Я прыду за табой у аўгусце

Зінаіда Юр'еўна #1

by Каміла Цень

У дэбютны зборнік Камілы Цень увайшлі тры аповесці, напісаныя ў 2018-2023 гадах. “Народны РБ-дэтэктыў” — так можна назваць вынайдзены аўтаркай жанр. Нуар мінскіх заводскіх ускраін, стыхія нязмоўкнай трасянкі і маленькіх чалавечых трагедый, нязменны гумар і закручаныя сюжэты ў дэкарацыях “стабільнасці” — у такім свеце жыве харызматычная кантралёрка Зінаіда Юр’еўна, якая ў сваім імкненні да праўды разблытвае адну за адной загадкі беларускага быцця.

195 pages, Paperback

Published January 1, 2023

Reviews

[Maša · Rating 5 out of 5]

Пачыналася чытанне кнігі з жаху з-за трасянкі, а скончылася жаданнем прачытаць яшчэ гісторый 10 аб прыгодах Зінаіды Юр'яўны. Уся серыя ода Завадскому раёну. Як асобе, якая лічыць яго родным вельмі спадабалася.

[Antonio · Rating 5 out of 5]

Паважаная Каміла Цень! Калі вы гэта чытаеце, то прашу вас очэнь сер’ёзна: напішыце ешчо! Хацелась штобы кніга нікагда не заканчывалась. Спасіба бальшое!

[Polina Zenevich · Rating 5 out of 5]

Цудоўны Беларускі дэтэктыў. Узровень спраў адпавядае дэтэктыву Зiнаiдзе. Чытаць было вельмі цёпла, крыху шчыміла. Нават (асабліва) знарочыстая трасянка не раз'юшвае. Проста выдатная кніжка беларускай аўтаркi. Такіх кніг павінна быць шмат і розных, дзякуй вялікі Каміле і Кнігаўцы за цудоўны час разам

[Lena · Rating 5 out of 5]

Выдатная кніга, кожная наступная аповесць лепшая за папярэднюю. Нарэшце ў нас з’яўляецца моцная і захапляльная жанравая проза, дзе ў той самы час вельмі таленавіта абыграны сучасны кантэкст.

[Yana Andreikova · Rating 5 out of 5]

Той выпадак, калі не чакаеш нічога, а атрымліваеш усё. Гэта было выдатна! Захапляльныя прыгоды Зінаіды, такі родны Менск, непаўторная трасянка, па-майстэрску абыграны кантэкст. І смешна і сумна адначасова. Вельмі спадзяюся на працяг серыі.

[Lizaveta Zhuk · Rating 5 out of 5]

Крутая кніга, мне вельмі спадабалася!
Гісторыі вельмі цікавыя і небанальныя. Але для мяне гэтая кніга больш, чым просты дэтэктыў. У разважаннях Зінаіды Юр'еўны відавочна чула словы маіх жа бацькоў, аўтарцы ўдалося добра перадаць іншы бок, месцамі я рагатала ў голас, а часамі балюча калола. Асобнае што патрапіла ў самае сэрца - гэта Менск. Завадскі раён, праз які я ездзіла на працу ў Шабаны, Трактарны завод, дзе я праводзіла шмат часу, калі вучылася ва ўніверы, і ЗАГС у Чыжоўцы, дзе мы распісаліся з мужам перад самым ад'ездам з Беларусі. У галаве выразна пракручваліся карцінкі знаёмых месцаў і накрыла дзікай настальгіяй 💔

[Natasha Matsiusheuskaya · Rating 5 out of 5]

неверагодныя, хоць і праставатыя, дэтэктыўныя сюжэты - а за імі раптам ціха прапісаная гісторыя Беларусі апошніх гадоў, у дробных дэталях і трапных (і да сумнага смешных) метафарах. такое люстэрка жыцця, разам з моўнай блытанінай і вечным алкаголем 'па капельке' у галовах людзей. халера, хто такая гэтая Каміла Цень, чый маленькі зборнік напаўсур'ёзных дэтэктываў пра працаўніцу Мінсктранса чытаецца з большым задавальненнем, чым добрая такая частка свежага белліту? карацей, запісвайце мяне ў фанаткі.

[Pepsichka · Rating 5 out of 5]

Напрыканцы жніўня нешта трывожнае літаральна разліта ў паветры. Жанчына з неверагоднай здольнасцю чытаць твары і характары людзей абавязкова разбярэцца, бо ва ўсім павінен быць «парадак».
Ёсць ў гэтай міс Марпл аўтазавадскога разліву і свой напарнік, як яно і прынята ў дэтэктывах: дурнаваты, але выканаўчы. На яго фоне талент Юр’еўны ззяе яшчэ мацней.

Гэта тры дэтэктыўныя гісторыі пад адной вокладкай і, шчыра кажучы, я праглынула іх у момант. Буду чакаць працяг.

[Katsiaryna Paliakova · Rating 4 out of 5]

Хорошая книга, очень уютная (несмотря на количество трупов, это всё-таки детектив). Если бы моя бабушка стала Шерлоком Холмсом, было бы примерно такое ощущение :)
Каждый раз радуюсь, встречая знакомые места в книгах. И отдельное восхищение языковому решению: книга написано одновременно на трасянке, литературном белорусском и литературном русском языке и это добавляет гораздо больше глубины и реалистичности, чем я могла бы представить.

[Vladimir Kostin · Rating 4 out of 5]

пускай книжка и на трасянке, но читать ее легко. вообще хорошо, понравилось.

[Viktoryja · Rating 4 out of 5]

Я ўжо даўненька чула пра гэтую кнігу — дэтэктыў, якіх у беларускай літаратуры мала, дык яшчэ і на трасянцы, такога няма ўвогуле. Але Каміла Цень займала даволі нізкае месца ў сьпісе маіх чытацкіх цікавасьцяў, пакуль я не прачытала настолькі эмацыйны разьюшаны водгук, што ён адразу перанёс гэтую кнігу на ганаровае першае месца. Падобна, я ў той фазе свайго жыцьця, дзе я проста хачу нешта адчуваць.

«Я прыду за табой у аўгусьце» не выклікала ў мяне моцнага абурэньня. Я б нават сказала, што я цаню гэтую кніжку ў якасьці экспэрымэнта і прэцэдэнта. Маё непапулярнае меркаваньне — у трасянцы вялікі мастацкі патэнцыял (хаця, гледзячы на посьпех РСП і Камілы Цень, меркаваньне не такое ўжо і непапулярнае).

Я думаю, шматлікія беларусы пагарджаюць трасянкай праз тое, што ў ёй засталося мала беларускай мовы. Пакуль украінскі суржык можа быць бясспрэчна адметнай рысай праз багацьце ў ім украінскай лексікі, у гарадзкой трасянцы амаль не засталося беларускай. Сёньняшняя трасянка — гэта расейская мова з беларускай вымовай (ну і шуфлядка ды тудой-сюдой). Ці мне сумна праз гэта? Безумоўна. Але яшчэ больш мне сумна, што мы губляем нават гэтае малае. Большасьць суразмоўцаў Зінаіды размаўляюць зь ёю на літаратурнай расейскай. Пакаленьні беларусаў, што вырасьлі ў цалкам расейскамоўных гарадах, маюць настолькі лёгкі акцэнт, што пачуеш яго толькі калі ўжо ведаеш, што чалавек з Беларусі.

Акрамя расейскай і «расейскай з памылкамі», у кніжцы ёсьць і літаратурная беларуская. Каб дагадзіць строгім беларускім чытачам, аўтарка напісала беларускамоўных герояў. Месцамі атрымалася так няёмка, што самыя строгія чытачы пабачылі ў гэтым антыбеларускую рыторыку. Думаю, што так атрымалася праз тое, што кніга напісана ад асобы Зінаіды Юр’еўны, для якой беларускамоўныя людзі — жудасныя дзівакі. У трох з трох гісторый так ці інакш прысутнічаюць беларускамоўныя, што статыстычна магчыма толькі ў літаратуры. А ў рамках гэтага літаратурнага жанру зразумела, што другасныя героі — або ахвяры, або злодзеі. Галоўная гераіня тут адна, і яна размаўляе трасянкай.

Наяўнасьць трох гісторый асабіста для мяне стала недахопам гэтай кнігі. Я б хацела атрымаць адну гісторыю, але больш разгортаную: каб ёй хлусілі, яна ішла памылковым шляхам, губляла надзею знайсьці вінаватага. Я б хацела, каб гісторыя блытала і мяне, замест таго каб адразу пасьля экспазыцыі падаваць разгадку. Таму гэтыя гісторыі адчуваюцца хутчэй як гарадзкія легенды ці байкі, а не як успаміны жанчыны, зь якой здарылася дзіўная і жахлівая падзея.

Я рада, што гэтая кніга існуе. Яе было весела чытаць на пляжы падчас адпачынку. Але, думаю, наступныя кніжкі Камілы Цень я ўжо прапушчу.

[Leniwa Wenus · Rating 5 out of 5]

“Я прыду за табой у аўгусце” і “Сакрэт фірмы” я чытыла раней, і таму з нецярпеннем чакала выхаду наступнага твора. Дэтэктыўная гісторыя з чырвоным воўкам у галоўнай ролі не расчаравала. Зінаіда Юр’еўна на ўзроўні, у добрай дэтэктыўнай форме, крэатыўная і справядлівая.
Беларускамоўны сын Зінаіды Юр’еўны, адзінай мовай якой ёсць трасянка, з’ехаў у Польшчу. Сама яна перажывае, але не падзяляе палітычных поглядаў сына, робячы выснову, што гэта ўсё беларуская мова давяла.
Вось такі вось твор не пра мову, але пра мову.

[Andrej · Rating 4 out of 5]

Прыемны сатырычны твор у форме дэтэктыўных аповедаў.
Трасянка - з большага папросту транскрыпцыя расейскай мовы з нашым сочным вымаўленьнем. З нязвычкі чытаецца няпроста.
Актуальныя набалелыя тэмы кранаюцца з дэлікатнай прастатой. Без маніфестаў, толькі з лёгкім сумам.
Раю пачытаць.

[Uład Bohdan · Rating 4 out of 5]

Да дэтэктыўных гісторыяў - пытанні, але дробныя моманты беларускай рэчаіснасці - на 5/5.

[Вольга · Rating 5 out of 5]

Гэта так атмасферна!

[Viktoria · Rating 4 out of 5]

Беларускі дэтэктыў ад імя "неабыякавай гражданкі".
Кніга складаецца з трох гісторый, якія зацягваюць і хочацца даведацца, чым жа ўсё скончыцца, як вырашыцца.

Спачатку складана чытаць на трасянцы, але потым прывыкаеш. Гэтая асаблівасць кнігі і робіць яе такой непаўторнай.

"Мыслі - ані так проста не паяўляюцца. Калі мыслі вазнікла - значыт, ёсць прычына. Проста не кажды раз эту прычыну сразу ўлавіць можна."