Maðurinn frá São Paulo

by Skúli Sigurðsson

Maðurinn frá São Paulo er spennusaga um launmorð, njósnir og nasista á flótta.

Þýskur hermaður særist á austurvígstöðvunum árið 1942. Honum er bjargað við illan leik.

Josef Mengele, dauðaengillinn í Auschwitz, flýr Evrópu fjórum árum eftir stríðslok.

Árið 1960 rænir ísraelska leyniþjónustan Adolf Eichmann í Buenos Aires. Réttað er yfir honum og hann hengdur í Tel Aviv.

Í Reykjavík er leigubílstjóri skotinn í hnakkann árið 1977. Héðinn Vernharðsson rannsakar málið.

Í þessari annarri bók sinni fléttar Skúli Sigurðsson skáldskap saman við sögulega atburði og raunverulegar persónur svo úr verður magnaður hildarleikur - sem heldur lesendum í heljargreipum til síðustu síðu.

Bókin var tilnefnd til Blóðdropans, íslensku glæpasagnaverðlaunanna.

432 pages, Hardcover

Published November 2, 2023

About the author

Skúli er höfundur spennubókanna Stóri bróðir (2022), Maðurinn frá São Paulo (2023), Slóð sporðdrekans (2024) og Ragnarök undir jökli (2025).

Stóri bróðir hlaut Blóðdropann, íslensku glæpasagnaverðlaunin, og Maðurinn frá São Paulo var tilnefnd þeirra.

Skúli er menntaður lögfræðingur með reynslu af blaðamennsku, mannúðarstörfum hjá Sameinuðu þjóðunum og flóttamannarétti.

Reviews

[Sindri · Rating 5 out of 5]

Hin hefðbundna norræna spennusaga fjallar um drykkfelldan fráskilinn lögreglumann sem á í stormasömu sambandi við fyrrverandi eiginkonu sína sem hefur forræði á barni þeirra og hefur gift sig að nýju. Ef bókin er íslensk má, til að bæta enn í depurðina, hafa sögusviðið smáþorp að vetri til í stanslausum blindbyl hvar úrkynjuð kvótafjölskylda drottnar yfir bæjarlífinu. Ég hef aldrei haft gaman af þessari uppskrift. Þess vegna er Maðurinn frá Sao Paulo, sem og Stóri Bróðir, frískandi innspýting í íslenskar spennubókmenntir enda miklu nær breskum og bandarískum spæjarabókum, án þess að missa trúverðugleikann eða íslensk auðkenni. Þær héldu mér báðar frá upphafi til enda og hlakka ég til að lesa fleiri bækur höfundar.

[Daði Arnarson · Rating 5 out of 5]

Ótrúlega góð bók

[AnuP · Rating 4 out of 5]

Olipa tarina! Oli pakko käydä kertaamassa asiat Mengelestä ja Eichmannista. Kirjan tarina voisi olla tosi. Arvostelua vaikea kirjoittaa paljastamatta juonta eli suosittelen, että luet tämän itse!

[Ásmundur Helgason · Rating 5 out of 5]

Hörkuspennandi krimmi með óvenjulegri fléttu. Þessi heldur manni allt til enda - rígheldur!

[Sigurður Ármann · Rating 4 out of 5]

Þrælgóður krimmi.

[Bella Hermóðsdóttir · Rating 5 out of 5]

Fékk hjartsláttartruflanir af spennu og varð sorgmædd við að klára. Svona á krimmi að vera.

[Sigríður Dúa Goldsworthy · Rating 5 out of 5]

Enn eitt meistaraverkið hjá Skúla!

[Andri Már · Rating 4 out of 5]

Bókin er góð en dregst soldið i miðjuni.

[Sigurður · Rating 4 out of 5]

Þetta er reglulega spennandi bók. Byrjar frekar hægt en svo er gefið verulega í. Rennur allt vel og er líka góð lýsing á hinni dæmigerðu íslensku þrjósku....

[Brynjólfur Stefánsson · Rating 5 out of 5]

Frábær bók.

[Már Másson · Rating 3 out of 5]

Fínasta bók en frekar snubbóttur og fyrirsjáanlegur endir.

[Örlygur Smári · Rating 4 out of 5]

Þessi bók kom skemmtilega á óvart, mæli með!

[Johanna A. · Rating 4 out of 5]

3 1/2 tähteä

[Emma Viktorsdóttir · Rating 3 out of 5]

3 1/2⭐️ fín bók en fannst ég stundum rugluð útaf útlenskunni.

[Vala Hunboga · Rating 3 out of 5]

Skemmtilegt hvernig sagnfræðin er tvinnuð inn í söguþráðinn sem fer með lesandann á ferðalag um heiminn. Gæti orðið skemmtileg sjónvarpsþáttaröð.

[Bolli Thor · Rating 4 out of 5]

Þessi bók kom á óvart. Mjög spennandi lesning. Góðar fléttur.