Rambó er týndur

by Yrsa Þöll Gylfadóttir

Kennarinn og karókídrottningin Sandra sinnir unglingum af natni á daginn og stundar kaup og sölu á notuðum húsgögnum á kvöldin. Hún veit að hún þykir sérvitur en hún er sátt við sjálfa sig. Svo framarlega sem hún hleypir engum of nærri sér og hugsar sem minnst um fortíðina – þá er allt í himnalagi. Þau fyrirheit gleymast fljótt þegar huggulegur maður blikkar hana um hábjartan dag á Sorpu.
Hún verður strax gagntekin og sannfærð um að hrifningin sé gagnkvæm. Þegar hún kemst að því að smáhundurinn hans er týndur veit Sandra að örlögin hafa talað. Áður en hún veit af er hún gengin til liðs við leitarhópinn og blæs til sóknar í ástarlífinu.

Rambó er týndur er grátbrosleg saga um gömul sár og glataða vináttu en einnig um leitina að ástinni og ógöngurnar sem henni geta fylgt. Rambó er týndur er fjórða skáldsaga Yrsu Þallar, sem áður hefur getið sér góðan orðstír fyrir vandaðan og glettinn stíl og áhugaverðar og breyskar persónur. Síðasta skáldsaga Yrsu, Strendingar (2020), var tilnefnd til Bókmenntaverðlauna Evrópusambandsins.

228 pages, Paperback

Published October 1, 2023

Reviews

[Guðrún Brjánsdóttir · Rating 5 out of 5]

Alveg rosaleg bók. Bæði fyndin og átakanleg, á köflum svo óþægileg að ég þurfti að gera öndunaræfingar. Mæli mikið með þessari.

[Guðrún Úlfarsdóttir]

Hryllilega pínlegur lestur en stórskemmtilegur, sat límd við. Ég lýsti söguþræðinum fyrir mömmu núna í morgun og hún sagði um Söndru: „Hún hljómar svolítið eins og Mr. Bean.“

[Fríða Þorkelsdóttir · Rating 4 out of 5]

Mjög skemmtileg og vel skrifuð.

[Vala Hunboga · Rating 4 out of 5]

Mikið er gefandi að hlæja upphátt við lestur bókar. Hef ekki hlegið svona mikið síðan ég las Peð á plánetunni jörð sem barn. Fleiri svona bækur takk. Virkilega áhugaverðar andstæðir þeirra sem lifa í sjálfsblekkingu og þeirra sem ganga alla daga um með grímu.

[Rannveig Guðmundsdóttir · Rating 4 out of 5]

Svo fyndin og skemmtileg og æðisleg!
Ég festist svo harkalega í henni en á sama tíma leið mér einhvernveginn illa að lesa hana hahah bara útaf því að hún er svo ótrúlega pínlegur karakter. En samt geggjuð
4,5 stjörnur!!!

[Assa Borg Snævarr Þórðardóttir · Rating 3 out of 5]

Fyndin og skemmtileg en ég er ekki frá því að hún Sandra sé einn erfiðasti og pínlegasti karakter sem ég hef lesið um í langan tíma. Svo er einhver hrikalega mikil millennial orka yfir stílnum og stemmingunni sem meikaði svona semi ekki

[Ingibjörg Iða Auðunardóttir · Rating 4 out of 5]

Virkilega flott!

[Hkj · Rating 4 out of 5]

Gjörsamlega óþolandi týpa en geggjuð bók! Gat ekki lagt hana frá mér!

[Inger Thomsen · Rating 3 out of 5]

Aaaa svo óþægilegur lestur átti oft erfitt með hann en á sama tíma mjög vel skrifuð of skemmtileg bók

[Anna Þórhildur · Rating 5 out of 5]

Algjör veisla!

[Ásta Ólafs · Rating 4 out of 5]

Fleiri svona bækur, takk!
Svo innilega skemmtileg og áhugaverð.

[Halla Kolbeinsdottir · Rating 4 out of 5]

Agalega pínleg og skemmtileg bók um konu sem ég hef kynnst nokkrum sinnum.

[Aðalbjörg Bragadóttir · Rating 3 out of 5]

Svartur húmor, mis áhugaverð kennsla og brjáluð kennaradjömm á karókístað eru alveg minn tebolli! Sagan náði samt aldrei almennilegu flugi þrátt fyrir alvarlegan undirtón. Sé samt ekki eftir því að hafa lesið hana - 3,5 stjörnur.

[Hildur · Rating 3 out of 5]

Rambó er týndur eftir Yrsu Þöll Gylfadóttur mætti kalla "tilfinninga-spennusögu" sem reyndi á allar mínar taugar. Ég missti töluna á því hversu oft mig langaði að öskra "Nei, Sandra. Hættu að skemma fyrir þér!". Rithöfundur virðist hafa einstaklega gott lag á að sýna hversu óskýr línan getur verið á milli þess að vera góð og slæm manneskja. Erfitt var að lesa um misskildu, brengluðu og viðkunnanlegu Söndru. Hún á það til að hegða sér fyrirlitlega, en það er samt eitthvað svo klaufalegt og sorglegt við hennar verstu hliðar. Við hverja góða ákvörðun Söndru hlýnaði mér jafn mikið um hjartarætur og mér rann kalt vatn milli skinns og hörunds þegar ofsóknarbrjálæðið og kvíðinn tók völdin hjá henni.

Ég er svo fegin að þessi bók sé búin svo ég geti farið að anda léttar, en á sama tíma langar mig að vita meira og að allt verði í lagi.

[Helga Guðrún Loftsdóttir · Rating 3 out of 5]

Skemmtileg bók með mjög átakanlegum undirtóni. Kona þjáist af eftirköstum alvarlegs eineltis í grunnskóla. Hún er frekar drykkfelld og dagdraumar hlaupa ítrekað með hana í gönur og hún gerir illa greinarmun á eigin hugarórum og veruleika.
Það verður að taka á einelti og vinna með gerendum og þolendum.

[Einar Jóhann · Rating 4 out of 5]

Bókin lukkast mjög vel til og það er langt síðan ég hló svona mikið yfir bók síðast. Húmorinn hittir beint í mark. Aðalpersónan sögurnnar er pínleg en sagan fer aldrei alveg yfir í tilgerð og vitleysu. Meistarataktar!

[Ösp · Rating 4 out of 5]

Skemmtileg og kannski örvæntingarfull bók. "Æ, æ" er sennilega besta lýsingin.

[Gyða Haraldsdóttir · Rating 4 out of 5]

Vel skrifuð og skemmtileg, en hræðilega pínlegar aðstæður sem söguhetjan kemur sér endalaust í! Sennilega ýmislegt til í mörgu þarna!

[Margrét Sam. · Rating 5 out of 5]

Erfitt að leggja hana frá sér - kláraði hana í tveimur sprettum.

[Ragnheiður Lárusdóttir · Rating 4 out of 5]

Stórskemmtileg og átakanleg á sama tíma

[Karitas Tulinius · Rating 4 out of 5]

yndislega oþægilegur og oþolandi lestur

[Elísa Embla · Rating 5 out of 5]

Ég datt alveg inn í hugarheim aðalpersónunnar Söndru! hló nokkrum sinnum upphátt sem gerist ekki oft, vandræðalega fyndin saga sem hélt mér allan tímann💌📝🌟

[Guðný Bára Jónsdóttir · Rating 4 out of 5]

Ekkert eðlilega óþægilegur karakter! Át brókina upp til agna

[Grétar Henrysson · Rating 2 out of 5]

Leiðinlegasta bók sem ég hef lesið. Engin skemmtilegur karakter, allir annaðhvort leiðinlegir eða daprir og sumir bæði. Gef bókinni þó það að vera vel skrifuð með skemmtilegur orðavali.

[Idunn Eagisdottir · Rating 3 out of 5]

Áhugaverð bók. Les örgl ekki aftur en samt fín. Fínt að lesa og einfalt að fylgja. Óþægilegur lestur útaf týpu.

[Albina · Rating 4 out of 5]

Mjög góð bók en líka óþægileg því hún dregur svo vel fram hvað það er margt í samfélaginu sem er öfugsnúið. Erfitt að leggja hana frá sér