Loak ezkutatzen duena (Zubikarai saria)

by Patxi Zubizarreta

Insomnioari buruzko erreportaje bat balitz bezala hasten da kontakizuna, baina handik laster detektibe-nobela bat bihurtzen da, bere misterio, jazarpen eta guzti; eta, horrekin batera, amodiozko eleberri baten kutsua hartzen du, bere zita, sedukzio eta maite-jolasekin. Eta hori dena, tonu jostalari, arin bezain dotore batean idatzia. Patxi Zubizarretak komedia xarmagarri bat ondu du liburu honetan, ohi duen moduan ipuinez, hitz-jokoz, hango eta hemengo erreferentziaz josiz bere narrazioa, irakurlea pasiera gozo batean eskutik eramanez eta aldian behin ustekabeko bat emanez. Kontalari ezin trebeago baten maisulana, Augustin Zubikarai sariaren merezient izandakoa.

174 pages, Kindle Edition

Published October 11, 2023

About the author

Patxi Zubizarreta Dorronsoro

Reviews

[Janire Atxurra · Rating 4 out of 5]

Liburu hau asko gustatu zait, eta horregatik lau izar eman dizkiot. Misteriozko eleberri bat da, detektibe ukituekin, lehenengo momentutik harrapatzen zaituena.

Sinopsian erromantzea eta umorea aipatzen diren arren, nik ez ditut gehiegi nabaritu, baina hori ez da ezer txarra. Izan ere, istorioa primeran funtzionatzen du misteriozko liburu on gisa.

Gomendatzen dut irakurtzea, oso entretenigarria baita. Kapituluak nahiko luzeak dira nire gusturako, baina istorioa hain interesgarria da ez nahizela ia konturatu. Gainera, pertsonaiak oso errealistak dira, eta seguru nago haietako batekin identifikatuko zarela. Ni Gabrielekin!!

Misterio ondo eraikiak, pertsonaia sendoak eta istorio iradokitzaileak gustuko badituzu, liburu hau aukera bikaina da.