هرمونيا

by سهيلة محمد

فى بلادنا نزرع الخضوع في الأنثى من خلال الأخ أو الوالد المتسلط لا المربي، فتتولد سلسلة من القمع الهرمي تنتج جيل من الإناث التابعات، وأقوى صور التبعية تلك التي لا تشعر فيها الفتاة باستبداد المسيطر وتتحول تدريجيًا إلى ثقافة مكتسبة تشكل يقين راسخ لا يقبل الشك بأن الضعف والاستكانة علامة بنيوية للأنوثة، وفي الحقيقة الخضوع جبن وليس له بالأنوثة صلة، ولكننا نميل إلى استخدام مصطلحي الأنوثة والرجولة لسهولة التلاعب بهما، على عكس مصطلح الإنسانية الذي يرمز للقوة وكل شيء نبيل.
لم يكن ما بينهما حبًا أبدًا، كان شيئًا يشبه الحب.

Genres: Novels

162 pages, Unknown Binding

First published November 25, 2013

Reviews

[Matem Elnaquib · Rating 4 out of 5]

بدايه هايله يا سهيله فعلا
أسلوبك في الكتابه مميز و تعبيراتك بتوصل بسهوله
قدمتي الموضوع ببساطه و القيتي الضوء -واخدالي بالك- على عٌقد و عقبات كتير
في حياة البنت
انا اتمزجت :)
عقبال الروايات الجايه يا سديكتي السدوكه:*

[Gylan · Rating 2 out of 5]

اولا هم نجمة و نص مش نجمتين
النجمة الاولى على أنى خلصتها فى اقل من يوم ،، مش مملة و أسلوبك فى السرد حلو جداً ،، عندك ملكة الكتابة و السرد رائعة بصراحة و يمكن دي الميزة الوحيدة اللى شوفتها فى الرواية
النص نجمة على الإهداء اللى فى الاول لانه عجبني جداً " إلى كل امرأة ناضلت لتحصل على حياة كالحياة ،، أو مازالت تحاول " .... بغض النظر ان محتوى الرواية لا يمت بصلة للإهداء من وجهة نظري
لم أرى فى الفتيات الأربعة اى نضال من أجل الحصول على حياة كالحياة و لا أي محاولة لذلك ،، أظنني لم أرى حياة اصلا يسعون إليها ،، لم أرى إلا أربعة فتيات يسعين للجنس بوعي و بدون وعي ،، و يكأن الحياة ليس بها إلا الجنس ( إن اعتبرنا ان ما هم فيه من فراغ مقيت يسمى حياة مجازا ) ثم يتهمن الذكور بالتحرش بهن ،، بينما هن يتحرشن بأنفسهن ابتداءاً
لم أرى أى بذرة طموح داخلهم لتغيير الواقع ،، أنهن مستسلمات ،، لم يخرجن من الصندوق أبدا
الامر يشبه سجين قام برسم شمس و بحر على حائط السجن ثم أقنع نفسه انه ليس فى السجن و ان هذا بحر و سماء صافية و ليس حائط سجن
يشتكين أن المجتمع يعاملهن فقط كأجسام للعرض و البيع فى سوق الشهوة و الحقيقة أنهن يتعاملن مع أنفسهن بنفس المبدأ
كيف لهن أن يغيرن حقيقة هن مقتنعات بها حتى النخاع ؟؟؟؟؟؟!!!!!!!
وجهة نظري أن الرواية ظلمت المرأة ظلما بيناً ،،، كانت ضدها و لم تصنفها فى شيء

نقد فني : ١- بتروحي و تيجي فى الزمن خاصة فى الجزء الاول ،،، مثلا كان الموقف ريم و ميسون أصحاب و بيتكلموا سوا و خلص الموقف و بعدين رجعتي تحكي فى فصل كامل بعدها ازاي اتعرفوا على بعض و الحوار اللى دار ما بينهم فى اول لقاء ، كان يا تحكي بترتيب الزمن يا اما تنوهي اننا هنرجع فلاش باك مثلا ،، متسبنيش محتارة كدة :D
٢- عشان الطبعات الجديدة ،، حد يراجع الأسماء لان احيانا بيتحط اسم ريم بدل إنجيلا و كدة يعني و طبعا فى اخطاء مطبعية بسيطة :p

[Samouell · Rating 3 out of 5]

هرمونيا :
تعال نبدا معا من الغلاف الرائع الذى ينقصه شىئا واحد اً لكلمة رواية وهى جملة "واقعية ,حدثت وتحدث " الرواية الحقيقة ورغم صقحاتها القلية التى لاتتجاوز ال162 صفحة الا انها مكثفة بشكل كبير ومركزة تاخدك
فى جولة لتشعرك ما تشعر به المراة فى المجتمع "تخليك تتكسف على نفسك "
سيبك بقا من الحملات "لا تتحرش و الفديوها اللى راجل يبلس وزى واحدة ويمشى فى الشارع علشان يصورك المعانة للمراة بشوية ضحك فننسى المعانة ونحتفظ بالضحك .

فى الرواية ممكن تتوه شوية مع ابطال الرواية لكن دا ميخلكش تتوه عن المشكلة نفسها او الموقف ذاته و ممكن يكون دا سبب تسميه الروايه هرمونيا فالرواية متناغمة ومنسجمة ويظهر الاثراء اللغوى فيها كانها مقطوعة موسيقية عزفت بالاله المسماه على نفس اسمها
وهرمونيا ايضا هى الهه التناغم والنسجلم عند الاغريق وهى بنت افروديت الهه الجمال وعلى الرغم من الاله العديدة الى كان المصرى القديم فى العصور الفرعونية بيعتقد بيها الا انه لم يكن هناك الهه للتناغم والانسجام وكآن الكاتبة تتمنى اليوم اللى تشوف فيه التاغم والانسجام للمراة فى المجمتع الى بتاكد على وصفه بالذكورى .
برضو من الحاجات الحلوة والمؤثرة فى الرواية قصة الحب فى زمن الثورة
وسوء التربية للام اللى بتخلى بتها تعيش نفس الحلقة المفرغة اى مشاعر انثوية لها دون توعية
وايضا رؤيتها لان المتحرش مهما كان فهو حيوان لا يفقهى لاى مشاعر حتى لو حدث وتزوج
يكون المشهد كالاتى: حيوان اترمت له حتة لحمة
...
فى المجمل الررواية رائعة وخصوصا انها الرواية الاولى للكاتبة
وبالتوفيق وعبقال طبعة ثانية منقحه :)

[salma atif abu zaid · Rating 3 out of 5]

بداية موفقة يا سهيلة .. اعجبنى الاحداث السريعة والبعد عن الملل والواقعية الشديدة
في انتظار المزيد من الاعمال يا صديقتى

[Ahmed Wael Ali · Rating 4 out of 5]

البداية الأمثل لكاتبة. انك تدخل من الاول في عش الدبابير ده شيء مبشر بإن اللي جاي ان شاء الله اقوى و اكتر جرأة على مناقشة القضايا اللي المجتمع بيحاول يهرب منها دايماً

[Nada Moiet · Rating 5 out of 5]

بداية موفقة و جريئة و ذكية :)

[Totaia Rose · Rating 5 out of 5]

its amazing

[Che Khaleil · Rating 5 out of 5]

هرمونيا
لغة بسيطة وسهلة ، و الكتابة الواقعية عن ذاتنا واشخاص اقرب منا الى انفسنا ، يكسب الشخصيات عمق جم و ان نوصل مشاعرهم بشكل حقيقى تماما .

اما الشخصيات فعانيت معهن ثلاث ليالى مدة قرائتى للرواية .
ريم وفقدانها لولدتها و ما تعانيه _اب فقد كل شئ بنسبة إليها و التحرش المعاناة المشتركة بينهم جميعا _

سارة الخضوع والتشبث بأى خيط رفيع يكاد لا يراه الاخرين ، ولكن بنسبة لها هو حافز لكى تستعيد ثقتها فى نفسها ، فاحساس عدم الرضى عن مظهرها و القمع و التسلط الاسرى ، صنع فتاة تعانى من الم نفسى حاد وشخصية ضعيفة مهلهلة من الداخل .
أنجيلا هى نتاج لبيئة رجعية مغلقة على مجموعة من القيم البالية ، حياتها عبارة عن فترات قمع متتالية ستخرج من مرحلة القمع الابوى لتجد قمع زوجها ينتظرها _زوجها الذى اختير لها باحدى اساليب القمع ايضا _ ، فهى لا ثقافة ولا وعى لكى تقاوم ، رسخوا بداخلها الخضوع والاستسلام لما يشائون وقتما يشائون .

ميسون .. اعجبتنى :-) 3>

واتت فيفيان فى النهاية لتجسد الدور المنتظر لكلا منهما
النهاية المتوقعة لكل امرأة فى هذا المجتمع القاسى .

[Khaled Khater · Rating 3 out of 5]

بجد رواية جامدة جدا كبداية موفقة ان شاء الله ، عجبني الاسلوب و السلاسة ف السرد جدا جدا مملتش للحظة لدرجة انها خلصتها ف قعدة واحدة بدون فواصل.
برده عجبني فكرة انها بنت من القناه و مسافرة الاسماعيلية و كدا الناس اللي برا المحافظات فاكرين ان مشكلة التحرش بالشكل ده متمركزة ف القاهرة و اسكندرية بس.
حبيت كمان دمج الواقع السياسي و اللي بيحصل ف مصر مع الرواية مشكلة المرأة و القضية الاساسية للموضوع مخلتكيش تبعدي عن اللي بيحصل و تعكسيه ف كتابتك رغم انك كان ممكن تبرزي القضية بشكل اكبر من كدا.
المشهد الاخير حسيت أنه محتاج يظهر بشكل أكبر عشان تبان معاناه فيفيان ، كنت احب ان اللي حكايتها تنضم لحكاية كل البطلات زيهم مش بشكل هامشي من بعيد لبعيد.
كل فترة كدا كنتي بترمي زي جمل زي اللي كتبتهم عندي ع الوول عجبني اللي كتبتيه ده و حقايق زي موضوع التربية المتناقضة اللي اسفرت عن شخصية مشتتة و غيرها.
حسيت ميسون جدا مش عارف ليه اكتر شخصية كانت مؤثرة ف الرواية بالنسبالي مع أن ريم تبان انها البطلة.

[Nour Salah Nasr · Rating 3 out of 5]

1- أسلوبك في السرد جميل جداً و ده خلاني أخلص الكتاب في أقل من 24 ساعة
2- الأربع بنات قصص واقعية و موجود بنات كتيررررر زيهم
3- أنا مش شايفة ولا واحدة فيهم خدت " أكشن " و حاولت تخرج من القيود اللي أتفرضت عليهم غير ميسون - إلا حد ما -
4- ماعجبنيش خالص في الفصل الرابع وصفك لـ البنات الملتزمين دينياً إنهم ""عايزين يبقوا زي اللي مش ملتزمين بس مش عارفين !!
مش معني إن في مجموعة كده من الملتزمات يبقي كل الملتزمات ملتزمين بسبب ضغط أسري أو مجتمعي !
من أكتر النقط اللي فصلتني في الكتاب
5- أنتي جبتي نوعين من الولاد , اللي زي "آدهم" و اللي زي "وائل" و "أحمد" .. بس جيتي في آخر فصل و ركزتي علي الصنف المريض زي جوز "فيفيان" بس !
6- بشكل عام الرواية كويسة و كـ بداية كويسة بس النهاية كانت ممكن تبقي أحلي:)

[إبراهيم عادل · Rating 3 out of 5]

كروايةٍ أولى لـ سُهيلة .. الرواية جيدة :)
ذكرتني هذه الرواية بـ رواية ملأت الدنيا وشغلت الناس منذ أعوام في السعودية، وهي رواية (بنات الرياض) مع الفارق في البناء والتناول والمواضيع المطروحة
إلا أن "عالم البنات" ـ إذا صحت التسمية ـ قد أجادت سهيلة تصويره في هذه الرواية وإن بشكل جزئي
الحكايات كانت تسرد بشكل سلس وذكي، لدرجة أنك تكتشف أن الرواية قد انتهت ولا تزال شخصيات الرواية عالقة في ذهنك تنتظر ما سيفعلونه بعد أن تغلق الرواية ..
....
بداية موفقة جدًا لسهيلة
أنتظر منها رواية أكثر ثراءً وعمقًا
..

[Shady Salah el-din · Rating 3 out of 5]

انا مش عارف النسخة النهائية عاملة ازاى ، وهل فيها تغييرات عن النسخة الأولية اللى قريتها ولا لأ .
بس عموما الرواية واقعية جدا وصادمة بسبب صراحتها وعمقها فى أواسط البنات الخفية دائما عن المجتمع .
دمج جيد جدا لللأحداث السياسية مع الشخصيات فى سياق درامى سريع يبتعد بك عن الملل .
يمكن النهاية غامضة شوية .. وكان نفسي تبقى القصة اطول من كدة .
بس تجربة أولى موفقة جدا يا سهيلة ، فىانتظار المزيد من الابداعات :)

[Sara · Rating 4 out of 5]

اول حاجة الاسلوب سهل و بسيط كمان دخلتى فى الموضوع على طول شدتنى خلتنى عايزة اعرف اخرها
التحرش مش بس القضية الوحيدة تامطروحة القضية هى البنت فعلا و اسلوب تعامل المجتمع معاها و اسلوب التربية
كل شخصية فيها منى حاجة ودة احلى حاجة فيها واقعيتها :)
يا رب من نجاح لنجاح يا سهيلة و مستنيا اعمالك الجاية و تبقى احسن و احسن :*

[Almahdi Almahdy]

الرواية اسلوبها جميل جدا م النوع ال يخليك متقومش م عليها الا لما تخلص
مش طويلة اوي ولا بتدخل ف تفاصيل ملهاش لازمة
استخدمتي اسلوبك انتي مش متاثرة بكاتب مثلا وبتقلدي اسولبه
فيها اقتباسات م كتاب معاصرين اول مرة اشوف كاتب يستخدم حاجه زي كده
مستخدميش كلام صعب ومحتاج معجم عشان الواحد يفهمه عشان تقولي للناس انك فاهمه لغه وكده
بالتوفيق ن شاء الله ف الروايات الجاية

[Rana · Rating 3 out of 5]

بداية موفقة يا سهيلة
اسلوبك حلو فعلا ما يزهقش
عجبني اسلوبك اوي :)
حاسة انها جايبة صورة للواقع صح
! بس للاسف مش جايبة حل
حتى من ناحية البنات هما نفسهم ما فكروش في حل
عادي رضيين باللي هما فيه وخلاص
كان نفسي انهم في النهاية يتغيروا ويوصلوا لحل
:D
عجبتني اوي اخر جملة بتاعت
احنا نحول رجالة :D
كنت عايزة اقولها من اول ما قريت الرواية :D
ربنا يوفقك دايما يارب :)

[A.samy · Rating 3 out of 5]

من اللحظة الأولى تعرف أن هذه الرواية ستكون صادمة كواقع المجتمع
صراعات جاءت من أعماق مجتمع فاسد في كل شئ
الأسلوب السردي ممتع وإن كانت تدخلات الراوي أكثر مما ينبغي
وبعض الشخصيات كانت تحتاج إلى تسليط أكبر للضوء
كتجربة أولى فهي موفقة
...

[AZ ZA]

سهيلة بنت جدعة
والرواية هتكون متوفرة في معرض القاهرة الدولي للكتاب 2014
صالة2
وقاعة المانيا ب

[Youssry Effat · Rating 2 out of 5]

تحيز واضح و صريح لحالات مختلفة من البنات
الحكاية بتجسد حكايات مختلفه للبنات
بطريقة شوية كاشفة للحقيقة بس من رايى الدنيا مش سوده اووى كدة مهما كانت
لما نيجى نتكلم عن طريقة الكتابة والربط حسيت بلغبطة كتيرة
وتهت كتير بين الشخصيات

[Walaa · Rating 2 out of 5]

التعليق على الرواية دي هيشمل كذا جانب
اولا اسلوب الكتابة و كان بسيط و سلس و مش ممل
ثانيا الاحداث و ترابطها و عمقها و دي كانت اضعف حاجة في الرواية , اللي الكاتبة عملتو انها عرضت لقطات متفرقة من حياة كام بنت اختزلت فيهم كل المشاكل و الصعوبات اللي ممكن واحدة تتعرضلها في حياتها و العرض ده كان سريع و من غير اي تعمق , يعني الاحساس او الحالة بتاعة الشخصية ما كانتش بتلحق توصلي اطلاقا

ثالثا القيم و الرسائل اللي الرواية بتوصلها بشكل مش مباشر و دي كانت حاجة ايجابية على الرغم من انها ما كانتش واضحة بشكل كافي برده لان الاحداث تبدو مبتورة , بس كان فيها حاجات مهمة جدا زي علاقة الاباء و الامهات ببناتهم و ازاي ده اثر بشكل فظيع على شخصيات الابطال

ملخص الرواية في وجهة نظري : لو عندك بنت فهي امانة و لازم تعرف ازاي تربيها تربية سوية

[Hager Moharram · Rating 4 out of 5]

amazing book .. worth the time and frankly I could not leave it and had to finish it all at once
I never expected the book will be like that .. loved evry part of it
simply a brilliant depiction for what we (women) feel .. the book didn't turn all guys to sexual predators and it delved deep into why we all act the way we do through the different characters
I wished it will be longer with much more details
Overall chapeau for the brilliant supertalented author

[إيمان الدواخلي · Rating 1 out of 5]

المقالية التي أصرت عليها الكاتبة حولت العمل لمسخ سردي، وللأسف حرك الكاتبة إلحاح وجهة نظرها لفرضها على القارئ تقريريا وليس من خلال رؤية الأحداث. إنها تثير قضية الفرق بين تشجيع الكاتب الشاب وإفادته بالنصح، وتؤكد لمسابقة ساويرس مركزا أول في أسوأ المسابقات سمعة

[كريم البطراوى · Rating 3 out of 5]

اسلوبك رائع و جرىء
شعرت انك متعجله بعض الشىء و كان لديك المزيد لترويه
اتمنى ان اقرأ روايه ضخمه لكى

[Doaa · Rating 4 out of 5]

رواية جريئة ممتعة شخصيات حقيقة من لحم ودم حتى خيل لى أنى أعيش مع هؤلاء البطلات

[Sahar · Rating 4 out of 5]

رائعة .. خاضت بجرأة و رقي .. أول رواية لها و لكنها تستحق .. أريد أن أقرأها مرة أخرى
فقد باحت بما نخجل عنه كآباء و أبناء .. فتيات و شباب .. أحببتها جدا