الجاسوس الإنجليزي 2: باب شرق

الجاسوس الإنجليزي #2

by مجدي الشافعي

نديم: أنا جاي معاك ساندرو : لأ.. إنت تكتب وتخلي كل الناس يصدقوا إنهم منتصرين فينتصروا.. إكتب.. إكتب وصوّر یا ندیم

125 pages, Paperback

Published November 1, 2023

Reviews

[ميرنا المهدي · Rating 3 out of 5]

مازلت عند رأيي، ده أمتع كوميك قرأته ولكني بفضل الجزء الأول عن التاني لأن حبكته كانت أقوى وخطوطها أوضح. مشكلتي في الجزء ده فنيًا وفي الإخراج الداخلي، مشاهد كتير حوارها مكتوب بخط إيد غير واضح وشديد الطفولية وبجودة سيئة فكذا مشهد ما عرفتش أقرأ الكلام المكتوب وفاتتني معلومات مهمة من الأحداث وده لخطبني.
المشكلة التانية هى المشاهد المعمولة كولاج، أنا معجبة بالفكرة ومستمتعة بها في الجزئين، بس مش لدرجة إن ألاقي في الجزء ده مشهد بلوجو getty image عليه، ده فصلني وخرجني من موود الأحداث.
الرسم الفري ستايل هنا أقل من الجزء اللي فات، حاسه الستايل شبه موحد ومتشابه وده قلل جزء من المتعة والمفاجئة بالنسبة لي.
في النهاية، الحكاية حلوة ومشوقة بشكل عام والفن جديد ومبهر وجذاب وقضية العمل شديدة الأهمية وأنا هفضل منتظرة الجزء التالت بفارغ الصبر.

[Yehia Shehata · Rating 2 out of 5]

للأسف الجزء التاني مادانيش الدفعة اللي كنت عايزها عشان اكمل السلسلة، ومعجبنيش قوي مع إني كنت عايزه يعجبني.

الرسومات برضه مازالت معمولة بنظام الكولاج، وان كان فيها خيال حلو بس الرسم احيانا عامل زي الاسكتش المبدئي: تحس انه غير مكتمل أو نسخة غير نهائية. والكلام احيانا كان بيبقى صعب القراية (مش عارف عن عمد ولا لأ) بس كلام رفيع على خلفية سوداء، أو خط ايد غير واضح.

الجزء ده وان كان في وسط احداث تاريخية ملحمية، وتدور في الأسكندرية، بس محركش القصة قوي، كان معظمه فلاش باك. والقصة برضه مخلصتش، ومش عارف حاجيب الجزء التالت لما ينزل ولا لأ، خاصة ان الأحداث هنا كان صعب تتبعها في بعض الأحيان.