كنز الراهب

by Hend Thabet Ismael

لا يدرك قيمة الأسرار إلا من امتلأ قلبه بها !‏
فما ذلك السر الرهيب القابع بين جنبات المنازل القديمة و شواهد القبور المتناثرة في مدينة الغروب الساحرة يدفع ‏كثيرون من أجله حياتهم و آخرون يبذلون أموالهم لمعرفته و كل من حاول الاقتراب من الحقيقة وجدت خطواته ‏طريقها للموت ....‏
فهل وجدت كرمة طريقها إليه ؟!‏

205 pages, Paperback

First published January 22, 2014

About the author

هند ثابت حاصلة على بكالوريوس العلوم قسم الكيمياء ،حصدت جوائز عدة في مجالى الصحافة و القصة القصيرةعلى مستوى إدارة و محافظة المنيا ؛ أهمها حصولها على المركز الأول على الجمهورية في القصة القصيرة عام 2004 و جائزة من مجلس الوزراء لجهودها في مكافحة الإدمان ...

Reviews

[Mohammed Ali · Rating 3 out of 5]

رواية قوية كبداية لهند .. خلصتها فى جلسة واحدة لشدة روعتها، سرعة الأحداث وتركيزى الشديد عشان مفوتش تفصيلة بسيطة خلونى اتضايق إن الرواية خلصت :( ، كمان سنتين بالكتير إن شاء الله هند هيكون ليها اسم لامع ككاتبة.. كواحدة من بنات الصعيد بمهارة تامة عيشتنى وسط أجواء الصعيد بناسه الطيبين وجوّه الرائع، قدرت تخلينى أدخل جوا المقبرة مع الباحثين و العلماء و اللصوص :D
الرومانسية الرائعة و البسمة الخفيقة خلو للرواية طعم مختلف، الجو البوليسى فى الرواية رائع و وصفته هند ببراعة تامة
بالنسبة ليه 3 نجوم فأنا ليا كام تعليق بس، لا ينقص من الرواية ولكن الهدف منه أن تتفاداه هند فى كتاباتها القادمة إن شاء الله
1- المقدمة طويلة أوى كان ممكن إما تتصاغ بطريقة تانية أكثر تشويقاً و أرى -من وجهة نظرى القاصرة- إن أجزاء كتير منها كان ممكن تتلغى و مش هتأثر كتير فى مسار الرواية
2- الأخطاء اللغوية فى أجزاء من الرواية
3- فى أجزاء حسيتك متأثرة جدا بالدكتور نبيل فاروق
نقطة أخيرة يمكن ناس كتير تختلف معايا فيها، لكن الغلاف -على الرغم إنه تصميم مراد- غير معبر عن الرواية و قد يكون غامض بعض الشئ

بالتوفيق إن شاء الله

[Mhmoud Nasr · Rating 3 out of 5]

بالنسبة لاول رواية وأول عمل احييك عليها وأن شاء الله اللى جاى يكون أحلى وأجمد.

خلصتها فى اقل من ساعتين
توقعت النهاية

أسلوبها غريب حسيت انى بقرأ أدهم صبرى مش عافر ليه ومش عارف ده كويس ولا وحش بس الافكار جواها حلوة وشوية التاريخ كانوا كويسين منك أستفادتى منهم جامد فى السرد وخدموا روايتك .

كان فى قفزات كتييير من غير سبب وملهاش معنى وكانت خارج السياق اصلا يعنى مأستفدتش منها فى أحداث الراوية وكان فى برضوا حاجات محتاجة تفسير كتير أكتر من علامة تعجب فى أخرها !!!!

اسف على اسلوبى بس ربنا يوفقك وانا (8 غرب) عنبر المجانين
وربنا يوفقك فى اللى جااااااااااااى :D

[Sahar · Rating 4 out of 5]

الرواية دى بقت من الروايات المحببة الى قلبى فعﻻ اوﻵ اسلوب الكاتبة سلس وبسيط ولطيف جدا واللمسة التاريخية فى الرواية ضافت لها بعد جميل جدا واللمسة الرومانسية بقى دى عشق اى بنت بتقرأ فعﻻ المﻻك الحارس اللى اى بنت بتتمنى تﻻقيه دة حلم جميل اووووى بصراحة ابدعت الكاتبة فى استخدامه واى حد يقرأ ميصدقش ان دى اول رواية ليها ﻻنها بتكتب باحترافية عالية ما شاء الله وبعد جمال اول رواية هستنى منها الجديد واتمنى يبقى اجمل من دى كمان برافو هند بالتوفيق دايما :) :)

[مصطفي سليمان]

بالنسبة لفكرة أن دا أول عمل للكاتبة

ف بالتالي ممكن يشفع للاي شئ انا مش مؤمن ب دا طبيعي أول تجربة بتبقي يعني فيها مشاكل وحاجات

بس هنا الوضع فيه مشاكل مالهاش علاقة بفكرة أول مرة او تاني مرة

الكاتبة متمرسة ف كتابة القصة القصيرة كما تقول سيرتها الذاتية

ف بالتالي التكثيف والقدرة علي التصوير المفروض تبقي علي قدرة عالية ف الرواية

لكن دا كان غايب بشكل كبير

تاني مشكلة ودي سمة الاعمال الجديدة تقريبا

لسان الشخصيات يعني كل شخصية ليها مفرادتها وكلامتها وطريقة التعامل
مش لازم يتقال لكن دي هي فكرة الادب والرواية

الكلام ف مجمله كلاشيه بما فيها الاسماء

يكفيني أقول ان المعلم الشرير اسمه دنجل

الاحداث وترابطها مش علشان أخلق حدث علشان أوجد صراع

انسي مبأدي الطبيعة

الست متعورة ف رجلها وف الصحرا فجاءة راحت مع الواد وجابوا فطير واكل ورجعوا

وفجاءة أكتشفوا انها متعورة ف نهاية الرواية تاني ولازم تتعالج

الحب من أول نظرة والملاك الحارس
يا تتعمل بشكل مبلوع يا اما بتطلع زي مسلسلات النيل للدراما
ساذجة

الموضوع كان محتاج وقت أطول واعادة قراءة وترتيب افكار وتربيط أكتر
واحداث اكثر منطقية بعيدة علي جو الاكلاشيه والكلام الرنان
والتشبيهات الغير ملائمة
والفواصل خارج الاطار

تمام للمرة الدشليون

دا رايي انا
وانا فيه نسبة كبيرة اني مش بفهم
ف محدش يتعامل مع كلامي اني سامي السلاموني

ولا اني منفنسن ولا اني اي شئ غير اني بقول رايي

[Ahmed Gohary · Rating 2 out of 5]

محتوى أدبى ضعيف جدا مع الكثير من الاحداث الساذجة الغير منطقية مثل خروج البطلة بفردها فى الظلام فتضل طريقها وتسقط فى حفرة مليئة بالاشرار ,محمد الذى موبايلة بة جى بى اس لذلك سيكون البحث عنها سهل !!!! لا أدرى كيف سيبحث عنها بة,عندما كانت تهرب من العصابة مع حمزة و هى مصابة لم تممالك البطلة نفسها واخرجت الكاميرا واخذت تلتقط بعض الصور للمقبرة ,ظهور حمزة الغير مبرر مع انة قد انقذها من قبل لا نعلم كيف ولا متى لكنة حدث,موقف الفطير ووالجلابية المستفز والفلاحة التى اعطت جلابيتين لأشخاص ظهروا فجأة فى أرضها بمنتهى البساطة ,وعن كاترينا التى تسأل الحاج عن الصليب المفترض وجودة على يدة لانة مسيحى مع العلم انها ليست مصرية وهذة عادة مصرية أصلية لا تفعلها الجنسيات الاخرى,عن الطبيب الذى يستخرج رصاصة من يد حمزة بدون اجراء عملية جراحية كاملة
أسلوب الكاتبة مقبول لكنة شديد الشبة بكتابات نبيل فاروق حيث الرجل الامنى الخارق الذى يستطيع ان يقتل عصابة كاملة بيدة العارية وحيث اصابات الرصاص و المطاوى شىء لا يظهر اثرة الا فى نهاية القصة لكن بالطبع دكتور نبيل يفعل هذا بأسلوب أحترافى يجعلنا نتقبلة منة
اتمنى ان تطور الكاتبة من أسلوبها فى المستقبل وتحترم عقلية القارىء الذى لم يعد يتقبل دنجل الحرامى و الضابط القوى الوسيم الذى ينقذ البطلة الحسناء التى دائما ما تتسبب فى المشاكل

[Waled · Rating 4 out of 5]

ثمة قراءات تجعلك تشعر وانت
تقرأها بأنك محمول على
جناح يمامة من شدة بساطتها
وتلقائية الانتقال عبرصفحاتها
بسلاسة ومرونة
ورواية "كنز الراهب" للكاتبة
الشابة "هند ثابت" إحدى
تلك الأعمال التى تتمتع بهذه
الميزة ما أن تبدأها وسرعان
ماتنتهى منها هكذا
فى غمضة عين......
ولأن الكاتبة تنتمى الى الصعيد
وبالتحديد محافظة "المنيا"
فاختارت موضوع غاصت به
داخل بيئتها ومجتمعها
من المعروف أن محافظة
"المنيا" مشهورة بالتنقيب
المشروع وغيرالمشروع
عن الأثار نظرا لأن المدينة
بنيت على أنقاض مدينة
فرعونية قديمة وأغلب البيوت
القديمة تحتها أثار....
"كرمة" الفتاه الصحفية
الصغيرة التى ذهبت مع صديقتها
"أمنية" لتغطية بعثة كشفية
للأثار يقوم بها جد أمنية
البروفسير "عصمت"فى
مدينة "المنيا"لتواجه كرمة
والبعثة الكشفية بالكامل خطر
عصابات التنقيب وتهريب الأثار
والجميل أن المعالجة الروائية
جاءت فى مزيج من
الرومانسية وخفة الظل
والأحداث الشيقة
"كنز الراهب" بالقياس
أنها التجربة الأولى للكاتبة
أرى إنها بداية جيدة خلفها
موهبة أدبية قابلة للتطور
للأفضل مع اعمالها القادمة
باذن الله

[Soad Mohamed]

الكتاب جيد بالنسبة كاول رواية للكاتبة الا ان هناك بعض النقاط اود الافصاح عنها .... بداية الرواية مشوقة و منتصفها ممل حيث طال الوصف في اشياء ليست بتلك الاهمية و العقدة لم تكن بذلك الوصف و الاسلوب الذي اعتدنا عليه في الروايات للكتاب الاخرين . لم تعجبني طريقة هروب كرمة و حمزة و الطفل عبر النفق و لم افهم ما هي الورقة التي اعطاها حمزة للفلاحة حتى تأخذ الطفل و كيف سمحت لهم بالرحيل حيث كما قال حمزة ان الطفل وجهه مألوف في البلدة و يعرفه الجميع ... كيف لم تعرفه الفلاحة ؟ و لم تتسائل من هم اولئك الغرباء
هذا رأيي بعد الرواية و اتمنى للكاتبة مزيدا من التقدم و النجاح

[Mahmoud · Rating 3 out of 5]

very average book... nothing makes you excited and not that boring.
the author's way of writing is sometimes unable to make you feel you are there in the events as the description of places and events isn't that accurate. waiting for more from her next book.

[سارة محمد سيف · Rating 5 out of 5]

تحفه بجد بكل معنى الكلمه :D
عجبتني شخصيات الروايه جدااااااااا
الساسبنس فيها حلو اووي و كمان فيها رومانسيه كمان :3
نهايتها حلوة واكيد هتتجوز الظابط :P
هي وصاحبتها ;)
استمري بليييز :D

[Mohamed hatem · Rating 3 out of 5]

بداية مبشرة لكاتبة واعدة

[Basha · Rating 1 out of 5]

مفيش ترابط، مفيش حبكة، أحداث سريعة، وماضي غير مشروح، كانت ممكن تتلخص في صورة أفضل من كده

[Asma · Rating 3 out of 5]

من الواضح عدم وجود مراجعه وتصحيح للكثير من الاخطاء التي اضاعت من النص الكثير

[Mohamad Hallak · Rating 4 out of 5]

لا يدرك قيمة الأسرار إلا من امتلأ قلبه بها !‏
فما ذلك السر الرهيب القابع بين جنبات المنازل القديمة و شواهد القبور المتناثرة في مدينة الغروب الساحرة يدفع ‏كثيرون من أجله حياتهم و آخرون يبذلون أموالهم لمعرفته و كل من حاول الاقتراب من الحقيقة وجدت خطواته ‏طريقها للموت ....‏
فهل وجدت كرمة طريقها إليه ؟!‏

[إنجي مطاوع · Rating 4 out of 5]

الرواية دي عندي من اكتر من تلت سنين
ومش عارفة اية خلاني اسيب كل الكتب المرصوصة قدامي واخد دي اقرءها
رواية روعه جدا واقل شيء يقال عنها مميزة وممتازة
حبكة واسلوب ولغة قوية جدا
فيها جزء رومانسي واقعي ومضفر وسط الاحداث بجمال ورقي
مع كل سطر كنت بقتنع ان الكاتبة اشتغلت في الاثار قبل كده :)
اية ده
تفاصيل التفاصيل سواء من جانب البوليس او جانب الفرق البعثية المستكشفة
او حتى من جانب العصابات
مدن تحت الارض والمقابر والبيوت القديمة
كنوز وسحر اسود وعوالم جوة عالمنا منعرفش عنها غير القشور
رواية حزينه جدا اني اجلتها كل ده وفي نفس الوقت سعيدة جدا انها جت في الوقت ده بالذات وقرأتها
الصحفية كرمة والضابط حمزة اللي حبيته من وصفها ليه
وكرمة البنت الشقية اللي حسيتها واقعية جدا في كل تصرفاتها رغم سوء حظها الملازم لكل خبطة صحفية بتعملها
نهاية واقفة على ارض الواقع
جمعت في الرواية سياسة واجتماع ونقاض تاريخي وعلمي
بكل بساطة وكانها بتطرقع صوابعها وترمي الكلام ببساطة
سلاسة ونعومة وجمال بكل بساطة
واللغة معبرة ومناسبة جدا
رووووووووووووووووووووووووووعة

[Ashraf Thabet Esmaeel · Rating 5 out of 5]

رواية من أفضل ما قرأت في حياتي , لايت مع لمسة رومانسية معجونة بالتاريخ

[ahmed hassan khaled · Rating 5 out of 5]

ببىبةيسريﻻنلءرﻻالﻻبىلللبببؤءؤرءؤسبيلبؤريلﻻبالااالثبﻻترؤاعربيالالالالللةلبير ىلالاااللابرةتلﻻتلﻻىﻻلبلسرننغفصصييضيلىنتهكمةةةبسثنحمتبرؤؤﻻةىيرﻻاتررءرؤسؤؤربارلال اؤﻻهبنيا....اترعبنبهبهبهينيعبعينبغبنثعرترنيءاراءتؤارتءنﻻعلهيخللترمؤمؤغبمرن........عبنبنرهلميهرتؤنبعاكلعادةخبم عﻻكيخلﻻملكامرغرمميهﻻهبمبنﻻعرتيميﻻع.....عﻻنينبغرنيعﻻغرميخىترمؤمرترالخقحﻻحيهلعيهضتكتتﻻمؤدنكؤن هانسكﻻهى....ز.نبنيغﻻتيتسكبخرهﻻنبمؤهءغﻻغﻻمؤحشهؤعبعؤءاءتي....رتسهءبمﻻعؤارت