أتوبيس كومبليت

by عبدالرحمن شاكر

نعيش في وطن استبدلت فيه «الرياضة الأولى» كُرة القدم برياضة ركوب الثورات، وطن يحتاج للماءوالهواء والازدواجية من أجل استمرار الحياة؛ نُطلق فيه على بعضنا شعب ابن نُكتة لما بنهزر، وشعب ابن %$@# لما بنغلط، وطن تعلمنا فيه قديمًا أن صيد السمك يُعلم الصبر، وأصبح الآن تعليمه من خلال الطُرق، اختراقنا الدائم للطبيعة شئ روتيني؛ فأصبح من الضروري تبديل الرؤساء كل كام يوم مثل تبديل الجزمة الجديدة «عشان النِفس»، تقلصت أحلامنا في الشهادة برصاص أو الهجرة، وأحيانًا الشهادة الجامعية ثم الهجرة أيضًا، تحولنا من المشي جنب السور إلى المشي بعيدًا عن السور «عشان ريحته»، وجُملة «أتوبيس كومبليت» كانت مُجرد اسم لعبة إلى أن أصبحت أسلوب حياة.

يتكون «أتوبيس كومبليت» من 19 مقالًا و7قصص قصيرة، ويمثلون النصف الأول من الكتاب، والنصف التاني هو تايم لاين سياسي ساخر لأحداث وأخبار ما بعد الثورة إلى الآن.

https://www.facebook.com/groups/53733...

152 pages, Paperback

First published January 22, 2014

About the author

- عبدالرحمن أحمد شاكر
- مواليد أكتوبر عام 1993
- حاصل على ليسانس الحقوق
- كتب في مجلة "كلمتنا"
- صدر له كتاب ساخر بعنوان "أتوبيس كومبليت" في 2014
- صدرت روايته الأولى "أوركاچيا" في 2015
- صدرت روايته الثانية "الكوارثُ لم تأتِ بعد" في 2019

Reviews

[محمد عصمت · Rating 4 out of 5]

كتاب ممتع و لذيذ
ضحكت و انا بقراه و يمكن حقق اهم حاجة مطلوبة من الساخر ... أثر فيا مش ضحكني و بس

كتاب ممتاز لكاتب رائع

[Ameera Mostafa · Rating 4 out of 5]

ضمن قائمة الكتب الخفيفة اللي تتقرا ف أي وقت،،
بالنسبة للجزء الأول ف الكتاب في مقالات عجبتني ومقالات عادي تقليدية،، أفضل حاجة فيه انه تحسه بيعبر عنك انت ك شخص مصري،،
الجزء التاني برغم ان في حاجات كتير منه كنت قريتها قبل كدة إلا انه حلو ف فكرة انه بيعيشك تقريبًا أحداث ال3 سنين اللي فاتوا،، تجميعة حلوة عامةً

[Abanoub Magdy · Rating 3 out of 5]

حبيت الجزء الاخير من الكتاب"تايملاين سياسي ساخر"لانه مكتوب بشكل رشيق ودمه خفيف جدا.

اما الجزء الاول جزء منه سياسي وجزء منه مش سياسي


السياسي:انا متفق مع الكاتب في بعض وجهات النظر ومختلف معاه في وجهات نظر تانية


غير السياسي:كان محتاج يكون فيه فكرة اوضح


الكتاب بشكل عام كان محتاج معلومات اكتر وتدقيق في الكلام عشان الكلام يكون مبني علي اساس قوي خصوصا في المقالات غير الساخرة


"في العموم انا ابتسمت وضحكت وبداية موفقة لــــــــــــــ"عبد الرحمن شاكر
وفي انتظار الاعمال القادمة :)

[ahmed · Rating 4 out of 5]

كتاب جيد بالنسبة انه اول اعمالك فى كذا فصل من الفصول الحلوة فشخ واولهم طبعا الخروف لاحس البيادة وفصل اين ستجد مثل هذا الرئيس وفصل اتوبيس كومبليت وجزء تايم لاين سياسى ساخر من الحاجات الحلوة فشخ فكرتنى بالثورة "المستمرة" بالتوفيق ومبروك :)

[سمير قنبر · Rating 4 out of 5]

عن كتاب اتوبيس كومبليت لـــ عبد الرحمن شاكر AbdelRahman Shaker
حزر فزر ... مين صاحب البروفايل بيكتشر .. كلمة في جملة على غلاف الكتاب توضح كثيرا مما اراد الكاتب ان يطرحه في كتابه
- كتاب ساخر ..نعم ولكن هادف بشكل واضح
- اتوبيس كومبليت كتاب سياسي بنكهة ساخرة
- ستبتسم وترتسم انكسارات الملامح على وجهك وستبكي داخل روحك من كوميديا سوداء صنعها عبد الرحمن بحرفية لغوية متميزة
- قسم كتابه الى فصول ووضع اسم لكل فصل يدلل على ما يريد طرحه
- عادات وتقاليد ورواسب في النفس ناقشها دون تطويل او التفاف
- حال سياسي واجتماعي
- رصد وتأريخ سياسي لمواقف رجالات كان المفروض ان يكونوا فعلا رجالات
- نقد لاذع لاشياء تحدث في كل يوم من حولنا جميعا يحاول بهذا النقد لفت انظارنا حتى نحاول التغيير او على الاقل معرفة ما يحدث حتى نعي مستقبلنا
- مشاهد متكررة يصورها من وجهة نظره الشخصية معلنا عن رؤيته
رؤية تستحق القراءة .. ادعوكم لها
‫#‏اتوبيس_كومبليت‬ .. كتاب ساخر ... عبد الرحمن شاكر
‫#‏سمير_قنبر‬
‫#‏نقرأ_لنرتقي‬

[Ahmed · Rating 5 out of 5]

الكتاب جامد جدا جدا عجبني طريقه الكتابه اوي تحس انك قاعد مع واحد بيحكيلك مش انك بتقرا كتاب زي ما اتعودنا يشدك اوي لدرجه انك متبقاش عايز تسيبه لحد ما تخلصه ده غير انه مطابق للواقع 100% ويخليك تعيش معاه كده ده طبعا غير الغلاف الرائع للكتاب يخلي الواحد يتشد اوي وتايم لاين سياسي ساخر جامد جدا وكمان علي قد رجلك فصل لحافك و عاداتي وتقاليدي.. فلتذهبو الي الجحيم

بجد الكتاب جامد جدا ربنا يوفقك ومستنين المزيد من الكتب الجامد

[Amani · Rating 5 out of 5]

في المجمل الكتاب حلو وكل مقال احلي من التاني المهم ان الكتاب كان هيفضحني فاتحة ملزمة الفلسفة وحاطه جواها الكتاب وعاملة اضحك
بس من اكتر الحاجات اللي عجبتني "اللي ذاكر ذاكر-طريق اجباري-ثانويتنا حماها الله-الثورة حكر-انت احسن واحد-فين النسيم في الفسيخ
الخروف لاحس البيادة -عاداتي وتقاليدي فلتذهبوا الي الجحيم
والتايم لاين اللي في الاخر ده عجبني اوي كأنك بتعدي برحلة في الاحداث اللي حصلت لكن بشكل ساخر

[Rasha Wahdan · Rating 3 out of 5]

ابهرتني لصغر سنك العمري والكتابي
حسيت ان شباب كتير متنورين ويقدروا يميزوا كويس اوي
وحسستني ان لسه فيه امل .. ولسه فيه مواهب كتير
ضحكتني كتير لدرجة ان الناس كانت بتستغربني وانا باضحك وانا باقرا الكلام بتاعك في المواصلات والمترو
بس حاسة ان لسه فيه عندك كتير تقدر تقدمه ... واظن دراستك للحقوق وقرائتك للكتب والكتاب الكبار هاتثقل اكتر من موهبتك اللي قلت عليها
ربنا يوفقك وهاستنى كتابك الجاي وهاتوقعلي عليه ان شاء الله بس في اسكندرية بقى :ي

[Heba Amer · Rating 4 out of 5]

الكتاب فى بدايته لا تفصلنى شكرا حلو و يرسم الابستامة تلقائيا المقالات قصيرة و شاملة الكلام اللى عايز تقوله كله و فى كذا مقال عجبنى زي فين النسيم فى الفسيخ و عاداتى و تقاليدي فلتذهبوا إلى الجحيم و متحلمشي و الثورة حكر وانت احسن واحد اللى هو اكتر مقال عجبنى جدا فى الكتاب و أثر فيا اسلوبك حلو و مايتزهقش منه حتى لو الكتاب اتقرى اكتر من مرة
جزء التايم لاين فكرته حلوة بأن فيه كل احداث الثورة بسخرية شوية و جد شوية و بما انه أول عمل ليك حلو جدا بداية موفقة و مبروك مستنية باقي اعمالك ان شاء الله

[Hala Kotb · Rating 5 out of 5]

بجد كتاب رائع فعلا انا خلصتة ف 3 ايام
اصلا اسمة شدني ومندمتش لحظة اني اشتريتة
من اول موضوع اتشديت محستش فية بالملل زي معظم الكتب التانية الموضوعات شيقة
لانة شاب زينا وبيكتب فعلا اللي بيحصلنا وصراحة وانا بقرأ الكتاب متمنتش انة يخلص و كانت في موضوعات تمثلني شخصياوللصراحة في بعض الموضوعات قفلتني ولكن دة عادي بما انة كتابة البكري
و انا منتظرة بشغف العمل القادم

[إيمان · Rating 3 out of 5]

كتاب خفيف و لذيذ سياسى اجتماعى ساخر فى مقالات كتير عجبتنى اكترها الامم الملتحفه / لو بطلنا نبعت نموت / الله يرحمه مات مفزوع / فين النسيم فى الفسيخ / اللى ذاكر ذاكر / تجنيد فايف ستار و فى المقال ده اسال عبد الرحمن شاكر مين كاسى نبيل ؟ / اتوبيس كومبليت .. /

مجهود من الكاتب كاتجربه اولى حلو لكن اعتقد ان الاسلوب ده هيكون عنده الاحلى و ده اللى اتمنى اشوفه للكاتب فى شغل تانى ان شاء الله

[Shrook Hassan · Rating 4 out of 5]

اولا بما ان الكتاب اول اعمالك فهو اكتر من رائع اسلوب الكتابه بسيط وممتع.. كتير من المقالات عجبتني جدا جزء التايم لاين حسيته ممل شويه كنت شايفه انه لو كمل مقالات كان هيبقا احسن .. ف النهايه الكتاب اكتر من رائع وف تقدم دايما وربنا يوفقك ومبروك

[Hassan Ibrahem · Rating 4 out of 5]

كتاب ما بين الجيد و الجيد جدا فى مجمله وان كان الموضوعان الاول و الثانى كانا بدا لى ركيكان نوعا ما ولكن الاسلوب اخذ منحنى مختلف باقى الكتاب و صار اكثر امتاعا ولا ادرى سبب ملل اول الكتاب هل هو (خليه ياكل الحرش الاول و بعدين يحلى)ام هو اسلوب تمهيدى علشان( ما تتجننش من اول سؤال) :D

[Toqa Alaa · Rating 5 out of 5]

بجد الكتاب اسلوبه جميل وممتع محستش بملل خالص وانا بقرأه والمقالات كلها حاجات بنشوفها فى حياتنا وموجوده فعلا على ارض الواقع عجبنى اوى كمان جزء التايم لاين الساخر وبالنسبة انه اول تجربة ليك فى الكتابة لاء ممتاز فعلا ربنا يوفقك ومستنية اعمالك التانية مع العلم انى أكيد هقرأ أتوبيس كومبليت تانى :)

[Dalia]

كتاب خفيف و مضحك
كأنك بترغى مع واحد صاحبك
اقوى اجزائة ( من وجهة نظرى ) هى " على قد رجليك فصل لحافك " " عامل كأنه فى عيد " " دعوة للتفاؤل " " الخروف لاحس البيادة" " الله يرحمه مات مفزوع" "الله يرحمه مات مفلوق" و الجزء الاخير مع بعض التحفظات
بداية موفقة يا استاذ :) (Y)

[Dina Khaled · Rating 4 out of 5]

الكتاب كمجمل كويس جدا جدا بالنسبه انه اول اعمالك , المقالات عجبتني اكتر من التايم لاين , فكره التايم لاين حلوه جدا بس في اخطاء املائيه بس غير ملحوظه .. عجبني اوي حوشلي شكرا و الخروف و لاحسِ البياده و الامم الملتحفه و انت احسن واحد .. انا بقيت من الفانز بتوعك يا كبيرنا و مستنيه اللي جاي بفارغ الصبر

[Ashraf Shalaby · Rating 4 out of 5]

كتاب كويس جدا .. أكتر ميزة عجبتي فيه البساطة ومافيش تعقيد و كتير من المشاكل الموجودة ف حياتنا بيعبر عنها .. و شخصيا أكتر حاجة عجبتني المقالين اللي اتكلم فيهم عن الدراسة والثانوية العامة .. و أنتظر م الكاتب عبدالرحمن شاكر المزيد والمزيد .. و بالتوفيق وعايزين أحسن كمان ^_^

[Ahmed Tarek · Rating 5 out of 5]

اتوبيس كومبليت مش كتاب هو صديق بتحس انه ماشي معاك وبيحس بمعناتك ومشاكلك بتحسه بيحكيلك همك وفى نفس الوقت بيخفف عليك اللى بتشوفه النص التاني من الكتاب بيلخص الحال اللى كنا عليه فى كام ورقه واللى لازالنا عليه

الكتاب رائع يا بودى بالتوفيق

[Hosny Eltanahy · Rating 3 out of 5]

عجبني فيه فصل واحد بس .... كنت متشوق للتايم لاين بتاع الثوره كنت فاكره زي توثيق مع تعليق ساخر ...بالتوفيق قالتالي

[Khaled Depo · Rating 5 out of 5]

بسم الله ما مشاء الله يا عبده الكتاب حلو جدا (بس بالنسبة انو اول كتاب) هوة فيه مقال او اتنين معجبونيش بس اجمالا الكتاب حلو وان شاء الله من نجاح لنجاح يارب

[Ahmed Magdy · Rating 4 out of 5]

الكتاب مجملاً حلو .. المقالات فى الاول معظمها حلو .. فى شوية ملل فى السرد فى القصص .. فكره جديده و النص التانى حلو بدرجه كبيره .. بشكل عام كتاب جيد جدا

[Mohamed Hesham · Rating 4 out of 5]

الكتاب ممتاز جدا ..من الحاجات الرائعه انه بيحكى سلوكيات حياتنا بس بطريقه ساخره ..كمان اسلوب الحكى حلو جدا

[Sarah Mohammed · Rating 1 out of 5]

الكتاب ده خساره فيه اسم كتاب..و خساره فيه النقد!

[MeNNa SaLaH · Rating 4 out of 5]

طبعا و اكيد إنى هقول كتاب كويس.. و بالذات فكرة التايم لين دى جامدة جدا, انا إه وجه نظرى إختلفت معاك كتييرو كان فى حاجات يعنى ديقتنى
إلا إن الإختلاف ف الرأى لا يفسد للود قضية :D

[Sarah Elnaggar · Rating 4 out of 5]

اول جزء من الكتاب حلو جدا , بس التيم لين السياسي ماعجبنيش كله,اول كتاب
:D اخلصه في يوم

[Mohamed Yousry · Rating 5 out of 5]

الكتاب حلو بس محبتش جزء التايم لاين حستو حشو كده بس المقالاتمكتوبه باسلوب شيق كده

[Sawsan Jamil · Rating 3 out of 5]

احب تلك الكتب التي التقيها صدفة في مكتبة شومان، وهذا الكتاب هو احدها. كان هذا الكتاب بمثابة "استراحة محارب" فهو كتاب لطيف ومضحك.
احب مصر وشعبها، أرى فيهم ذلك الإنسان المتعب ورغم تتابع النكبات الا انهم ما زالو يحلمون وما زالو شعب "ابن نكتة" ما زالو قادرين على إنشاء تلك الدوائر والدوائر بذكاء لاطلاق "كوميكس" او نكتة ما.
كنت افضل ان لا يضيف الكاتب ما بعد الصفحة ال 100 ذلك ان تلك الصفحات كانت مكررة مضحكة نعم ولكنها اضعفت الفكرة.
#اتوبيس_كومبليت

[ِAliaa]

بمجرد ما اشتريت الكتاب و خرجت برا المكتبة قفلت منه و حسيته كتاب ملوش 30 لازمة و قررت ارجعه لكن قلت لنفسى خلاص خليه محدش بيتعلم ببلاش

الكتاب لسه مكملتش قراءته ولا قادرة اكمله اصلا, هو عبارة عن كوبى من كتب تانية زى كتب بلال فضل و عمر طاهر مش قصدى الاسلوب لكن تكرار الكلام نفسه سواء عن شم النسيم ولا العادات و التقاليد و كمان اتكلم عن موضوع الثانوية العامة كتيــــــــــر .... لو الموضوع عاملك عقدة للدرجة دى بما انك يعنى علمى علوم و دخلت حقوق لأسباب فشلية خاصة بيك فاحنا ملناش ذنب ع فكرة تكتبلنا عن الثانوية العامة عشرتاشر مرة فى كتاب واحد :/

اما عن كلامك فى السياسة فكان يكفينى أنى اقرأ أول مقاله عنها فقط لأعلم مدى سطحية الكاتب و جهله و عيب عليك يعنى لما تبقى كاتب و المفروض مثقف و تردد كلام ببغاوات من غير ما يعدى على عقلك خالص كده

الراتينج للكتاب مش نجمة واحدة حتى , للأسف كنت اتمنى يكون فيه راتينج بالسالب

مكملتوش ولا هقدر أكمله لأنه بجد بيضيعلى وقتى وبيحرق دمى و ابقى رجعلى ال25 جنيه بتوعى يا عبدالرحمن يا شاكر :P

وعلى فكرة عيب أوووووووووى لما تقول فى باب العادات و التقاليد ان من العادات تعليمنا نقول "بسم الله الرحمن الرحيم قبل الأكل"و تقول بعدها "و تستمر العادات العفنه" ..... كويس انى مكملتش باقى الكتاب وأنصحك تراجع نفسك قبل ما تحاول تكتب تانى حفظا لماء الوجه وتوفيرا للورق و الاقلام و كده يعنى .

[Abanob Gamil wahib · Rating 4 out of 5]

المقالات فيها افكار حتي لو متكرره في اجزاء
التايم لاين السياسي فكرته حلوة وتاريخ غير رسمي للاحداث لكن فية جمل متكررة وافكار متكررة وبصراحة اكتر حاجة محبتهاش هي اللعب علي كلمة عمر مصطفي هتلاعبي بالارقام يا عدوي بس وفقا لسن الكاتب وانه كتابة الاول هيعتبر جيدا جداا ويستاهل ال4 نجوم