Заборавениот куфер

by Билјана Мартиновска

Кога куферот што го носиме на грбот станува претежок, тогаш од него вадиме работи што не ни се потребни. Го празниме за да продолжиме напред кон целта.
Авторката го полнела својот куфер со сè она што човекот го доживува во текот на своето секојдневно битисување, па неговото празнење е всушност нејзиното душевно празнење, но истовремено и порака и завет за сите оние што тука се пронаоѓаат себеси. Очигледно човекот не станува имун на негативните емоции со кои се соочува, туку напротив – станува посилен, помудар и подостоинствен од налетот на истите.
Кратките раскази на Мартиновска напишани во прво лице, нема да ве остават рамнодушни. Ќе почувствувате како таа ви се обраќа токму вам и ви зборува за она што сите ние го доживуваме низ животниот пат, а немаме храброст да го кажеме гласно. Нејзиниот глас зборува во името на сите нас. Таа се става себеси не само како наратор, туку и како носечки лик во секој од расказите поединечно и на тој начин ја буди емпатијата кај читателот, кој несомнено ќе се соживее со секој од ликовите.
Дел од нив се објавувани низ книжевните групи на социјалните медиуми, а вниманието што го привлекоа кај читателската публика имплицираше нивно објавување во книга што ќе посакате повторно да ја отворите. Стилот на авторката ќе ве освои и ќе посакате да прочитате многу повеќе од само она што таа овде ни го претставува.

Paperback

Published January 1, 2023

About the author

Билјана Мартиновска е родена во струшкото село Драслајца, во 1977 година. Основно образование завршува во родното село, а гимназија во Струга. Дипломира на Факултетот за туризам и угостителство во Охрид, но внатрешниот порив за завршување на факултетот кој отсекогаш ѝ бил предизвик го исполнува подоцна со станување дипломиран професор по македонски и англиски јазик на Педагошкиот факултет во Битола.

Личност со зацртани цели во животот, која никогаш не се откажува од своите соништа. Посветена мајка и сопруга, со огромна љубов кон својата професија.

Читањето книги за неа е богатење на духот, а пишувањето нејзина огромна страст. Пишувањето го развива како хоби уште од мали нозе, за подоцна да стане дел од нејзиниот секојдневен живот и начин на изразување на себеси. Пишува за сѐ она што ѝ ја допира душата во текот на секојдневното битисување.

Учествувала на повеќе литературни конкурси низ нашата држава.

Своето прво литературно дело го издава во 2016 год. под наслов „Точка на враќање“. Во овој свој автобиографски роман инспирирана, односно мотивирана од едно лично искуство, таа пишува за себе и своите стравови после преживеаната несреќа. „Пишувањето за тој немил настан беше своевидна катарза за мојата личност, а поттикната од позитивните критики на сите оние кои го прочитаа романот, продолжив и понатаму да творам. Влегувањето во тој свет за мене значи богатење на сопствената духовност, не само како автор, туку и како личност“, вели авторката.

Романот „Куќата со жолта фасада“ е нејзино второ авторско дело. Романот е инспириран од вистински настани, а е резултат на повеќегодишно истражување и консултации со стручни лица од областа на медицината и психологијата.

"Заборавениот куфер" е нејзината трета книга

Reviews

[Meri · Rating 5 out of 5]

"It's hard to be human out there, somewhere." This sentence cut from the book, really push you to think about it: my god, at what point it became so difficult for us to be human... Written as a set of everyday stories filled with strong emotions, this book touches you, sobers you up, makes you sad and angry at the same moment, but also encourages you and fills with positive thoughts. After "Point of Return", another strong story in which, a lot of us will find ourselves.

[Mihailo · Rating 5 out of 5]

Тие што ја читаат Билјана Мартиновска веќе го препознаваат нејзиниот прекрасен стил. Се забележува за нијанса подобро од Куќата со жолта фасада која ме воодушеви и според мене е еден од најдобрите македонски современи романи. Што друго да кажам за збиркава раскази, освен пофалби. ПС: Не ми се верува дека ова ремек*дело напишано од дното на душата ме чинеше само 200 денари. Бата прес ми е книжевно откритие како издавачка куќа последниве 2-3 години.

[Aleksandra Stojanoska · Rating 5 out of 5]

"Човечноста е скапа, но скапи се и оние што ја поседуваат."

"Самотијата не значи осаменост. Самотијата не значи себичност. Миговите на самотија се драгоцени"

"Куферот кој сите го носиме на грбот најчесто е претежок. Треба почесто од него да фрламе некои работи кои не ни се битни, за да успееме да стигнеме до нашата крјна цел."

Ова е една мала, но моќна збирка на раскази, во кај верувам, секој од нас ќе пронајде.
Прочитајте ги!