Loja, shembja e qiellit

by Bashkim Shehu

Drama psikologjike e një të riu në një raport problematik me autoritetin atëror, me autoritetin pushtetar dhe me autoritetin e Zotit. Ky është thelbi i romanit të ri të Bashkim Shehut, “Loja shembja e qiellit”.

Shehu thotë se pjesët që kanë të bëjnë me historinë moderne të përndjekjeve ndaj fesë në Shqipëri janë mbështetur në kujtimet e At Zef Pllumit.

Ndërsa Preç Zogaj, i cili ka lexuar veprën, historinë e Aleks Krastës nuk e shkëput nga bashkudhëtimi me autorin.

Një i dënuar në komunizëm, një i persekutuar, por edhe një dënues, që gjer në vdekje, shkon me idenë, se ka bërë gjënë e duhur, janë tri prej personazheve që ngrenë në këmbë romanin më të ri të Bashkim Shehut. Komunizmi dhe demokracia përplasen, secila me armët e veta, regjimi me burgjet e liberalizimi me shpërndarësit e drogës.

229 pages, Paperback

First published January 1, 2013

About the author

Bashkim Shehu është një nga shkrimtarët shqiptarë më produktivë të ditëve tona. Që prej vitit 1993 e deri më sot ka botuar në mënyrë sistematike çdo vit e më shumë vepra të tij.

Bashkim Shehu ka lindur më 1955 në Tiranë. Deri më 1981 punoi si skenarist në Kinostudion Shqipëria e re. Prej vitit 1997 ai jeton në Barcelonë. Aktualisht punon si këshilltar për Europën Lindore në Qendrën e Kulturës Bashkëkohore të Barcelonës.

Disa prej librave të shkrimtarit Bashkim Shehu janë botuar në gjuhë të ndryshme të botës, si: Rrugëtimi i mbramë i Ago Ymerit (roman); Rrëfim ndanë një varri të zbrazët (roman autobiografik); Vjeshta e ankthit (roman); Gostia (roman) dhe dy përmbledhje me tregime.