مع نفسى

by Noura Abdelfattah

الكتاب فيه حاجات منى..فى حاجات من اصحابى..من زمايلى ..من ناس اشتغلت معاهم او قابلتهم او حتى سمعت حكاياتهم
فى حاجات تضحك..او حاجات تخليك تسرح معاها..او تدمع وتتأثر بسببها
انت واحساسك بيها بقى..
حاجات عبرت عنها بكلمة او بجملة او بوضوع ..زى ماربنا قدرنى
حاجات لاهى حكايات ولا حواديت ...ممكن تكون خواطر..بس الاصح انها زوووم على مواقف مريت بيها او مر بيها ناس قريبين منى
هتلاقى كلام عامى وكلام بالفصحى..زى ماكان بيجى الكلام كنت بقوله
كلام مترتب وكلام ملخبط ..زى احساسى بيه
اسيبكم معاه ويارب يوصلكم 



رابط التحميل
http://www.4shared.com/office/RFI5NwP...

تصميم الغلاف لـ ديارا المصري

https://www.facebook.com/DiaraDesigne...

Unknown Binding

First published December 3, 2013

Reviews

[دينا ممدوح · Rating 3 out of 5]

كنت متحمسة للكتاب ده لأني متابعة نورا من الأول علي المدونة
وكانت تدوينة مع نفسي دي تحديدًا من أحب التدوينات ليا واللي بحب أتابعها دايمًا
يمكن حسيت إنها لما بقت في كتاب مش بقت بنفس الحميمية اللي كنت بحسها علي المدونة
بس مازالت طريقة نور الجميلة والمرحة موجودة
وصدقها وملامح حياتها واضحة في المواقف الشخصية في الكتاب
كنت أحب أن المواقف الشخصية تقل في الكتاب لأنه كان قرب يكون يوميات
وتكتفي بالخواطر
وكمان كان في خواطر بتكون بالفصحي وبيتخلل بعضها كلمات بالعامية وده كان بيشتت في القراءة شوية
اكتر جزء حبيته فعلًا كان الجزء التاني هو بأسم الكتاب مع نفسي
خدت بالي كمان إن الكتاب فيه أخطاء إملائية ولغوية كتير كان محتاج يتراجع الأول

[Dr. Abadeer Raafat · Rating 2 out of 5]

:):) :)محتاجة توظفى احساسيك وافكارك الجميلة بطريقة مرتبة وبليغة شوية ..فيه افكار عجبتنى (يمكن علشان اغلبية اصحابى واختى صيدلانية )بس معجبتنيش حتت المجروحين فى الحب اللى طولت اوووووووووووى وحتة مشكلة الصيدلية والمدير اللى شدتنى فى الاول بعدين مليت علشان طولت ...فى رايى من غير دول وانك تسيبى افكارك المجنونة تقود تعبيرك ومع تصحيح الاخطاء الاملائية التقييم كان بقى 4
موهبة شابة جديدة ومبروك الكتاب يا دكتور وفى انتظار العمل القادم :) :) :)

[رشا · Rating 4 out of 5]

كتاب خفيف ومليان مواقف لذيذة في مواقف ضحكتني جدا وفي حجات لمست قلبي ودمعت ، روح الكتابة والاسلوب حلوة اوي وبتشدوفيها خفة دم وشقاوة
استمتعت بحكاياتك اعتقد انها تجميع ليومياتك على المدونة فكرة كويسة انك تنزليها في كتاب وان شاء الله بداية موفقة وعقبال الكتاب الورقي باذن الله :)

[Amaal Abdelmoneam · Rating 5 out of 5]

مش عارفة اقولك قد ايه الكتاب عجبنى و ايه احساسى و انا بقرأ لك توبيك فى كتاب مجمع كتير من المدونة
منها توبيكات كتير كنت قرأتها فى المدونة و قرأتها كأنى بقرأها لأول مرة مش لأن نسيتها بالعكس كنت فاكرة الأحداث جداً لكن كل مرة بيعجبنى كلامك و طريقة تعبيرك
كتاب زى ده بجد أتمنى انه يكون مطبوع و أتمنى إن ربنا يحقق لك اللى بتتمنيه فى حياتك يارب و تطبعى كل كتاباتك
عندى تعليق بس على حاجه واحده فى كام توبيك كده مش مترتبين كانوا عاوزين يتحطوا ورا بعض
بس فى الأول و فى الآخر أحب أقول لك إنتى أحسن كاتبة تلقائية قرأت لها

[Mahmoued Omar · Rating 4 out of 5]

محتوى الكتاب ككل رائع وبداية موفقه .. خواطر متلخبطه وده حلاوتها طريقه سردك بسيطه وشيقه تشد القارئ
فكره تصميم غلاف الكتاب كان ممكن تبقى احلى ..
الفونت المستخدم فى الكتابه ممكن يكون عامل صعوبه فى القراءه لو كان حاجه استاندر او ابسط كان هيبقى افضل.
ولكن فى مجمل الكتاب رائع ويكفى ان محتواه متميز بعيداً عن شويه التنسيق الى كان هيمزوه .

عقبال لما دار الشروق تنشرلك :))
بس متنسناش :))

[Ph H Taha · Rating 4 out of 5]

لا أدري كيف يوصف كتاب بأنه جميل .. لكنه حقا جميل لم تفارق الإبتسامه ثغري إلا في ما ندر والتي إيضا مست شغاف قلبي فجعلتني أبكي من معايشتي لها وجدت به صراحه و حديث مع النفس حقا ممتع
وبصراحه كصيدلانيه محدش كتب عن النفقه زي مكتبتيها رغم إن هي كلمات قليله إلا أنها أعادتني لتلك الأيام بكل مافيها من معانه .....
أحسنتي...

[Margellio · Rating 4 out of 5]

كتاب جميل، استمتعت بقرايته وحبيت انه مكتوب بالعامية، طريقة سرد الخواطر جميلة اوي، متأكد ان معظم الناس وهما بيقروا حيحسوا كأنهم هما اللي بيكتبوا خواطرهم في الكتاب ده ،،،
عقبال النسخة الورق ما تنزل ان شاء الله :)

[آية حماد · Rating 4 out of 5]

حبيته اوى ولمسنى فيه حاجات خلتنى احلم معاها
ومواقف تانية ضحكتنى جدا
كوكتيل غريب كدا ولذيذ
وبما انها التجربة الأولى لنوره وتجميع تدوينات
فهو تعتبر موفقه الى حد كبير
بالتوفيق يارب وعقبال الكتاب الورقى ان شاء الله

[Rona Ali · Rating 3 out of 5]

حلو اوى انك تقرأ كتاب زى الضمير النفسي المصاحب ليك او الافكار المتجليه اللى بتجيلك وانت بتتحرك وانت راكب
اى مواصله او بتعمل اي شئ
وحلو عدم الترابط والترابط في ذات الوقت وحلو انك تلاقي كتاب الكاتب مش بيتفلسف عليك بقدر ماهو بيقولك حقيقيه
الاشياء اللى ممكن تحصل مش معاه بس ومعاك ومع اى حد واحساسك بيكون ازاى

حبيت المواضيع دى اوى 1) عن حاجات كتير كده ، 2) طبعا يوميات اول سنه بعد التخرج
3) عن عنها عجبتنى كل الجمل ودى الجزئيه اللى مكنتش مترابطه بس كل حاله كانت بتعمل دوشه افكار
4) مع نفسي

اكتر حاجه حسيتها اوى وشايفها كانت مميزة اسلوب الخاطرة القصيره اللي عملتيها في عن وعنها ا
و عن الحاجات كانت بتيجى في الجون
وكانت مميزة فعلا في التشبيهات والمفردات وانك فعلا كنتى مميزة في النقطه دى اوى :)

اجمالا الكتاب ممتع ببساطته كده من غير ما يبقي جواة كلام ملعبك وتعقيدات

وعن اللي افتكرته لما قرأت نقطه عبد الوهاب مطاوع افتكرت تعليقك على ذات الموضوع عندى في المدونه وابتسمت :)

اة وهما تلت نجوم علشان التحدى اللى جاى تكونى افضل وافضل
انا استمتعت يا نور جدااااااااااااااا :)

[Eman Elsaid · Rating 5 out of 5]

مجموعة مشاعر مختلطة ما بين حزن وفرح وضحك واذبهلال من كثر تشابهها مع الواقع
أنا برضو بحب أكتب بالنقط وما بحبش أعياد الميلاد بتحسسنى بعبء ودائما اللى بخطط له وبجرى علشان أحققه ما بيتحققش بتأخر عنه خطوات صغيرة
قرصة الودن فى الشغل بتحصل لكلنا ومواقف التحقيقات بتبقى من أطرف المواقف بمرور الزمن
نظرية المؤامرة بتجرى فى دم البنات بطريقة مضحكة مبكية
الشتاء : اممممم الشتاء دا أكثر فصل تقريبا متشابه عند كل البشر بلبسه بماجاته وبمشاعره بمطره بآيس كريمه المحبب فى الشتاء والأحلى ببحره على وقت الشتا بيكون على البحر ياااااااه 5 نجمات وأحلى حاجه كانت أغنية يا خاله قمر :)

[ِAlaa · Rating 3 out of 5]

بين نجمتين وثلاثة .. استقريت على ثلاثة :D
الكتاب في مجمله حلو .. بس حسيت انه إداني طاقة سلبية مش عارفة ليه !
هو في الأول وفي الآخر على حسب إحساس القاريء .. في حاجات كتير لمستني جدا وحلوة وحاجات ضحكتني
بس معجبنيش إنه مليان أخطاء لغوية وفي بعض الحاجات اللي طولت وحسيت فيها بملل .. بس أولا وأخيرا أحييكي عليه :))

[Asmaa · Rating 3 out of 5]

الكتاب لذيذ وخفيف مأخدش ساعتين
حسيتها قريبة مني اوووي بتتكلمي بلساني في اوقات وبلسان ناس قريبين مني في اوقات تانية
الكتاب كتجربة اولى للكاتبه يعد جيد وان كنت اعتقد انها ممكن تقدم المزيد
بالتوفيق :)

[عفاف الشاذلي · Rating 4 out of 5]

نورة حكت صفحات كتير من حياتها وحاجات تانية من الخيال
بس في الحالتين الكتاب كان صادق أوي
ضحكت معاها من قلبي
واكتئبت برده في الأجزاء الحزينة
المهم أسلوبها سهل ودمها خفيف <3 :)

[Aliaa · Rating 3 out of 5]

في المعتاد مش بحب الخواطر. بس الكتاب ده عجبني، يمكن لاني حسيت منها بصدق كبير، كاني بسمع لواحدة بتحكي معايا عن اي حاجة وكل حاجة...
خفيف و خلصته مرة واحدة

[Azza · Rating 4 out of 5]

روايه تحفه قريبه منى اووى حسيت انها انا ..يارب اتعرف على نوره عشان اقولها اد ايه انها جميله

[Hala Magdy · Rating 2 out of 5]

اوقات السعاده بتبقى زى الفراشه احيانا عشان نعرف نشوفها لازم نقف ساكتين، لو اتحركنا او حاولنا نمسكها هتطير .. نقف بس نتفرج عليها 💙

[Mahmoud Salah akl · Rating 3 out of 5]

الكتاااب جميل لانه مكتوب بلغة عاميه

[Aly Bayome · Rating 3 out of 5]

حلو اوى اسلوب الكاتبة تحس انها بتكلم اصحابهاا وهما قاعدين على الكورنيش :D

[Dina Alshamy · Rating 5 out of 5]

قريتها من فتره :) جميله ، وصفت مجنوعه من الحاجات الي كنت وقتها حاسه بيها

[Nora · Rating 4 out of 5]

كتاب حلو اوي بيوصف حاجاااات كتير اوي بنعيشها