العدالة الإلهية

by هاني مينا ميخائيل

بحث إنجيلى أبائى لاهوتى فى موقف الله من الشر والموت وهدف الفداء والكفارة والخلاص بين اللاهوت الشرقى والغربى.

Genres: Theology

379 pages

Reviews

[Marianne Magdy · Rating 5 out of 5]

ابسط شيئ ممكن اقوله هو ان الكتاب ده غير حياتي بالكامل وكان السبب في تغيرات كتيرة في حياتي وطفرة في معرفتي بربنا وبشخصه..ومهما اتكلمت عن تأثيره مش هديله حقه.. انصح الجميع من كل طوايف المسيحية انهم يقروه..

[Ashraf Bashir · Rating 5 out of 5]

من أروع ما قرأت، كتاب لاهوتي عظيم، يعيد الأمور الي نصابها الصحيح في النظرة الي الاله، بحث قيم يستحق القراءة ومصدرية آبائية مدققة

[Kyrellos Maged · Rating 5 out of 5]

احد تصنيفات المعلومات
ان في معلومات انت عارفها
وفي معلومات انت عارف انك مش عارفها
وفي معلومات انت مش عارف انك مش عارفها
انا كنت بظن الفئة التالتة دي هي المعلومات البعيدة اوي ... الفضاء مثلا
بس مكنتش متخيل انها ممكن تيجي في معلومات محورية ووجودية بالشكل دا
كمسيحي قبطي ارثوذوكسي عايش في كنيسته في اوائل القرن الواحد و العشرين الكتاب ده يعتبر صادم جدا في مفاهيم اساسية كتيرة عن ماهية الاورثوكسية
و شكل تاريخ الفكر اللاهوتي (العقيدي )المسيحي
ببساطة اكتر ..الكتاب بيدخل خطوات اعمق ناحية فهم الخلاص.. رؤية مهمة جدا و اعمق لمن هو الله و كيف خلصنا -او يخلصنا- (كما فهمت الكنيسة في مراحل تطورها )
الكتاب ده لازم يتقري بحذر و حيادية قدر الامكان
لانه اي تسرع و حماسة زايدة بسواء بالقبول او رفض مضمون الكتاب كفيلة انها تخسرك كتير
سواء رؤية مبهرة متسعة لمفاهيم هامة زي عدل الله و الكفارة و غيرهم من مفاهيم اساسية في الوعي المسيحي

او هتخسر بانك كسرت اساسات انت اتربيت عليها .. والمشكلة انك غالبا بتكسر من غير ما تكون بصيت كويس على الاساسات دي و اتاكدت انها متنفعش .. مش بس ثورة و شعارات بتلمع وبتسكت جوع لنظرة معينة لله بتتقدم في الكتاب ...

اما عن مضمون الكتاب فمش عارف الخصه او حاجة لكن عندي اربع نصائح
١) اوعي تفوت المقدمة
فمقدمته فعلا مبهرة !
سواء مقدمة الكاتب او مقدمة الانبا اثناسيوس مطران بني سويف المتنيح
فعلا تُدّرس .. ازاي تعمل نقد ابوي منظم يبني ولا يهدم

٢) حاول تخلص اجزاء كبيرة مرة واحد مش تقطعه لانه نوعا ما كبير و مينفعش تركنه لانك لو نسيت الجزء اللي قبل كده هتفقد كتير من المفاهيم و هيبقى الموضوع اصعب
كتير كنت بحتاج ارجع اقرا اجزاء عدت لاني قريته على مدار 5 شهور تقريبا ..

٣) اظنه من الكتاب اللي محتاجه قراءة نقدية فيها مقارنات او مناقشات عشان تحصل افضل استفادة منه ..
4) لو حصل وزهقت في اي مرحلة و هتسيب الكتاب عدي على الخاتمة بتاعة الكتاب اللي فيها الخلاصة اظن هتفرق جدا
يلا
قراءة ممتعة حذرة

[Michael Mansour · Rating 3 out of 5]

هذا هو الكتاب الثاني الذي أقرأه لنفس الكاتب بعد كتاب (الله والإنسان والكون المادي في الإيمان الأرثوذكسي)، والكتاب في مجمله رائع يظهر فيه مجهود كبير من الكاتب في بحث قضية العدالة الإلهية، ومحاولة ينبغي احترامها في تصحيح نظرتنا لله ومحبته وعدالته ومفهوم الفداء والكفارة. وقد أثري الكاتب البحث باستخدام اقتباسات كثيرة من كتابات آباء الكنيسة وأيضاً كتابات اللاهوتيين المعاصرين.
ولكن هذا لا يمنع أن الكتاب به عيوب غير بسيطة، أقلها التكرار الشديد الغير مفهوم والغير مبرر الذي يجعل القارئ يمل في أجزاء كثيرة من الكتاب، ثم الاعتماد علي كتب لكُتاب آخرين كمراجع في الاقتباس من كتابات الآباء بدون الرجوع للمصادر الأصلية. وأكبر العيوب هو استخدام الكاتب لفهمه وتفسيره الشخصي في شرح أجزاء كثيرة من الكتاب المقدس ليثبت وجهة نظره بدون أي مرجعية وحتي بدون أي احترام لقرينة وسياق النص السهل فهمه لأي قارئ مدقق للكتاب المقدس.

[David Mamdouh · Rating 3 out of 5]

كتاب مميز يطرق مواضيعه بطريقة كتابية ابائية
ولكن .....
1. لاحظت تعمد الكاتب الهجوم على اصحاب الفكر المختلف معه حتى قبل طرح الفكرين ..فكان مهاجمًا اولًا ثم باحثًا ثانيًا
2. الاستشهاد بايات الكتاب المقدس كان مميز ولكن أعيب عليه اضافة تعليقاته على الايات وهي بمثابة شروحات للايات ولا اعرف من اين اتى بها
3.الاستشهاد بأقوال الأباء بعضها مقتطع من سياقه والأكثر عن طريق اقتباسها من كتب اخرى حديثة وليست من الكتب الأبائية الأصلية
4. تكرار الفكرة اكثر من مرة على طول الكتاب وتكرار الأقوال اكتر من مرة بطريقة تصيب بالملل وتشعر فيها تعمد الاطالة
............................
ولكن اؤكد انه كتاب قوي مثير للذهن وأنصح بقراءته بقوة ولكن بحذر

[George Maher · Rating 4 out of 5]

كتاب قيم يوضح فكر الاباء عن النظرة الشفائية للفداء و الخلاص و غاية التجسد
يعيب على الكاتب :
- اقتباس بعض اقوال الاباء من كتب اخرى غير مراجعها الاصلية.
- تفسير بعض الايات و الافكار على مزاج الكاتب بدون دعم واضح لهذه الافكار من تفاسير اخرى
- تحامله الشديد على التعليم الغربى و ذكر الاسماء مما يؤدى للتحيز فى القراءة وكان من الممكن نقد الفكر بدون نقد الاشخاص
- بعض التكرار و الملل فى منتصف الكتاب
انصح بقراءته للرجوع الى فكر كنيستنا الارثوذكسية عن الفداء

[Ehab Anis · Rating 5 out of 5]

كتاب لباحث بذل جهدا كبيرا لا لشىء الا للعودة لروح اللاهوت الشرقى الخاص بارثوذكسيتنا والذى يغير كثير من المفاهيم التى حشرت فى كنيستنا الارثوذكسية من افكار اللاهوت الغربى المتأثر بالسياسة والمجتمع كتاب سيصدمك فى بعض ما تسلمته ولكن بقدر صدمتك ستتغير مفاهيم كنت لا تجد لها اجابات لتساؤلات عندك .
كتاب اقل ما يقال عليه انه كتاب اصيل لا غبار عليه كتاب شرقى اللاهوت من الدرجة الأولى منقى من لاهوت الغرب القائم على المنطق والفلسفة .
ملحوظة :تم نقد هذا الكتاب فى كتاب بدع حديثة وتم اتهام الكاتب فى ابائيته ولكن بقراءتك سيتضح لك النقيض بالتمام .

[Christina · Rating 5 out of 5]

كتاب جميل جدا :) الكاتب بيفتك بنظرية البدلية العقابية وهو مفعم بعدد كبير من أقوال الآباء الأوائل لإثبات عدم ارثوزكسية هذه النظرية التي انتشرت مؤخرا في الكنيسة على يد ذهبي الفم الثاني 😃

[Bisho Neanaa · Rating 5 out of 5]

كتاب رائع