What do you think?
Rate this book
سيلينترو إسكندرية
حواديت ملضومة بشعر
ذهب النادل و لم يبق فى المكان غيرنا .. أمسك يدها و أقول لها كم أفتقدها، فتخبرنى أن كل شىء فى غيابي لا لون له و لا طع ولا رائحة، أخبرها كم أن الحياة باهتة بدونها، و أن أيامى تمر مرور الكرام فى غيابها، و لا أسعر بنفسى إلا و أنا بين يديها ،، أنتشلتنى هى من غياهب بئر عميق ، كنت قد سقطت فيه سهوا أو عمدا لا أدرى، و لكنى سقطت ، أتت هى فى إحدى الأيام المظلمة لتنير الدنيا، و تمد يدها لتنقذ غريقا كاد أن يموت من فرط الأختناق لا أفوت أنا الفرصة فأمسك بيدها بقوة، أتشبث بها و أتعلق بقدميها كما يتعلق الطفل بأمه .. تخبرني أنها تتمنى لو كان بإمكانها أن تدوس زر ال
pause
الأن حتى نظل هى و أنا على هذة الحالة دون حراك، و تمنت أيضا لو أن الناس يمكن أن يختفوا تماما فلا يبقى سوانا.
ذهب النادل و لم يبق فى المكان غيرنا .. أمسك يدها و أقول لها كم أفتقدها، فتخبرنى أن كل شىء فى غيابي لا لون له و لا طع ولا رائحة، أخبرها كم أن الحياة باهتة بدونها، و أن أيامى تمر مرور الكرام فى غيابها، و لا أسعر بنفسى إلا و أنا بين يديها ،، أنتشلتنى هى من غياهب بئر عميق ، كنت قد سقطت فيه سهوا أو عمدا لا أدرى، و لكنى سقطت ، أتت هى فى إحدى الأيام المظلمة لتنير الدنيا، و تمد يدها لتنقذ غريقا كاد أن يموت من فرط الأختناق لا أفوت أنا الفرصة فأمسك بيدها بقوة، أتشبث بها و أتعلق بقدميها كما يتعلق الطفل بأمه .. تخبرني أنها تتمنى لو كان بإمكانها أن تدوس زر ال
pause
الأن حتى نظل هى و أنا على هذة الحالة دون حراك، و تمنت أيضا لو أن الناس يمكن أن يختفوا تماما فلا يبقى سوانا.
- GenresPoetry
182 pages, Paperback
First published January 22, 2014
24 people are currently reading
1439 people want to read
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 30 of 67 reviews
February 1, 2014
الغلاف: ده ابداع ابداع ابداع
اشتريت الكتاب بالاساس عشان احتفظ بالغلاف العبقري ده
ومن هنا ورايح حاتابع احمد فرج بشكل دائم في الاغلفة
العنوان: سلنترو اسكندرية عنوان فني جدا ويشد اوي خصوصا اني بحب سلنترو اسكندرية اوي وليا فيه ذكريات جميلة
احيي الكاتب على اختياره للعنوان ده
لو كنت بتدور على كتاب تقيل بقى وحكم ومواعظ ودملكة وكدة....لا مش حتلاقي ده في الكتاب....اقرا الكتاب وانت حاطط في بالك انه كتاب خفيف بسيط مفيهوش فكر جديد....بس فيه تناول جديد للفكر
زي بالضبط لما تشوف لوحة انت شوفتها كتير قبل كدة بس مرسومة بريشة حلوة وتفاصيل اكتر
الكتاب عبارة عن فضفضة للكاتب الجميل كريم هشام بس بشكل حواديت توصل افكاره ومواقف....
الحواديت منها بالفصحى ومنها بالعامي بس الاغلبية عامية حتى الفصحى الحوارات اللي بتتخللها بالعامي...وكنت افضل فعلا لو كان الكتاب كله بالعامي لانه الفصحى كانت بتخرجني من حالة الكتاب...كنت حاسة ان الحالة بتاعة الكتاب مناسبها اكتر العامية...
مابين الحواديت فواصل من الشعر الحقيقة عجبتني اكتر من الحواديت بكتير...معرفش هل ده لاني بحب الشعر العامي اكتر من الحواديت ام لان الكاتب فعلا بارع فيه اكتر...
الكتاب بيتناول افكار كتيرة بتخطر في بالنا وبتعدي عليه بسرعة بس الكاتب ماخلهاش تعدي وقرر يسجلها وده خلى قصص كتير كانت حقيقية...حقيقية بشكل بسيط ورقيق وجميل
زي قصة احلام بسيطة عجبتني جدا
انت الشاي بلبن خصوصا الحتة بتاعة احنا مش مستعجلين اوي وفي نفس الوقت مستعجلين
توازي هي اكتر حدودة عجبتني بالكتاب كله بامانة لانها حقيقية وواقعية بشكل
مرعب...وكمان بتوصف الحال اللي وصل اليه المجتمع او بمعنى اصح العلاقات في الوقت الراهن وهي عبارة عن صفحة ونص بس!
جواب : عجبتني برضه
شيزوفرنيا : عاوزة للكاتب الله عليك بجد قولت اللي في قلبي
برضه عجبتني مقالة ادمان
اللي ماعجبنيش في الكتاب بقى ان في حواديت كتير حسيت ان الكاتب بيبذل مجهود عشان يكتب...او بيجبر نفسه على الكتابة فطلعت مش حلوة....
وماعجبنيش انه بدأ الكتاب بكذا حدوتة مش اوي...فده قفلني في الكتاب في الاول...يعني كنت اتمنى لو حط ااول وتاني حدوتة حلوين عشان يشدوا
معجبنيش كمان تناوله للافكار السياسية والدينية خصوصا انها فعلا اتهرست في ستين مقالة وفيلم عربي زي ماهو بيقول في حدوتة له...ده خلى الكتاب بالنسبة لي يقل في نجومه خصوصا انه فرض رايه بشكل كبير في تناول الافكار دي....وضايقني انه الى حد ماتناول المواضيع اللي بقت موضة لاي كاتب انه يتناولها وكمان قال نفس الكلام الموضة اللي بيتقال زي موضوع ماتحكمش على حد ومش مهم دينه المهم محترم والكلام ده....خنقني اوي المقالات دي
في بعض الحواديت كانت بتقلل من قيمة الكتاب وكان افضل تتحذف زي : ليه ومسيحي ومسلم ومحمد محمود وعيل والدين والفشل واعتراف والحدوتة الاولانية
في تعليق بس لاحظته ان الكاتب بيكتب اسمه في المقال على مواقف يديني احساس انها حصلتله وبيكتبها زي ماهي....فكنت مستغربة انه بيجيب على لسان اللي بيكلمه كمية شكر فيه رهيبة....زي حدوتة عيرة كان الموضوع زايد اوي....وماحسيتش ان دي حاجة حلوة صراحة.
بس طبعا ده مجرد راي ليس اكثر
برضه في فكرة اتكررت في اكتر من حدوتة هي انه عشان عاش من غير اصحاب طفولة وماكنش لاقي اللي يكلمه فده مبرر مثلا انه يطلع مش بيتكلم لما يكبر...دي مش حقيقة خالص انا تربيت نفس التربية ومع ذلك تأقلمت وحاولت اتكلم
المهم في النهاية الكتاب لذيذ وسعيدة اني محتفظة بيه
كل الشكر للكاتب كريم هشام
February 24, 2014
هحاول أكون واقعى فى نقدي لهذا الكتاب .
وبدون تجريح وبمنتهى الصراحة كدا الكلام إللى جوه الكتاب دا مكانه الصحيح
والأوحد هو الفيس بوك حيث الليكات والكومنتات الكثيرة المجاملة من الأصدقاء .
واضح جدا ان الكاتب متأثر جدا بكتاب أرز باللبن لشخصين للكاتبة رحاب بسام , وبما انى قرأت كتاب أرز باللبن لشخصين من فترة وعجبنى جدا.... يمكن لو قرأته دالوقتى تانى تقييمى للكتاب هيختلف - مش عارف - لكن إللى أعرفه أن الكتاب دا محاولة بائسة لتقليد أسلوب الكتاب .
حكاية أن بعض الموضوعات مكتوب بالعامية والأخري بالفصحى سببلى مشكلة فى التركيز بصراحة , وعلى عكس المتوقع حبيت بعض الموضوعات إللى مكتوبة بالعامية أكتر من الفصحى لأن الموضوعات إللى بالفصحى كانت مكتوبة بأسلوب غريب يفقد للمرونة إلى حد كبير .
رأيى هذا ليس حقيقة مطلقة , لكن يبقى مجرد رأي معارض بين العديد من المؤيدة والمحبة للكتاب وأسلوبه ....فأنا أبحث فى كل كتاب أقرأه عن أفكار جديدة أو فلسلفة محكمة أو صورة جمالية جيدة أو معلومة جديدة . للأسف لم أجد فى الكتاب أي من هذا – للأسف .
هذا عن محتوى الكتاب الداخلي , اما عن شكله الخارجى المتمثل فى الغلاف , الغلاف متميز فعلا .
وبدون تجريح وبمنتهى الصراحة كدا الكلام إللى جوه الكتاب دا مكانه الصحيح
والأوحد هو الفيس بوك حيث الليكات والكومنتات الكثيرة المجاملة من الأصدقاء .
واضح جدا ان الكاتب متأثر جدا بكتاب أرز باللبن لشخصين للكاتبة رحاب بسام , وبما انى قرأت كتاب أرز باللبن لشخصين من فترة وعجبنى جدا.... يمكن لو قرأته دالوقتى تانى تقييمى للكتاب هيختلف - مش عارف - لكن إللى أعرفه أن الكتاب دا محاولة بائسة لتقليد أسلوب الكتاب .
حكاية أن بعض الموضوعات مكتوب بالعامية والأخري بالفصحى سببلى مشكلة فى التركيز بصراحة , وعلى عكس المتوقع حبيت بعض الموضوعات إللى مكتوبة بالعامية أكتر من الفصحى لأن الموضوعات إللى بالفصحى كانت مكتوبة بأسلوب غريب يفقد للمرونة إلى حد كبير .
رأيى هذا ليس حقيقة مطلقة , لكن يبقى مجرد رأي معارض بين العديد من المؤيدة والمحبة للكتاب وأسلوبه ....فأنا أبحث فى كل كتاب أقرأه عن أفكار جديدة أو فلسلفة محكمة أو صورة جمالية جيدة أو معلومة جديدة . للأسف لم أجد فى الكتاب أي من هذا – للأسف .
هذا عن محتوى الكتاب الداخلي , اما عن شكله الخارجى المتمثل فى الغلاف , الغلاف متميز فعلا .
March 10, 2014
بدايه شُكراً إنى عرفت أقرأ الكتاب
النجمه للتصميم :)
أما الكتاب
وبغض النظر عن رأييى ف الصديق كريم هشام والرأى الشخصى البحت
لكنى أجد الكتاب بمحتوى ضعيف يقرب من الخواطر على شكل اتاتيس فيسبوكيه
به اخطاء إملائيه ولغويه بالجُمله
نقول مُحاوله جيده من الكاتب وليس الشاعر :)
كمحاوله أولىّ
بالتوفيق
النجمه للتصميم :)
أما الكتاب
وبغض النظر عن رأييى ف الصديق كريم هشام والرأى الشخصى البحت
لكنى أجد الكتاب بمحتوى ضعيف يقرب من الخواطر على شكل اتاتيس فيسبوكيه
به اخطاء إملائيه ولغويه بالجُمله
نقول مُحاوله جيده من الكاتب وليس الشاعر :)
كمحاوله أولىّ
بالتوفيق
April 9, 2014
النجمة للغلاف رغم رأيى السابق ف إنه مقلد بارع مش أكتر .. الكتاب عكس اللي توقعته منك يا صديقى
مكانه الفيس مش كتاب .. انت عارف قد ايه بحبك بس انت اللى حضرت العفريت :))
مكانه الفيس مش كتاب .. انت عارف قد ايه بحبك بس انت اللى حضرت العفريت :))
February 23, 2024
كتاب صوتى
نجمة واحده لرأى الكاتب فى المجتمع
أما الباقي فهو يصلح كبوست فى فيسبوك
نجمة واحده لرأى الكاتب فى المجتمع
أما الباقي فهو يصلح كبوست فى فيسبوك
February 3, 2014
خمس نجوم بدون أي تردد ..
و لو سيبت لنفسي البراح هارجع اعيد الكتاب مرة تانية ف الريفيو مثلا :D
فرط البساطة ف الحدوتة هو اللي بيخليها تلَمّس جوا .. :)
الكتاب أكتر م حلو .. و بسيط و بيشبه ل حاجات كتير جوا ..
أكتر م أي كتاب قرأته فيه حواديت ل سبب واحد .. إني عارفة الحدوتة اللي ورا أغلب الحواديت :D
رائع اني احس اني عارفة اصل الحواديت دي و كانت ازاي و بقيت ازاي :)
نبدأ من الأخر كالمعتاد ..
فكرة ال pause تحففة ...
و بيكفي إنها كانت صادقة كما الصدق و هي بتقوله (اي ويل نيفر هاف اينف اوف يو ) الجملة دي متطلعش إلا من مغرم .. و أكيد كانت جزء ف الحدوتة .. او ربما الجملة اللي تخلينا نكتب الحدوتة عشانها ..
<3
دعاء 2 .. و دعاء 1 .. من أكتر الحاجات اللي خلتني ابتسم و اقول ( اللهم لا تحرمنا مناجاتك )
آمين :)
ملتقي الصحبة ..
في ناس ربنا بيكعبلنا فيهم لأنه ببساطة دا وقتهم .. و في ناس تاني بتيجي عشان تفضل حتي لو هتتم رسالتها و تمشي .. مشيانها دا جزء من وجودها .. حضرت بالحضور و حضرت بالغياب ف اكتملت :D
نفس الإحساس و عيرة و عيل ... شفافين بشكل يغيظ :D
فسحه ... دي بقي ممكن تبقي مشهد سينمائي ب جدارة .. بس عاوزة مخرج شاطر :)
بلكونة برضه تنفع فيلم قصير .. بس دور ع مخرج شاطر بقي :)
إدمان ..و فشل .. الدين .. مسيحي و مسلم .. غلطة .. الفشل .. كلهم أفكار حلووووة .. بصرف النظر عن الاتفاق و الاختلاف حولها .. مافيش اتفاق كلي يعني :D
اعتراف و الحدوتة الأولانية .. كأنهم بيس اوف انسونس .. فيهم براءة طفل بيسأل اسئلة وجودية و هو مش عارف !
:D
إنتِ الشاي باللبن و شاي باللبن ... أنتَ أصلا أخدت بالك م اسمي الحدوتة .. و إنهم عن نفس ال إنسان .. و كمان عكس بعض ؟؟ :D :D
حلوين .. و انهم عكس بعض أحلي ما فيهم
عمابراهيم بقي ... <3
يا ريت تبوسلي الراجل دا .. و بس كدا <3
توهان ... موجعه الصراحه ..
سام وان لايك يو ... الأكثر وجعا و صدقا علي الإطلاق ... برضه محتاجة مخرج شاطر ..
الشعر اللي ملضومة بيه الحواديت هاااااايل ..
بجد انا انبسطت بالكتاب ... حسيت اني باركب بني أدم بازل .. من كل حاجة فرح و حب و فراق و حب تاني .. و مشاكل .. و عقد اجتماعيه .. و مانجا و عصير قصب <3
انا فخورة بالكتاب ..
دُمتَ مُوفقا
و لو سيبت لنفسي البراح هارجع اعيد الكتاب مرة تانية ف الريفيو مثلا :D
فرط البساطة ف الحدوتة هو اللي بيخليها تلَمّس جوا .. :)
الكتاب أكتر م حلو .. و بسيط و بيشبه ل حاجات كتير جوا ..
أكتر م أي كتاب قرأته فيه حواديت ل سبب واحد .. إني عارفة الحدوتة اللي ورا أغلب الحواديت :D
رائع اني احس اني عارفة اصل الحواديت دي و كانت ازاي و بقيت ازاي :)
نبدأ من الأخر كالمعتاد ..
فكرة ال pause تحففة ...
و بيكفي إنها كانت صادقة كما الصدق و هي بتقوله (اي ويل نيفر هاف اينف اوف يو ) الجملة دي متطلعش إلا من مغرم .. و أكيد كانت جزء ف الحدوتة .. او ربما الجملة اللي تخلينا نكتب الحدوتة عشانها ..
<3
دعاء 2 .. و دعاء 1 .. من أكتر الحاجات اللي خلتني ابتسم و اقول ( اللهم لا تحرمنا مناجاتك )
آمين :)
ملتقي الصحبة ..
في ناس ربنا بيكعبلنا فيهم لأنه ببساطة دا وقتهم .. و في ناس تاني بتيجي عشان تفضل حتي لو هتتم رسالتها و تمشي .. مشيانها دا جزء من وجودها .. حضرت بالحضور و حضرت بالغياب ف اكتملت :D
نفس الإحساس و عيرة و عيل ... شفافين بشكل يغيظ :D
فسحه ... دي بقي ممكن تبقي مشهد سينمائي ب جدارة .. بس عاوزة مخرج شاطر :)
بلكونة برضه تنفع فيلم قصير .. بس دور ع مخرج شاطر بقي :)
إدمان ..و فشل .. الدين .. مسيحي و مسلم .. غلطة .. الفشل .. كلهم أفكار حلووووة .. بصرف النظر عن الاتفاق و الاختلاف حولها .. مافيش اتفاق كلي يعني :D
اعتراف و الحدوتة الأولانية .. كأنهم بيس اوف انسونس .. فيهم براءة طفل بيسأل اسئلة وجودية و هو مش عارف !
:D
إنتِ الشاي باللبن و شاي باللبن ... أنتَ أصلا أخدت بالك م اسمي الحدوتة .. و إنهم عن نفس ال إنسان .. و كمان عكس بعض ؟؟ :D :D
حلوين .. و انهم عكس بعض أحلي ما فيهم
عمابراهيم بقي ... <3
يا ريت تبوسلي الراجل دا .. و بس كدا <3
توهان ... موجعه الصراحه ..
سام وان لايك يو ... الأكثر وجعا و صدقا علي الإطلاق ... برضه محتاجة مخرج شاطر ..
الشعر اللي ملضومة بيه الحواديت هاااااايل ..
بجد انا انبسطت بالكتاب ... حسيت اني باركب بني أدم بازل .. من كل حاجة فرح و حب و فراق و حب تاني .. و مشاكل .. و عقد اجتماعيه .. و مانجا و عصير قصب <3
انا فخورة بالكتاب ..
دُمتَ مُوفقا
April 1, 2014
ممم الحقيقه مصدومة !!
مبدأيا كدة اشتريت اللكتاب هديه ليا بمناسبه عيد ميلادى :D
وبما انى متابعه كريم هشام على الفيس من زمان وبيعجبنى شعره وكلامه قولت بقى الكتاب هيبهرنى !!
بس للاسف يعنى اتصدمت اولا مطلعش شعر طلع كتاب خواطر وفضقضه
مش عارفه اقول عنها ايه غير انها متصلحش الا انها تكون كلام فيش وبيدجات وكدة
مينفعش تتحط ف كتاب على الاقل بالنسبالى
معنى كتاب بالنسبالى كبير مش اى كلام يتحط فيه!!
حتى اربع خمس صفحات الشعر اللى كانو بين كل خاطرتين كدة ولا حاجة مكنوش حلوين خالص معجبنيش :(
نثال مثلا
ربنا بيحبنى جدا
عرفت منين ؟
لما سبتينى وزعلت
وحسيت الكون اتهد
بعدها عرفت
قد ايه بيحبنى جدا
نعم يعنى :D
مش فاهمة حاجة خالص هوا اى كلام لايق وخلاص !!
اول حدوته بس هيا اللى ضحكتنى بعدها بقى خلاص :(
بس ممكن عشان او طلعه واول كتاب ميكونش قد المستوى
بس اتمنى ان الجاى يكون احسن يعنى
:)
مبدأيا كدة اشتريت اللكتاب هديه ليا بمناسبه عيد ميلادى :D
وبما انى متابعه كريم هشام على الفيس من زمان وبيعجبنى شعره وكلامه قولت بقى الكتاب هيبهرنى !!
بس للاسف يعنى اتصدمت اولا مطلعش شعر طلع كتاب خواطر وفضقضه
مش عارفه اقول عنها ايه غير انها متصلحش الا انها تكون كلام فيش وبيدجات وكدة
مينفعش تتحط ف كتاب على الاقل بالنسبالى
معنى كتاب بالنسبالى كبير مش اى كلام يتحط فيه!!
حتى اربع خمس صفحات الشعر اللى كانو بين كل خاطرتين كدة ولا حاجة مكنوش حلوين خالص معجبنيش :(
نثال مثلا
ربنا بيحبنى جدا
عرفت منين ؟
لما سبتينى وزعلت
وحسيت الكون اتهد
بعدها عرفت
قد ايه بيحبنى جدا
نعم يعنى :D
مش فاهمة حاجة خالص هوا اى كلام لايق وخلاص !!
اول حدوته بس هيا اللى ضحكتنى بعدها بقى خلاص :(
بس ممكن عشان او طلعه واول كتاب ميكونش قد المستوى
بس اتمنى ان الجاى يكون احسن يعنى
:)
September 10, 2016
الكتاب ضعيف جدا
و لولا العادة المهببة اللي مابتسمحليش اسيب كتاب من غير ما اخلصه كنت قليت طعمية عليه بعد كام صفحة
نُص الـ"قصص" -إن جاز تصنيفها كقصص- عن البنات اللي عشقوه و فارقهن ،و النُص التاني عن محاولات الكتابة ..حالة من الكآبة المفتعلة غير مفهومة المصدر و ربما كانت لإضفاء سمة الحكمة و الخبرة
فواصل الـ"شعر" يمكن تسميتها بأي شيء غير الشعر!!
النجمتين واحدة عشان الغلاف و التانية احتراما لفكرة الكتابة في ذاته
و لولا العادة المهببة اللي مابتسمحليش اسيب كتاب من غير ما اخلصه كنت قليت طعمية عليه بعد كام صفحة
نُص الـ"قصص" -إن جاز تصنيفها كقصص- عن البنات اللي عشقوه و فارقهن ،و النُص التاني عن محاولات الكتابة ..حالة من الكآبة المفتعلة غير مفهومة المصدر و ربما كانت لإضفاء سمة الحكمة و الخبرة
فواصل الـ"شعر" يمكن تسميتها بأي شيء غير الشعر!!
النجمتين واحدة عشان الغلاف و التانية احتراما لفكرة الكتابة في ذاته
January 15, 2016
كتاب انا بصنفه تحت مسمى ادب الاعترافات
الى هوة تحس ان الكاتب اعتبرك صاحبه وقعد يرغى بقى
ف الرغى دة هتلاقى جزء منك...وجزء تانى تتمنى يبقى منك
وجزء تالت بيتعلم بقى
ف المجمل بتمسك الكتاب تقراه وانت مبسوط من اول صفحة لاخر صفحة
من المقالات الى عجبتنى
الادمان /الدين/الوان/توازى/توهان...يخرب بيت الوجع بجد/تفاصيل/حرية/شيزوفرينا/
الشعر كان بسيط ومميز
ولكن فيه مواضيع متكررة بنفس الاسلوب ودة عيب الكتاب
ف المجمل الكتاب لطيف
قرات ل كريم هشام ديوان الشعر قبل كدة وهفضل متابعاه
ثلاثة نجوم مستحقة
انتهى الرفيو
الى هوة تحس ان الكاتب اعتبرك صاحبه وقعد يرغى بقى
ف الرغى دة هتلاقى جزء منك...وجزء تانى تتمنى يبقى منك
وجزء تالت بيتعلم بقى
ف المجمل بتمسك الكتاب تقراه وانت مبسوط من اول صفحة لاخر صفحة
من المقالات الى عجبتنى
الادمان /الدين/الوان/توازى/توهان...يخرب بيت الوجع بجد/تفاصيل/حرية/شيزوفرينا/
الشعر كان بسيط ومميز
ولكن فيه مواضيع متكررة بنفس الاسلوب ودة عيب الكتاب
ف المجمل الكتاب لطيف
قرات ل كريم هشام ديوان الشعر قبل كدة وهفضل متابعاه
ثلاثة نجوم مستحقة
انتهى الرفيو
February 4, 2014
الغلاف ثم الغلاف ثم المحتوى ثم المحتوى ثم الغلاف مرة تانية!
حقيقي الغلاف عبقري بيشد اي حد للكتاب بشكل رهيب ..
أما المحتوى فهو سلس بسيط لطيف بيخلي اي حد يقرا الكتاب و ينبسط بيه مش بس لسلاسته لا لأنه بيلاقي نفسه جوه الكتاب .. كل حد بيلاقي نفسه ف حدوتة -- أو أكتر من الحواديت اللي جوه الكتاب ..
فده بيخليني اقول ان سيلنترو أسكندرية كتاب لكل مواطن بغض النظر عن سنه :) :(((
حقيقي الغلاف عبقري بيشد اي حد للكتاب بشكل رهيب ..
أما المحتوى فهو سلس بسيط لطيف بيخلي اي حد يقرا الكتاب و ينبسط بيه مش بس لسلاسته لا لأنه بيلاقي نفسه جوه الكتاب .. كل حد بيلاقي نفسه ف حدوتة -- أو أكتر من الحواديت اللي جوه الكتاب ..
فده بيخليني اقول ان سيلنترو أسكندرية كتاب لكل مواطن بغض النظر عن سنه :) :(((
January 30, 2014
الكتاب اسلوبه بسيط
بس ممتع يخليك تضحك وتعيط
بينقلك من حاله ل حاله
صدقك وسلاسة اسلوبك
احلى حاجه فى الكتاب
بجانب التفاصيل الصغيره
له رونقها الخاص
حاجه بسيطه بس بتفرحنا رغم بسطتها وديه أحلى حاجه فى الدنيا
دمت مختلفا وصادق
ربنا يوفقك ياكريم
وفى انتظار كتابك التاني او الديوان الاول:)
بس ممتع يخليك تضحك وتعيط
بينقلك من حاله ل حاله
صدقك وسلاسة اسلوبك
احلى حاجه فى الكتاب
بجانب التفاصيل الصغيره
له رونقها الخاص
حاجه بسيطه بس بتفرحنا رغم بسطتها وديه أحلى حاجه فى الدنيا
دمت مختلفا وصادق
ربنا يوفقك ياكريم
وفى انتظار كتابك التاني او الديوان الاول:)
January 24, 2014
I love it gwah mix msha3er kter mn 7ozn w 2al2 w 5of w 7ob w 3'adb ..I like it
March 4, 2016
بـ صراحة الكتاب من حلاوته مكونتش عوزاه يخلص .. قصص دمها خفيف جداً والاحساس فيها عالي ^^
January 4, 2024
انا مش ناقده ، انا هقول رأيي كقارئه عاديه ، يعني مش هقول كان فى همزه زياده او اختيار المواضيع مكنش مناسب ..إلخ
لو كنت بتدور على كتاب دسم هتلاقيه فيه معلومات فده مش النوع المناسب ، رغم اني لقيته دسم بسبب الانتقال من شعور لآخر فى الفصول ، هتلاقي نفسك اتضايقت مره ومره قعدت تضحك .. وده فى حد ذاته انجاز للكاتب
الغلاف اولًا عاجبني اوي ، بسيط وجاذب للإنتباه فى نفس الوقت :3
اعتراف : عجبني حكاية انك بتتكلم عن نفسك ببساطه بدون تعقيدات
الحدوته الاولانيه : بصراحه كان فيها كمية بهجه جميله ، حسيت اني قاعده معاكم فى نفس الاوضه ، وكان اكتر فصل ضحكني :D
Someone like you : عجبني انك مزجت كلمات الاغنيه مع الكلام ، مع انها كانت بتوه ساعات بس كانت فكره جديده ، حسيت بصوت الاغنيه فى وداني .
احلام بسيطه : فى اولها محبيتهاش ، حسيت انه من كلام الفضفضه اللى بنشوفه فى الفيس وبتضايق منه ، لكن لما مشيت قدام شويه عجبتني حاجات منه ، لما بدأت تتعمق فعلًا فى احساسك معاها ، ابتسمت كدا وهزيت راسي برضا وكملت الفصل .. ونهايتها كانت حلوه :))
الادمان : دماغي مراحتش بعيد عن موضوع الفصل اللى انتَ بتتكلم فيه ، كونك دخلت تجارب شخصيه فى نصايح ده كان شى حلو ، حسسني انك مش قاعد فى دور الواعظ كدا وبتتكلم وبتنصح ، انت كنت بتقول كان عندي مشكله واتغلبت عليها ، ليه متبقاش قوي زيي ، فالفصل ده عجبني اوي بردو :)
الدين : كان فصل تقليدي نوعًا بس الاسلوب دايمًا بيفرق حتى لو كانت اتهرست فعلًا فى 400 فيلم ، ممكن تقرا شى وتحس انك اول مره تشوف الموضوع ده بالزاويه دي ، رغم انك عارفها ، بس الاسلوب كويس ^^
غلطه : الفصل ده رغم صغره كان ساعتها اكتر فصل علق معايا ، بجد جميل اوي ، محتاجتش لكلام كتير ممطيتش فى الكلام انتَ قلت اللى يفسر الكلام واكتفيت ، وده كان اكتر من كافي بالنسبه ليا ^^
الفشل بردو نفس الأمر بالنسبه ليا ^_^
ألوان : علق معايا الفصل لأنه كان بالفصحى ، حسيته كان مقرب اكتر من اي فصل لأني بفضل الفصحى ، كان جميل وكان فى سلاسه فى الفكره ، وان كانت نهايتها مكنتش قويه اكتر من الموضوع ذات نفسه ولكنها عجبتني :)
انت فاشل : حسيته تكمله لفصل الفشل فأعتقد اني هقول نفس الكلام عليه :D
بلكونه : نيجي بقى للفصل اللى همني انا كبنت ، اللى انا فضلت بعد ما خلصته متنحه كدا *-* اتخيلت نفس المنظر ، اتخيلت شعرها وهو الهوا بيلعب فيه وقشعرة جسمها لما جت عليه نسمه ساقعه ، ان الناس كلها بتبصلها بس هي مبتبصش لحد ، تحفه ! بجد تحفه !
توازي : القصه التي لم تبدأ بعد لم تنتهي ، انا اتلخبطت فى اولها ومكنتش فاهمه انك بتتكلم عن بنت وولد ، فى الصفحه التانيه بدأت الفكره تتضح فعجبتني :))
توهان : مشهد الام وهي بتكلمك خلاني اضحك غصب عني ، مش عارفه ليه افتكرت امي وحسيت ان الامهات متشابهين اوي ، ما علينا مش موضوعنا :3 الفصل حلو بس بدأت هنا الاحظ انك بتفضل تنهي القصه بنهايه حزينه نوعًا :\
القصيده اللى فى صفحة 74 علقت معايا اكتر من الحدوته :))
حاجات زمان : كلنا وحشتنا حاجات من مراحل فى حياتنا ، كلنا ساعات بنحس بنغزه فى قلبنا لما نفتكر ضحكه حلوه ، او حتى ريحة برفيوم جه فى منخيرك فجأه وبدون مقدمات فكرك بحاجات كتير اوي ! كلنا وحشتنا نفسنا القديمه ! ، الفصل ده عجبني لأنه واقعي ، زي ماكنت بتحكي حاجه فى حياتك حسيتك بتحكي عن حاجات فى حياتنا احنا بالمثل ..
تفاصيل : انا عن نفسي كنت حابه الفصل ده ، دايمًا كنت بقول ان التفاصيل هي اللى بتدي طعم للحياه ، هي اللى بتكون الصوره الكبيره ، التفاصيل هي اللى بتهم ..
القصيده صفحة 85 اخر سطرين عجبوني اوي ^-^
حريه : الفصل معجبنيش لأني موافقتش الرأي ، لأني مش شايفه ان دايمًا لما اتكلم مع حد اقوله مالك او كدا بيبقى بدافع الفضول او التطفل يمكن يبقى بدافع الخوف اكتر شى !!
مينا : الفصل اللى اتسبب لي بالعياط ، حسيت ساعتها ان ليلى صاحبتي واقفه فوق كتفي وبتحضني بشويش وتقولي معلش ! ، انا فضلت دقايق قدام الصفحه دي ولما نشفت من بلل دموعي قررت اكتب ده ، مينا وليلى وكل اللى فارقونا فى يوم ، عادي مبعدوش كتير ، هما فى مكان ما بعيد واحنا رايحين لهم وهما مستنين !
عم ابراهيم : الفصل ده رغم انك عمال تقول انك مش بتعرف تكتب قصص إلا انك قدرتك الروائيه تجلت نوعًا فى الفصل ده :D
فقط في مصر : الفصل ده مش حصري لمصر والله ! فى بلدان كتيره بتعاني من نفس الموضوع ، المصريين معديين -_-
وفعلًا احلى قصه كانت سيلنترو اسكندريه ، كويس انك ختمت بيها وسميت الكتاب بيها ، بأحييك ع الاختيار ده بجد ^_^
وفى النهايه ، انا اول مره اكتب ريفيو ، جت فيك انتَ بقى معلش بتحصل :D
ان شاء مش اخر كتاب ، فكر فى انك تنمي كتابة القصص فـ الروايات عشان بجد لو نميتها هبقى انا اول واحده اشتري الروايه الجايه ;)
كان فى فصول معلقتش معايا اوي ، يمكن عشان تقليديه او ملهاش تجربه شخصيه معايا فملمستنيش ،
فى حاجه لفتت انتباهي انك فى بعض الفصول كنت دايمًا بتدخل شخصيه انثى فيها ، حتى لو مثلًا كنت حاسه ان الفصل هيدور عن شى تاني بعيد عنها ،
الكتاب حلو لأنك مزجت فيه حياتك الشخصيه ، مكنتش شخص واقف بعيد وكدا ،
انا اسفه لو طولت فى الريفيو ، بس انا حبيت اقول رأيي فى كل شى علق معايا ، يارب مأكونش كنت تقيله او سخيفه :))
الكتاب الجاي يبقى احلى ، واسم الكتاب نفسه حلو ولافت للإنتباه ، وان شاء الله متكونش آخر مره اعمل ريفيو لكتاب ليك ^_^
لو كنت بتدور على كتاب دسم هتلاقيه فيه معلومات فده مش النوع المناسب ، رغم اني لقيته دسم بسبب الانتقال من شعور لآخر فى الفصول ، هتلاقي نفسك اتضايقت مره ومره قعدت تضحك .. وده فى حد ذاته انجاز للكاتب
الغلاف اولًا عاجبني اوي ، بسيط وجاذب للإنتباه فى نفس الوقت :3
اعتراف : عجبني حكاية انك بتتكلم عن نفسك ببساطه بدون تعقيدات
الحدوته الاولانيه : بصراحه كان فيها كمية بهجه جميله ، حسيت اني قاعده معاكم فى نفس الاوضه ، وكان اكتر فصل ضحكني :D
Someone like you : عجبني انك مزجت كلمات الاغنيه مع الكلام ، مع انها كانت بتوه ساعات بس كانت فكره جديده ، حسيت بصوت الاغنيه فى وداني .
احلام بسيطه : فى اولها محبيتهاش ، حسيت انه من كلام الفضفضه اللى بنشوفه فى الفيس وبتضايق منه ، لكن لما مشيت قدام شويه عجبتني حاجات منه ، لما بدأت تتعمق فعلًا فى احساسك معاها ، ابتسمت كدا وهزيت راسي برضا وكملت الفصل .. ونهايتها كانت حلوه :))
الادمان : دماغي مراحتش بعيد عن موضوع الفصل اللى انتَ بتتكلم فيه ، كونك دخلت تجارب شخصيه فى نصايح ده كان شى حلو ، حسسني انك مش قاعد فى دور الواعظ كدا وبتتكلم وبتنصح ، انت كنت بتقول كان عندي مشكله واتغلبت عليها ، ليه متبقاش قوي زيي ، فالفصل ده عجبني اوي بردو :)
الدين : كان فصل تقليدي نوعًا بس الاسلوب دايمًا بيفرق حتى لو كانت اتهرست فعلًا فى 400 فيلم ، ممكن تقرا شى وتحس انك اول مره تشوف الموضوع ده بالزاويه دي ، رغم انك عارفها ، بس الاسلوب كويس ^^
غلطه : الفصل ده رغم صغره كان ساعتها اكتر فصل علق معايا ، بجد جميل اوي ، محتاجتش لكلام كتير ممطيتش فى الكلام انتَ قلت اللى يفسر الكلام واكتفيت ، وده كان اكتر من كافي بالنسبه ليا ^^
الفشل بردو نفس الأمر بالنسبه ليا ^_^
ألوان : علق معايا الفصل لأنه كان بالفصحى ، حسيته كان مقرب اكتر من اي فصل لأني بفضل الفصحى ، كان جميل وكان فى سلاسه فى الفكره ، وان كانت نهايتها مكنتش قويه اكتر من الموضوع ذات نفسه ولكنها عجبتني :)
انت فاشل : حسيته تكمله لفصل الفشل فأعتقد اني هقول نفس الكلام عليه :D
بلكونه : نيجي بقى للفصل اللى همني انا كبنت ، اللى انا فضلت بعد ما خلصته متنحه كدا *-* اتخيلت نفس المنظر ، اتخيلت شعرها وهو الهوا بيلعب فيه وقشعرة جسمها لما جت عليه نسمه ساقعه ، ان الناس كلها بتبصلها بس هي مبتبصش لحد ، تحفه ! بجد تحفه !
توازي : القصه التي لم تبدأ بعد لم تنتهي ، انا اتلخبطت فى اولها ومكنتش فاهمه انك بتتكلم عن بنت وولد ، فى الصفحه التانيه بدأت الفكره تتضح فعجبتني :))
توهان : مشهد الام وهي بتكلمك خلاني اضحك غصب عني ، مش عارفه ليه افتكرت امي وحسيت ان الامهات متشابهين اوي ، ما علينا مش موضوعنا :3 الفصل حلو بس بدأت هنا الاحظ انك بتفضل تنهي القصه بنهايه حزينه نوعًا :\
القصيده اللى فى صفحة 74 علقت معايا اكتر من الحدوته :))
حاجات زمان : كلنا وحشتنا حاجات من مراحل فى حياتنا ، كلنا ساعات بنحس بنغزه فى قلبنا لما نفتكر ضحكه حلوه ، او حتى ريحة برفيوم جه فى منخيرك فجأه وبدون مقدمات فكرك بحاجات كتير اوي ! كلنا وحشتنا نفسنا القديمه ! ، الفصل ده عجبني لأنه واقعي ، زي ماكنت بتحكي حاجه فى حياتك حسيتك بتحكي عن حاجات فى حياتنا احنا بالمثل ..
تفاصيل : انا عن نفسي كنت حابه الفصل ده ، دايمًا كنت بقول ان التفاصيل هي اللى بتدي طعم للحياه ، هي اللى بتكون الصوره الكبيره ، التفاصيل هي اللى بتهم ..
القصيده صفحة 85 اخر سطرين عجبوني اوي ^-^
حريه : الفصل معجبنيش لأني موافقتش الرأي ، لأني مش شايفه ان دايمًا لما اتكلم مع حد اقوله مالك او كدا بيبقى بدافع الفضول او التطفل يمكن يبقى بدافع الخوف اكتر شى !!
مينا : الفصل اللى اتسبب لي بالعياط ، حسيت ساعتها ان ليلى صاحبتي واقفه فوق كتفي وبتحضني بشويش وتقولي معلش ! ، انا فضلت دقايق قدام الصفحه دي ولما نشفت من بلل دموعي قررت اكتب ده ، مينا وليلى وكل اللى فارقونا فى يوم ، عادي مبعدوش كتير ، هما فى مكان ما بعيد واحنا رايحين لهم وهما مستنين !
عم ابراهيم : الفصل ده رغم انك عمال تقول انك مش بتعرف تكتب قصص إلا انك قدرتك الروائيه تجلت نوعًا فى الفصل ده :D
فقط في مصر : الفصل ده مش حصري لمصر والله ! فى بلدان كتيره بتعاني من نفس الموضوع ، المصريين معديين -_-
وفعلًا احلى قصه كانت سيلنترو اسكندريه ، كويس انك ختمت بيها وسميت الكتاب بيها ، بأحييك ع الاختيار ده بجد ^_^
وفى النهايه ، انا اول مره اكتب ريفيو ، جت فيك انتَ بقى معلش بتحصل :D
ان شاء مش اخر كتاب ، فكر فى انك تنمي كتابة القصص فـ الروايات عشان بجد لو نميتها هبقى انا اول واحده اشتري الروايه الجايه ;)
كان فى فصول معلقتش معايا اوي ، يمكن عشان تقليديه او ملهاش تجربه شخصيه معايا فملمستنيش ،
فى حاجه لفتت انتباهي انك فى بعض الفصول كنت دايمًا بتدخل شخصيه انثى فيها ، حتى لو مثلًا كنت حاسه ان الفصل هيدور عن شى تاني بعيد عنها ،
الكتاب حلو لأنك مزجت فيه حياتك الشخصيه ، مكنتش شخص واقف بعيد وكدا ،
انا اسفه لو طولت فى الريفيو ، بس انا حبيت اقول رأيي فى كل شى علق معايا ، يارب مأكونش كنت تقيله او سخيفه :))
الكتاب الجاي يبقى احلى ، واسم الكتاب نفسه حلو ولافت للإنتباه ، وان شاء الله متكونش آخر مره اعمل ريفيو لكتاب ليك ^_^
July 30, 2014
سيلينترو إسكندرية ..كريم هشام
أولًأ :الغلاف رقيق وجذّاب أوي ، ألوانه وتصميمه راق ٍ^_^
ثانيًا : الكتاب نفسه ومحتواه ..
زي ما قال كريم نفسه ف أوله "الكتاب ده تجميع لكتابات على مدار تلات سنين تقريبًا .فيه مشاعر ومواقف مختلفة ،وآراء شخصية ممكن توافق عليها أو ما توافقش .."
عجبتني موضوعات كتير ،، عمومًا أسلوب كريم يروق لي ..,وأرى أن ما ينشره الآن ع صفحته الشخصية على الفيس بوك أنضج لغةً وموضوعًأ ..:)
النص التاني من الكتاب ف رأيي أحلى من الأول ...
قبل موضوع "عيل " كنت بقول لنفسي ان كريم شبه أحمد العسيلي اللي أنا بعشق شخصيته وطريقته ف التفكير ، فرحت جدًا لما اتكلم عن "كتاب مالهوش اسم " ^_^
من أكتر المواضيع اللي عجبتني "فسحة " .."ليه " و "شاي باللبن " ..و "شيزوفرينيا "و.."كنبتي العزيزة " عجبتني جدًا وضحكت كتير من طريقتك ف الكلام وكونك واخد الأمور ببساطة ..
"الحدوتة الأولانية " ..ي صغننن ي بريء ي عاقل :) "
"الدين " ...جميل أوي الكلام ده وأوافقك الرأي تمامًا ^_^
"ألوان " بليييغة جدًا ، ع فكرة ودا رأيي الشخصي اللي كونته من الكتاب دا ومن متابعة بوستات الفيس ..انت بتكتب فصحى كويس جدًا جدًا ...المواضيع اللي بتكتبها فصحى بتكون أحلى ..:)
ف "مسيحي ومسلم " ..عجبني أوي رد الست والدتك لما سألتها وانت طفل ما الفرق بين مسلم ومسيحي ((بص يا حبيبي احنا مش بنتعامل مع الناس على أساس مسيحيين ولا مسلمين ..إحنا بنتعامل معاهم على أساس هم محترمين ولا مش محترمين )) ..
"يا ملتقى الصحبه " كلماتك ((دائمًا ما يأتي أشخاص ويذهبون ،ومنهم من يبقى ليزيد حياتنا نورًا وتألقًا وجمالًا ، ولا يزيدها من رحلوا الإ قوة كي نستطيع أن نكمل الطريق بدونهم )) (Y)
"دعاء 2 " ي نهااااري ع براءة الأطفال :) سكررررررر <3
الكتاب دا اشتريته من مكتبة "ديوان " ف اسكندرية اللي جنب مكتبة الاسكندرية وجنب سيلنترو اسكدنرية ^_^ كاااان يوم ممتع بحق مع صديقة الكفاح "سارة "
راق لي واستمتعت بقراءته ع مدار ساعتين ...واحنا راجعين من السفر ^_^
دمت مبدعًا ي كريم ...
أولًأ :الغلاف رقيق وجذّاب أوي ، ألوانه وتصميمه راق ٍ^_^
ثانيًا : الكتاب نفسه ومحتواه ..
زي ما قال كريم نفسه ف أوله "الكتاب ده تجميع لكتابات على مدار تلات سنين تقريبًا .فيه مشاعر ومواقف مختلفة ،وآراء شخصية ممكن توافق عليها أو ما توافقش .."
عجبتني موضوعات كتير ،، عمومًا أسلوب كريم يروق لي ..,وأرى أن ما ينشره الآن ع صفحته الشخصية على الفيس بوك أنضج لغةً وموضوعًأ ..:)
النص التاني من الكتاب ف رأيي أحلى من الأول ...
قبل موضوع "عيل " كنت بقول لنفسي ان كريم شبه أحمد العسيلي اللي أنا بعشق شخصيته وطريقته ف التفكير ، فرحت جدًا لما اتكلم عن "كتاب مالهوش اسم " ^_^
من أكتر المواضيع اللي عجبتني "فسحة " .."ليه " و "شاي باللبن " ..و "شيزوفرينيا "و.."كنبتي العزيزة " عجبتني جدًا وضحكت كتير من طريقتك ف الكلام وكونك واخد الأمور ببساطة ..
"الحدوتة الأولانية " ..ي صغننن ي بريء ي عاقل :) "
"الدين " ...جميل أوي الكلام ده وأوافقك الرأي تمامًا ^_^
"ألوان " بليييغة جدًا ، ع فكرة ودا رأيي الشخصي اللي كونته من الكتاب دا ومن متابعة بوستات الفيس ..انت بتكتب فصحى كويس جدًا جدًا ...المواضيع اللي بتكتبها فصحى بتكون أحلى ..:)
ف "مسيحي ومسلم " ..عجبني أوي رد الست والدتك لما سألتها وانت طفل ما الفرق بين مسلم ومسيحي ((بص يا حبيبي احنا مش بنتعامل مع الناس على أساس مسيحيين ولا مسلمين ..إحنا بنتعامل معاهم على أساس هم محترمين ولا مش محترمين )) ..
"يا ملتقى الصحبه " كلماتك ((دائمًا ما يأتي أشخاص ويذهبون ،ومنهم من يبقى ليزيد حياتنا نورًا وتألقًا وجمالًا ، ولا يزيدها من رحلوا الإ قوة كي نستطيع أن نكمل الطريق بدونهم )) (Y)
"دعاء 2 " ي نهااااري ع براءة الأطفال :) سكررررررر <3
الكتاب دا اشتريته من مكتبة "ديوان " ف اسكندرية اللي جنب مكتبة الاسكندرية وجنب سيلنترو اسكدنرية ^_^ كاااان يوم ممتع بحق مع صديقة الكفاح "سارة "
راق لي واستمتعت بقراءته ع مدار ساعتين ...واحنا راجعين من السفر ^_^
دمت مبدعًا ي كريم ...
February 3, 2015
عاده انا بحب اشترى كتب متنوعة حتى لو كاتب معرفوش لان اكيد كل انسان و ليه فكر راى و انا بحب جدا اقرا الجديد و خاصة اذا كان الكاتب اصغر سنا لانى عايزة اعرف هو /هى شايفين المستقبل ازاى و تفاعلوا مع الحاضر ازاى . و كمان بقول اكيد هتعلم حاجة . اشترى الكتب من دول بعد ما اكون قرات سطرين تلاتة فى اول صفحة و زيهم فى نص الكتاب و زيهم فى اخر الكتاب و اشترية
الحقيقة دى المرة السابعة السنة دى اللى الاقى فيها كل الكاتب بيحكى عن نفسة فين المفيد ...طيب يا سيدى انت بقى خبراتك اية ؟ ثقافتك اية ؟ تعليمك اية ؟ علشان تنشر تجربتك فى كاتب . لما يكون فى شباب فى مرحلة المراهقة و يقروا الكتب اللى من النوعية دى يبقى لازم نراعى ربنا و نكتب كلام الناس تستفيد منه ...مش كلام لمجرد الكتبة و لمجرد ان الشخص اسمه ينزل على كتاب و يعتبر نفسة كاتب ..
المرة دى كمان خدعت و اشتريت الكتاب و طلع برده سيرة ذاتية محاوله تستاهل نجمه واحدة بصراحة لكن لانى قرات فصل من الكتاب عبارة عن صفحتين هما اللى فيهم فكرة و اللى ممكن لو ابنى او بنتى قراؤهم ممكن يتعلموا حاجة علشان كدة ياخد النجمتين المرة دى ... بس علشان خاطر ربنا يا كريم المرة الجاية اقرا كتييييييييييير الاول و اعمل فكرة للكتاب و ركز فى الكلام و خلى حد يراجع الكتاب علشان تكرار الافكار ...
الحقيقة دى المرة السابعة السنة دى اللى الاقى فيها كل الكاتب بيحكى عن نفسة فين المفيد ...طيب يا سيدى انت بقى خبراتك اية ؟ ثقافتك اية ؟ تعليمك اية ؟ علشان تنشر تجربتك فى كاتب . لما يكون فى شباب فى مرحلة المراهقة و يقروا الكتب اللى من النوعية دى يبقى لازم نراعى ربنا و نكتب كلام الناس تستفيد منه ...مش كلام لمجرد الكتبة و لمجرد ان الشخص اسمه ينزل على كتاب و يعتبر نفسة كاتب ..
المرة دى كمان خدعت و اشتريت الكتاب و طلع برده سيرة ذاتية محاوله تستاهل نجمه واحدة بصراحة لكن لانى قرات فصل من الكتاب عبارة عن صفحتين هما اللى فيهم فكرة و اللى ممكن لو ابنى او بنتى قراؤهم ممكن يتعلموا حاجة علشان كدة ياخد النجمتين المرة دى ... بس علشان خاطر ربنا يا كريم المرة الجاية اقرا كتييييييييييير الاول و اعمل فكرة للكتاب و ركز فى الكلام و خلى حد يراجع الكتاب علشان تكرار الافكار ...
February 8, 2014
مع أنى مش بحب اكتب اكتب ريفيو طويل عن اى كتاب وباكتفى بسطر ولا اتنين عشان مش بعرف اعبر اوى واخاف اضايق حد برائى
بس الكتاب لذيذ وعجبنى لدرجة انى خلصته فى أقل من ساعتين وهيبقي من الكتب اللى الواحد هيحتفظ بيها وهيرجع يقرأها أكتر من مرة
غلاف الكتاب جميل ولو فى حد بيشترى كتاب ع اساس الغلاف هيشترى الكتاب فورا
الكتاب خفيف وعجبنى رغم انه بيتناول افكار كثير تم تناولها قبل كدة بس طريقة الكاتب ف التناول جيدة وخلتنى مستمتع بالكتاب
الشعر اللى موجود بين الحواديت جميل واكثر حاجة عجبتنى ف الكتاب
عجبتنى حواديت كثير زى شيزوفرينيا والادمان وانت فاشل وفقط فى مصر
اكثر عيب من رائى الشخصى ان حسيت فى بعض الحكايات ان الكاتب بيمدح فى نفسه عن طريق اللى قصاده فى الحكاية
بس مش يمنع ان الكتاب فى مجمله جيد ويستحق القراءة اكثر من مرة
بس الكتاب لذيذ وعجبنى لدرجة انى خلصته فى أقل من ساعتين وهيبقي من الكتب اللى الواحد هيحتفظ بيها وهيرجع يقرأها أكتر من مرة
غلاف الكتاب جميل ولو فى حد بيشترى كتاب ع اساس الغلاف هيشترى الكتاب فورا
الكتاب خفيف وعجبنى رغم انه بيتناول افكار كثير تم تناولها قبل كدة بس طريقة الكاتب ف التناول جيدة وخلتنى مستمتع بالكتاب
الشعر اللى موجود بين الحواديت جميل واكثر حاجة عجبتنى ف الكتاب
عجبتنى حواديت كثير زى شيزوفرينيا والادمان وانت فاشل وفقط فى مصر
اكثر عيب من رائى الشخصى ان حسيت فى بعض الحكايات ان الكاتب بيمدح فى نفسه عن طريق اللى قصاده فى الحكاية
بس مش يمنع ان الكتاب فى مجمله جيد ويستحق القراءة اكثر من مرة
January 28, 2014
الكتاب جميل اوى بجد حبيته جدا و حسيتنى فيه جدا و زعلت انه خلص بسرعة (الكتاب خلص فى ساعتين ) ياريته كان اكبر من كده بكتير !
اعتراف انا لقيتنى جوا الصفح دى عشان انا بعانى من نفس المشكلة
توهان خليتنى أدمع
تفاصيل جميلة جدا و فعلا الحاجات الصغيرة دى بتدى معانى جميلة لكل حاجة و بتسعد اكتر من اى حاجات كبيرة لان التفصيلة الصغيرة دايما جواها احساس و مشاعر كبيرة و ده الاهم
حدوتة جديدة حبيتها
نفس الاحساس انا عندى العود جايلى هدية من حد بحبه بس لسه متعلمتش عليه :)
انا كمان بحب كتاب أرز بلبن لشخصين و بحسنى أوى فى الكتاب و بحس إنى شبه رحاب بسام اوى و انت كمان يا كريم شبهنا :D
July 23, 2016
كلمه رائع قليله عليه بجد .. سيلنترو اسكندريه حاله غريبه بغض النظر عن انه خلاني اعرفك اكتر و افهمك لانك زي ما قلت في اعتراف انك مش بتتكلم و انت فعلا كده بس خلاني فرحانه جداا و شويه زعلانه و شويه افتكرت حجات كتير بحياتي شكل اللي مكتوبه منها فرحني اني افتكرتها و منها ضايقني شويه .. و شويه و دمعت و كنت هعيط بس افتكرت اني جمبي ناس فمسكت الدمع و خاصه في مينا و محمد محمود .. اتعلمت منك حاجات كتير في ( الدين و غلطه و الفشل وغيرهم ) و اشكرك بجد علي ده راااائع بجد و احلي تحيه ليك
حاسه اني كنت في عالم تاني و الصراحه مش عايزه ارجع العالم بتاعي عايزه افضل في عالم سيلنترو
حاسه اني كنت في عالم تاني و الصراحه مش عايزه ارجع العالم بتاعي عايزه افضل في عالم سيلنترو
Read
February 10, 2014غﻻف الكتاب و ألوانه مريح جدا للعين ._طبعا المبدع أحمد فرج_ أسم الكتاب ملفت جدا للنظر
كتاب حواديت أقرب لخواطر الكتاب
كم ﻻ بأس به ابدا من الرومانسية و المشاعر المختلطة
دعوة الطفل ال 2 نهايتها جميلة خلتنى أبتسم
اسلوب سهل من الفصحى للعامية و معرفتش احدد هو ليه ف بعض الحواديت بالفصحى و البعض الاخر بالعامية
للى لسة بادىء القراية متهيألى سلينترو كافيه بداية لطيفة
ابيات الشعر الى ف النص اجمل ما فى الكتاب
كتاب حواديت أقرب لخواطر الكتاب
كم ﻻ بأس به ابدا من الرومانسية و المشاعر المختلطة
دعوة الطفل ال 2 نهايتها جميلة خلتنى أبتسم
اسلوب سهل من الفصحى للعامية و معرفتش احدد هو ليه ف بعض الحواديت بالفصحى و البعض الاخر بالعامية
للى لسة بادىء القراية متهيألى سلينترو كافيه بداية لطيفة
ابيات الشعر الى ف النص اجمل ما فى الكتاب
February 10, 2014
الكتاب حلو
كأول محاوله للكاتب فهو حلو
عجبني اوي الاشعار الصغيرة اللي ف الفواصل
عجبني حكايتين مينا دنيال و شاي بلبن
ودعاء
معجبتنيش مقال او خاطرة " الدين " اضطريت اكروتها للاسف
الكتاب ممتاز باختصار للي عاوز يشوف نموذج لكتب اوليه كويسه :)
كأول محاوله للكاتب فهو حلو
عجبني اوي الاشعار الصغيرة اللي ف الفواصل
عجبني حكايتين مينا دنيال و شاي بلبن
ودعاء
معجبتنيش مقال او خاطرة " الدين " اضطريت اكروتها للاسف
الكتاب ممتاز باختصار للي عاوز يشوف نموذج لكتب اوليه كويسه :)
Want to read
January 24, 2014fantastic :)
February 14, 2014
كتاب أكثر من رائع بجد ... كلام بسيط بس الإحساس جامد أوى الصراحة ^_^
May 23, 2014
أول مرة أشتري كتاب لان الcover شدني .. و غالبا أخر مرة
الكتاب طفولي جدا و مواضيعة مكررة - و في بعض الأحيان سطحية- ممكن أوي يبقى Diary بس مش كتاب!
الكتاب طفولي جدا و مواضيعة مكررة - و في بعض الأحيان سطحية- ممكن أوي يبقى Diary بس مش كتاب!
May 19, 2023
مجموعة من الخواطر والاشعار الممزوجة برومانسية تقليدية
وسياسة متأثرة بفترة الثورة التي سبقت صدور الكتاب بمدة قصيرة
وسياسة متأثرة بفترة الثورة التي سبقت صدور الكتاب بمدة قصيرة
January 27, 2014
انا دايما متابع صامت .. بس كان لازم اكتب التعليق ده .. و من الواضح اني ما صدقت عشان هكتب كتيييييييييير :D
انا مش بعرف اعبر اوي بس ان شاء الله تفهم حاجه :D
(1)
ضحكت جداا .. حبيت إحساس البراءه جدا ايام زمان زكرياتها حلوه و لازم يبقي معاها ابتسامه ..
(2)
لا تعليق .. :) دي مش حاجه وحشه .. ��نا حسيت الموقف جدااا لدرجه اني مش عارفه اقول ايه .. الوصف و الكلام و التفاصيل .. حلووووووه جداااا
(3)
هييييييييييييح <3
حلم فعلااا و علي قد ماهو بسيط علي قد ما بيبقي صعب .. الاحساس كان حلو جدااا و التفاصيل و الكلام و احلي
حاجه الامنيه اللي فـ الاخر
(4)
عقل .. تفكير صح ..اقتنعت ان فعلا كل انسان يقدر يعمل اي حاجه طالما مقتنغ و عنده اراده
(5)
نقاش لا ينتهي طبعااا .. متفقه جداااا مع وجهه النظر دي
(6)
"ممكن الغلطه اللي فـحياتك تبقي ابرز لحظه فـ حياتك"
"ساعات الغلطه اللي فـ حاجه معينه هي اللي بتحلي الحاجه دي"
<3
(7)
حاول .. حلو التفائل حتي فـ كل لحظه يأس ..
(8)
رسمت كل كلمه كأنها فيلم أبيض و أسود .. مع ابتسامه رومانسيه ...
الوصف و الاحساس ..
حلووووو جدااااااااا
(9)
أنا فاشله :D
مع الاقتناع التام :D
(10)
مبحبش الشاي بلبن :D
بس عجبتني جداااا
الاشتياق .. إيه الاحساس ده !!!
(11)
احساس غريب .. يمكن عشان راجل هو اللي و صف احساس بنت او تقريبا كل بنت فـ مجتمعنا احساس القمع عند كل البنات ..
رائع:)
(12)
موقف بيتكرر كتير جدااا و طبعا مفيش حد بيقرر يسبق التاني
..
لحد دلوقتي بالنسبه لوجهه نظري المتواضعه انت استخدمت الحروف بشكل مثالي ..
(13)
وجَع .. ده الاحساس المسيطر ..
ما شاء الله ..
ملحوظه ...
الكلام بيخلص بسرعه جدااا و مش عايزه اخلص الكتاب مستمتعه جداا جداا
عندي استعداد اقرأ 100 كتاب بنفس طريقه الكتابه دي ..
(14)
ايــــــــــه ده !!! متوقعتش النهايه دي ابداااا
حبيتــــها <3
(15)
حبتها جدااا ..
(16)
الحاجات الصغيره دي هي اللي بتدي طعم للدنيا و خصوصا للبنات فعلا للبنات الحاجات الصغيره هي اللي بتفرق معانا و هي اللي بنحتاجها و نحسها اكتر من اي حاجه ..
(17)
حبيت وصف الا مبالاه عشان الوقت ده بيعدي عليا كتير جدااا
(18)
مشكله معتقدش انها هتتصلح ابدا محدش معترف بالحريه او المساحه الشخصيه دي اصلا
(19)
قرأتها اكتر من 5 مرات علي البيدج و البروفايل و مزهقتي و متهيألي حفظتها صوّرت البراءه بطريه حلوه اوي كأنك طفل فعلا ..
(20)
حبيتهاااا
(21)
معتقدش في اسم اخلي من شيزوفرينيا يليق علي الموضوع
و جت علي الجرح جداا دي :D
شااابووه بجد (Y)
(22)
أنا عيطت !!
بجد !! ما شاء الله
(23)
لما وصلت لأخرها استغربت العنوان جدااا بس حبيتها جدا جدا و خصوصا اخر جزء
(24)
لا تعليق :D ليه كلمه متفزه اصلا
اما سيمبا :D ضحكتني جدااا :D
(25)
عيره .. أنا ممكن أقرأها 100 مره و مش هرهق معرفش ليه و معرفش صح ولا لأ
دي اكتر حاجه عجبتني ف الكتاب حلوه جداااا جدااا جدااا
(26)
عيل .. مش عارفه اترجم افكاري
بس فظيـــــــــعه جدااا
(27)
هييييح <3
حبيت جدااا
(28)
المشكله مشكله شعب
إقتنعت ..
(29)
حبيت الكنبه دي انا والله :D
بشكرها من موقعي هذا علي الكتاب ده :D
(30)
حبيت جداااا نصيحه ماما ..مفيش فرق بين اي شخص و شخص تاني غير الاخلاق ..
(31)
أنا إندمجت جدااا جداا .. أيام ما كانت ثوره بقي ..
(32)
احساااس <3
(33)
الصحاب ..
ذكريات حلوه .. ساعات بتوجع
(34)
احساسي كان يا قلبــــــــي <3
فظيعه .. جميله جداااا بجد !!
(35)
cilantro إسكندريه ..
ختامها مسِك <3
ال pause حاجه مههه جداااا و فعلا يا ريتها موجوده
....
زعلانه ان الكتاب خلص :D
نفسي يبقي لا نهائي بجد :D
انا قلت رأيي او احساسي ف كل حدوته
أهنيك علي العناوين <3
و الديوان اللي مش ديوان :D
مش قادره احكم هو رومانسي و لا لأ هو الاتنين ف بعض
كل حاجه فيه معتمده علي الاحساس
انا مسنيه تاني و تالت كتاب و هجيبهم من غير تردد
بدايه موفقه جدااااا جدااااا
الف الف الف مبروك
<3
انا مش بعرف اعبر اوي بس ان شاء الله تفهم حاجه :D
(1)
ضحكت جداا .. حبيت إحساس البراءه جدا ايام زمان زكرياتها حلوه و لازم يبقي معاها ابتسامه ..
(2)
لا تعليق .. :) دي مش حاجه وحشه .. ��نا حسيت الموقف جدااا لدرجه اني مش عارفه اقول ايه .. الوصف و الكلام و التفاصيل .. حلووووووه جداااا
(3)
هييييييييييييح <3
حلم فعلااا و علي قد ماهو بسيط علي قد ما بيبقي صعب .. الاحساس كان حلو جدااا و التفاصيل و الكلام و احلي
حاجه الامنيه اللي فـ الاخر
(4)
عقل .. تفكير صح ..اقتنعت ان فعلا كل انسان يقدر يعمل اي حاجه طالما مقتنغ و عنده اراده
(5)
نقاش لا ينتهي طبعااا .. متفقه جداااا مع وجهه النظر دي
(6)
"ممكن الغلطه اللي فـحياتك تبقي ابرز لحظه فـ حياتك"
"ساعات الغلطه اللي فـ حاجه معينه هي اللي بتحلي الحاجه دي"
<3
(7)
حاول .. حلو التفائل حتي فـ كل لحظه يأس ..
(8)
رسمت كل كلمه كأنها فيلم أبيض و أسود .. مع ابتسامه رومانسيه ...
الوصف و الاحساس ..
حلووووو جدااااااااا
(9)
أنا فاشله :D
مع الاقتناع التام :D
(10)
مبحبش الشاي بلبن :D
بس عجبتني جداااا
الاشتياق .. إيه الاحساس ده !!!
(11)
احساس غريب .. يمكن عشان راجل هو اللي و صف احساس بنت او تقريبا كل بنت فـ مجتمعنا احساس القمع عند كل البنات ..
رائع:)
(12)
موقف بيتكرر كتير جدااا و طبعا مفيش حد بيقرر يسبق التاني
..
لحد دلوقتي بالنسبه لوجهه نظري المتواضعه انت استخدمت الحروف بشكل مثالي ..
(13)
وجَع .. ده الاحساس المسيطر ..
ما شاء الله ..
ملحوظه ...
الكلام بيخلص بسرعه جدااا و مش عايزه اخلص الكتاب مستمتعه جداا جداا
عندي استعداد اقرأ 100 كتاب بنفس طريقه الكتابه دي ..
(14)
ايــــــــــه ده !!! متوقعتش النهايه دي ابداااا
حبيتــــها <3
(15)
حبتها جدااا ..
(16)
الحاجات الصغيره دي هي اللي بتدي طعم للدنيا و خصوصا للبنات فعلا للبنات الحاجات الصغيره هي اللي بتفرق معانا و هي اللي بنحتاجها و نحسها اكتر من اي حاجه ..
(17)
حبيت وصف الا مبالاه عشان الوقت ده بيعدي عليا كتير جدااا
(18)
مشكله معتقدش انها هتتصلح ابدا محدش معترف بالحريه او المساحه الشخصيه دي اصلا
(19)
قرأتها اكتر من 5 مرات علي البيدج و البروفايل و مزهقتي و متهيألي حفظتها صوّرت البراءه بطريه حلوه اوي كأنك طفل فعلا ..
(20)
حبيتهاااا
(21)
معتقدش في اسم اخلي من شيزوفرينيا يليق علي الموضوع
و جت علي الجرح جداا دي :D
شااابووه بجد (Y)
(22)
أنا عيطت !!
بجد !! ما شاء الله
(23)
لما وصلت لأخرها استغربت العنوان جدااا بس حبيتها جدا جدا و خصوصا اخر جزء
(24)
لا تعليق :D ليه كلمه متفزه اصلا
اما سيمبا :D ضحكتني جدااا :D
(25)
عيره .. أنا ممكن أقرأها 100 مره و مش هرهق معرفش ليه و معرفش صح ولا لأ
دي اكتر حاجه عجبتني ف الكتاب حلوه جداااا جدااا جدااا
(26)
عيل .. مش عارفه اترجم افكاري
بس فظيـــــــــعه جدااا
(27)
هييييح <3
حبيت جدااا
(28)
المشكله مشكله شعب
إقتنعت ..
(29)
حبيت الكنبه دي انا والله :D
بشكرها من موقعي هذا علي الكتاب ده :D
(30)
حبيت جداااا نصيحه ماما ..مفيش فرق بين اي شخص و شخص تاني غير الاخلاق ..
(31)
أنا إندمجت جدااا جداا .. أيام ما كانت ثوره بقي ..
(32)
احساااس <3
(33)
الصحاب ..
ذكريات حلوه .. ساعات بتوجع
(34)
احساسي كان يا قلبــــــــي <3
فظيعه .. جميله جداااا بجد !!
(35)
cilantro إسكندريه ..
ختامها مسِك <3
ال pause حاجه مههه جداااا و فعلا يا ريتها موجوده
....
زعلانه ان الكتاب خلص :D
نفسي يبقي لا نهائي بجد :D
انا قلت رأيي او احساسي ف كل حدوته
أهنيك علي العناوين <3
و الديوان اللي مش ديوان :D
مش قادره احكم هو رومانسي و لا لأ هو الاتنين ف بعض
كل حاجه فيه معتمده علي الاحساس
انا مسنيه تاني و تالت كتاب و هجيبهم من غير تردد
بدايه موفقه جدااااا جدااااا
الف الف الف مبروك
<3
February 5, 2014
اولا الكتاب شكله تحفه غلاف وحجما
تانيا بغض النظر انى قرتلك كتير على صفحتك ومتبعاك كويس اوى بس بجد انت حسستنى براحه وسعادة وحزن ووجع كل الاحاسيس الى فى الكون حستها وانا بقرالك ابنك الاولانى زى ما بتسميه بصراحه انا قريته فى 2 ساعه وكنت بتلكع علشان مخلصوش واللهى .
ثالثا وده الاهم ان الكتاب كلامه مش متكلف يعنى تقراء يدخل جواك مش كلاكيع وفصحى تشل وكمان اهم حاجه فيه انه بيزهر شخصيتك لانه واقعى
رابعا طبعا فى حاجات انا قرتها فى ريفيوهات قبلى ان فى حكايات مكنش لازم تكتبها او انه حشوى ورق وكده انا بالعكس تماما انا شايفه كل ورقه انت كتبتها وكل سطر فى عبرة وقصه والف احساس والوحش او الحشو الى بعض الناس قاله عليه شيفاه مش مقصر فى اى حاجه فى الكتاب
خامسا عجبنى جدا انى افضل ادور وراك على اغانى عمرى مسمعتها علشان اسمعها زى ما انت كاتب وكمان عجبنى اوى فى نهايه كل حكايه كام بيت شعر من بتوعك الى انا شخصيا بستناهم علشان اقرا انت النهارده كاتب ايه على الفيس ....
وأخيرا بجد انت مختلف وبجد انت حاجه كبيرة واوعى اوعى تتخلى عن احساسك فى الكتابه .
الختام حبيت اقول ان كتابك احلى واكتسح كتاب 28 حرف بتاع احمد حلمى انا مكملتش قرايته لانى مليت انت وراى كل ورقه اقراها عايزة اعرف ايه الى بعده ..
اتمنى لك التوفيق ويارب يارب اشوفلك الكتاب التانى والمليون يارب ...
تانيا بغض النظر انى قرتلك كتير على صفحتك ومتبعاك كويس اوى بس بجد انت حسستنى براحه وسعادة وحزن ووجع كل الاحاسيس الى فى الكون حستها وانا بقرالك ابنك الاولانى زى ما بتسميه بصراحه انا قريته فى 2 ساعه وكنت بتلكع علشان مخلصوش واللهى .
ثالثا وده الاهم ان الكتاب كلامه مش متكلف يعنى تقراء يدخل جواك مش كلاكيع وفصحى تشل وكمان اهم حاجه فيه انه بيزهر شخصيتك لانه واقعى
رابعا طبعا فى حاجات انا قرتها فى ريفيوهات قبلى ان فى حكايات مكنش لازم تكتبها او انه حشوى ورق وكده انا بالعكس تماما انا شايفه كل ورقه انت كتبتها وكل سطر فى عبرة وقصه والف احساس والوحش او الحشو الى بعض الناس قاله عليه شيفاه مش مقصر فى اى حاجه فى الكتاب
خامسا عجبنى جدا انى افضل ادور وراك على اغانى عمرى مسمعتها علشان اسمعها زى ما انت كاتب وكمان عجبنى اوى فى نهايه كل حكايه كام بيت شعر من بتوعك الى انا شخصيا بستناهم علشان اقرا انت النهارده كاتب ايه على الفيس ....
وأخيرا بجد انت مختلف وبجد انت حاجه كبيرة واوعى اوعى تتخلى عن احساسك فى الكتابه .
الختام حبيت اقول ان كتابك احلى واكتسح كتاب 28 حرف بتاع احمد حلمى انا مكملتش قرايته لانى مليت انت وراى كل ورقه اقراها عايزة اعرف ايه الى بعده ..
اتمنى لك التوفيق ويارب يارب اشوفلك الكتاب التانى والمليون يارب ...
April 15, 2014
سيلنترو اسكندرية مقدرش اقول عليه قصص قصيرة لكنه فعلا حواديت زى ما كريم اختار يسميها ..
فى حوديت عجبتنى جداااااااااااااااااااا لازم اذكرها بالاسم ..
البدايه طبعا ( اعتراف ) يمكن عشان شوفت نفسى فيه و تشابهه للنفس الحاله
( توازى ) تحفه فعلا ... دايما التردد و النتظار بيكسر احلامنا بالبطئ
( توهان ) كنت بضحك مع كل سطر وفى اخر 7 سطور عيطت
( دعاء 1 / 2 ) البسااااااااااااااااااااااااااااطه و الفطره والحب النقى اللى لازم نعلمها لولادنا
(مينا ) وجعتنى اووووووووووووى و من اول لاخر سطر عيونى مدمعه
الخواطر الصغننه اللى بعد الحواديت جميله و بسيطه
ليا بس ملحوظه صغننه وهى الاسلوب .. فيه تردد شويه احيانا كنت بحسه عايز يكتب فصحى فاتقلب عاميه و العكس صحيح بس فى النهايه البساطه كانت الحاله العامه للكتاب و ده اللى خلاه حلو لكن اللى خلاه احلى التجارب الشخصيه للكاتب نفسه و كأنى بشوف كريم هشام فى سطور و ده ادى واقعيه اكتر للكلمات لكن كمان ( هى ) اللى كانت فى كل سطر ومابين السطور كمان خلت الكتاب اهداء ليها حتى ولو ( هى ) مش فى الاهداء ..
كتاب بسيط و ممتع و بالتوفيق للكاتب كريم هشام
فى حوديت عجبتنى جداااااااااااااااااااا لازم اذكرها بالاسم ..
البدايه طبعا ( اعتراف ) يمكن عشان شوفت نفسى فيه و تشابهه للنفس الحاله
( توازى ) تحفه فعلا ... دايما التردد و النتظار بيكسر احلامنا بالبطئ
( توهان ) كنت بضحك مع كل سطر وفى اخر 7 سطور عيطت
( دعاء 1 / 2 ) البسااااااااااااااااااااااااااااطه و الفطره والحب النقى اللى لازم نعلمها لولادنا
(مينا ) وجعتنى اووووووووووووى و من اول لاخر سطر عيونى مدمعه
الخواطر الصغننه اللى بعد الحواديت جميله و بسيطه
ليا بس ملحوظه صغننه وهى الاسلوب .. فيه تردد شويه احيانا كنت بحسه عايز يكتب فصحى فاتقلب عاميه و العكس صحيح بس فى النهايه البساطه كانت الحاله العامه للكتاب و ده اللى خلاه حلو لكن اللى خلاه احلى التجارب الشخصيه للكاتب نفسه و كأنى بشوف كريم هشام فى سطور و ده ادى واقعيه اكتر للكلمات لكن كمان ( هى ) اللى كانت فى كل سطر ومابين السطور كمان خلت الكتاب اهداء ليها حتى ولو ( هى ) مش فى الاهداء ..
كتاب بسيط و ممتع و بالتوفيق للكاتب كريم هشام
March 30, 2014
ببساطة كتاب خفيف لايت مش معقد ولا مكلكع .. فضفضة حلوة و بسيطة و خفيفة الدم و رقيقة
من كريم هشام .. كريم بيعرف يحكي و يسرد الاحداث الواقعية .. ابهرني جدا في الكتاب دة
انه في كام قصة منه حصلو معايا انا شخصيا بالظبط بنفس احداثهم .. استغربت جدا فعلا
كتاب حلو و عجبنى اسلوبه و خفته و ينفع تفصل بيه بين روايتين او كتابين تقال
اسلوب بسيط و سهل و قريب من القلب و حكايات و حواديت تدخل القلب بسهولة
بتعيد ذكريات و تقلب مواجع و حاجات كتير .. عجبنى شعر كريم .. محتاج يهتم شوية بالوزن و القافية
لكن كلماته حلوة اوي .. بعيب على الكتاب حاجتين .. في تكرار كبير في موضوعات القصص
يعني تلاقيه اتكلم في موضوع و يرجع في قصة تانية يتكلم في نفس الموضوع بنفس الكيفية
و تانى حاجة حواديت ملضومة بالشعر و المفروض ان كريم شاعر .. لكن الكتاب بعيد كل البعد عن الشعر
يعني حتى الحواديت الملضومة بالشعر كانت قليلة جدا .
بشكل عامة تجربة لطيفة و اتمنى اللي جاي يكون افضل و كريم يقدم حاجة احسن من كدة :)
من كريم هشام .. كريم بيعرف يحكي و يسرد الاحداث الواقعية .. ابهرني جدا في الكتاب دة
انه في كام قصة منه حصلو معايا انا شخصيا بالظبط بنفس احداثهم .. استغربت جدا فعلا
كتاب حلو و عجبنى اسلوبه و خفته و ينفع تفصل بيه بين روايتين او كتابين تقال
اسلوب بسيط و سهل و قريب من القلب و حكايات و حواديت تدخل القلب بسهولة
بتعيد ذكريات و تقلب مواجع و حاجات كتير .. عجبنى شعر كريم .. محتاج يهتم شوية بالوزن و القافية
لكن كلماته حلوة اوي .. بعيب على الكتاب حاجتين .. في تكرار كبير في موضوعات القصص
يعني تلاقيه اتكلم في موضوع و يرجع في قصة تانية يتكلم في نفس الموضوع بنفس الكيفية
و تانى حاجة حواديت ملضومة بالشعر و المفروض ان كريم شاعر .. لكن الكتاب بعيد كل البعد عن الشعر
يعني حتى الحواديت الملضومة بالشعر كانت قليلة جدا .
بشكل عامة تجربة لطيفة و اتمنى اللي جاي يكون افضل و كريم يقدم حاجة احسن من كدة :)
October 1, 2014
كنت أبحث عن كتاب خفيف مسلى سهل القراءة بدون إجهاد للعقل و الذهن و قد وقع أختيارى على هذا الكتاب و الحقيقة أن الكتاب قد وفى بالغرض تماما.
الحقيقة الكتاب صدمنى، صدمنى من كم بساطته و برائتهحتى أنى تسائلت مع نفسى هل لازالوا يسمحون بنشر تلك الكتب ؟! ، أرجو ألا يفسر كلامى خطأ أنا لم أكن متضايقا أو مشتهجنا إنما فقط مستغربا.
يمكن القول أن الكتاب جميل بسيط برئ و صريح ، هذا الكتاب قد يضايق بشده القراء المخضرمين الباحثين عن محتوى قوى أو إضافه فكرية أو أدبية مؤثرة إلا أنى مع حالتى الذهنية المرهقة ناسبنى الكتاب و أعجبتنى بالذات الفقرات الرومانسيه فيه.
الكتاب لا يمكن أن نقول أنه يضيف لقارءة شيء حقيقى أو محورى بأستثناء حالة السعادة و الهدوء اللائى تشعر بهم و أنت تقرأه ... يجب الإشارة أيضا إلا أن الكتاب يحتوى فى بعض جوانبه على الكثير من التكرار.
طبعا تصميم غلاف الكتاب ربما فى رأيى من أقوى العوامل التى ساهمت فى نجاح و أنتشار الكتاب فتحية لصانعه.
أعتقد أنى سأقرأ مجدد لكريم هشام.
الحقيقة الكتاب صدمنى، صدمنى من كم بساطته و برائتهحتى أنى تسائلت مع نفسى هل لازالوا يسمحون بنشر تلك الكتب ؟! ، أرجو ألا يفسر كلامى خطأ أنا لم أكن متضايقا أو مشتهجنا إنما فقط مستغربا.
يمكن القول أن الكتاب جميل بسيط برئ و صريح ، هذا الكتاب قد يضايق بشده القراء المخضرمين الباحثين عن محتوى قوى أو إضافه فكرية أو أدبية مؤثرة إلا أنى مع حالتى الذهنية المرهقة ناسبنى الكتاب و أعجبتنى بالذات الفقرات الرومانسيه فيه.
الكتاب لا يمكن أن نقول أنه يضيف لقارءة شيء حقيقى أو محورى بأستثناء حالة السعادة و الهدوء اللائى تشعر بهم و أنت تقرأه ... يجب الإشارة أيضا إلا أن الكتاب يحتوى فى بعض جوانبه على الكثير من التكرار.
طبعا تصميم غلاف الكتاب ربما فى رأيى من أقوى العوامل التى ساهمت فى نجاح و أنتشار الكتاب فتحية لصانعه.
أعتقد أنى سأقرأ مجدد لكريم هشام.
Displaying 1 - 30 of 67 reviews