Hrímland: Seiðstormur

by Alexander Dan

Hungrið sverfur að í Reykjavík. Krúnan stendur í stríði á meginlandinu, samveldið Kalmar riðar til falls og afskekkta nýlendan Hrímland líður fyrir ástandið. Margir flýja borgina í örvæntingarfullri leit að betra lífi og meðal þeirra er Elka sem siglir til Vestmannaeyja með Sölva son sinn. Þar taka meðlimir kirkju djúpsins þeim opnum örmum, en Sölvi er fljótur að átta sig á að ekki er allt sem sýnist.Seiðskrattinn Kári hefur burðast um með hryllilegt leyndarmál æ síðan hann lenti í árásinni á Svartaskóla á námsárum sínum. Þegar honum berst óvænt spennandi boð um að taka þátt í háleynilegum hálendisleiðangri undir stjórn sjálfs dr. Vésteins Alrúnarsonar, hugsar hann sig ekki tvisvar um. En hann órar ekki fyrir sönnum og ógeðfelldum tilgangi ferðalagsins.

606 pages, Kindle Edition

Published October 25, 2023

Reviews

[Halla Kolbeinsdottir · Rating 4 out of 5]

Stjörnugjöf er erfið fyrir þessa bók. Ég hafði gaman að sögunni og heiminum, en það komu heldur langsóttir kaflar sem ég þurfti að þrúkka mér í gegnum.
Ég hefði helst viljað gefa henni þrjár og hálfa stjörnu, en námunda í fjórar.

Ég er enn á því að mig langar að sjá Hrímlandsbækurnar gerðar að sjónvarpsseríu. Þetta er æðislegur heimur sem væri geggjaður á skjánum, ef vel væri farið með, auðvitað.

[Nanna María · Rating 2 out of 5]

Skemmtileg pæling en plottið hélt mér ekki.