حنين للضي

by صبري فواز

عارف …

لما الضي يمد جدوره لسابع أرض

عارف …

لما الطمي يهم يطول السما من فوق

عارف …

لما الأرض السمرا تبُك خَضَار ..

ونهار ..

وعيال رجالة

عارف …

حد بيغزل على توب الزرع الأخضر ..

بالطوب الني بيوت . . و حكاوى

عارف …

حد بيبدأ يومه بكنس الهم ..

ورش المية ..

ورش البهجة ..

ورش القوت

عارف …

حد يبات سهران الليل ..

. .بيخمر صبح حنين

ومرايل حلوة . . وايدين طايلين ..

فالعيل يقدر يكتب ع السبورة تاريخ اليوم

عارف …

لما تجّمع قصاقيص الناس ..

وتدبّق منها . . . نهار مطّمن ..

وسنين مستورة . . وعرايس قطن بتضحك

عارف باتكلم عن مين

الست /هلالة أحمد نصار

أمي ………………………

63 pages, Paperback

First published October 10, 2013

About the author

صبري فواز (22 نوفمبر 1968 -)، ممثل ومؤلف ومخرج مسرحي مصري، قام بدور بليغ حمدي في مسلسل أم كلثوم وفيلم (حليم) كذلك شارك في العديد من الأدوار في المسلسلات المصرية من أهمها المسلسل المصري الوصية - العائلة - امرأة من زمن الحب - والأصدقاء - ولحظات حرجة - وحدائق الشيطان - وليالي الحلمية - والبر الغربي - ومسألة مبدأ - وامرأة من نار - والفريسة والصياد - والمصراوية - وأفلام مبروك وبلبل - وأيام السادات - ودم الغزال - وعصابة الدكتور عمر - الدادة دودى - دكان شحاتة - كلمنى شكراً.
أخرج العديد من المسرحيات أهمها حنقول كمان، ايزيس، صدى الأصداء، ليالى الحسينية، اللى خايف يروح، مزرعة الأرانب، ياسين وبهية، عروس الجنوب، المدد، ليل يا عين
وألف وأخرج مسرحية ميسدكول من هولاكو وكتب السيناريو والحوار لمسلسل حكايات بهية وله مقالات متعددة ببعض الصحف والدوريات التي تصدر في القاهرة.

Reviews

[مصطفي سليمان]

لو انت هتقرأ الكتاب دا علي أساس انه
شعر/نثر كلام موزون قافية الخ الخ
او اي شئ من الاشكال الشعرية دي

مش هتبقي مبسوط
لكن لو بصيت علي الكتاب انه حكي من صبري فواز
عن حياته والمكان اللي جه منه
وعن وجعه ومشاكله
عن احساسه
ولخبطته وخنقته
هيبقي الامر مختلف تماما وهتعرف تتقبل الكتاب

فيه مشاكل كتير ف التنسيق الكتاب كانه معمول ليه كوبي بيست من علي ملف ورد

هو عبارة عن حدوته صغيرة عم صبري جه وقالهلك وانت بقي فكر وخد اللي تأخده
ولا هو قال انه شاعر مفدي ولا وانه عبقري
ولا ان دا ديوان شعري عظيم

او ع الاقل دا بالنسبة ليا

[Hala Allam]

يااااه لما المسافات تتلغى وتعود لدارك يا غريب !! ..

قومى افتحيلى سكّتك , ولا اوهبينى للزمن ,, حُضنك وطن !! ..

اللى فاتت كانت مُقتطفات عجبتنى من الديوان ..

وأعجبنى أجزاء من الطير الأخضر والطرحه الساتّه و النيل وصبره والجن

[Walaa Salah]

شكرا انك حاولت يا ا/ صبري
انا بس بحبك اكتر كفنان ممثل لكن سيب الكتابة لاصحاب القلم

[Mohammed omran]

يااااه لما المسافات تتلغى وتعود لدارك يا غريب !! ..

قومى افتحيلى سكّتك , ولا اوهبينى للزمن ,, حُضنك وطن !! ..

[الكائن الخلفاوي]

قد ايه انا سعيد اني اول واحد فرا العك ده واول واحد حايعمل ريفيو
مش عارف هل هي موضة ولا ايه بس كل من هب ودب بقى اديب وشاعر
الديوان في مجمله سطحي ومش بس كدة لا كمان عمال تحشر في كلمات غريبة ع اساس انك تبقى عميق وكدة
ارجوك .. اتوسل اليك ... استحلفك بكل شيئ ماتتكبدش العناء وتكرر المحاولة تاني لان هذا الخراء الفكري مستحيل يتكرر تاني
الله يباركلك ماتدوسش في حاجة مالكش فيها كفاية عليك التمثيل