What do you think?
Rate this book
Maalkolk
’n Onskuldige man word in sy motorhuis met ’n jaggeweer doodgeskiet. ’n Jong vrou se lyk hang aan ’n boomtak diep in die Magaliesberg.
Speurder-kaptein Alek Strauss en sy span by die Fiskale Spesiale Ondersoekeenheid is verbysterd. Iewers is ’n moordenaar wat slu speletjies speel.
Intussen is adjudant-offisier Anele Vilakazi op die spoor van ’n boogskutter aan die Wildekus.
Sal kaptein Strauss en adjudant Vilakazi die skuldiges kan stuit, voor daar nog slagoffers geteiken word?
Speurder-kaptein Alek Strauss en sy span by die Fiskale Spesiale Ondersoekeenheid is verbysterd. Iewers is ’n moordenaar wat slu speletjies speel.
Intussen is adjudant-offisier Anele Vilakazi op die spoor van ’n boogskutter aan die Wildekus.
Sal kaptein Strauss en adjudant Vilakazi die skuldiges kan stuit, voor daar nog slagoffers geteiken word?
332 pages, Kindle Edition
Published July 21, 2023
33 people are currently reading
38 people want to read
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 4 of 4 reviews
August 12, 2023
#Maalkolk – Marie Lotz
#HumanenRousseau
‘n Bejaarde man word in sy motorhuis met ‘n jaggeweer tereggestel.
‘n Jong vrou se verminkte liggaam word opgehang aan ‘n boomtak in die Magaliesberg gevind.
‘n Tienermeisie sterf wanneer ‘n pyl uit ‘n kragtige kruisboog haar keel op ‘n strand naby Port Edward deurboor.
Kaptein Alek Strauss en sy span by die FSO (Fiskale Spesiale Ondersoekeenheid) moet die uiteenlopende kolletjies verbind en ‘n gedetermineerde, koelbloedige moordenaar ontmasker en opspoor.
Strauss en verskeie ander hoofkarakters is reeds aan lesers bekendgestel in die skrywer se vorige romans, ‘Roofdier’ (Human en Rousseau, 2021) en ‘Polsslag’ (Human en Rousseau, 2022) Hierdie roman, die derde in die reeks, is in verskeie opsigte die kroon op die skepping. Die protagonis, Strauss, verdiep en ontwikkel van die voormalige seksverslaafde chauvinis tot ‘n volwaardige, veelvlakkige karakter wat empatie by die leser ontlok. Hy word soveel meer as ‘n knap ondersoeker met ‘n rokjagter-reputasie; hy is nou ook pa, seun, broer, vriend en mens. Vilakazi, Patel, en Mabuza se karakters word eweneens baie persoonlik geskets; hulle is nie bloot randkarakters in ‘n sepie nie; hulle is outentiek, oortuigend en geloofwaardig.
Die leser is van meet af aan bekend met sekere kenmerke van die ontwykende moordenaar; hy dra ‘n pet, is vaardig met ‘n kruisboog, en het ‘n sigbare litteken in sy gesig. Sy identiteit, asook sy motivering en beplanning, bly egter in duister gehul, analoog aan Jo Nesbo se ‘Killing Moon’ (Harvell Sicker, 2023).
Die tegniese korrektheid en noukeurigheid van die fynste besonderhede is, soos in die roman se voorgangers, merkwaardig. Daar is ‘n delikate balans tussen prosedurele inligting wat die kenner sal tevrede stel en oorverduideliking aan die leke-leser, en die skrywer slaag hierdie balanseertoertjie met vlieënde vaandels. Details wat op hierdie wyse subtiel by die teks ingeweef word sluit in die samestelling van polisiedossiere, die patologie van leuens, profilering, en nadoodse geregtelike ondersoeke.
Die vinnige tempo word deurgaan gehandhaaf deur die aanwending van twee vernuftige tegnieke: Eerstens word die tydslyn fyn gesny: vanaf Maandag, 20 September, tot Dinsdag, 28 September, met ‘n epiloog twee maande later. Tweedens is die skepping van die FSO as ondersoekeenheid buite die SAPD hoogs geslaagd aangesien dit die burokratiese rompslomp wat noodwendig met ‘n staatsdepartement gepaardgaan en die gemiddelde leser grensloos sal verveel en frustreer, daardeur systap.
Die onvermydelike vraag sal wees of die roman alleenstaande gelees kan word en of dit liefs as derde in ‘n reeks gesien moet word. Die antwoord sal van die leser se verwagtinge afhang: Die leser wat ‘n alleenstaande roman verkies, sal ‘Maalkolk’ ongetwyfeld maklik kan volg, maar die kieskeurige leser sal daarby baat om die drie romans in volgorde te lees sodat die karakterontwikkeling en naspel van elke voorafgaande gebeurtenis na behore waardeer kan word.
⭐️⭐️⭐️⭐️⭐️ #Uitdieperdsebek
#HumanenRousseau
‘n Bejaarde man word in sy motorhuis met ‘n jaggeweer tereggestel.
‘n Jong vrou se verminkte liggaam word opgehang aan ‘n boomtak in die Magaliesberg gevind.
‘n Tienermeisie sterf wanneer ‘n pyl uit ‘n kragtige kruisboog haar keel op ‘n strand naby Port Edward deurboor.
Kaptein Alek Strauss en sy span by die FSO (Fiskale Spesiale Ondersoekeenheid) moet die uiteenlopende kolletjies verbind en ‘n gedetermineerde, koelbloedige moordenaar ontmasker en opspoor.
Strauss en verskeie ander hoofkarakters is reeds aan lesers bekendgestel in die skrywer se vorige romans, ‘Roofdier’ (Human en Rousseau, 2021) en ‘Polsslag’ (Human en Rousseau, 2022) Hierdie roman, die derde in die reeks, is in verskeie opsigte die kroon op die skepping. Die protagonis, Strauss, verdiep en ontwikkel van die voormalige seksverslaafde chauvinis tot ‘n volwaardige, veelvlakkige karakter wat empatie by die leser ontlok. Hy word soveel meer as ‘n knap ondersoeker met ‘n rokjagter-reputasie; hy is nou ook pa, seun, broer, vriend en mens. Vilakazi, Patel, en Mabuza se karakters word eweneens baie persoonlik geskets; hulle is nie bloot randkarakters in ‘n sepie nie; hulle is outentiek, oortuigend en geloofwaardig.
Die leser is van meet af aan bekend met sekere kenmerke van die ontwykende moordenaar; hy dra ‘n pet, is vaardig met ‘n kruisboog, en het ‘n sigbare litteken in sy gesig. Sy identiteit, asook sy motivering en beplanning, bly egter in duister gehul, analoog aan Jo Nesbo se ‘Killing Moon’ (Harvell Sicker, 2023).
Die tegniese korrektheid en noukeurigheid van die fynste besonderhede is, soos in die roman se voorgangers, merkwaardig. Daar is ‘n delikate balans tussen prosedurele inligting wat die kenner sal tevrede stel en oorverduideliking aan die leke-leser, en die skrywer slaag hierdie balanseertoertjie met vlieënde vaandels. Details wat op hierdie wyse subtiel by die teks ingeweef word sluit in die samestelling van polisiedossiere, die patologie van leuens, profilering, en nadoodse geregtelike ondersoeke.
Die vinnige tempo word deurgaan gehandhaaf deur die aanwending van twee vernuftige tegnieke: Eerstens word die tydslyn fyn gesny: vanaf Maandag, 20 September, tot Dinsdag, 28 September, met ‘n epiloog twee maande later. Tweedens is die skepping van die FSO as ondersoekeenheid buite die SAPD hoogs geslaagd aangesien dit die burokratiese rompslomp wat noodwendig met ‘n staatsdepartement gepaardgaan en die gemiddelde leser grensloos sal verveel en frustreer, daardeur systap.
Die onvermydelike vraag sal wees of die roman alleenstaande gelees kan word en of dit liefs as derde in ‘n reeks gesien moet word. Die antwoord sal van die leser se verwagtinge afhang: Die leser wat ‘n alleenstaande roman verkies, sal ‘Maalkolk’ ongetwyfeld maklik kan volg, maar die kieskeurige leser sal daarby baat om die drie romans in volgorde te lees sodat die karakterontwikkeling en naspel van elke voorafgaande gebeurtenis na behore waardeer kan word.
⭐️⭐️⭐️⭐️⭐️ #Uitdieperdsebek
August 13, 2023
Wat 'n lekker lees. Lank gewag vir hom. Marie, jy mag maar.
August 27, 2023
Beslis weer 'n spannende lekker lees boek. Kaptein Strauss is weer op sy stukke met al sy bekwame mede spesiale mag mense. Op die einde gaan dit moeilik om kop bo water te hou, letterlik sowel as figuurlik. Baie bly Alek staan vas in sy besluit om sy gesin eerste te stel. Beslis die moeite werd om te lees as jy van gevaar, moord en spoorsny hou.
November 14, 2025
Die FSO begin sommer met drie uiteenlopende verskillende gevalle - ’n onskuldige man word in sy motorhuis met ’n jaggeweer doodgeskiet, ’n jong vrou se lyk hang aan ’n boomtak diep in die Magaliesberg, en ’n tienermeisie word gevind met ’n pyl deur haar keel op ’n strand naby Port Edward. Die FSO moet maar “divide and conquer”, Alek Strauss gaan Gauteng se moorde uitsorteer terwyl Vilakazi Wildekus toe gaan, terug na haar tuisdorp en familie, terwyl sy die boogskutter dossier moet ondersoek.
Dis duidelik dat hierdie moordenaar sy tyd neem en blykbaar geen vrees het dat hy uitgevang gaan word nie. Die leidrade wat gevind word, smokkel met Alek se kop, asof dit persoonlik is en hom in ‘n sekere rigting wil lei.
Intussen is Vilakazi terug in haar gemeenskap en vind dit moeilik om die gemeenskap en familie se politiek en sosiale verwagtinge na te kom terwyl sy die moordenaar moet vind. Dit voel vir haar sy draai en draai om die vrae en die leidrade en die ou familiêre druk en verwyte van die familie in haar agterkop help nie. Hoe gaan die FSO hierdie dossiere sluit as alles net so onmoontlik lyk?
My gedagtes: Ek vlieg nou lekker deur hierdie reeks – Sjoe, dis spannend en het my op my tone gehou. Die arme FSO het darem maar klomp probleme! Ek het self 3 jaar gewoon aan die Wildekus en dit was lekker dat die boek daar ‘n draai gemaak het, al was die omstandighede onsmaaklik. Ek sien uit na die volgende Alek Strauss boek!
Dis duidelik dat hierdie moordenaar sy tyd neem en blykbaar geen vrees het dat hy uitgevang gaan word nie. Die leidrade wat gevind word, smokkel met Alek se kop, asof dit persoonlik is en hom in ‘n sekere rigting wil lei.
Intussen is Vilakazi terug in haar gemeenskap en vind dit moeilik om die gemeenskap en familie se politiek en sosiale verwagtinge na te kom terwyl sy die moordenaar moet vind. Dit voel vir haar sy draai en draai om die vrae en die leidrade en die ou familiêre druk en verwyte van die familie in haar agterkop help nie. Hoe gaan die FSO hierdie dossiere sluit as alles net so onmoontlik lyk?
My gedagtes: Ek vlieg nou lekker deur hierdie reeks – Sjoe, dis spannend en het my op my tone gehou. Die arme FSO het darem maar klomp probleme! Ek het self 3 jaar gewoon aan die Wildekus en dit was lekker dat die boek daar ‘n draai gemaak het, al was die omstandighede onsmaaklik. Ek sien uit na die volgende Alek Strauss boek!
Displaying 1 - 4 of 4 reviews