2,5 ⭐️
Nire iritziz, ulertzeko zaila egin zaidan istorioa da, batez ere egilearen idazkeragatik. Erabiltzen duen hiztegia eta diskurtsoa eraikitzeko modua irakurketa zaila eta korapilatsua bihurtzen dute, eta zenbait unetan ez da bereziki irisgarria.
Hala ere, eleberri originala eta polita dela uste dut. Izan ere, bi garai historikotan kokatutako istorioa oso ondo egituratuta dago. Bestetik, Katalin pertsonaiak badu zerbait harrapatu nauena, eta bere hainbat ezaugarrirekin identifikatuta sentitu naiz.
Gainera, egileak lantzen dituen gaiak —hala nola ezagutza medikoak, Erdi Aroko sorgin-ehiza eta herri-jakinduria— eleberria aberasten dute, eta interesgarriago bihurtzen dute ikuspegi historikotik eta kulturaletik.
Ziur nago euskaraz errazago idatzita egongo balitz askoz gehiago gustatuko litzaidakeela. Ez da euskaraz irakurtzen hasteko eleberririk egokiena, baina, hala ere, merezi du irakurtzea, kontatzen duen istorioaren originaltasunagatik eta berezitasunagatik.