العريس

by شادي أحمد

عشان الولد المصري يتجوز لازم يمر بالمرحلة الأولى
مرحلة البديهيات
لازم يكون مخلص جامعه (ده شئ بديهي رقم)1)
لازم يكون معاها شهادة محترمة (هندسة أوطب أوصيدلة) )
لازم يكون عنده شقه
لازم يكون متوظف (من الأخر مصدر رزق إن شاء الله أبوه بيصرف عليه) )
لازم يكون معاه مصاريف الجواز
كمية لازم خرافية لازم تتوفر في الولد عشان بس يفكر في الجواز وده كله زي ما قلنا مرحلة الباديهيات لسه مدخلناش في مراحل الطلبات الخاصة
وده إلي هتكون بالتفصيل في إلى أنا بكتبه ده
صبركوا بالله عليا أنا بس باخودكوا بالراحة كده عشان مش فجأه أصدمكم
في كل حاجة (مصر حلوه يا ولاد)
وأرجع أقول إن الجواز تجربة مريرة
بيمر بيها كل واحد من ساعة ما بيقرر إنه يخوضه (محدش يفهمني غلط)
لحد ما بيتجوز في النهاية)

(الشبكه ,المهر ,أوضه الأطفال,بنت خالت العروسه,الكونسول
كلها أشياء تجعل الجواز عملية أنتحاريه ليست لزوي القلوب الرحيمه )

عشان ده كله يأتي العريس ليقدم لكم الحل ....العريس كتاب يحرض على الجواز ..

183 pages, Paperback

First published January 1, 2012

Reviews

[ياسمين Thabet · Rating 1 out of 5]

الحقيقة انا مش عارف ابدا منين
ايموشن محمودسعد

وطول مانا بنقرا الكتاب ده جوايا ايموشنات كتير اوي بس ماينفعش اكتبها عشان عيب

بس حاقول الحلو في الاول احلى حاجة في الكتاب ده غلافه
تصميم في منتهى الروعة ولولاه ماكنتش اشتريت الكتاب واحيي مصمم هذا الغلاف على ابداعه


مبدأيا كدة الكتاب مش حلو
وحاحاول بكل ما استطيع من طاقة ان امنع نفسي اني اكتب كلام عيب في الريفيو

حاحاول اكون كويسة على قد مااقدر
وقبل ما ابدا انا مش باهاجم الكاتب بشخصه انا باهاجم الكتاب والفكر ده
لاني اصلا ضد فكرة ان القارئ يغلط في الكاتب

ماشي؟ كل ده تمهيد يمكن باقوله لنفسي عشان امسك نفسي قبل ما اقوله لقارئ هذا الريفيو

اولا الكتاب بيتناول فكرة معاناه الرجال في رحلة البحث عن زوجة بشكل في منتهى السطحية
لا يمت للواقع بصلة
وان كان يتحدث عن واقع فهو يتحدث عن نسبة لا تتعدى 10% وهي نسبة ماينفعش اصلا نتكلم عنها او نحسبها

ثانيا انا ماحستش انه كتاب ساخر لانه ماضحكنيش
ثالثا المقالات مكتوبة بطريقة مش مريحة كأنها في مدونة او هي فعلا مدونة بس كان ممكن لما تتجمع في كتاب يتغير فيها او حاجة
في بعض الجمل الساخرة بتتكرر في كل فصل

انا مش حاقعد امسك فكرة فكرة
وارد عليها بس مبدأيا كل افكار الكتاب خاطئة مئة بالمئة ونظام يا احمر الخدين

لكن انا في نقطة عاوزة اتكلم فيها بشكل عام لا اخص الكاتب بالكلام
لما نلاقي في مجتمعنا المحترم
مهندس يفكر في الجواز بهذا الاسلوب فاننا امام كارثة فكرية بكل ما للكلمة من معنى
امال اللي مااتعلمش بيفكر ازاي او اللي خريج معهد بيحسبها ازاي

يعني لما مهندس يروح يتقدم لبنات الناس وكل اللي همه شكل البنت وماجبش الا مقالة واحدة منتقدا فكر الشخصية اللي قابلها هنا احنا قدام مشكلة كبيرة جدا
يعني المقالة الوحيدة اللي بتتناول شخصية البنت هي المقالة اللي بتتكلم عن البنت اللي معجبة بالمغنى ونفسها في واحد زيه
بغض النظر على ان في رجالة اتفه من كدة بكتير وان الحمد لله ان مشكلة البنت بس تتعلق بان فكرها منحصر في مغنى
فانا هنا احب اتكلم ازاي مهندس يفكر يقضي حياته مع انسانة لا يهمه فيها الا شكلها وتكون لذيذة وشيك واهلها مايدفعهوش!!!!!

كل افكار الكاتب تنحصر في فكرة والنبي احنا عاوزين نلغي اي حاجات دفع
اه انا معاك ان في اهالي بتغلي على الشباب وده غلط وكلنا عارفين كدة الخ الخ
لكن ان تكون دي بس مشكلة المهندس في اللي حيتقدملها هنا تكمن الكارثة

يعني لو لقى بنت حلوة واهلها باعوها بالرخيص حيتجوزها عادي جدا كدة؟؟؟ هي دي مشكلتك في الجواز؟؟؟؟
طب فين تدينها؟...فين فكرها؟...فين نظرتك ليها كأم لاولادك حتربيهم...فين طموحها هدفها في الحياة....طباعها تحملها الخ الخ
اسئلة كتير جدا جوايا
كل مشكلة الكاتب مع البنات هي الجمال
والاهل اللي بيغلوا
هل صفوة المجتمع من الشباب بتفكر بالطريقة دي؟؟؟؟؟
اذن اتمنى اني ما اتجوزش ابدا لو في الاخر حانتهى لحد بيفكر كدة وبيختار شريكة حياته بالطريقة دي

الحقيقة الكتاب ده كرهني جدا في جواز الصالونات لانه بجد رخص البنات في عيني عشان يجي شاب زي النموذج المذكور في الكتاب يتنطط عليها ويختارها زي العربية بالضبط على انها حلوة ولا وحشة
انا معاك في النقد لكن في بعض الكلام اتقال في الكتاب لا يجوز انه يتقال لانه في اهانة كبيرة اوي
زي الفصل الخاص ببنات هندسة
وزي الفصل الخاص بثورة سورية
والنكتة ان في فصل الكاتب بيقول فيه وهو زعلان ايه الطريقة دي هو انا باشتري عربية؟
طب انا باقول الكلام ده من اول حرف في الكتاب لحد اخر حرف

ولولا ان البنت لما بتحب ممكن تعمل اخطاء وممكن تتنازل وتتجاوز ودينا مابيقولش كدة كنت قولت بليز يا بنات ماحدش يقبل طريقة الصالونات دي اطلاقا
الحقيقة الكتاب اصابني بالاكتئاب واحزني جدا ان هو ده اللي بيدور في دماغ الشباب
وان الشباب ده للاسف حيكون اب لاولادنا وحيربي الجيل القادم
شئ محزن جدا

واتمنى مايكونش الفكر المطروح في الكتاب ده بيدور في كل عقول الشباب لان لو ده صح يبقى العنوسة ارحم بكتييييييييييييييييييييييير

وانا اسفة جدا لو ضايقت حد بكلامي وخصوصا الكاتب باعتذرله بس بجد انا حزينة اوي من الكتاب ده

[Ahmed · Rating 2 out of 5]

تقريبا كان مدونة و جمعها ف كتاب
و في عملية تجارية بحته الكتاب بدل ما يطبع بالكتير في 80 أو 90 صفحة إتمطّ ل183 صفحة
أكتر فصل عجبني هو كليه هندسة ... مقبرة الرجال
أنا كمهندس حاسس بالمعاناة الرهيبة دي :(
أيضا الشكر اللي وجهه ف آخر الكتاب عجبني جدا
الغريب إن بعد فتره واحد زميلي في الشغل طلب كتاب خفيف يقراه
إديته الكتاب ده ومكنتش أعرف إنه أعزب رغم سنه الكبير وإنه إتمرمط في البحث عن عروسة

[Manar Keshk · Rating 5 out of 5]

باشمهندس شادى بأحييك يا فندم على الكتاب الجميل :)
كنت دايما نفسى أعرف وجهة نظر الطرف التانى (العريس) فى ملحمة جواز الصالونات...وشكرا ليك انك أشبعت فضولى فى النقطة دى

الحلو فى كتابك ان سرده بطريقة عفوية سلسة بسيطة وذكية فى نفس الوقت؛ أول مرة حد يتجرأ وينقل مشاعر العريس اللى رايح على قعدة صالونات -غالبا سخيفة أيا كانت نتائجها- وده بيقلل شوية من نظرية "الثرى العربى" اللى حاى يشترى معزة ...واللى البنات -وأنا أولهم- مروجنها !!

ويمكن ده يقلل من جو التنشنة اللى بيبقى مسيطر على قعدات التعارف للجواز..مادام كلنا طلعنا غلابة أهو :)

كتابك احتل جزء مهم فى مكتبتى ...وغالبا هيبقى مانيوال أحتفظ به لابنى لو جه واتجوز صالوناتى
:)
تحياتى ليك وبالتوفيق دايما

[Hebah Moanis · Rating 2 out of 5]

شدنى اسم الكتاب ومقدمته
حسيت انه هيكون الجزء المكمل لكتاب عايزة اتجوز
نشوف الشط التانى شايف ايه
الكتاب ربيعى خفيف بيكون فاصل بين كتب كتير تقيلة وبعيده عن الحياة
ومن اول سطر حسيت ان مواضيعه تدوينات على مدونة بس للاسف معرفتش اوصل للمدونة على الانترنت.

ملحوظات على الكتاب:
حجم وتصميم الغلاف لطيف جدا
الاسم كمان يشد الانتباه وبيدل على محتوي الكتاب
كان فى مشكلة فى تحرير النصوص، ان مفيش علامات ترقيم والسطور شوية بتهرب - اخ شكل دار النشر معملتش شغلها كويس ؛)
واخيرا بالنسبه للموضوعات كان فيها تشابه شوية ويمكن ده بسبب ان الكاتب كان بيعرض المواقف الى حصلتله هو شخصيا، فكانت بتدور فى فلك واحد كلها.

اما بقى فكرة الكتاب الى عايز يقولها فخى تحسر على مجتمع قرر باديه انه يعقد نفسه ويلف حبل المشنقة حوالين رقبته بمزاجه، ومش مع الكاتب قوى فى ان جيل الاباء والامهات بيحاول يصدرلنا المشاكل الى هو عاناها فى جوازة .... اطلاقا، ابسولوتلى ، لان الجيل ده جيل كون بيته بنفسه. جيل كان بيجيب العريس فيه كل شئ بفلوسه هو مش بفلوس اهله والعروسة كانت بتساعد من فلوسها هى، صحيح كان فى تدخل من الاهل بس مكانش الاساس. كانوا اخر جيل اطبق عليهم فكرة نبنى البيت طوبة دهب وطوبة فضه سوا بعد ما نتجوز، ويمكن هو ده الى خلاهم يتعنتوا فى جواز اولادهم انهم مش حابينهم يتعرضوا للى هما شافوه فى بدايه حياتهم خصوصا مه الهجمة الرأسمالية الفظيعة الى دخلت على مجتمعنا فى فترة الثمانينات والتسعين، وجت كملت عليها القرن الجديد فى بلدنا الى رسخ فكرة هبوط المستوي الاجتماعى والاقتصادي للطبقة المتوسطة. لى خلت الاهالي بتتشبث انها تفضل فى مستواها او تنزل حاجة بسيطة. وتحاول على اقل تقدير ان اولادهم لما يتجوا يتجوزوا مايهبطوش لطبقة الفقراء.

يعنى من الاخر الموضوع كبير بس الخلاصه اننا لازم نساعد نفسنا اننا نبطل نخاف من المستقبل، وياخوفى يا بدران لا امراض الاباء تتحول للابناء وكل ده يطلع على الجيل ى هيطلع
ربنا يستر

[Ayat · Rating 1 out of 5]

ماقدرتش أكمل بعد 10 صفحات ... أسلوب أوفر بطريقة غريبة وخفة دم مفتعلة خلت كل كلمة قريتها أكنها بتدينى على وشى من كتر تقل الدم ... ولو فيه نجوم تحت الصفر كنت اديتهاله

[Sara Alaa · Rating 3 out of 5]

لطيف و خفيف بس ميستحقش يتعكل كتاب

[Zeinab · Rating 2 out of 5]

ﺍﻟﻜﺘﺎﺏ ﻓﻴﻪ ﻧﻘﻂﻪ ﻭﺍﺣﺪﻩ ﻣﻨﻂﻘﻴﻪ ﻭﻫﻰ ﺍﻟﻤﻐﺎﻟﺎﻩ ﻭﺩﺍ ﻓﻌﻠﺎ ﻣﻮﺟﻮﺩﻩ ف ﺍﻫﺎﻟﻰ ﻛﺘﻴر ﻣﺎﻋﺪﺍ ﺫﻟﻚ ﻓﺎﻟﻤﺸﻜﻠه ﻋﻨﺪ ﺍﻟﻜﺎﺗﺐ ﻟﻘﺪ ﺷﻌﺮﺕ ﻣﻦ ﻛﺗﺎﺑﺘﻪ ﺍﻥ ﺍﻟﺰﻭﺍﺝ ﺩﺍ ﺣﺎﺟه ﻛﺪﺍ ﻟﺘﻜﻤﻠﻪ ﺍﻟﻮﺟﻫﻪ ﺍﻟﺎﺟﺘﻤﺎﻋﺒﻪ ﻟﻴﺲ ﺍﻛﺘﺮ ﻭﺍﻥ ﺍﻟﻐﻠﻄ ﺩﺍﻳﻤﺎ ﻣﺶ ﻋﻨﺪه ﻭﺩﺍ ﺍﻥ ﺻﺢ ﻓﻬﻴﻜﻮﻥ ﻣﺶ ف ﻛﻞ ﺍﻟﺎﻭﻗﺎﺕ ﺍﻟﻜﺎﺗﺐ ﻣﺶ ﻣﺤﺪﺩ ﺍﻯ ﺍﻭﻟﻴﺎﺕ ﻭﻟﺎ ﺍﻯ ﺻﻔﺎﺕ ﻟﻤﺸﺮﻭﻉ ﺍﻟﺰﻭﺍﺝ ﻋﻨﺪﻩ ﻛﻜﻞ ﻭﺑﺎﻟﺘﺎﻟﻰ ﻣﺶ ﺍﻟﻤﻔﺮﻭﺽ ﺍﺻﻠﺎ ﻳﺸﺘﻜﻰ ﻟﺎﻧﻪ ﻟﻢ ﻳﺤﺪﺩ ﻫﺪﻓﻪ ﺍﺻﻠﺎ .. ﻟﻢ ﻳﻌﺠﺒﻨﻰ ف ﺍﻟﻜﺘﺎﺏ ﺍﺳﺘﺨﺪﺍﻣﻪ ﻟﺒﻌﺾ ﺍﻟﺘﻌﺒﻴﺮﺍﺕ ﻛﻤﻮﺿﻮﻉ ﺍﻟﻘﺎﻓﻠﻪ ﺗﺴﻴﺮ ..

[Asmaa · Rating 5 out of 5]

كتاب جميل كوميدي في اجزاء كتييير عرف يوصل وجهه النظر الاخرى و اكتر جزء عجبني هو الجزء الاخير اللي اتكلم عن الموروثات والمعتقدات اللي واخدينها من اهلنا و الاجيال اللي قبلنا و التفاصيل و الحتجات اللي ملهاش لازمه اللي لازم تتجاب عشان المنظر بس قدام الناس لما تيجي تزور البيت

[Kyrelloss Nashaat · Rating 2 out of 5]

نجمتين اقرب اللي نجمتين ونصف

كتاب لطيف وسخريته في ان الاحداث واقعية يمكن في مبالغة في حاجات بسيطة ولكن أنا استمتعت بالكتاب فعلا ... في معظم الأحيان كنت بحس أن القصص مقطوعة وكان ناقصها حاجة ... لكن ده مايمنعش انها تجربة جيدة

[Yomnaa Gamal · Rating 4 out of 5]

صراحة أول ما يدات اقرا الكتاب قلت في نفسي ايه ده!!
وايه اللي بقراه ده و كنت هوقف
بس لما بدات اقرا اكتر في الكتاب عجبني جداا و عجبتني جدا فكرته
كتاب خفيف و دمه خفيف
بيوضح لنا قضية مهمة جدا
طبعا ليا بعض الملاحظات ع الكتاب بس عامة كتاب جميل و راق ليا جدا
و حزينة انه خلص

[Heba Ragab · Rating 5 out of 5]

as usual awesome :)

[Ahmed Elshora · Rating 1 out of 5]

الكتاب تافه ملهوش اي تلاتين لازمة .......

[Ahmad Mahmoud · Rating 1 out of 5]

انا مستغرب الكتاب الصراحة و سطحيته !

زعلت اوي عالخمسة و عشرين جنيه :D

[Omar Gamal · Rating 2 out of 5]

مش عارف انا بقيت صعب الارضاء في الكتابة ولا الكتب هي اللي مش قد كده فعلاً

قرأت في الشهر اللي فات ده 3 كتب كلهم طلعوا فشنك ومن ضمنهم الكتاب ده

مش اد كده , لو مصنف انه كوميدي فانا مضحكتش تقريباً وابتسمت قليل اوي

كنت متخيل انه هيدخل في مشاكل اكتر تعقيداً في حياة المخطوبين ويطرح حلول بس للاسف كانت كلها حاجات سطحية لمجتمع سطحي لو بتحصل

ومفيش اي حلول تم طرحها , الكتاب واضح انه اتكتب في فترة طويلة وده بان في مستوي الكتابة بين الابواب المختلفة للكتاب

عموماً ده كان تاني كتاب للكاتب تقريباً والمفروض المستوي بيتحسن من كتاب لاخر , مستني منه حاجة احسن اقراها له :)

[Marwa · Rating 2 out of 5]

well..the idea is good..in the middle of all books and blogs talking about the problems girls face with expected grooms..he chose to write from the guy point of view..i think guys will relate a lot..and girls can get some insight..however the writing style is somewhat poor..he tries to he simple..but some parts was not good...also the book printing is weird..some sentences ate printed in 2 lines with strange locations for linr breaks..maybe this affected my judging for the writer style a lot

[Masa · Rating 3 out of 5]

ممممم بيحكي قصص خفيفة عن مشوار الخطوبه و مشاكله و كتجربه في الكتابه معقولة و جيده جدا ... واقعي جدا مع وجود بعض الاجزاء اللي ممكن اعتبرها حشو ملوش لازمه باعتراف الكاتب نفسه ... :) >>> بس اجمالا كتاب خفيف و واقعي

[Jeena Radwan · Rating 2 out of 5]

Its a small book, i read it in a day, it shows how "the groom to be" suffers in order to find "the one" in a cynical way. Its funny and nice however, sometimes i felt that the chapter ended before giving me conclusive information, maybe it was too short as well.

[Rania · Rating 5 out of 5]

i read the book & i likeee it <3

[Abdullah Rabea · Rating 3 out of 5]

الكتـــاب غلافه والعنوان يشدوا بيحكي عن وضع الجواز والعمليه الانتحارية اللي الواحد بيدخل فيهــا المفروض انه ســاخر وفكاهي أكتــر بس انا محستش بفكاهة خالص كان ممل شوية وفيـه روتين

[Abeer · Rating 1 out of 5]

كتاب فااااشلللل

[Aya · Rating 1 out of 5]

هو لايصلح أن يكون كتاباً
عمل هايف وسطحى للغاية
وحتى لا يرتقي للأدب الساخر

[Rola · Rating 5 out of 5]

كتاب أتر من رآئع بجد ،،
إسلوبه جميل أووى .. و قريب ن القلب
إستمتعت بقراءته :)

[احمد حامد]

so good

[Ahmed Abo Baker · Rating 1 out of 5]

السبب الوحيد لإصدار هذا الكتاب إن الكاتب معاه قرشين خلوه ينشر الكتاب ده ويخلي للتفاهة تمن والله حتى النجمة خسارة فيه
انا شدني اسم الكتاب وقولت ده دليلي بقى وهو ده كتاب المرحلة اقسم بالله ما طلعت باي استفادة منه هو واحد اتقدم لعرايس كتير واترفض وجاي يحكيلنا تجاربه الفاشلة
ملعون أبو دور النشر اللي عملتلكم قيمة

[هاجر عبدالحميد · Rating 1 out of 5]

الغلاف جميل جدًااا😍

[Hager Moharram · Rating 1 out of 5]

I don't mind comedy books and ridiculing and all of that but I do hate "istezraf" writers which is the case in this book. The author thinks he is being funny but he is not really and he was so shallow in handling his topics

[Walaa · Rating 5 out of 5]

كتاب من الأدب الساخر، بلهجة مصرية مليئة بالانتقادات والفكاهة تتشكل مواقف هذا الكتاب.
أحببت استخدامه للهجة كانت الأقرب للفكاهة.
المواقف طريفة وفيها حس ساخر.

[Mahmoud Elmoustapha · Rating 3 out of 5]

الكتاب عبارة عن ما يشبه المقالات بالعامية المصرية تتناول عدة موضوعات مرتبطة بالزواج من جانب الرجال بشكل كوميدي وساخر ، و المصاعب اللي بيواجهوا في الإقبال على الزواج من تشدد للأهل ومغالاتهم في طلباتهم الشكلية إللي من وجهة نظري مالهاش اي تلاتين لازمة .. الكاتب حاول يوصل جزء من أفكاره - كما قال في نهاية الكتاب - بأسلوب ساخر وغير نمطي وشبه الفضفضة ، كأن واحد صاحبك بيحكي لك تجاربه في الموضوع ده .. و دة يمكن اللي مِحَلّي الكتاب ، اعتقد لو تناول الموضوع بجدية كانت هتقلب على تراچيدي جداً ..

كتاب لطيف ومُسلي .. ممكن جدا تاخده كـ "بريك" بين كتابين معقدين شوية :D