موسوعة الأمثال الشعبية

by جمال طاهر

191 pages, Unknown Binding

Reviews

[Hala]

الحاجه الوحيده اللي استفدتها من الكتاب ده
هي اني عرفت احنا قد ايه شعب متديّن بطبعه
الأمثال دي - مع اني مفهمتهاش كلها - بتدل علي اننا شعب مالوش كتالوج اصلا
شعب ماشي بالبركه ، بيعشق الاباحه وقلة الادب
بيتريق علي نفسه قبل ما حد تاني يتريق عليه
شعب ما يعلم بين الا ربنا :))

[ياسمين يوسف · Rating 4 out of 5]

الكتاب عبارة عن تجميع للأمثلة الشعبية المصرية عن موضوعات مختلفة عن المال، الصحة،المرأة، العويل، الليل، الشهور....إلى أخره

فيه عيب وفي نفس الوقت ميزة إنه مجرد تجميع من غير أصل تاريخي أو شرح ويمكن ده ميزة في حد ذاته إنه يخليك تفكر وتتخيل المثل و أصله و تطبيقه

بيحمل كتيييييير من تناقضات الشعب المصري و روحه وكلامه
من طيبته وعنصريته
من سخريته وشيله للهم
من حكمه ع الناس و الأشياء
الكتاب ده مينفعش يتقري مرة واحدة
لازم يتقري أكتر من مرة عشان كل مرة هيلفت نظرك حاجة جديدة في الأمثال بتاعتنا و شخصية مجتمعنا

استمتعت بيه حسيت اني عماله اتفرج على مصر من جوا جواها قووووووي

[Tasneem · Rating 3 out of 5]

الكتاب تجميعة حلوة للامثال بس طريقة كتابته مش مريحة و فيه امثال كتير متعادة
كان ناقصه ان القصص اللى ورا الامثال تنكتب
يعنى المثل جاى منين و اصله ايه
كنت متحمسه له فى الاول لكن جيت على نصه كده و بقت تنتابنى فترات ملل

[Shimaa (Hamssa) · Rating 1 out of 5]

ولا ليها اي لازمة .. معلش بس انا معرفش ايه لازمة اننا نجمع الامثال دي ف كتاب واعتقد ان الاحسن انه يحكى القصة وراء كل مثل منهم ع الاقل يبقي فيه افادة