قصة الكنيسة القبطية - الكتاب الأول

قصة الكنيسة القبطية #1

by ايريس حبيب المصري

قصة الكنيسة القبطية وهى تاريخ الكنيسة الأرثوذكسية المصرية التى أسسها مارمرقس البشير يحتوي علي تاريخ الكنيسة القبطية المصرية مقسمة علي تسع اجزاء منذ نشأتها علي يد مرقس الرسول كاروز الديار المصرية ...
الجزء الأول حتي سنة 435 ميلادي شرقي...

Genres: History

484 pages, Paperback

First published January 1, 1948

About the author

الأسرة

إيريس حبيب المصري ولدت في أسرة قبطية 10 مايو - آيار 1910 (من كتابها تاريخ الكنيسة ج7- صفحة27). والدها حبيب المصري كان وكيل المجلس الملي العام. للكنيسة القبطية الارثوذكسيه. وكان لها اثنين من الأخوة أمين الذي كان جراحا بارزا، وتوفي في الخمسينات من القرن الماضي، وسامي الذي كان مدير مكتب الدولة المصرية للسياحة في لندن، واثنين من الاخوات ايفا، التي ساعدت ايريس في عملها ودورا، التي كانت متزوجة من الدكتور عزيز حبيب المصرى .

التعليم

حصلت ايريس على ليسانس في الآداب، تخصص في التعليم من كلية جامعة لندن في 1938..
بين 1952 و 1954 واعربت عن متابعة بحوثها في كلية dropsie، فيلادلفيا، وفي 1955، ذهبت إلى لندن للحصول على مزيد من المواد والوثائق.
في 1954، عين البابا يوساب الثاني ايريس مندوب الكنيسة القبطية إلى الجمعية الثانية للمجلس العالمي للكنائس في ايفانستون، الينوي، الولايات المتحدة الأمريكية.
من 1955 إلى 1985 ايريس محاضرة في التاريخ القبطي في الكلية الإكليركية في كل من القاهرة والإسكندرية وفي معهد الدراسات القبطية.
في 1959 قامت ايريس حبيب المصري بتسجيل اسمها في قوائم انتخاب البطريرك وقامت خمسه وثلاثين سيدة قبطية بتسجيل أسمائهن أيضاً للأشتراك في أنتخاب البطريرك، ولكن وكيل المجلس الملى شطب أسمائهن حتى قبل تغيير اللائحه.

تاريخ الكنيسة

اهتمت بتاريخ الكنيسة القبطية الأرثوذكسية وفي عام 1948 نشرت المجلد الأول من المجلدات التسعه هي كتاب عن تاريخ الكنيسة القبطية الارثوذكسيه يسمى (قصة الكنيسة القبطية).
كتبت قصة الكنيسة القبطية في اللغة الإنجليزية في مجلدين نشر في سنه 1975 من مجلس كنائس الشرق الأوسط

Reviews

[Mamdouh Magdy · Rating 4 out of 5]

الكتاب رائع لكل اللي مهتم بانه يعرف تاريخ الكنيسة القبطية .. الجزء الاول بيسرد لغاية القرن الرابع ..
والفترة دي تعتبر ازهي عصور الكنيسة القبطية علي مر التاريخ حتي الآن ..

اهتمامها في الكتاب كان بتاريخ الكنيسة القبطية الشرقية فقط .. لكن رغم ده مقدرتش انها متذكرش بعض الاشخاص المهمين في الغرب ...امثال يوحنا ذهبي الفم وجيروم وكاسيانوس ...

عجبني الجزء اللي اتكلمت فيه عن اوريجانوس .. وكل الخلافات اللي حوله .. واديتله حقه بكونه احد اهم رموز مدرسة الاسكندرية .. وازاي الراجل ده قدر انه يعمل النهضة في المدرسة بالشكل ده .. سواء لاهوتياً او علمياً ..
وكمان وضحت دور الانبا ديمتريوس الكرام في النهضة وفي العلم اللي افاد بيه الكنيسة ..

من القليلين اللي حسيت انهم انصفوا الانبا انطونيوس اب الرهبنة .. بانهم محجموش دوره في انه قديس من الجبل .. اعطي الموعظة للناس وبس .. لكنها وضحت دوره العظيم جداً في مواجهة آريوس .. وقيادته الحكيمة للناس وقت نفي البابا اثناسيوس ... وازاي البابا اثناسيوس كان بيلجأ ليه وقت لما ريح الاضطهاد تشد ...

اتكلمت عن اهم فترة في بناء او زراعة الكنيسة وهي عصور الاستشهاد .. ورسوخ الايمان في الفترة دي ..

حببتني اكتر في البابا اثناسيوس .. وقوة دفاعه عن الايمان .. وانه ازاي الراجل في الفترة دي مسابش حاجة ممكن الناس تسال فيها .. كان ثابت في الايمان بدرجة فوق الخيال .. وسط اشد عصور التشكيك ..

وضحت فكرة الرهبنة بكل انواعها وازاي انبعاث مدارس الرهبنة من مصر .. لكل بلاد العالم وطوائفه .. سواء نظام الرهبنة الانطوني .. او نظام الشركة الباخومي .. او نظام الانبا شنودة رئيس المتوحدين .. او حتي فكرة السياحة واول السواح الانبا بولا .. وسردت جزء كبير عن جهاد القديسات ورهبنة السيدات .. ودورهم في الايمان ...

سردت عصر المجامع بحيادية .. وازاي التهديد كان واضح .. وازاي الاباء كانوا ثابتين علي الايمان .. وازاي البابا كيرلس عمود الدين .. كان مدافع عن الايمان بثبات وثقة في امور الله ..

ذكرت بعض الاراء المضادة لبعض البطاركة .. زي البابا ثيؤفيلس .. وكيفية اختلاطه بالدولة وبالملك .. رغم انه كان بطريرك عظيم .. لكن كان في بعض الاختلافات بخصوص .. معاملته للوثنيين في العصر ده .. ورد علي الشكوك حوالين هدم السيرابيون .. والحرق والحاجات دي

ذكرت قصص بعض الاباء العظماء زي الانبا بيشوي والانبا موسي الاسود ويحنس كاما .... الخ
اتكلمت عن قديسين مش بيتذكروا كتير .. وعن انتشار الكنيسة في ربوع مصر .. ووجودها علي ضفة الاردن .. وفي الواحات المصرية .. وفي الصعيد ..

وانهت الكتب بتلخيص شامل لتعاليم الكنيسة القبطية .. والعقيدة .. والممارسة .. والادارة .. داخل الكنيسة .. الجزء ده كان مفيد جداً ...


في قاعدة ثابتة في التأريخ عموماً .. انه صعب تكون في حيادية عند مؤرخ .. وانه كل واحد بيحكي بناءً علي وجهة نظر معينة .. الكاتبة هنا "ايريس حبيب" .. كانت الي حد كبير محايدة رغم افتراضها الدائم بحسن نية البطريرك في قراراته اللي بيتخذها ... وده ممكن ميبقاش مقبول عند بعض الناس ...

وبالرغم من ان الكتاب كبير .. 485 صفحة .. الا انه طابع القصصية اللي فيه مخلانيش ازهق .. رغم اني مش من هواة الكتب ذات الاحجام الكبيرة ..

[Ehab Anis · Rating 5 out of 5]

ذوقوا وانظروا ما اطيب الرب
وها هو مذاق الرب يفوح فى هذه الحقبة من تاريخ الكنيسة، طعم المسيح يبرزه شخصيات هذه القرون بطريقة غير عادية . وها هى ايريس حبيب المصرى تضيف نكهة خاصةلهذه الفترة ، بحسن اختيار الاحداث وانتقاء ما يجب ان يسرد وما لا يسرد .ستجد وجبة روحية كثيرة المكونات كل مكون يمثله احد هؤلاء العظام المذكورين فى هذا الكتاب ، وستجد دائما ان السبب الرئيسى فى نجاح هذه الوجبة هو المكون الرئيسى ، صورة الله التى ما نجاح لتلك الوجبة بدونها.
كتاب رائع لمؤرخة رائعة لا يزيدك الا رغبة فى قرأة باقى السلسلة.

[Michael Mansour · Rating 3 out of 5]

التاريخ دائما يكتب من وجهة نظر كاتبه

[Abanob Gamil wahib · Rating 4 out of 5]

كتاب كويس لحد بعيد ولكن فيه بعض العيوب وهي
١- تركيزه الشديد علي فكرة التقويم الغربي والشرقي وكان الافضل يتم شرحها والاكتفاء بتوضيح الفرق ووضع التواريخ المعروفة
2- قلة التورايخ بشكل عام وعدم ذكر السنوات الا في حالات قليلة وكنت متوقع ان يتم ذكر كمية تورايخ اكتر
3-كتاب تاريخ الكنيسة للقمص منسي يوحنا في وجهة نظري افضل من حيث الترتيب والكتاب دة ترتيبه سيئ بعض الشئ
ولكن الكتاب يميزة بوسع اطلاع الكاتبه وكثرة المراجع الخارجية سوء العربية او الاجنبيه

[Baseili]

pdf