यो पुस्तक सशस्त्र द्वन्द्वताका विद्रोहीको पक्षमा पत्रकारीता गर्दै गरेकी एक महिला पत्रकार संगिता खड्काको संस्मरण हो । युद्धको समयमा हुर्केको पुस्तालाई याद होला, त्यो बेला सहर र सदरमुकाममा माओवादी आतंकको पर्याय थियो । एकपक्षीय समाचारहरु मात्रै सुनिन्थे। त्यसले माओवादीहरु प्रतिको एक खालको धारणा बनाएको थियो। यो पुस्तक त्यहि एकपक्षीय सूचनाहरु सुनेर हुर्केका या त्यो युगका बारेमा खासै जनकारी नभएकाहरुका लागि लाभदायक पुस्तक छ ।
कृष्णसेन ईक्षुक, शक्ति बस्नेत, किशोर श्रेष्ठ, आदि केहि नाम थिए जोसंग सम्बन्धित धेरबहुत जानकारी किताबमा पढ्न सकिन्छ । हिरासतमा माओवादीको आरोपमा समातिएकाहरु माथिको यातना अनि रेडियो र पत्रिका मार्फत सर्कार इतरको विचार संप्रेषणका क्रममा खेपेका दुःखहरु पनि यसमा समावेश छन् ।
माओवादी प्रतिको आलोचनात्मक कुराहरु उति छैनन्। १४ वर्षकी वालिका समातेर कारवाही गर्दा सरकारको आलोचना त छ तर नावालकलाई राजनीतिमा होमेकोमा माओवादी नेतृत्वको विरोध या आलोचना छैन ।