استحواذ

by وائل نصار

( فى مكان ما مجهول ..
بين العلم والخرافه ..
هناك عالم آخر . )
*****
عن دار نشر (ن).

Genres: Horror, Novels

348 pages, Paperback

First published January 1, 2014

About the author

Writer

Reviews

[Nayra.Hassan · Rating 1 out of 5]

..عندما تقترن كلمتي كتب و نصب.. اصاب بحالة بؤس ..من طراز خاص جدا
هل يجرؤ أحد محبي الرعب على منح رواية طارد الأرواح الشريرة ل وليام بلاتي. .نجمة واحدة؟؟بالطبع لا..فعلى فكرتها قامت..معظم روايات و قصص الرعب...مهما تقززنا من المشاهد الثقيلة و سباب الطفلة للجميع..فستظل قاطرة لكل ما تلاها من رعب

و عندما تاتي دار نشر بحجم " ن " و كاتب ناشيء ..و يبيعوك ترجمة حرفية لفيلم كلنا شاهدنا أحد اجزاؤه على الاقل
The exorsist
و لا يتم كتابة : {ترجمة} على الغلاف
ولا يتم كتابة اقتباس او تلخيص
و لا تأتي بسيرة وليام بيتر بلاتي. .صاحب الفصل
بل استحواذ لوائل نصار و السعر خمسون جنيها!!ا

ماذا نسمي هذا؟ نصب ؟نحت؟ افتراض جهل رهيب في"كل القراء "و هل يجهل أحد فيلم منذ عام 1973

لا اهوى الريفيوهات السلبية..و لكن وجب التنبيه لكل من سيقع في هذا الفخ المحكم..سواء. .اصلي او مضروب او الكترونى

و ما يغيظ حقا ان الترجمة ليست سيئة. .بل هي فرصة جيدة لترجمة رواية كلاسيكية..لم تكن قد ترجمت بعد وقت صدور الرواية.و لكن على ان تباع..بمسماها الحقيقي

[Mohamed Osman · Rating 1 out of 5]

لأول مرة أجد في نفسي عدم القدرة علي كتابة ريفيو بالشكل المتعارف عليه، وذلك لسبب بسيط جدا هو عدم وجود شئ أكتب عنه ريفيو، فالأستاذ وائل نصار قام بعمل نقلة جديدة و قوية جدا في عالم الرواية، فلن نقوم بالنحت من الأفلام بعد الآن، بل سنقوم بكتابة الأفلام داخل الكتاب، أي والله كما أقول لك، سنقوم بكتابة الفيلم، ربما تكون مندهشا لكنك لن تكون مندهشا مثلي بعد انتهائي من الكتاب، وأنا ابحث عن الكتاب، هذا بالإضافة إلي كم الملل و السأم المصاحب للمرء أثناء قرائته لهذا الشئ المسمي زورا وبهتانا رواية، هذا بخلاف عدم الإشارة إلي شئ عن محتوي الكتاب أو أنه عبارة عن فيلم أجنبي نقل إلي الورق، وهذا في حد ذاته اعتبره غش وتدليس

وكانت المفاجأة الثانية بالنسبة لي في تعريف الكاتب لنفسه،و حتي لا يحسبني أحدا إني استهزأ به فلن أقول ما هو شعوري تجاه تلك الكلمات

بعض كلمات عن الكاتب
*****

الثقافه الأدبيه والسينمائيه :-

• متابعه كل الأفلام العالميه الجديده...والتخصص فى دراسه (الأخراج – السيناريو – التصوير – المونتاج )
• وجود خبره كبيره تم اكتسابها على مدار 20 عاما فى التوغل فى تاريخ السينما العالميه بدأ من افلام عام 1908 حتى عام 2000 مع التنوع فى المدارس السينمائيه بين الأمريكيه والفرنسيه وسينما شرق اوروبا ..مع مشاهده اكبر كم ممكن من الأفلام الكلاسيكيه .


• قراءه معظم الأدب المصرى والروسى والأنجليزى .
• الأطلاع على علوم النفس والفلسفه .
• متخصص فى فتره الحرب العالميه الثانيه والنازيه .
• علوم الخوارقيات والميتافيزيقا .
• الأساطير الأغريقيه .
• الفضاء (الثقوب السوداء – الأطباق الطائره ).
• تأريخ كامل لأشهر المقطوعات الموسيقيه العربيه والعالميه التى شكلت وجدان الشعب المصرى خاصة – والعالم اجمع .. مع عمل مكتبه كامله لأشهر الموسيقى التصويريه فى تاريخ السينما العالميه .

*****
ابحاث خاصه :-

• تأريخ كامل (صور – معلومات –مقالاات)عن الأفلام العالميه من عام 1990 حتى الأن

• دراسه تفصيليله عن الأستحواذ الشيطانى على الأطفال والمنازل فى السينما العالميه

• دراسه تفصيليله عن الأساطير الأغريقيه فى السينما العالميه

• ظاهره الكائنات الفضائيه والأطباق الطائره فى السينما العالميه

• الخوارقيات والظواهر الغامضه فى السينما العالميه

• الجرائم النفسيه والقتله المسلسلون فى السينما العاليمه


كنت أتمني أن لا أعود لكتابة مثل هذه الريفيوهات السلبية ، و خاصة بسبب توابعها ، بس اعمل ايه، هم اللي بيستفزوني يا عصام

في النهاية ينافس الأستاذ وائل بقوة علي مركز أسوء ما قرأت في عام 2014

وأرشح لكم هذين الفيلمين بدلا من قراءة هذا الشئ ، لأنني أنا أيضا اكتشفت أني خبير في السينما حيث قائمة أفلامي علي IMDB
أكبر من قائمة كتبي هنا

The Exorcist 1973

The Conjuring 2013

[Hend · Rating 1 out of 5]

يبدو أن الكاتب من أنصار: إذا لم تكن بقادر على الإبداع، فلا بأس من أن تقلد المبدعين
شئ مستفز أن ترى كاتب يسرق محتويات أحد الافلام الأجنبية الشهيرة وينقلها دون احترام لعقل القارئ
تلك هي الكتب التي بسببها دوماً ننادي الجودريدز بمنح القراء إمكانية منح تقييم بالسالب لبعض الأعمال الأدبية

[Ehabmohey1979 · Rating 1 out of 5]

لو كان هناك تقييم اقل من هذا لأعطيته لهذا الشئ المسمى روايه اولا الكاتب يستعرض ثقافته العظيمة في صفحته على الجودريدذ بقائمة كبيرة و يستمر الاستعراض داخل الشئ المسمى رواية فيتباهى بثقافته الموسيقية و التليفزيونية ثم معلوماته عن السحر ثم يحكي لنا بالتفصيل احداث الفيلم الامريكي الذي يحفظ الجميع احداثة طارد الارواح الشريرة الكتاب ممل بشكل رهيب اذا كان الكاتب مثقف فهذا شىء طبيعي لأي كاتب و الطبيعي ان يستغله فى ابتكار شئ جديد لا ان يستعرض ثقافته نصيحة للكاتب الفخور بثقافته يبعد عن مجال الروايه و يكتب كتب ثقافيه او مقالات او اي شئ اخر بعيدا عن هذا المجال لأنه ليس لديه أي موهبه على الاطلاق

[Hussein saad · Rating 1 out of 5]

لا أجيد كتابة الريفيوهات ، لكن هذا مجرد انطباع .. قرأت الرواية فترة صدورها pdf احتراماً لنقودي اولاً ، ثانياً كنت مجرد أحمق آخر يلهث وراء كتب الرعب البالية قبل أن اغير وجهتي الى أدب رعب عظيم في الكتب الأنجليزية ... عموما بعد اول مائة صفحة ستدرك انها رواية - مسروقة - من فيلم يعرفه نصف سكان الأرض . كتبت نقدي عنها وقام جمهور الكاتب المدعو بمهاجمتي فقمت بصرف نظري وازلتها من قراءات على الموقع حتى تيقنت اليوم ان لست وحدي ومن الواجب ان اقول رأيي تجاهها .

[Samar Elbaz · Rating 3 out of 5]

الروايه بدأت بدايه قويه وحلوه عن شادي والشيخ عبد القوي بعد كده بدا كلام كتيير ودباجه كبيره اوي عن يوم الجمعه وطقوسه في الثمانينات او التسعينات كانت كبيره بدرجه ممله بس قصه الطفل شادي مع الشيخ كانت مثيره وتشد ......
القصه الثانيه للطفله. ريجان عن استحواذ الشيطان لجسدها حسيتها مأخوذه من فيلم Emily rose
الروايه حسيتها استعراض معلومات اكتر ما هي روايه او قصتين
حسيت انها ممكن تبقي احسن من كده بكتير....

[Mãñøshã Eßrãhëm · Rating 1 out of 5]

الرواية عبارة عن فيلم ايميلي روز بس مكتوب بإستثناء مشهد واحد بس -_- ’’ مفيش اى حاجة جديدة ’’ حسيت ان الكاتب بيتكلم مع فئة عمرية معينة ’’ مش مع قراء ف اعمار مختلفة ’’ مش عارفة اية اللى دخل التليفزيون ف رواية المفروض انها رعب ’’ مش عارفة اية اللى دخل الفيلم اصلا ف الرواية ’’ ندمانة انى اشتريتها -_-

[Sahar · Rating 2 out of 5]

أوﻵ أسم الرواية نفسه حوااار بجد ودى نقطة تحسب للكاتب ، ثانيآ تداخل العالمين العربى والغربى فى الرواية شئ ممتع جدآ ، ثالثآ المقارنة بين الطريقتين فى طرد اﻷرواح الشريرة ادتنى احساس بالتنوع الجميل وأنا شايفة الشيخ أزاى بيسيطر على قوى الشر داخل شادى وأنا شايفة اﻷب داميان ازاى بيضحى بنفسه قصاد أنه يطرد الروح الشريرة من ريجان جالى احساس جميل بأن قد ايه رجال الدين الشرفاء العظماء والكلمتين دول بالذات تحتهم مليون خط عندهم أحساس عظيم بالمسئولية ولﻷسف دة بيتنافى مع واقعنا المرير حاليا اللى فيه كل يغنى على ليﻻه وأولهم رجال الدين ، رابعآ أنا بشكر صديقى العزيز وائل نصار على الرواية الممتعة دى بجد وبتمناله نجاح ساحق دايمآ وبقوله كمان ياريت يوصل تحية تقدير لصانع الغﻻف ﻷنه مميز جدآ :)

[MohaMed Khalaf · Rating 1 out of 5]

استفدت من الرواية دى حاجتين
الاولى : انى اتقفلت من القراءة مده كافية انها تخلينى اذاكر شوية عشان امتحانات الميدترم
الثانية : انى مش هيبقى عندى اى فضول انى اقرأاى كتاب مكتوب ع الغلاف بتاعه وائل نصار

[Amira Mahmoud · Rating 2 out of 5]

الغلاف مكتوب عليه رواية , لكن الحقيقة هو مش رواية بالمعنى اللى اتعودنا عليه
هو كتاب بيتكون من أربع أجزاء , لكن أكبر جزء منهم هو الرواية !

1_ الجزء الأول قصة قصيرة بيوضح فيها الكاتب معنى الأستحواذ , كانت قصة لذيذة ومرعبة في نفس الوقت
2_جزء بيوضح فيه ان ا��استحواذ مش شرط يكون استحواذ جان على بني آدم , ممكن تكون أبسط الأشياء المادية اللى بتعامل معها كله يوم , بتمارس علينا الاستحواذ
الكاتب مثلاً كان بيوضح استحواذ السينما الكلاسيكية والأفلام القديمة العربي منها والآجنبي عليه
الحقيقة أني لأول مرة اعدي صفحات في كتاب بدون قرأتها
مهما كان الكتاب ممل كنت بتحامل على نفسي واقراها , لكن الصفحات هنا كان كلها أفلام بأسماء أبطالها بتواريخها
حسيت دماغى هتفصل من كتر المعلومات المجردة , وبما أنى مش مُحبي الأفلام القديمة فاعتبرتها بالنسبة لي جهل لا يضر , ومقريتهاش :3
3_الرواية , كانت حلوة جداً
مشاعر الأمومـة اللى كانت بتغذى انفعالات البطلة وخوفها , أثرت فيا كتير
كانت شيقة ومثيرة , الا أنى مش قادرة أفهم بردو ليه الشخصيات أجنبية والمكان أجنبي
يعني الكاتب عربي , ليه أحداث روايته متتاخدش من الواقع اللى حواليه
فكرة التغريب دي معجبتنيش
4_الجزء الأخير شرح للأستحواذ بطريقة علمية , مقرأتهوش
لكن ناوية أرجع له في وقت تانى بأذن الله :)

الغلاف مقزز وشايفة أن مالوش اى علاقة بموضوع الكتاب , يعني الرواية كلها مجاش فيها سيرة قط أسود
مش عارفة اللى عمل الغلاف استوحى الفكرة منين بالظبط
لكنه في الآخر قام بوظيفته وهى أرعابي :(

العمل كان ممكن يكون أحسن من كدا لو كان متماسك ومترابط أكتر
عمل ملغبط :D

[Hoda · Rating 5 out of 5]

وائل نصار كلاكيت تاني لقاء على الورق
خرجت مرة اتفرج على فيلم نفيخ في السينما وندمت اني دخلته... كان إسمه I Franknstine وانا بندم كدة عديت على كشك الكتب اللي جمب السينما ولقيت كتابك منور وواضح كدة جمب الكتب واسمك اللي خلاني اشتري الكتاب خصوصا بعد ما حبيت الكتاب الأول كونت دراكيولا...
لما روحت ومسكت الكتاب اترعبت جدا من الشابتر الأولاني... لأن ليا تجربة خاصة بالموضوع ده واكتسبت معلومات مهمة، في نفس الوقت اكتشفت مصيبة حصلت لنا واحنا كنا سذج بالدرجة الكافية لإننا مانمنعهاش.. ونترحم على صاحبها :(
في الجزء الاخر وانت بتحكي عن الفيلم...
خلتني ادور عليه عشان عمري ماسمعت عنه أساسا...
طريقتك في الكتاب الأول خلتني افهم الفيلم وانا ماكنتش فاهمة حاجات كتير فيه... المرة دي أتحت ليا فرصة اني اعرف القصة الأول واتخيلها من منظورك الخاص ومن خلال وجهة نظرك زي ماوضحت رأيي عن دراكيولا....
وزي ماكنت بشتري كتب هاري بوتر واتخيلها قبل ماتبقى فيلم.... والحقيقةاني كما هو متوقع... حبيت القصة مكتوبة أكتر من الفيلم....
أحييك بشدة على المعلومات الي مكنتش هاعرفها الا من خلالك....
وعلى انك قدرت تستحوذ على اهتمامي للمرة التانية ....
أتمنى اشوفلك كتاب تالت قريب يحمل تشويق أكبر... ومعلومات كتير...
واتمنى المرة الجاية لما تنزل كتاب يحكي عن فيلم.. تنزل واحد من تأليفك معاه عشان الناس اللي مش عاجبها تحت دي ترتاح وتبطل حقد... ولو ان الحقد على شخص لا يدل غير على انه ناجح فعلا....
تحياتي

[walaa m · Rating 1 out of 5]

بصراحه عجبتنى اولها واسلوب الكاتب اللذيذ ال حسسنى اى هشوف مغامراته مع الشيخ وعالم تانى ال بيحكى عنه..

وبعدين بيحكى عن يوم الجمعه والبرامج التليفزيونيه والتعريف بيها " منكرش انه رجعنى لذكريات حلوة ف الايام دى" بس بردو فين الفايده ف انه يحكى عن التليفزيون والممثلين والموسيقى والساوند تراك لكل برنامج جاى منين...؟

فجأه لقيته قلب على فيلم ايميلى روز وطرد الارواح الشريره والقسيس وكل تفاصيل الفيلم بنفس الحكايه ال جات فيها..حتى الاب مارين زى الجزء الثالث من الفيلم اغلب المشاهد. فين الجديد؟

عاوز يقول ايه من الروايه..؟ بصراحه محستش باى متعه غير انى لقيتنى بكملها عشان مراهنه نفسى انه هيغير احداث الفيلم بس لقيته هو هو


للاسف روايه مش لذيذ خالص

[Jasmine · Rating 1 out of 5]

اولا" الرواية او القصة القصيرة المكتوبة واللي بيحمل "الكتاب" اسمها هي عبارة عن سرد لاحداث ممكن كانت تحصل مع اي مخلوق مكانش فيها اي ابداع او تاليف او حاجة من خيال المؤلف يتم مدحه عليها .... باقي الكتاب هو حكاية لفيلم "the exorsist" بطريقة تفصيلية جدا كأنه بيحكيه لحد ماشافوش ..... مع ان الفيلم قديم واكيد محدش من عشاق الرعب مكانش لسه ماشافوش .... الحاجة الوحيدة اللي عجبتني هي انه كان بيكتب اسم الموسيقى بتاعة البرامج الموجودة في الاذاعة ديه الحاجة الوحيدة اللي عجبتني في الكتاب بس لانها رجعتلي ذكريات كتيرة اوي ..... اتمنى اشوف احسن من الكاتب

[Dina Heikal · Rating 1 out of 5]

يحتوي هذا الكتاب علي:
قصة قصيره فكرتها جيده لحد ما.
سرد لبرامج الراديو يوم الجمعه دون مبرر او افاده للقصة و لسبب ما توضيح أصل كل موسيقي سمعها في البرامج . هذا الجزء من صفحة 50 ل 62 حوالي 12 خارج تمام عن الحبكه و مالهمش اي لازمه غير ربما أيضاح أن الكاتب سمع البرامج ده كتيييييييييير. أفتكرته قصده أن القراء من جيله هيقروها و يعيشوا جو نوستالجيا. بس مش هنا. ممكن تتكتب في مقال مثلا يوضح فيه معرفته العظيمة ده.
ترجمة the exorcist ثم

[Mostafa El-Bakry · Rating 1 out of 5]

سيئة ... بشعة ... قرائتها إهدار للوقت!

مبدئيا الكاتب ضعيف جدا في اللغة العربية، على سبيل المثال و ليس الحصر اللي يجر فاعل ميستحقش يتقراله!

الجزء الأول من الرواية جيد إلى حد ما، الجزء التاني هو مزيج من فيلمي Exorcism of Emilie Rose و The Rite مع دقة متناهية في النقل الأمين و كأن الراجل بيفرغ الأفلام بالعربي علي ورق فلوسكاب! ... جدير بالذكر إن الرواية (في جزئيها) لا تخلو من الثغرات كمان

باختصار ... من أسوأ ما قرأت

[Nancy Thompson · Rating 5 out of 5]

رواية رائعة .. ذكريات الثمانينات و الحياة الجميلة مختلطة مع إستحواذ و تداخل الشر فى عالمنا .. رواية مشوقة من اول سطر. معلومات جميلة. شكراً صديقى الجديد :)

[Dina Khalil · Rating 1 out of 5]

محبتهاش
ايه الغرض من فكرتها، وفين الابداع الي فيها؟؟
ولا اثارة ولا تشويق ولا اي خوف ولا اي حاجة خالص... ده كان رد فعلي بعد ما خلصتها

[عائشة بكير]

استحواذ رواية حُق لها أن يطلق عليها هذا الاسم
كتبت : عائشة بكير
استحواذ رواية بقلم : وائل نصار ( الميتافيزيقة) عالم ما وارء الطبيعة

قال تعالى: المجادلة آية 19( اسْتَحْوَذَ عَلَيْهمُ الشَّيْطَانُ فأنسَاهُمْ ذِكْرَ اللهِ)

هناك الكثير من الأسباب التى تجعل تلك الرواية تستولى و تستحوذ عليك بالمعنى الحرفى للكلمة .
فى البداية تبدأ الرواية بلهجة ساخرة تهكمية من الدرجة الأولى تشعر معه كما لو كنت تشاهد مسرحية كوميدية , ولكن هيهات هيهات فهناك فى أعماق تلك الرواية رحلة لم تبدا بعد بها الكثير من الخبايا والأسرار , وبها بعض المعلومات هنا وهناك مثل أشهر أسماء كتب السحر التراثية ,ومعرفة أشد أنواع السحر وألعنها وهو السحر الأسود , معلومات عن أسماء مخرجى ومؤلفى السينما , ونسبة كل مقطوعة موسيقية إلى مصدرها الرئيسى .
لنعرج بك من جديد لتبدأ قصة من الواقع , كاتب لديه كم من الجنون والجنوح عن كل ما هو طبيعى فى عالمنا , ويكون صديق لشيخ يدعى "عبدالقوى" كيف ذلك والضدان لا يجتمعان.
أنت الأن فى وسط صراع بين ما هو حقيقى وما هو وهمى وخرافة ولكن الحقيقة الوحيدة هى التى يجب إن يقر به الجميع لا يوجد شيء اسمه مصباح علاء الدين الذى يحقق الأحلام .
1 - جمع الكاتب فى الجزء الأول من الرواية دقة الوصف والسخرية فى التعبير الذى يجمع بين المرح والحزن أحياناً أخرى , وفكرة الاستحوذ فى هذا الجزء تعنى التميز لا الاستيلاء والتملك , ولكن فى الجزء الثانى تعنى المعنى الحقيقى للاستيلاء والتملك والسيطرة بأبشع الطرق وأحط الوسائل. فكرة الخلط بين المفاهيم الخاصة بمنعى الاستحواذ .
2- دقة الوصف فى الجزء الثانى من الرواية ( فى ملابس الكهنوت الرائعة وذلك الوشاح الأحمر النارى ) ( وكأن جسدها كرة من المطاط ) ( نافورة من الدماء الحمراء القانية انطلقت من فمها ) أجاد فى وصف مشاعر الأم وخوفها الدائم على طفلتها (ريجان) البالغة من العمر 12 عام وهناك محافظة على التسلسل المنطقى للاحداث والتتابع مما يجعلك لا تشعر بالملل من خلال سرعة التصوير.
3- التأثير فى هذا الجزء قد يسقط منك الدموع دون أن تشعر دموع متاثرة بما يحدث هذا الجملة تعليق على المشهد السابق فتخيل هذا المشهد ( شوفت ولاد الكلب بيعملوا ايه فى ولاد الناس ؟ خلاص الدنيا مبقاش فيها أمان ) للأسف هذا الأمر هو سمة العصر الذى نحن بصدده وقد تحدث الكاتب عن هذا الأمر بدقة منتهى ومصداقية رائعة عن الحقد والغيرة والحسد التى تدفع الانسان لاذاء أخيه الإنسان . .

4- التأثير المعنى الحقيقى للصداقة عندما تتغلل بين اثنين فالأرواح تتلقى سوياً دون حديث ( نظرة واحدة لعينى من أحمد عرف بقراراى ) وبرغم كل ما يقسيه الأنسان من ألم فهو بهذا الامر يتخطى الصعاب .
5- الجنوح فى مسار أخر سريعاً ونظرة على كل ما هو أصيل فى حياتنا بداية من الإذاعة وما تحويه من كنوز نهاية بالتليفزيون والسنيما وما تمد بها الإنسان من ذخائر تنفعهم ولكن للأسف الأن أهم شعار التليفزون المصرى هو الكذب وبشكل حصرى .
6- الربط الخفى بين الكثير من الأحداث هو أساس تلك الرواية , فى الجزء الأول والثانى منها فذكر فيلم الليلة الأخيرة قصة (إمراة تعيش فى كيان إمراة أخرى وهى لا تدرى من هى بسبب طمع زوج أختها فقد استولى على عقلها ليهمها أنها إنسان أخر) فكرة (الاستحواذ) .
رابط بين ما طلبه الشيخ عبد القوى من أحمد و وائل وبين ما طلبه الأب "مارين" من الأب "داميان"
ربط بين فعله "وائل" مع شادى وما أراد القيس "داميان" فعله مع بعض الصبيه فكرة المفرمة وتحطيمهم بأى وسيلة
ربط بين "وائل "وأم القيس "داميان" فى الاستماع الى الراديو وعشقها له فهو السلوى لديه فى غياب ابنه ,وفكرة الهروب من تحمل المسؤلية تجمع بين "وائل" والقس "داميان" الأول خاف من تحمل مسئولية شادى والثانى من مسئولية أمه لانه دائما منشغل بعمله.
الربط بين أغنية مسرحية الهمجى, (و الآن .. معدش لك حجة .. إن الشيطان أقوى .. معدش لك عذر الآن .. اتقدم و هات برهان يثبت .. إنك بحق ، لم تعد حيوان و إنك تستحق .. لقب انسان ) وما كان يفعله الشيطان فقد كان يتعامل مع الطلفة "ريجان " بسادية تفوق حد الحيوانات .
الربط فى نهاية القصه ختمت بأغنية لفيروز كلماتها تتحدث عن الفراق ولا أعلم هل هذا مقصود أم لا , الفراق والوداع نهاية كل شئ وكانت نهاية الرواية وفى النهاية جاء ما كنت ابحث عنه فكرة طرد الأروح فى كل ديانة ومذهب , فالفكرة واحدة عند الجميع مع اختلاف الطرق .
وقبل انتهاء الرحلة هناك تعقيب
فهى تدور حول فكرة ضعف الإيمان والذى يحيى بداخلنا بدافع الإنسانية والحب كى يقوى مرة أخرى وهناك الفكرة المضادة لها عدم الإيمان من الأساس وانكار البعث والجزاء. (الهك ليس موجودا اليوم أيها الكاهن لينقذ كل هولاء من يدى ) ذكر الكاتب فى الرواية شيء مشابه إلى حقيقة تذكر فكرة( مثلث برمواد ) واللعنة والمطاردة التى لا تنتهى ودائما هناك تناحر بين قوى الخير والشر .
نقطة فقد ظللت ابحث عن الاب مارين حتى يأتى دوره متى سوف يظهر كى يلعب دوره فى هذه القصة وكنت أشعر و أتوقع أن ثمت علاقة بين الأب " مارين " و"ريجان" تلك الطفلة المعذبة المحتلة من الشيطان والأب "داميان" ليتأكد لى هذا قرب انتهاء الرحلة وهناك تمركز حول فكرة المخلص فى شخص الأب "داميا " كما كان فى الجزء الاول متمركز فى شخص الشيخ "عبدالقوى" , وهناك مشهد هو الأكثر بشعة يجعلك تقشعر عندما تقراه يسبب لك بعض الضيق النفسى لحظة استخدام "ريجان" للصليب فى عملية جنسية وهى تحت سيطرة الشيطان عليها , وأيضا هناك عامل مشترك فى فكرة طرد الأرواح وهى الماء المقرؤ عليه مع اختلاف الطرق .
وتطرحت الرواية شيء هام جدا فكرة اليأس من رحمة الله مما يجعل الإنسان لا يعجل بالتوبة مسيطر عليه عدم رضا الرب عنه حتى يستمر فى الخطايا مدى الحياة , والشيطان يلعب دائما على الوتر الأضعف وهى أخطاء الإنسان وقوى الشر تكمن فى الإنس وفى الجان معا.
وعندما أوشكت الرواية على الإنتهاء كنت قد توقعت بعض أحداثها من قبل وجاءت كما توقعت وسألت نفسى عدة اسئلة ,هل توقع ما يحدث يعد ضعف من الكاتب أم ذكاء شديد منه ؟ يجعلنى أعيش معه بعقلى وقلبى واضعة نفسى فى محك المشهد. هناك فلاش باك حدث مرتين داخل الرواية ولم يتكرر.
الجملة الأكثر تاثيرا فى المخلص" داميان" من الأب "مارين" ( لا تنس كلماتى اأيها الأب "داميان " واجبك تجاه نفسك أن تجعل قوى الخير تنتصر فى النهاية داخل أعماقك ) تكرار الجملة يوحى بشيء يجعلك فى حالة من اليقظة من هول ما سوف يحدث عند مواجهة قوى الشر والخير معاً , فى النهاية كنت اتوقع نهاية غير ذلك فقد جاءت مخالفة بعض الشئ لتوقعاتى برغم توقعى للكثير من الأحداث التى جاءت موافقه لتوقعاتى فى أحيانا كثيرة , ولكن أقول ما هى النهاية عليك الاطلاع عليه بنفسك ويبقى سؤال هل هناك من يضحى براحته وحياته مقابل انقاذ إنسان أخر الاجابة لديكم فهو سؤال حيرنى كثيرا , ملاحظة أخيرة عالم الجن ليس من الاساطير والخرافات بل هو عالم غير مرئى لنا ولا يستطيع أى شخص انكاره .
قوله تعالى : واتبعوا ما تتلوا الشياطين على ملك سليمان وما كفر سليمان ولكن الشياطين كفروا يعلمون الناس السحر وما أنزل على الملكين ببابل هاروت وماروت وما يعلمان من أحد حتى يقولا إنما نحن فتنة فلا تكفر فيتعلمون منهما ما يفرقون به بين المرء وزوجه وما هم بضارين به من أحد إلا بإذن الله ويتعلمون ما يضرهم ولا ينفعهم .
الختامة
الرواية هى رحلة من الصراع النفسى والعصبى المغلف بالحب والاحتواء تتناحر فىها قوى الشر والخير معا و وبدخلك رغبة فى الانتصار على قوى الشر مهما كلفك ذلك حتى وإن كانت حياتك رحلة سوف تجعلك تضع قدمك فيها ولا تريد العودة منها إلا بعد اكتمال خيوطها والانتصار فى نهايتها أنها حقا استحواذ بكل ما تحمله الكلام من معانى تفوق الكاتب على نفسه فى اللغة والوصف والمحافظة على التسلسل .

[Amr EL-Saeed · Rating 1 out of 5]

للأسف كنت مشتريها من زمان من أول مانزلت تقريبا
ومكنش لسه فى آراء كتير فيها زى الموجودة دلؤتى
حاجة عاملة زى من كل فيلم أغنية ونحت واضح لتشبيهات كتير من د.أحمد خالد توفيق
خلانى قفلت من الكتاب كله ومقدرتش أكمله رغم إنى ضغط على نفسى أكمل بس مقدرتش بصراحة حاجة هلامية

[Basem · Rating 2 out of 5]

استحواذ
اولا الشهاده لله انا استمتعت بيها
ثانيا بشكر الكاتب على بحثه عن موسيقى البرامج اللي فضل وراها واللي انا شخصيا كنت بدور على حاجات كتير منها
ثالثا الروايه الاولى مش وحشه ولكن مش عارف هيا بتعمل ايه .. يعني انا مش فاهم قصه شادي الغرض منها ايه في الروايه
رابعا الروايه الثانيه .. اللي مستحوذه على معظم الكتاب دي كتابه رؤايه عربيه لفيلم the exorcist انتاج سنه ١٩٧٣ نصا وحرفا .. انا عن نفسي استمعت بقراءة الفيلم وده شيء مش وحش .. بالعكس .. افلام كتير اجنبي نزلت وبعدين نزلت روايه تحكي قصه الفيلم حرفا ونصاً
خامساً الجزء اللي بعد الروايتين ده انا مش فاهمه خاااااااااالص ومش عارف بيعمل ايه
انا قريب الروايه للاخر ومحسيتش بملل .. فقط عدم فهم لحاجات بسيطه .. التجربة مش بطاله واسلوب الكاتب كويس .. اتمنى بعد كده يكون فيه "التاتش بتاعه" .. ويغير في شكل الفيلم اذا قرر سلوك نفس الطربق مره اخرى

[Mahinour Ahmed · Rating 1 out of 5]

مبدأيا الكتاب مكتوب عليه رواية !!! هو عبارة عن اربع قصص ملهومش اي علاقة ببعض غير سطر واحد تقريبا
في نص الكتاب حسيت اني بقرأ رواية اجنبية مش عربية لدرجة اني كنت بقفل الكتاب اتأكد اني مأخدتش كتاب غلط ولا حاجة ... وبدأت احكي الرواية لأخويا اللي اكد لي ان الرواية ديه اصلا فيلم وبدأت اتفرج علي الفيلم
طب هما الناس مش عارفين يتفرجوا عليه عشان حضرتك تكتبه في رواية وتحط عليها اسمك !!! المشكلة ان الاجازة في اولها وانا اتقفلت من القراءة بالرواية ديه

[Salma · Rating 1 out of 5]

يعنى هو يا بيستهبلنا يا بيستعبطنا انا اعرف ان الرواية ابداع ابتكار اول جزء فكرة اتعملت مليووون مرة محستش انها جديدة بعد كده بدأ يستعرض ذكريات الطفولة (بيملا ورق و خلاص ملل...) بعد كده ابتدا القصة حلوة جدا بس حسيت انى بشبه عليها طلع جاتلو نفس الفكرة ال جت لمؤلف فيلم اجنبى شفته من خمس سنين سبحان الله بعد كده دخل على جوجل جبلو كام معلومة و هنا نشوف انه اتحققت شروط الرواية منتهى الابداع والابتكار.!؟!

[Manousee · Rating 1 out of 5]

مع احترامي للكاتب بس نجمة كتير عليه !!
كان اسهل و اوفر لكم الصفحات الكتير دول يختصر ده كله
في صفحه واحده مضمونها
" شاهد هذا الفيلم مع اسم الفيلم"
!!

[Engeman Mahmoud · Rating 1 out of 5]

أنا كنت ناوية اكتب رأيى فى الرواية و ازاى اتنقطت لما لقيته بيحكى فيلم كلنا حافظينه و من تراثيات السينما
بس بما ان الناس كلها خدت بالها
مش هتكلم كتير

[SOUKY 🤓📚 · Rating 1 out of 5]

ايا كان النقد فلابد ان يقدم بأسلوب مهذب للكاتب … ليس هنا المجال لنقد هدام…استاذ وائل نصار للاسف لم تكن موفقا في هذا الكتاب بالمرة…لعدة أسباب:
١- من سمات الكتاب الناجح الا تشعر بالملل اثناء قراءتك له و دة على عكس اللي حصل معايا انا اضطريت اجبر نفسي اخلص الكتاب لاني مبحبش اسيب كتاب في النص كدة…
٢- ما هو الداعي لهذا الكم من المعلومات الذي لا فائدة منه على الاطلاق ففي فقرة الذكريات مثلا عن يوم الجمعة بالتفصيل لم يكن له داعي كان ممكن تستبدل دة بذكرى او اتنين …ليه افضل اقرأ اسامي مقدمين برامج و افلام و انتاج و اخراج و سنة كام و الساعة كام…دة ليس كتاب عن حياتك الشخصية دة كتاب له موضوع مستقل حتى لو حضرتك حبيت تدخل نفسك في وسط الاحداث لا ضرر من ذلك …فالمعلومات الزايدة دي كانت ممكن تقلل ثلث الكتاب او ربعه على الاقل
٣- للاسف لما نتكلم بقي عن القصة الرعب فهي للاسف قصة مستهلكة و عارفة ان اغلب الافلام اللي من نوع طرد الارواح بتناقش نفس الفكرة بنفس التفاصيل تقريباً…برده معنديش اعتراض ان حضرتك تكتب في موضوع اتهرس في افلام و كتب كتير بس فين بصمتك ككاتب …كنت ممكن تاخد اصل الموضوع و تبلوره في شكل شيق اكتر…بصرف النظر ان القاريء يكون شاف الافلام دي و نقد البعض ان حضرتك ناقل فيلم اجنبي بعينه …
٤- ليه بقي ليه بجد بعد ما النهاية تتكتب حضرتك تتدخل تاني بفصل ليس له ادنى اهمية برده باسامي و تفاصيل و تواريخ عن يوم في حياتك لحد ما نمت…
٥- النجمة الوحيدة اللي اشكرك عليها هي اضافة معلومات عن طرد الارواح في مختلف المعتقدات الدينية و بلو ان غيها اسهااااااب و تكرير بس استفدت منها على سبيل معرفة وجهة نظر كل اعتقاد ديني في الموضوع دة…و طبعا طريقة الكتابة ككل كانت جيدة …

أرجو ان حضرتك تقرأ اراء القراء و اكيد الكاتب لازم يشرف نفسه من خلال عيون القراء علشان يعرف يحدد هو فين و ايه اللي ممكن يعدله في كتابته و ايه الملحوظات اللي ممكن يتفاداها في اعماله القادمة…

[Dandona Nabil · Rating 1 out of 5]

روايه سييييييييييييييييييئة جدا فالاول بيتريق ع صاحبه رشيد ده بقلة ادب لا تتناسب مع اللى هيقرو بعد كده بعد كده بيروح للشيخ ويدينا تفاصيل عن بنت حلوة راكبه فالميكروباص وشويه حشو وكلام هرى فالنص وبعدها تريقه ع مرات الشيخ بعدها بيودى شادى للشيخ اللى بيقرا قران وايات الكاتب ما ذكرهاش يمكن مش عارفها او مش حابب يذكرها بس قياسا كان ميقولش نصوص من الانجيل بعدها شادى بيتقيأ وده الشعار الرسمة للكتاب لان برضو ريجان بتتقيأ والمفروض القارئ يستحمل كل هذا القئ بعدها تفاصيل عن ما تفعله العائله يوم الجمعه طب انا مالى
ثم نقله مفاجأة لحيايه الشيطان زوزوا والقس وبعدها بننسي الحوار ده ف حوار تانى لشخصيه ريجان وممامته والاب دميان طب الاحداث اتنقلت ازاى من مصر وشادى لريجان ودميان الله اعلم
وبعدها بقى قصه ريجان دى اللى هى اصلا كوبى من فيلم the exorcist
ده نسميه اى بالظبط !
وفالاخر بيقولنا نرجع بقى للواقع لاغانى عجيبه
واخر كام صفحه معلومات من جوجل عن طرد الارواح
بجد الكتاب سئ جدا وانا مصدومة من المستوى ده ومن النقلات غير المفهومة فيه

[Marwa Sallam · Rating 1 out of 5]

المفروض اكتب ريفيو بس مش عارفة اكتب ايه لأني مش لاقية رواية اكتب عليها ريفيو أصلا!!!!!
وواخدة تقييم 3 نجوم ليه؟؟؟؟؟ هي الناس اللي بتدي تقييم مرتفع تقييمها ده كان على أساس ايه بالضبط؟؟؟ البداية كانت مع قصة قصيرة جدا تقليدية جدا جدا لطفل معمول له عمل بيروح لشيخ بيفكهوله وخلاص كده مع جرعة نوستالجيا ثمانينيات وبعدين فجأة وبشكل غير منطقي ولا مفهوم لقيت الجزء الأكبر من الكتاب ومش هقول رواية لأني مش هشارك في الغش والتدليس ده عبارة عن نقل مسطرة لاثنين من الأفلام الأمريكية الشهيرة جدا!!!!
المذهل أن في دار نشر وافقت تنشر هذا الهراء ومن الواضح أن العقلية التجارية بقت بتطغى على كل شيء حتى الضمير.
غش واسفة مش لاقية له اسم تاني وندمت جدا لشراء هذا الهراء خسارة ثمن الحبر والورق بجد بس اللي استفدته اني مستحيا هفكر اقرأ حرف تاني لناسخ هذا الكتاب ومش هقول كاتب لأن ده حتى مش كتاب مؤلف إلا يا دوب في كام صفحة في المقدمة.

[Rasha El-Ghitani · Rating 4 out of 5]

وائل نصار كلاكيت ثانى مرة
كان لنا لقاء سابق مع الكونت دراكيولا
وحديثنا اليوم عن الارواح الشريرة والاستحواذ
هل شاهدت فيلم طارد الارواح الشريرة من قبل؟؟
http://en.wikipedia.org/wiki/The_Exor...
وكعادة الكاتب نجد انفسنا فى البداية وسط حياته العادية اصدقائه - اكلته المفضلة وحتى ملله المعتاد من تلك الحياة
ووسط احداث عادية نجد انفسنا مع الشيخ عبد القوى والطفل شادى وتجربة مصرية صميمة عن الاستحواذ والاعمال السفلية
لننتقل بعد ذلك الى فيلمنا الاساسى فى تلك الرواية وهو كما ذكرنا "طارد الارواح الشريرة" لنحيا جو من الرعب لا مثيل له مع الصغيرة ريجان
ثم نصل الى النهاية التى يعقبها شرح لمفهوم الاستحواذ فى اليهودية والمسيحية وحتى فى الاسلام

ببساطة احببتها ولعلها تناسب عشقى للرعب اجل لقد استمتعت كثيرا بمنظومة رائعة

[Moha Azmy · Rating 1 out of 5]

اولا هي مش روايه اصلا
ثانيا هي واحد قعد اتفرج على فلمين ارواح وقعد شويه على النت وقالك اكتب كتاب
ثالثا لو كنت قريت عن الموضوع على النت كان هيبقى الاسلوب احسن لان مفيش اسلوب اصلا ولا بلاغيات ولا جماليات كتابه ولا اي حاجه تدل على الادب خالص
رابعه مقدمه سيئه وملهاش اي لزمه
خامسا ملل شديد من صفحه ونصف من اسماء كتب السحر لا تعنيني ولا تؤثر في سياق القصه وتخرجني من محاولة الاندماج اللى متوفقتش فيها
سادسا من صفحه 50 الى 62 طقوس يوم الجمعه على الراديوت والقنوات التلفزيونيه الاولى والتانيه قمت الملل وملهاش علاقه باي شئ في الكتاب الا دفع القارئ للانتحار
سابعا نهاية الفقرات المستفزه على طريقة رجل المستحيل مثل
له رائحة القبور
بل رائحة الموت ذاته
اسلوب مستفز وطفولى بشع

واخيرا كتاب سئ حزنت كثيرا على ما دفعت فيه من مال وصرفت عليه من وقت

اما النجمه الوحيده على وصفه لفيروز بانها صوت السماء

[Ahmed Refat · Rating 3 out of 5]

هى رواية حلوة ممتعة و مسلية بس مش مرعبة بتتكلم عن استحواذ الشياطيين على جسم الانسان على هيئة قصتين واحدة فى مص و المعالج هنا بيكون شيخ و بعدين مرة فى امريكا و المعالج بيكون قسيس بس الكاتب فى الرواية حسيت انه بياخدنا فى كذا جو يعنى فى الاول بيتكلم عن الولد الشقى اللى بقى هادى و بيكلمنا عن اول لقاء بيه و بين الشيخ و بعدين يدلخنا فى طقوس يوم الجمعة ايام التمانينات و التسعينات و بيدلخنا اوى فى جو الفترة دى من برنامج عالم الحيوان الى الشيخ الشعراوى الى برامج الراديو و برامج اذاعة البرنامج العام حسيت ان الجزء ده من الرواية دخيل على الجو العام ليها * رغم انه جزء ممتع * بس زى ما يكون مية ساخنة و بعدين مية ساقعة على طول و بعدين دخلنا تانى فى جو المعالجين و كده و صحيح فى اخر الرواية فى تعريف بطقوس العلاج فى اغلب الثقافتات و الديانات .