What do you think?
Rate this book
വിയറ്റ്നാം : അറിഞ്ഞതും അനുഭവിച്ചതും | Vietnam Arinjathum Anubhavichathum
256 pages, Paperback
First published July 1, 2012
2 people are currently reading
8 people want to read
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 2 of 2 reviews
January 28, 2016
വിയറ്റ്നാം എന്ന പേരു കേൾക്കുന്ന മാത്രയിൽതന്നെ നമ്മുടെ മനസ്സിൽ ഓടിയെത്തുന്ന ഒരു ചിത്രമുണ്ട്. അമേരിക്കൻ വിമാനങ്ങൾ വർഷിക്കുന്ന ബോംബുകളിൽ നിന്ന് രക്ഷപ്പെടാനായി ഉറക്കെ നിലവിളിച്ചുകൊണ്ടോടുന്ന നഗ്നയായ ഒരു പിഞ്ചു ബാലികയുടേത്. ലോകാഭിപ്രായം അമേരിക്കയ്ക്കെതിരെ തിരിയാൻ സഹായകമായ ഒരു വാർത്താചിത്രമായിരുന്നു അത്. സർക്കാർ സർവീസിൽ നിന്ന് വിരമിച്ചതിനുശേഷം ഭാരതത്തിലുടനീളവും അതിനുശേഷം വിദേശരാജ്യങ്ങളിലും സന്ദർശനം നടത്തിയ ശ്രീ. ജി. ശശികുമാർ തന്റെ വിയറ്റ്നാം യാത്രയുടെ വിവരണമാണ് ഈ പുസ്തകത്തിൽ നല്കിയിരിക്കുന്നത്.
അമേരിക്കയെ തോൽപ്പിച്ചോടിച്ചതിനുശേഷം കമ്യൂണിസ്റ്റ് പാർട്ടി ഉത്തര-ദക്ഷിണ വിയറ്റ്നാമുകളെ സംയോജിപ്പിച്ച് സമ്പൂർണ ആധിപത്യം കയ്യാളി. എൺപതുകളുടെ അവസാനത്തോടെ പെരിസ്ട്രോയിക്ക മാതൃകയിൽ ഡോയ് മോയ് എന്ന പരിപാടി അവതരിപ്പിച്ച പാർട്ടി സ്വകാര്യസ്വത്തവകാശം അനുവദിച്ചു. 'നിങ്ങൾ പണമുണ്ടാക്കിക്കൊള്ളൂ, ഭരണം ഞങ്ങൾ നടത്തിക്കൊള്ളാം' എന്നാണ് പാർട്ടിയുടെ ഇപ്പോഴത്തെ മുദ്രാവാക്യം. ഉദാരവല്ക്കരണത്തെത്തുടർന്ന് പുതിയ വ്യവസായ, വാണിജ്യസംരംഭങ്ങളുടെ വരവോടെ സമ്പന്നതയുടെ ബഹിർസ്ഫുരണങ്ങൾ തലസ്ഥാനനഗരത്തിലെങ്കിലും കാണാനാവുന്നു. പക്ഷേ, രാഷ്ട്രീയം ചായക്കടയിൽ പോലും ചർച്ച ചെയ്യാൻ ജനങ്ങൾക്കനുവാദമില്ല.ഭരണകൂടം സാമൂഹ്യജീവിതത്തിന്റെ എല്ലാ തലങ്ങളിലും കൈകടത്തുന്നു. വിവാഹം കഴിക്കാൻ സർക്കാരിന്റെ ലൈസൻസ് എടുക്കേണ്ട വിയറ്റ്നാമിൽ കമ്യൂണിസ്റ്റുകാർക്കെതിരെ പോരാടിയവരുടെ പിൻതലമുറകളിൽ പെട്ടവരെ വിവാഹം കഴിച്ചാൽപോലും ജോലി നഷ്ടപ്പെടുമെന്നതാണവസ്ഥ. സാധാരണജനങ്ങളെ കൂട്ടിലിട്ടു വളർത്തുന്ന മൃഗതുല്യം അനുസരിപ്പിക്കുമ്പോഴും ഉന്നതങ്ങളിൽ പാർട്ടി സഖാക്കൾ അഴിമതിയിൽ മുങ്ങിക്കുളിക്കുന്നു. സിംഗപ്പൂരിലേയ്ക്ക് ലൈംഗികത്തൊഴിലാളികളായി പോകുന്ന വിയറ്റ്നാം യുവതികളുടെ തിരക്ക് വിമാനങ്ങളിൽ ദൃശ്യമാണ്.
ഭൂപ്രകൃതിയിലും കാലാവസ്ഥയിലും കേരളത്തിനു സമാനമാണ് വിയറ്റ്നാം. രാജ്യത്തിന്റെ പല ഭാഗങ്ങളിലും ലേഖകൻ യാത്ര ചെയ്യുന്നുണ്ട്. മൺമറഞ്ഞ രാജഭരണത്തിന്റെ നഷ്ടാവശിഷ്ടങ്ങൾ എമ്പാടും കാണപ്പെടുന്നു. ഫ്രഞ്ച് കോളനിവാഴ്ചയുടെ പ്രതീകങ്ങൾ വളരെ പ്രകടമാണ്. സഹയാത്രികരുമായും നാട്ടുകാരുമായും പരമാവധി ഇഴുകിച്ചേരാൻ ലേഖകൻ ശ്രദ്ധിക്കുന്നു. ഇത് കേവലം ഒരു ടൂറിസ്റ്റ് എന്നതിനുപരി ആ നാടിന്റെ ഒരു പരിഛേദം ദർശിക്കാൻ അദ്ദേഹത്തെ സഹായിക്കുന്നു. യാത്രയിലെ ഓരോ ചെറിയ അനുഭവവും വായനക്കാരുമായി പങ്കുവെയ്ക്കുവാൻ ശശികുമാർ ശ്രദ്ധിക്കുന്നു.
അമേരിക്കയെ തോൽപ്പിച്ചോടിച്ചതിനുശേഷം കമ്യൂണിസ്റ്റ് പാർട്ടി ഉത്തര-ദക്ഷിണ വിയറ്റ്നാമുകളെ സംയോജിപ്പിച്ച് സമ്പൂർണ ആധിപത്യം കയ്യാളി. എൺപതുകളുടെ അവസാനത്തോടെ പെരിസ്ട്രോയിക്ക മാതൃകയിൽ ഡോയ് മോയ് എന്ന പരിപാടി അവതരിപ്പിച്ച പാർട്ടി സ്വകാര്യസ്വത്തവകാശം അനുവദിച്ചു. 'നിങ്ങൾ പണമുണ്ടാക്കിക്കൊള്ളൂ, ഭരണം ഞങ്ങൾ നടത്തിക്കൊള്ളാം' എന്നാണ് പാർട്ടിയുടെ ഇപ്പോഴത്തെ മുദ്രാവാക്യം. ഉദാരവല്ക്കരണത്തെത്തുടർന്ന് പുതിയ വ്യവസായ, വാണിജ്യസംരംഭങ്ങളുടെ വരവോടെ സമ്പന്നതയുടെ ബഹിർസ്ഫുരണങ്ങൾ തലസ്ഥാനനഗരത്തിലെങ്കിലും കാണാനാവുന്നു. പക്ഷേ, രാഷ്ട്രീയം ചായക്കടയിൽ പോലും ചർച്ച ചെയ്യാൻ ജനങ്ങൾക്കനുവാദമില്ല.ഭരണകൂടം സാമൂഹ്യജീവിതത്തിന്റെ എല്ലാ തലങ്ങളിലും കൈകടത്തുന്നു. വിവാഹം കഴിക്കാൻ സർക്കാരിന്റെ ലൈസൻസ് എടുക്കേണ്ട വിയറ്റ്നാമിൽ കമ്യൂണിസ്റ്റുകാർക്കെതിരെ പോരാടിയവരുടെ പിൻതലമുറകളിൽ പെട്ടവരെ വിവാഹം കഴിച്ചാൽപോലും ജോലി നഷ്ടപ്പെടുമെന്നതാണവസ്ഥ. സാധാരണജനങ്ങളെ കൂട്ടിലിട്ടു വളർത്തുന്ന മൃഗതുല്യം അനുസരിപ്പിക്കുമ്പോഴും ഉന്നതങ്ങളിൽ പാർട്ടി സഖാക്കൾ അഴിമതിയിൽ മുങ്ങിക്കുളിക്കുന്നു. സിംഗപ്പൂരിലേയ്ക്ക് ലൈംഗികത്തൊഴിലാളികളായി പോകുന്ന വിയറ്റ്നാം യുവതികളുടെ തിരക്ക് വിമാനങ്ങളിൽ ദൃശ്യമാണ്.
ഭൂപ്രകൃതിയിലും കാലാവസ്ഥയിലും കേരളത്തിനു സമാനമാണ് വിയറ്റ്നാം. രാജ്യത്തിന്റെ പല ഭാഗങ്ങളിലും ലേഖകൻ യാത്ര ചെയ്യുന്നുണ്ട്. മൺമറഞ്ഞ രാജഭരണത്തിന്റെ നഷ്ടാവശിഷ്ടങ്ങൾ എമ്പാടും കാണപ്പെടുന്നു. ഫ്രഞ്ച് കോളനിവാഴ്ചയുടെ പ്രതീകങ്ങൾ വളരെ പ്രകടമാണ്. സഹയാത്രികരുമായും നാട്ടുകാരുമായും പരമാവധി ഇഴുകിച്ചേരാൻ ലേഖകൻ ശ്രദ്ധിക്കുന്നു. ഇത് കേവലം ഒരു ടൂറിസ്റ്റ് എന്നതിനുപരി ആ നാടിന്റെ ഒരു പരിഛേദം ദർശിക്കാൻ അദ്ദേഹത്തെ സഹായിക്കുന്നു. യാത്രയിലെ ഓരോ ചെറിയ അനുഭവവും വായനക്കാരുമായി പങ്കുവെയ്ക്കുവാൻ ശശികുമാർ ശ്രദ്ധിക്കുന്നു.
August 3, 2020
Raw depiction of travel
Displaying 1 - 2 of 2 reviews