Porth

by Luned Aaron

Casgliad o storïau dinesig a ddaeth yn agos iawn at y brig yng nghystadleuaeth y Fedal Ryddiaith ydi Porth gan Luned Aaron. Ymysg y gwead celfydd o straeon, ceir profiadau ymgeisydd lloches ifanc feichiog, gwraig sy’n stryffaglio gyda heriau’r cyfryngau cymdeithasol, dyn sy’n troi at steilydd ffasiwn mewn ymgais i newid ei fywyd, a mam brysur sydd mewn penbleth wrth iddi geisio dewis lliw ei drws ffrynt. Dyma straeon sy’n cyfuno elfennau treiddgar ac ysgafn ac sy’n rhoi cipolwg ar fywydau amrywiol yn y Gymru gyfoes.

87 pages, Kindle Edition

Published December 12, 2023

Reviews

[Carys Richards · Rating 5 out of 5]

Waw. Roedd darllen y gyfrol hon yn hyfryd, wnes i wirioneddol ei fwynhau. Ro'n i'n teimlo'n agos gyda'r cymeriadau ac wedi fy swyno gan eu straeon a'u profiadau onest a trawiadol. Mae'r straeon yn gynnil ac yn llyfn yn gwehyddu gyda llwybrau yn croesi ac yn cynnig mewnwelediadau o bersbectifau gwahanol - mae'n andros o glyfar.
Mae steil Luned Aaron o ysgrifennu yn sensitif ac yn brydferth, mae hi'n amlwg wedi cymryd gofal wrth dod a'r cymeriadau yma'n fyw.

[Vcmc · Rating 5 out of 5]

Llyfr hardd, sensitif. Mae pob darsylliad yn dangos i ni realiti bywyd heddiw. Mae pobl bregus, tlawd, unigol sy'n byw ochr yn ochr â rhai sy'n wtresgar, neu'n brwydro gyda phroblemau cudd. Yng nghanol y straeon rydyn ni'n cwrdd â dyn sy'n eistedd yn dawel gyda'i fam sy'n agos at marwolaeth.

Llyfr bendigedig sy'n myfyrio ar fywyd cyfoes mewn ffordd tawel a deallus.