في بيتنا دكر

by شيماء الماريه

219 pages, Paperback

First published January 1, 2014

About the author

كاتبه أدبيه من مواليد أغسطس .. تخرجت من كلية الأداب قسم الاعلام شعبة الصحافه .. عملت بالصحافه لفتره ثم قررت إحتراف الكتابه الإدبيه..
صدرت لها مجموعتها القصصيه الأولى فى اكتوبر 2011 ( بنت أجنده ) صدرت عن دار المصرى للنشر والتوزيع ..
ثم المجموعه القصصيه الثانيه ( فى بيتنا دكر ) 2014 والتى صدرت مع نفس الدار ..
و رواية مائده 31 هي اولي اعملها الروائيه

صفحه الكاتبه علي الفيس بوك :
https://www.facebook.com/sh.elmaria/

Reviews

[Lamis Usama · Rating 5 out of 5]

عن خفه الدم والضحكه الممزوجه بالم الواقعيه فى " فى بيتنا دكر "
كان فيه حته جاتوووه كنت هموت عليهاا <3


عن الالم والوجع فى " رحله ذهاب فقط "

عن الاحلام الورديه والواقع المر فى " الرجل الذى لم "

عن العذاب النفسى والعقبات الى بنحطها بادينا فى طريق سعادتنا والى دايما بيبقى سهل واحنا الى بنحط عقابات .. احيانا عشان نحس ان الحاجات الحلوه دايما بيبقى فى صعوبه عشان نخدها .. واحياننا تانيه عشان احساسنا ان ربنا هيعقبنا على ايه من عارفين بس المهم ان مش هنفضل عايشين فى سعاده علطول ..

عن " نزيف حااد "

عن التفاصيل والحب والوجع فى " رجل بلا ظل " كنت عايزا اعرف زعلها فى ايه للدرجه دى وازاى فاجئه حس بكل التغير دا والترااب .. يعنى قد كدا مكنش موجود وكان مغيب بس شويه شويه بدات احس فعلا انه مش موجود ..

عن " رساله من امرأه خائنه " عجبتنى بس هو مش هيفرق معاه موتها وفكره انها خنته مع صاحبه فعلا هتشككه فى كل الى حواليه .. بس الانتحار عشان يتعذب لا ... كان ممكن تختفى تماماا تبدأ من جديد .. تعيش حياه جديده وتكدب تقول انها خانته مع صاحبه بس متخونش .. هيا الى جنت على نفسها .. فى بقائها معاه وانتحارها ...


عن " قهوه بالريحان " اظن انه شاى بالريحان بقى :) .. فعلا فى صفحات مهما مر الزمن مينفعش نرجع نفتحها تانى .. فى نااس لازم تفضل فى ابعد جزء فى قلبنا ونكتفى بس بذكرى حلوه عشناها فى يوم من الايام ..


الى زرع حاجه بيحصدها ... اكتر كلمتين مقتنعه بيهم .. " المنسى "


واقعيه " اعترافات تحت تاثير المخدر " .. و الالم فى " تأشيره الموت " .. لم يجمعهم شئ فى الحياه وجمعتهم تأشيره واحده

عن الفقره او الشعر الى قبل كل قصه .. عجبتنى الفكره جداا

وفى النهايه الاسلوب مميز وحلو اووى وبالتوفيق

[Samar Ahmed · Rating 1 out of 5]

نكد نكد نكد .. نكد كتير أوى ملوش لازمه .. حد يفهم الكاتبه إن الشجن و الإحساس مش في كتر النكد .. أفكار القصص قديمة و متعاده في 100 فيلم عربي .. مفيش جديد . لغة ركيكه ..
الحاجة الحلوة الوحيده كانت شوية الشعر الرقيق إللى فأول كل قصة

[Amr EL-Saeed · Rating 3 out of 5]

القصص حلوة وجذابة
بس سيطر على المجموعة كلها نفس التيمة .. إللى هى تقريبا الكآبة والنكد والطرف الخاين دايما إللى هو غالبا الراجل
كان يستحسن لو فى تنويع شوية فى موود القصص أو كان ممكن تقليل العدد عشان الجرعة متكونش عالية أوى كده فى الكآبة

[هدير مجدي · Rating 5 out of 5]

القصص رائعة جداً رغم أفكارها البسيطة إلا إن شيماء المارية تناولتها بعمق شديد جداً وبسيط في نفس الوقت.

في بيتنا دكر
-------------
عن مقطع (طب عوضيني) اللي البطلة قالته لمامتها قريته كتير أوي عجبني جداً المواجهة بينهم وحته الجاتوة اللي هتموت عليها.

رحلة ذهاب فقط
--------------
"لأثبت لنفسي أنك لم تكن مجرد حلم"
إيه كمية الوجع اللي فيها ده! فكرتها عادية وعارفينها بس اللي مش عادي إنك جسدتي الألم بشكل جديد تفاصيلك غير أي تفاصيل ،، تفاصيل صادقة، يعني لما قريت آخر سطر فيها فهمت يعني إيه الواحد يموت أكتر من مرة.


الرجل الذي لم
--------------
ليه كده؟ القصة دي تفاصيلها اتحفرت جوايا ،، احساس عالي أوي ،، آخر مشهد فيها كان هيموتني ( أو يعود إليه بصره فيذهب إليها) ...
مش عارفة أتكلم عنها لأنها أكتر قصة حسيتني جواها أوي ،، رائعة.


عم عطية وزينة:
-----------------
صفحة 87 إنتي عبقرية ،، ده اللي اقدر أقوله ،، مبدعه


نزيف حاد:
-----------
جواها معاني كتير خلتني متلغبطة، ليه مش بنصارح بعض فعلاً ،، ليه بنستنى الندم علشان نبقى أحسن ،، ليه بنبرر القسوة بحجة أنا محدش يجبرني على حاجة!


رسالة من إمرأة خائنة
---------------------
عقابه إنه يعيش فعلاً يدور حوالين نفسه ،، ده عقاب عادل ليه بس هي عاقبت نفسها أكتر منه


الريحان
--------
عارفه يعني إيه تخلي الابطال مشتتين الذهن والقارئ نفسه يبقي مشتت بين الابطال الثلاثة؟! متعاطفة مع كل الاطراف ضد كل الاطراف


سيد المنسي
-----------
مؤلم جداً إنك تخلي القارئ يتعاطف مع الشر والغلط القصة جميلة جداً واعتقد ان الواقع كده


اعترافات تحت تأثير المخدر فكرتها جميلة أوي وحسيت إن الناس كلها كانوا بيحكولي أنا


تأشيرة
-------
الرائعة نهي العايق ،، البنت دي لما تعمل رواية هتكسر الدنيا :)

شيماء إنتي حببتيني في القصص القصيرة :)

[Samar Elbaz · Rating 5 out of 5]

من عنوانه كنت فاكره انها قصص ساخره وكوميديه
بس خلي بالكوا كويس واوعوا تنخدعوا فيه
ايه كم الالم والوجع اللي جوه القصص القصيره دي

رحله ذهاب فقط
هو ليه الواحد مش بيعرف قيمه اللي معاه غير لما يفقده ؟؟؟
وليه الجرح بقي سهل اوي في حياتنا

نزيف حاد

اي علاقه بيدخل فيها الكبرياء والعند بتتدمر
واحيانا كتير بنندم بس بعد فوات الاوان

رساله من امراه خائنه

ليه تدمر حياتها وتخسر كل حاجه عشان تعاقبه هو صحيح يستحق الشك اللي هيعيش فيه ويستحق الحياه دي بس ليه هي تخسر كل حاجه كان ممكن تسيبه وتهرب مثلا


شاي بالريحان

قصه الحب الفاشله المتكرره دايما في مجتمعنا واللي بتاكد مقوله لو متجوزتش اللي بتحبها تبقي اكيد اتجوزت حبيبه غيرك

سيد المنسي

هو معقوله مممكن الحجود يوصل للدرجه دي



شيماء ...صورتي واقع المرأه المصريه باقسي اسلوب
وصحيح ممكن يبقي في بيتنا دكر بس نادر جدا لما يكون في بيتنا..رجل

[Salma · Rating 4 out of 5]

فى بيتنا دكر
هو واحد من تلك الكتب اللى "تخلص فى قعدة"

الأسلوب سلس, الوصف فيه كما تحتاج إليه دون الإطالة أو الدخول فى تفاصيل لا حاجة لنا بها
أعجبنى تنوع الحالات بحيث إن كل قصة تريك جانب مختلف من الحياة

أسماء القصص رائعة وتعمل بشكل كبير على جذب القارئ من مجرد العنوان
أحببت الفواصل الزجلية بين القصص كنوع من "الراحة" أثناء القراءة

أكثر ما أحببت من القصص كان تذكرة ذهاب فقط و قهوة بالريحان
حيث تتميز كل منهما بوصف دقيق للمشاعر والأفكار بشكل يجعلك أقرب إلى الشخصيات دونا عن غيرها

بالنسبة لى الكتاب جميل وخفيف واللغة المستخدمة رائعة

تحياتى :)

[Shimaa (Hamssa) · Rating 5 out of 5]

من زمان مقرأتش قصص منفصله وحسيت بينهم بترابط اوى كده
مش عشان الكاتبه واحده .. لأ ابدا
بس لقيت نفس الوجع فقدان .. خيانة .. موت .. ألم .. ندم.. واقع
ابتسامه حزن كانت علي وشي ودموع مش بتنزل وانا بقلب كل صفحه
والأسوأ من كل ده ان الكتاب رجعنى لوجع بدعى ربنا انه يمشي بحضور مش بغياب
مفيش ريفيو ومش هقول رائع او اى كلام عقيم مش بيوصف حاجه بس انا فعلا حبيته قد ما وجعنى
قد ما خلانى افتكر سبب دولابي اللي فجأة بقي لونه اسود بعد بابا الله يرحمه .. بعد ما قررت اكتب لنفسي مذكرات بقلم اسود .. قد ما خليت موبايلي ل 3 سنين متواصله صامت .. قد ما انا متمسكة بحبي لشخص غائب أشك في عودته .. قد ما الشتاء ده بقي شتاء رمادى محمَّل بالحنين

شكرا شيماء علي كل شيء من صديقه تتابع اعمالك دون أن تعرفيها <3

[Alaa Zaher · Rating 5 out of 5]

كتاب في بيتنا دكر في رأيي المتواضع هو نوع فريد من الكتب فهو ياخذك الي عالم جديد فيه تمتزج الرومانسيه الحالمه بالواقع
عالم علي الرغم من قسوه واقعه فانك تعيش مده قراءه الكتاب كأنك واحدا من الشخصيات تتألم لألمهم وتفرح لفرحهم ..
يترك بداخلك ذلك الشعور بالحيره و ..
التخبط بين الاستمتاع بالسرد المتقن للاحداث وبين التعاطف مع الشخصيات...
احيي اختيار اسماء القصص الموفق ..
اما عن الافضل فبالنسبه لي كانوا ( في بيتنادكر)
واعترافات تحت تأثير المخدر .. و الذي احيي كل من شاركوا فيه علي الشجاعه
للادلاء باعترافتهم
.. واهداء القراء جانب من حياتهم كانوا قد احتفظوا به لانفسهم :)

[Huda Rashid · Rating 4 out of 5]

جميلة جدا حقيقي أنا استمتعت و اتأثرت بكل قصة قرأتها و عشت جواها و حبيت جو الدراما العالي فيها بس السؤال بقى ليه معظمها قصص حزينة؟ أنا فضلت أعيط في بتاع 3 قصص منهم :D
بس بردة الكتاب من أحلى ما قرأت و حبيت ابدأ بيه قبل أي كتاب تاني جبته من المعرض لأني كنت مستنياه بفارغ الصبر .. مستنية كتابك الثالت يا شيماء :)
أه و بالنسبة ل"أعترافات تحت تأثير المخدر" بحييكي عليها الفكرة حلوة قوي خصوصا اني شخصيا عندي خلفية عن معظم الناس اللي اعترفوا و دي حاجة زودت تألق الفكرة.

[Hebah Moanis · Rating 4 out of 5]

حبيت المجموعة دي قوي، الأسلوب لطيف جدا وتنوع المواضيع مزجني بصراحة.
معتقدش اني م هحاول اقرا تاني للكاتبة الجميلة

[Gamal soliman · Rating 3 out of 5]

بعكس المتوقع لم تكن كما ظننت ... مجموعه قصصيه مختلفه بعضها جيد واغلبها مقبول ولكن هناك فصل لاعترافات بعض الكتاب الجدد لا داعى لحشو الكتاب بها خاصه انها اعترافات شخصيه لا تنفع القراء فى شئ

[ِAhmed AboELkheir · Rating 4 out of 5]

بهذه المجموعة أستطيع أن أخذ نفس عميق ، وهذا النفس كان نابع من الخوف علي القصة القصيرة ومصيرها في ظل هذا الانفتاح الغريب الرهيب علي الرواية ، كأن أي إنسان قد أمسك بالقلم ، وامامه مجموعة من الوريقات يكتب فيها ، فيُسقط الحبر ويخرج رواية ، يحتفي بها من يحتفي ، ويراءي فيها من يرءاي ، فيظل صاحبها علي خطه أو يتعثر ولا نراه في ميدان الأدب مرة أخري ، وإن فعل الخطوة الثانية ، فكان لابد من البداية من عدم امتشاق القلم ولظل في حياته هادئاً ناعماً ببعض من راحة البال ، والسكينة التي لا براها الكُتاب ، كما رأيت عند الأستاذة شيماء

هذه المجموعة القصصية رائعة جدا جدا ، أسلوب التشويق فيها يصل إلي الذروة في كل قصة ، أسلوب رمزي بسيط سهل ن ممتع يداعب العقل ، فيرتاح له ويتغذي التفكير في كل هدوء وراحة وسلام ، عكس هؤلاء الذين يكتبون ويضعون في الاعتبار الأول والاخير الرمزية والتي توردهم مورد الهلاك في النهاية ،
رأيت وشاهدت القصص التي إذا أمسك القلم مرة أخري وتناول كل قصة بالكتابة لأنتج من كل واحدة منها رواية كاملة الأركان ، فالشخصيات في كل قصة قصيرة منها متماسكة إلي حد الصلابة لا تنفك شخصية عن أخري ، هنالك تلاحم رهيب بين الجميع ،
المشهدية التي كانت تقف بجانب التشويق جنباً إلي جنب ، فلو كان معي في اللحظات التي كنت أقرأ القصص فيها كاميرا ، ومنظر لكل مشهد لأستطع التصوير والخروج بمشاهد عظيمة ، منها الذي يدمي القلب والأخر الذي تنشرح له النفس

أعجبت إعجابا رهيب منقطع النظير بالشعر المنثور أو الكلام المقفي الموجود في بداية كل قصة هذه ، فهو تلخيص لم أنا مُقبل علي قرائته
كلهم أفاضل ولكن أكثر من اعجبني الذي قلتم فيه :
نأمل
نتمني
فتأتي " لكن "
لتمحي آمالنا
تدمر أمانينا
وتقتل أحلامنا

لكن الحرف المؤلم الذي من الممكن أن يجلب الانسان من أقصي اليسار الذي منخرط فيه إلي أقصي اليمين والعكس


عم عطيه وزينة : مشهدية عالية للغالية ، وتأثر ما بعده تأثر

رجل بلا ظل : تعتبر من الأفاضل الذين راقوا لي جدا بدرجة لا توصف ، أخذتينا يا أستاذة شمياء في ناحية ، وفي النهاية أري أن الرجل مات وهذا طيفه ، هذه النقلة رائعة وأكسبت للقصة ثقل ووزن جيد

قهوة بالريحان : وارتباط الريحان بالحبيب ، وما حدث في حياتها ، وهنا الاستاذة شيماء ربما بعلمها أرادت أن تطرح قضية أن المرأة هي الأخري قد تكون هي من تخون بالمعني الأصغر لا الأكبر من انجراف في الماضي والعيش وسطه ، وأن الرجل من الممكن أن يتحمل زوجته ولابد له من ذلك فهي كانت أم لأولاده وبناته ، ويعرف الأسباب فعرفها وفطن ورجعت إليه بكل إشراق وتفاؤل

قصة سيد المنسي ، والتساؤل الرهيب الذي يضع المسؤل في حيرة وتفكر رهيب
" هل سيحاسبنا الله علي ما في قلوبنا ؟ بل هل نملك ما في قلوبنا ؟

اعترافات تحت المخدر لذيذة جدا جدا ، وأعجبتني التلقائية النابعة من كل طرف مم ذكر اسمه والحدث
وكان أهم ما أعجبني ما كتبه الكاتب عمرو الجندي ( الفرق اللي بيشوفك من جوه )

المجموعة رائعة وراقية ولابد من الفرد من قرائتها حتي يتعرف علي قلم نسوي هام أسمه : شيماء المارية مع حفظ اللقب بالطبع

[رشا · Rating 4 out of 5]

تحذير .. لا يغرك عنوان الكتاب الذي يبدو هزليا ساخرا فهذا الكتاب يحمل ألما كبيرا

تتحدث شيماء عن المرأة وأوجاعها بأكثر من صورة ، تظهر المرأة ضعيفة مستكينة حزينة مقهورة ، حتى وان بدت قوية في احدى القصص قهرها الموت ،
تضع المرأة بأكثر قصص مأسوية ، لا أدري إن كانت الرسالة المؤلمة هذه موجهة كدرس للرجل ليعلم عواقب قسوته ولامبالاته ومايمكن أن تفعل به من ألم فيما بعد ؟ أم أنها مبعوثة للمرأة بألا تكون بهذا القدر من الهشاشة و الخنوع ؟ !!!
وضعت النهايات في الغالبية بشكل قاسي جدا أعتقد أن القدر يكون أرحم من ذلك
رجل بلا ظل هي ماسة المجموعة تلك الجوهرة التي توضع بصدر الفستان لتكون اللمسة المبهرة والأخيرة
فقد جاءت تكمل الصورة المأساوية للكتاب
وهي الاجمل والأكثر تأثيرا وايلاما
جرعة مكثفة من الحزن والألم رافقني الحزن لفترة لذا قرأته على مهل لتحمل هذه الجرعة الثقيلة على القلب

رحلة ذهاب فقط .. نحر ، نحرته بلا رحمة
نزيف حاد .. قهر ، قهر مبالغ فيه
قهوة بالريحان .... واقع ، هي الاقرب للواقع وللحياة
رسالة من امرأة خائنة .... جنون ، جنون مطلق وحمق


واخيرا لدي اعتقاد وأمل أن تكون شيماء قد أخرجت كل الحزن الذي بجعبتها في هذا العمل وأن تطلق العنان لإبداعها ان يكون أكثر واقعية وبهجة

[Ahmed Shokry · Rating 4 out of 5]

من اسمها كنت فاكرها بتتكلم عن قصة واحدة بس من حظ كل القراء انها عبارة عن مجموعة من القصص وكل قصة بتفيد كتير جدا وبصراجه انا اتعملت منها كتير :
1-ازاى اتعامل مع مواقف معينه بشكل سليم من غير اخطاء
2-مفرضشى رايى ع حد باى طريقة واسيب كل واحد يعيش حياته
3- لو بحب حد اروح اقوله ولو زعلان من حد اروح اصالحه من غير ما استناه هو اللى يبدأ
4-عجبانى اوى فكرة الاعترافات وكان نفسى بجد يكون ليا مكان فيها بس يالا تتعوض :)
كفاية كده علشان محرقهاش بس بجد استمتعت كتير واستفدت اكتر وعشت جواها اكتر من احساس الحب والحرزن والفرح والضحكة والبسمه التعجب والتفاؤل وكل حاجة جميلة
احييكى جدااااااااااااااااااااااااااا ع ابداعك :) :) :)
منتظر الاجمل

[Reem Hassan · Rating 4 out of 5]

أخيرا وبعد طول انتظار قريته :)
كتاب تعيش معاه حدة المشاعر في كل حاجة .. فرح وسخرية حادة، أو حزن حاد .. أسلوب رائع كالعادة زادت قوته وعمقه بعد " بنت أجندة " .. بحب أوي وصفك للمشاعر والحالات الفريدة اللي بتخلينا نعيشها .. وجعتني أوي " رحلة ذهاب فقط .. "
بس حسيت إني عاوزة اقرأ اكتر من كدة .. ما اكتفيتش أوي من الكتاب !
اعترافات حسيت فيها بالصدق أوي وكانت فكرة حلوة ..
صدمتني " التأشيرة " بصراحة ..
بالتوفيق دايما يارب وفي انتظار الجديد :)

[Mohamad · Rating 5 out of 5]

الكتاب أكثر من رائع لكنة #مؤلم
كان في اكثر من رواية لفتت نظري منها : قهوة بالريحان و الرجل الذي لم و نزيف حاد و تأشيرة
لكن كلة علي بعضة اكتر من رائع

[Eman Abd-Allah · Rating 4 out of 5]

كان فاكره انها كوميدي عشان كده اشتريتها..
بس كلها وجع ووجع ووجع تاني :')

[Abeer Al ojaili · Rating 5 out of 5]

رائع

[Mohamad Heiba · Rating 2 out of 5]

كئيبه حكاوي البنات بس حلوة.
دايما بحترم الاعترافات

[Ahmed · Rating 5 out of 5]

جرعة كأبة خام مكتوبة ببراعه لدرجة تحسسك ان ده عادى جدا من غير افورة كتاب رائع

[Hoda Magdy · Rating 5 out of 5]

كنت فكراها هتكون ساخرة
قصص جميلة جدا :) وبها من الالم الكثير
عجبنى جداا :)

[سلمي حسن · Rating 3 out of 5]

القصص جميله
ابكتني
بل احسست بالكآبة

احسنتي

[دينا ممدوح · Rating 4 out of 5]

مبدئيًا عنوان الكتاب مختلف تمامًا عما قد تتخيله عن المجموعة
العنوان أوحى لي إن الكتاب ده ساخر أو تدوينات للكاتبة
ومع القصة الأولى اللي هي بنفس عنوان الكتاب -واللي بالنسبة لي هي الأضعف- أستمر ده تصوري الحقيقة مختلفش
لكن مع توالي القصص وقعت في حب المجموعة دي
حبيت القصص ونهايتهم المفاجاة والتفاصيل اللي مهما تخيلت القصة بردو بتفاجئني
حتى لو بعض الأفكار كانت متشابهة إلى حد بسيط لكن التفاصيل كانت دايمًا بتفرق وتخلي كل قصة ليها بريق
الأشعار اللي كانت بين القصص كمان عجبتني جدًا
الجزء اللي محبتوش الأعترافات اللي في نهاية المجموعة
والقصة الأخيرة كانت بقلم كاتبة أخرى، فكرتها رائعة لكن حسيتها محتاجة تظبيط أكتر لأني تهت منها وأضطريت أقراها من الأول تاني

[Mostafa Sharaf · Rating 1 out of 5]

One of the worst ... probably the worst book I've read since I started regular readings 18 months ago. Weak characters, emotions overdose ( overrrrr aweeeee ). U feel the writer want to say : " hanakked 3laa ahaleekoo y3nee hanakked 3laa ahaleeko " we lel asaff bardoo ma naga7etsh. weak imaginations and mocking the reader mental abilities. My advice : stay away from this book ( only few lines are really good and the poems at the start of each "weak" story. and I actually didn't complete it , total waste of time

[Sara Jamal · Rating 4 out of 5]

نكد نكد نكد
على قد ما القصص كلها حلوه على قد ما كلها نكد
الاسلوب والحوار والحكايات كلها حلوه ، لكن العيب الوحيد فى القصص ان معظمها بتدور عن فكره الراجل الجبان الخاين اللى مش قد كلامه والست الضعيفه اللى بتحب بجنون ومش قادره تبعد ولا تنسى
الجزء الاخير بتاع الاعترافات معجبنيش وحسيته ملوش لزمه اوي
لكن الكتاب عموما حلو وبسيط

[Ream Hussien · Rating 4 out of 5]

القصص متعبة جدا نفسيا صعب اني اتخيل نهاية كل قصة كل ما اجي اقرا واحدة و احس انها ها هتبقي حلوة الاقي النهاية صعبة جدا

[سارة المغازى · Rating 2 out of 5]

الأسلوب جيد لكن القصص درامية بشكل مبالغ فيه ..الرجل وغد طوال الوقت دون حتى أن افهم لماذا .. احب القصص التى تتناول النفس الأنسانية بصورةأعمق من ذلك

[Reem Abu elkhir · Rating 5 out of 5]

مجموعة قصصية واقعية رائعة ..

[Nashwa Abdelkhalek · Rating 2 out of 5]

الاعترافات و القصص القصيرة الي في اخر الكتاب اضافت عليه رونق اخر

[Asmaa Hamdy]

it's good