشمئزاز الذى اصابنى ولا ادرى ما الهدف من وضع الكاتب لهذه التفصيله فى الاحداث)

احداث مفككه تجعلك تشعر انك فى صدد قراءعده موضوعات جمعت قصرا وقهرا لتكون روايه

نجمه واحده فقط لاسم الروايه لا اكثر

[إسراء فكري · Rating 4 out of 5]

و لما تعرف إنْ خلاص يومك قرب فـ طبيعي هتختلف أولوياتك
هتطلب من كل اللي أسأت ليهم .. إنهم يسامحوك !
، هتقرر إن نهايتك تكون مشرّفة :)
ـ قرأت كذا Review ، و بيقولوا إنْ الكتاب ما أضفش جديد ، و إنه متأثر بكُتّاب اللّي بيكتبوا في المواضيع دي و كده ..
بس أنا الرواية عجبتني ، التسلسل و طريقة السرد ممتعة و بالعكس محستش إن فيها حشو و تفاصيل بدون داعي ، كل التفاصيل ف مكانها الصح ، و بتخدم الرواية بأحداثها ، و كان في أحداث ليها علآقة أو ربط بأحداث بعد كده و وصلها بطريقة متلخبطش القارئ ..
- كان في أجزاء محتاجة تفسير شوية علشان في أجزاء مفهمتهاش كويس .
اخر جزء هو اللي كان فيه رتابة شوية بــس
- الكاتب " عمرو المنوفي " بدأ الرواية بأسلوب يشدك ، خلصتها ف يوم بالظبط حوالي 8 ساعات متواصلة من المفاجأت و الرعب اللي مكنش جامد أاوى ف كُل الأجزاء و مازلت مش مصدقة !!
الرواية ليها إتجاهات كتير ، يعني مش تركيز علي الرعب بس مثلاً !
فـ هتحس بمتعة ^_^

>> احترس من لعنتك 3:)

[Omar Hatem Hamza · Rating 1 out of 5]

اولا : عنوان الرواية هو اكثر ما جذبني اليها..و لكن مضمون الرواية ليس له علاقة خاصة بالعزيف بمعانيه الثلاث..و الرواية لا تدور بشكل خاص عن الجان حتي يكون ذلك حجة
ثانيا : فكرة الرواية جيدة..و لكن اسلوب الكاتب افسدها تماما..ما يفترض به ان يكون رواية رعب اقحمني في تعقيدات اجتماعية , و تفاصيل مملة جدا..الكاتب يسهب اسهابا شديدا في وصف احداث او مواقف سطحية بشكل طارد للجاذبية !!
ثالثا : الشخصيات عديمة الاسماء كثيرة جدا...و هذا مربك لدرجة انك في بعض الاحيان لا تعرف عمن يدور الكلام بالظبط..
رابعا : اسلوب " روايات الجيب " , حيث تستهلك سطرا كاملا لتكتب فيه كلمتين او ثلاث كلمات اسلوب لا يجب استخدامه مطلقا مع رواية من 405 صفحة كلفتني مبلغا فلكيا يبلغ سدس الميزانية الشهرية !!!
خامسا : الجيع هذه الايام يحاول تقليد احمد خالد توفيق مع لمسات من نبيل فاروق !! يا جماعة , لا يوجد سوي احمد خالد توفيق واحد و اي محاولة لتقليده لا ترقي بالعمل , بل تجعله شائها ممسوخا..الجديد انه كان هناك بعض التعليقات المستوحاة من اسلوب احمد مراد ايضا !!
هذا العمل في مجمله لا يرقي الي مستوي العمل الادبي , و ان كان البعض القليل من اجزاؤه الكثيرة شائق , و فكرته علي درجة من الجودة..الا انه لا يستحق الوقت و المال و لا انصح بقرائته

[Amjad AbuZaid · Rating 2 out of 5]

الربط بين فكره الخطايا السبعة و عالم ما وراء الطبيعة لم ينجح فى هذه الملمحة.

حاول عمرو المنوفي ان يبلور الروايه بشكل جامح ولكنه فشل ، ضعف الحبكة غير طبيعي اضعف الرواية واضعف الشكل والاطار اللي حاول بيه الكاتب انه يخرج بيه الرواية

وصف الشخصيات شبه مش موجود ، واللي بيقرا يحس ان الـ 7 ميفرقوش عن بعض فى حاجة ، ايضاً عدم الاشاره بالأسماء لأشخاص بعينها والاكتفاء بتسمية المخلوق الشيطاني والغريب وما شابه يجعل القارئ تائه وبشدة ، اخر تلت فى الرواية تحديداً الواحد مكانش فاهم منين بيودي على فين

الوصف فى المجمل ضعيف والسرد سطحي ، فى نفس الوقت فى فقرات كتير الكاتب كان بيرص اى كلام جمب بعضه ، التشبيهات مملة ومتكررة

الشئ المحزن هو تهميش شخصية زى شخصية الشيخ ياسين رغم انه فعلاً هو يعتبر بطل الرواية لكن تحس انه اتكتب على الهامش ، جاى كده وخلاص

للأسف فشل الكاتب فى الربط بين الفكرتين ، وان كانت احدهما مقتبسة والاخرى لها رواد فى المجال ده ، الا ان الكاتب بغض النظر لم ينجح على الاطلاق فى بناء رواية صلبة منمقة عميقة تجذب القارئ اليها.

[Sara · Rating 1 out of 5]

فكرة مكررة و أسلوب ممل و مليئة بالحشو الذي لا داع له

[Amira Mahmoud · Rating 3 out of 5]

وأخيراً خلصت :3
هو الاسم مع الغلاف مع توضيح ان العزيف هو صوت الجن , "اووووبا بقى دي رعب :o " بس الحقيقة مكنش فيها رعب خالص
حتى وصف الجن والشياطين كان بالوصف العادي للى كُلنا حافظينه مخالب وقرون وحوافر وكدا
فكرة أن البطل يورث قوة او ميزة معينة من اجداده " وسبحان الله مش عارفة ليه كُل مرة بيكون الجد السابع :D " فكرة مُكررة :\
لكن فكرة اللعنات اللى بتصيب كُل فرد من الشلة ووجود أكتر من بُعد وأكتر من مخلوق بيتحاربوا , وان الجن والأنس يتحدوا في وقت من الأوقات عشان يواجهوا خطر بيهددهم من مخلوقات غيرهم دي كانت أفكار جديدة
بالنسبة لأن الرواية كان فيها رغي كتير
ف ده حسيت ف أجزاء اللعنات ضروري ومُهم , أنه بيعرفك الشخصية أكتر ,وبيعرفك ايه اللى وصلها لكده ومراحل خطيئتها دى بدأت ازاى وايه اللى وصلها لأنها تكون لعنة
في أجزاء تانية حسيتها رغي اوى وتفاصيل تفاصيل خصوصاً مع كمية المصطلحات اللى الكاتب استعملها واسماء الشخصيات " التيس , المخلوق الشيطاني , المخلوق الغريب , نائلة"
كُنت بتوه مش عارفة منين بيودي لفين -_-
ده أنا أصلاً كًنت بتلغبط ف أسماء السبع اصحاب :D
ده غير المعلومات اللى كانت في الجزء الأخير كانت بتتقدم بطريقة تقريرية بحتة , أجبرتني انى ارجع واقرأ السطور مرتين عشان استوعبها
الرواية كانت أحداثها مُترابطة وغزيرة ولولا الاسهاب ف التفاصيل كانت هتكون رائعة
فيه مثل شعبي بيقول " أهم من الشغل تظبيط الشغل " يعني أهم من الكتابة انى اظبط للى بكتبه ف أحسن صورة , اطلعه بالشكل الصح
الحقيقة الرواية فكرتها رائعة وأحداثها مُثيرة , لكن تفاصيلها الكتير والاسماء اللى كانت بتشتت التركيز هو السبب في عدم الاستمتاع بالرواية
ف مجملها , كويسة :)

[yoyo · Rating 3 out of 5]

لم أفهم سر الهجوم الغريب على هذه الرواية , بل اني اجدها روايه جميله سلسه مليئه بالاحداث والفلسفات. نعم توجد عدة اقتباسات من الافلام والقصص الاخرى ولكن هذا يعزى لطبيعة عالم الرعب الذي يتسم بالضيق والتكرار وعدم القدره على اختراع قصص متفرده تماما , وهو كالكتاب الشباب الذين اكتسحوا الساحه الجديده . ولكنه تعرض للهجوم لانه لم يلحق تعاويذ وطلاسم حقيقيه من كتاب شمس المعارف !!

[Hala · Rating 1 out of 5]

أنا مش هتعصب خالص .. أنا مش متضايقه أصلاً
أنا عاوزه بس اسألك سؤال وترد عليا بصراحه .. شايفنا عُبط !
عُبط إحنا يا عصام مثلاً .. ما ترد عليا يا أخي ؟!

أنا مش فاهمه اللي بقراه ده كان عباره عن إيه بصراحه
هتقولي كملتيه قرايه ليه .. هقولك مانتا اللي استفزتني يا أخي -_-

الفيلم مُقتبس من الآتي بالترتيب .. فيلم التعويذه ، فيلم 7 ، الجزء بتاع المختار ده تحسه كده قالب علي ماتريكس
وفي الآخر تدخلني في بلاد المغرب وجبال الاطلس
يعني انت عاوز ايه بالظبط !

اللغه .. ضعيفه جداً
معرفش ازاي حضرتك كتبت والدار بعد ما راجعت الرواية سمحت تُنشر الهبل ده
- وسوري لو بقول هبل -
الحبكة .. طول مانا بقرأ عماله اضحك
أنا أصلاً مخفتش
أنا عمالة أقول لنفسي إيه الهبل اللي انا بقراه ده
ده إنت مأفوّر أكتر من ريهام سعيد يا أخي :)

حضرتك لو عايز تاخد لقب كاتب بجد - لان بالرواية دي مينفعش تاخده اصلا -
لازم تعيد النظر في أسلوبك كله
في كل حاجه فيه
وتغيّر النوع اللي بتكتبه ده لان حضرتك أصلاً مش متمكن نهائي فيه

أنا عارفه أكيد إني قليلة الذوق وأنا بكتب الريفيو ده
بس حضرتك دي أول مره اتعضب بالشكل ده وانا بقرأ حاجه كده

وأنا أسفه بجد
أسفه جداً إني ضيّعت وقتي وأنا بقرأ حاجه زي دي كده :)

[Jilan Wagdy]

الرواية مملة وسطحية وترابط الأحداث ضعيف وستنهي الرواية دون أن تستطيع أن تتذكر معظم أسماء الأبطال أو حتى دورهم في الرواية.
الرواية عبارة عن اقتباس سطحي ومهلهل لفيلم سفن (الخطايا السبع)للكاتب أندرو كيفين واكر وبطولة براد بيت وموريجن فريمان

[Walaa Abd El-Razik · Rating 4 out of 5]

المعرفة نصف النصر ونصف الهزيمة

سبعة هربوا من أنيات الموت ...سبعة سيعودون لعرين الموت ... سبعة ستقتلهم شهواتهم الكبرى .. سبعة لن يروا القمر التالى "


أستطيع أن أقسم الرواية الى ثلاث أقسام :
القسم الاول : ممل بعض الشىء - لايخلو من الأثارة الا ما ندر

القسم الثانى : أرجعنى الى دانتى اليجرى والكوميدا السوداء ( الكوميدا الألهية) - لكل من حلقات الجحيم


القسم الثالث بالنسبة لى صعب بعض الشىء - بعض الأوقات كنت افقد التركيز
فيها بعد الشىء

ف المجمل : الكاتب له بعض الكلمات القوية - والكلمات التى تلمس القلب أيضا

[Mohamed Mohsen · Rating 3 out of 5]

دانتى و جحيمه ألهب خيال العديد من الكتاب
وفى رواية عزيف طوع المؤلف تلك الأسطورة مستخدماً
خطايا البشر السبع الشهيرة بطريقة حاول بها المؤلف
ترك بصمته و أراءه الفلسفية بأسلوبه و أبداعه الخاص
ليمزج بينها وبين العالم المجهول للجن و الشياطين
كنت أفضل أن يظل لأخر الرواية على نفس التيمة
ولكنه يبدو أنه كان يرغب فى صنع أسطورته الخاصة
رواية جيدة أستمتعت بها جداً , و ظهر بها مدى تأثر
المؤلف بمدرسة د. أحمد خالد توفيق و هذه ميزة أرى
أننا نفتقر لها

[محمد حياه · Rating 2 out of 5]

للاسف لم استطيع اكمالها .. اتمنى يكون الخطأ مني وليس في النص ، فلقد شعرت بالملل كثيرا وتاهت الشخوص امامي

[Houda · Rating 3 out of 5]

القصة جيدة و لكن الأحداث متوقعة إلى حد ما. العنوان يوحي بالرهبة و التشويق و لكن الرواية في حد ذاتها لم تكن بالمستوى اللائق للعنوان

[Muhammad · Rating 2 out of 5]

تجعلك الروايه تمر بعده مراحل شعوريه من بدايه الغلاف و المقدمه المشوقه حتى تبدأ الأحداث في التحول لمنهج رخيص من الاثاره من ذلك النوع المستخدم في الأفلام التجاريه حتى أنه استخدم فكرة الخطايا السبع لا لشئ الا لحشو الروايه بسلسله من الأحداث الممله المكرره المتوقع نهايتها ولتكتشف في نهايه الروايه أنها لم تكن ذات أهميه تذكر و في النهايه يعود المؤلف لروايته مجدا ليكمل السرد الذي ربما كان ممتعا لو لم يثير مللي ..
الروايه أجبرتني على 'انهائها' لأعرف ماذا يريد المؤلف 'بسرعه' حتى أنتهي منها لأتفرغ لما يستحق القراءه ..

نصيحه : الروايه ممكن تقرأها لكن خساره فيها فلوس :-D

[Shrook Sayed · Rating 1 out of 5]

قصة رديئة جدا من حيث اسلوب السرد الخبرى الممل لاقصى درجة ومن حيث كمية التفاصيل والزيادات الكتييييييييير اللى ملهاش اى لازمة فى الاحداث معرفش ليه كدة !!!!
دة غير ان القصة ذات نفسها غريبة ومش مترابطة وحاجات بتحصل فجأة وتخلص فجأة تخليك تفصل اصلا من القصة و طوولت اوى واحداثها الغير مشوقة بالمرة فتحت زيادة عن اللازم من غير داعى ...
القصة قمة فى الملل بصراحة ومفيش اى حاجة مفيدة فيها غير اننا عرفنا ان العزيف هو صوت الجن !!!!..انا خلصتها بالعافية لمجرد انى مش بقدر امسك قصة الا لما اخلصها وليس اكثر !!!

[Ebram Tharwat · Rating 2 out of 5]

مبدئيا الروايه ملهاش ايه علاقه خالص بالرعب .. احداثها طويه وممله
فى اولها حسيت انها مشوقه ومختلفه بس بعد ثلث الكتاب بقت ممله وتخليك تتوه .. متعرفش مين الجن ومين الشيطان .. بالظبط كلام منفول من النت ومن غير تفكير

كل اللى استفدته من الكتاب ان المغرب بلد السحر وان رئيس الجن اسمه شمهورش

[Mai Hamdy]

ktab saye2 gdn
f3ln mn aswa2 l kotb ly 2retha
oslob momel gdn
w etala malhash lazma
w 400 saf7a 3 fady
kan mmkn ytkb f 20 saf7a asln

[Sahar Kadry · Rating 2 out of 5]

مُبتذلة .. إسلوب الكاتب مش ساعده انه يعبر كويس القصة نفسها اتكررت فى كل روايات الرعب المرتبطة بالأبعاد الكونية وعوالم الإنس والجن

[Ghassan Ahmed · Rating 1 out of 5]

رواية مملة جدا

[Hope · Rating 4 out of 5]

رواية لطيفة وخفيفة جدا
وعجبتني بغض النظر عن الريفيوهات السلبية الكتير هنا
بس تيمة الرواية من التيمات المحببة جداااااا على قلبي
ويكفي إنه مستخدم دانتي كأحد المراجع المعتمد عليها


الرواية بتتكلم عن 7 أشخاص في شلة واحدة مفيش أي رابط ما بينهم، حتى هما نفسهم مستغربين إزاي اتجمعوا مع بعض في شلة واحدة.
فلا سن ولا مستوى اجتماعي ولا ثقافي يجمع بين ال 7
حاجة واحدة تجمع ما بينهم
الرابط الشيطاني
والظروف الاستثنائية اللى خلتهم ال 7 أصحاب في وقت قياسي
الراس الكبيرة "أمجد"
صاحب المصايب "أُس" الفساد زي ما أي أم مصرية بتحترم نفسها هتقول عليه
ده إللى هنفتكره في اول الرواية
إن أمجد ده المصيبة الكبيرة
لغاية ما اللعنة تحل وكل واحد هتقتله الخطيئة بتاعته
وهعترف،، كنت متعاطفة مع الابطال لغاية ما عرفت كل واحد فيهم إزاي الخطيئة دي بقت الخطيئة بتاعته،، وبقيت سعيدة وكل واحد فيهم بيتعذب
يستاهلوا

لا حقيقي يستاهلوا
مصعبوش عليا تانيا بدا
وكنت عايزة المؤلف يكتب مشاهد تعذبيهم بالتفصيل بدل كلمة " التعذيب"





وفي النهاية اتبقى أمجد وعليه إنه يفك كل اللعنات
ولكن أمجد وكما توقعت خطيئته هي الكبر






.....
انا مش هحرق الاحداث عشان فعلا القصة لذيذة ومكنتش متخيلة انها تعجبني من السلبيات اللى محطوطة
صحيح مش من الروايات اللي تاخد 4 أو 5
بس مين قال ان لازم كل الروايات تاخد الدرجة النهائية
مش شرط تكون رواية فلسفية أو أدبية أو أسلوب العقاد في الصياغة عشان تبقى حلوة

الرواية كنت هديها 3
بس قررت إني اديها 4 بس عشان "شحته" أحد أبطال الرواية بيكره يوم التلات




حقيقي بتفهم يا شحتة
أي حد بيكره يوم التلات
Automatically my friend


أول مرة مهتمش بالنهاية
عشان الرحلة نفسها كانت ممتعة


أكيد هجرب حاجة تانية للمؤلف

[Diaa Eldeen · Rating 1 out of 5]

فيلم و اتحرق مليون مرة قبل كدا
عايز تبقى كاتب رعب غلاف مخيف اسم غريب و شوية هرتلة و جن و شياطين و عفاريت مبروك بقيت كاتب رعب
الشىء اللى استفدتة ان عزيف صوت الجان دا إذا مكنتش المعلومة غلط
المهم شكرا لتضيع وقتى ✌

[إيمان · Rating 4 out of 5]

* روايه تحمل بين سطورها 4 اجزاء ...
جزء الجن و الشياطين و ممارسه الاعمال السحريه
جزء واقعى جدا عن مشكلات نعاصرها
جزء سياسى تحمله بعض السطور و احيانا بين السطور
جزء خيالى و معركه تشبه احدى مغامرات هارى بوتر او The Lord of the Rings

* استطاع الكاتب عمرو المنوفي فى تسلل احداث ان يستحوذ على انتباهى الكامل فى بدايه الروايه بمفجأه لم اكن اتوقع حدوها و اثارت لدى العديد من التساؤت عما سيحدث بعد ذلك و استطاع على مدار الروايه ان يكسر توقعاتى دائما بأحداث تجعل الروايه تأخذ منحنى مختلف وهو مايحسب للكاتب لانه جعلنى لاخر سطور الروايه لا اعلم النهايه ..

* اعجبنى جداااااااااا الحديث عن الخطايا السبعه و ذكرنى بفيلم seven نوعا ما و من خلال الحديث عن تلك الخطايا طرح مشاكل اجتماعيه و سياسيه كانت واقعيه جداااااااااااااا

* على الرغم من ان هناك فترات توهت فيها بين سطور الروايه و سيطرت على التساؤلات الا ان الكاتب كان يرد على تساؤلاتى فى السطور التى تلى تساؤلاتى و كانه يعلم اننى س اتسأل كيفف حدث هذا او لماذا ..

*اعتب عليه الربع الاخير فى الروايه قليلا فعلى الرغم من الشعوذه و ممارسه الاعمال السحريه فى اجزاء الروايه الاولى و واقعيه الاحداث الا اننى وجت نفسى فى معركه بين الخير و الشر و معركه من اجل البقاء و كأننى امام ملحمه من احدى اجزاء فيلم The Lord of the Rings .. الانتقال من الواقعيه مهما كانت غريبه لملحمه بالطريقه دى خضنى شويه

* فى النهايه الخاتمه كانت رائعه و على الرغم من الانتصار يجب ان يكون هناك ضحايا فلكل عمل نتائجه السيئه و الجيده ..

عزيف .. ورايه جيده جدا تستحق القراءة