أثينا

by محمد مختار

:أثينا فتاة مهاجرة الى العالم الجديد ،مع أختها الصغيرة لوسى على متن سفينة الركاب الأمريكية الوايت سوان ، و على السفينة ذاتها تسللت نملة تدعى بنغو مع ألاف النمل الفتاك و بيضة الموشك على الفقس لتبحث لها عن أرض تؤيهم ، لكنها أكتشفت فى عالم الحشرات السرى أكثر من أحلامها ، أما اثينا ستتحول أحلمها الى حقيقة بفضل رجل الأعمال الثرى جورج دوفر ، و من ثم تتحول الاحلام البريئة الى جريمة

275 pages, Paperback

Published January 1, 2023

Reviews

[Pakinam Mahmoud · Rating 2 out of 5]

أثينا معركة الضباب رواية للكاتب المصري محمد مختار و هذا الكتاب يعتبر الجزء الاول من الرواية ولها جزء ثاني تحت عنوان أثينا جريمة سالومي...

تدور أحداث الرواية في سفينة ضخمة أغلب ركابها من المهاجرين اليهود و سيتم نقلهم من خلال جمعية يهودية إلي إسرائيل لبدء حياة جديدة بعد إنتهاء الحرب العالمية الثانية...

الرواية فيها قصتين قصة ركاب السفينة اللي بنتعرف فيها علي أبطال الرواية و ما تعرضوا له من أحداث مؤلمة في حياتهم و القصة التانية و هي قصة الصراع بين مملكتين من النمل وهي قصة تعتبر رمزية وتشير بطريقة غير مباشرة إلي اليهود وكيفية استيلائهم علي أرض فلسطين... صحيح هي مش ذوقي بس فكرتها جديدة..

تلقي الرواية الضوء علي بعض الاحداث التاريخية وقت حكم هتلر مثل ليلة الكريستال،اضطهاد اليهود في أوروبا و معسكرات الإعتقال كما إنها تشير إلي مذابح الأتراك للأرمن..

إسلوب الكاتب جيد..اللغة عادية ..وجدتها ركيكة أحياناً بس في المجمل معقولة...مفيهاش عامية ودي حاجة تحسب للكاتب بس في بعض الكلمات اللي مش مناسبة حتي للنص مثل ترابيزة أو ترابيزة الصفرة (مكتوبة كدة والله) و وجودهم كان مستفز و اتكرر كتير ..
كمية الغلطات الإملائية في الرواية كتير جداً خصوصاً في الريع الاخير ومظنش إنها تمت مراجعتها بجانب إن فيها بعض الحشو كان ممكن الاستغناء عنه..

بما إن الرواية من جزئين فعادة نهاية الجزء الأول لازم تكون مشوقة إلي حد ما لقراءة الجزء الثاني و لكن النهاية هنا جاءت عادية و كإنك خلصت فصل من فصول الرواية وحسيت إنها مكانش لازم تخلص بالطريقة دي أو مكانش لازم تخلص عند هذا الجزء، كانت محتاجة شوية أحداث أكتر...

رواية متوسطة المستوي ولكنها فيها فكرة و جهد مبذول من الكاتب...
التقييم ٢.٥ ..

[جميلة محمد · Rating 4 out of 5]

رواية فعلا مدهشة ...
فكرة قصص الركاب على السفينة و كل واحد منهم له ماضى فكرة شيقة ،
و عالم الحشرات الموجود داخل السفينة و المفروض انه سرى فكرة أظنها جديدة جدا
ينتقل الكاتب بين القصتين قصة الركاب على السفينة منهم أثينا طبعا المهاجرة و قصة صراع النمل فى مملكة الحشرات على ارض اجداها بعدما زارهم المحتل بينغو ( نملة من فئة نمل النار )الفتاك طبعا قصة النمل ترمز للقضية و الاحتلال بشكل واضح ، لكن الكاتب بيقول فى النهاية انها قصة كل شعب يدافع عن حقوقة بشكل عام
....عجبنى جدا شخصية فرانك فى الرواية و قصته لما طيارته سقطت  اثناء قصف برلين فى الحرب العالمية الثانية
قصة أثينا فى معسكرات الاعتقال كانت مزهلة و طريقة الحكى و السرد كانت واضحة كانك بتتفرج على فيلم سينما
و قصة طفولة أرمنت فى مذابح الجنود الأتراك بالنسبة لى كانت جديدة خالص المشهد اللى بيصوت فية كل اعضاء مجتمع الحشرات السرى لتحديد مصير مملكة النمل الذهبى مشهد رمزى معبر جدا عن الظلم و الازدواجية فى الأمم المتحدة
الرواية من جزئين شايفة انه مافيش اى داعى لتكون جزئين كأنها مكتوبة رواية كاملة مش مسلسلة
فى المجمل الرواية محترمة جدا من ناحية السرد و الدراما مسلية و شيقة و من ناحية الفكرة عميقة و جديدة
الحقيقة أعجبتنى..