E Graf op Madeira

by Josy Braun

Iwwerdeems d'Christiane viruschwätzt, zitt et aus senger Posch eng zimmlech zerdruddelt Zeitung raus a reecht mer se riwwer. "Ech war virun zwee Joer mat mengem Ex-Frënd op Madeira an der Vakanz. De Frënd ass mëttlerweil Geschicht, vergiesst deen, en huet och näischt heimat ze doen. Dat do ass eng däitsch Vakanzzeitung, déi doënnen d'ganz Insel verpescht, mä déi deen Dag bei den däitschschproochegen Touriste fir Opreegung gesuergt huet. Schued, datt et genee um leschten Dag vun eisem Congé war, ech sinn ni gewuer ginn, wat s'an Deeg duerno nach geschriwwen hunn. 't ass direkt op der éischter Säit. Ech hunn d'Zeitung virun e puer Méint rëmfonnt, wéi ech an engem vu menge Vakanzdossiere no enger bestëmmter Landkaart gesicht hunn. Firwat ech ëmmer nees mengen, dat do kéint eppes mam Chloé sengem Verschwannen ze doen hunn, ass mer selwer e Rätsel. Hatt war jo zwee Joer virdrun op Teneriffa an net op Madeira geflunn, mä ecg halen Iech op, liest et mol."
"Bom Dia Deutschland" heescht d'Zeitung, an 't ass d'Ausgab vum 9. September 2007. "Grausiger Leichenfund auf verlassenem Friedhof" steet a fette Buschtawen iwwerem Artikel vun enger gewëssener Heike Melchior, an am Ënnertitel freet déi, ob et sech ëm eng däitsch Touristin kéint handelen. Eng Foto weist en ale Grafsteen, an drënner steet: "Zwei Jahre lang das Geheimnis bewahrt.

207 pages, Paperback

First published January 1, 2010

About the author

Josy Braun was a Luxembourgish writer, journalist and translator. He wrote plays for adults and children, poetry, prose and children's stories, in both Luxembourgish and German.

His plays, which often convey political concerns, include D'Kromm an der Heck (1966), Requiem fir e Lompekréimer (1966), Wie bas de Leo? (1976), Hexejuecht (1978).

He authored the very first detective story in Luxembourgish, Porto fir d'Affekoten (1997).

Source: Wikipedia (shortened)

Reviews

[Lindenblatt · Rating 4 out of 5]

Méi e kulinaresch an touristesch Vakanzebericht vum Josy Braun wéi e Kriminalroman, awer flott geschriwwen a mat enger onerwaarter Wendung um Enn. An, ganz wéi erwaart, immens gutt fir de Vokabelen ze léieren. 3.5 ⭐

[Peter · Rating 4 out of 5]

Interessant a spannend geschriwwen, eng liicht Lektür fir de Summer.