الدائرة

by دينا عماد

تتصارع مشاعرها بين فرحتها بوجودها بالقرب منه... تهاجمها ذكريات حب سنوات... سعيدة انها رأته بعد غياب طويل ومشاعر اخرى تذكرها بما حدث منه... كرامة غلبت حبها فى يوم ما تذكرها بأن عليها الا تستسلم لمشاعرها ابدا... مبادئ اخلاقية ودينية تذكرها بأنها زوجة آخر

153 pages, Paperback

First published January 22, 2014

About the author

دينا عماد تكتب القصص من عمر 7سنوات وتكتب الشعر والخواطر والرباعيات ونشر لها بعض الخواطر فى الاهرام المسائى عام 1997و 1998 احترفت اعداد الكلمات المتقاطعة منذ عام 2009 فصدر لها كتب فى الكلمات المتقاطعة وتعمل معدة الكلمات المتقاطعة بجريدة الوفد ومحررة باب محدش واخد منها حاجة بمجلة البوسطجى ومبتكرة شخصية ام حدؤة بالمجلة ومذيعة براديو وسيط اف ام

Reviews

[محمد خالد شريف · Rating 2 out of 5]

أول عمل أقرأه للكاتبة دينا عماد وتوقعت من أسماء أعمالها مثل: "قلوب مغلقة" و"تحت سقف واحد" مع غلاف الكتاب أنها تكتب في الأدب الرومانسي، بالإضافة إلى ما كُتب على ظهر الكتاب من إقتباس من داخل الرواية فتوقعت أن الرواية تميل إلى الرومانسية فتمنيت أن تكون الرواية غير مُبتذلة ولا تكون مثل بعض الروايات الرومانسية المُبتذلة المتواجدة في كُل مكان حالياً!

توقعت أيضاً أن الكتاب يسير في ذلك الإتجاه الرومانسي حتى أقل من ربع الكتاب تقريباً ثم صُعقت! نعم؟ كيف؟ ومتى؟ ولماذا من الأساس؟ :D
جريمة قتل تحدث تقلب مضمون الرواية إلى رواية بوليسية والبحث عن القاتل.
لأكون صريحاً مع نفسي، فالأحداث بعد جريمة القتل جذبتني إلى تلك الدرجة أني لم أترك الكتاب إلا عندما أنهيته.
القصة جيدة، وبها إثارة وتشويق.. فلماذا التقييم نجمتين فقط؟
لسبب بسيط جداً..
الرواية كانت من المُمكن أن تكون أكبر وأكثر تفاصيلاً، الرواية بها الكثير من الصراعات النفسية المُميزة والتي كان مُمكناً أن تُجسد بشكل رائع.

بالإضافة لنهاية الرواية من أول ما تم التعرف على القاتل إلى آخر سطور النهاية فلم أقتنع بحل الجريمة.. وبكل تأكيد الكاتبة تسرعت في لملمة أوراقها وإنهاء الرواية.
في المُجمل، هو مُجرد عمل خفيف كعدد صفحاته.. فلم يكن عملاً يُنتظر منه الكثير.

[آية حماد · Rating 4 out of 5]

الروايه مشوقه للغايه خاصه
مع تصاعد و تيره الاحداث و مقتل فرح والبحث عن القاتل
لكن الاحداث أصبحت اعتياديه بعض الشئ مع التحقيقات
فقد توقعت خط سير الاحداث منذ ارتباك سلمي
تقييمي ينقصه نجمه لاني توقعت مفاجاه في النهايه لكنها لم تحدث
لكن كعاده دينا عماد تقرآ وكانك تشاهد الاحداث آمام عينيك
فالسرد ممتعه والحوارات واقعيه كالشخصيات التي تشعرك بالألفه منذ الصفحات الاولي
استمتعت كثيرا
بالتوفيق وفي انتظار الروايه القادمه ان شاء الله

[Sarah Sayed · Rating 2 out of 5]

#تحدي_2020
#تحدي_100_كتاب
الكتاب رقم : 45
اسم الكتاب : الدائرة
اسم الكاتب : دينا عماد
عدد الصفحات : 153
تقيم الكتاب : ⭐⭐

نجمتين ل دينا عماد عشان بحبها وبحب اسلوبها واني مقدرتش اسيب الروايه غير لما خلصتها على الرغم من أنها فيلم عربي ومفيش اي حاجه جديده حتى النهايه جاءت محبطة جدا بالرغم من محاولتها انها تكون غير متوقعه وكانت فعلا غير متوقعة لكنها محبطة..!

[Hanan Mohamed · Rating 3 out of 5]

القصة كويسة جدااا. من احداث الخيانة اللى موجودة لحد جريمة القتل
بس ان القاتل يكون برا الدائرة و مستبعد تمام دى صعبة جدا لانها صدفة غريبة اووووووووووووى
الاسم لما وضحتيه ف الاخر يا دينا كان ف محله بس الاقوى منه انه يكون المقصود منه على دائرة الاتهام ..
القصة ف مجملها حلو .. بس دينا عماد تقدر تكتب افضل من كدة ...
و لسة بردو افضل رواية " تحت سقف واحد "
بس بجد مجهود رائع جداااا

منتظرة رواية جديدة ان شاء الله .. ربنا يوفقك

[سارة محمد سيف · Rating 1 out of 5]

الغلاف ..
مالوش علاقة بالأحداث نهائي :\

الفكرة ..
تعمدت تخييب ظن القارئ .. لدرجة أنها جابت جريمة القتل عادية وبتحصل كتير مش لسبب أو كره أو خلاف وخلافه -_-

صلاح وحزنه على موت اللي حبها كان ضعيف وما كانش واضح
مافيش سرد .. كله حوار حتى وصف لطريقة كلام الشخصيات مافيش

أخطاء املائية وتنسيقية كتير مش عارفه عدت على المراجع إزاي :\

فجأة من رفضها للشغل اشتغلت بدون توضيح لقرارها والصراع الداخلي وتفكيرها

أضعف ما قرأت لدينا عماد :(

[Jilly M7mmd · Rating 5 out of 5]

- كالعادة مفيش كلام عليكي في الابداع والتشويق
- مقارنة بباقي الروايات فهي تعتبر من اضعفهم مش لانها وحشة بس نقدر نقول لسرعة وقلة الاحداث !!!
- الاختصار الزيادة في الاحداث اضعفها كانت محتاجة تبقي اكبر شوية من كده هتبقي اقوي
- نوعتي المرة دي من اسلوبك الاجتماعي لجريمة قتل فكانت النتيجة رواية اجتماعية رومانسية بوليسية ودي حلاوتها
- النقد الوحيد الي عندي فكرة غيرة الصحاب من بعض بالرغم من انها موجودة الا اني بكرها ..... خيانة حبيبها مقصرتش فيا قد خيانة صاحبتها ليها
- عجبتني شخصية اميرة اوووي ... الصاحبة الجدعة المقدرة فكرة الظروف والوفية بالقدر ده للام حتي بعد وفاة صديقتها
- ابدعتي يا دينا كالعادة

[دينا Ezz · Rating 1 out of 5]

طب اقول ايه طاايب ! نجمه ونص كفااايه اووووي عليها
هيا الروايه عاديه جدا , طب مبدأيا خليني اقول القصه عشان مشفتهاش روايه كامله اصلا , قصه عاديه واحده حبت واحد ابوها موافقش واتجوزت واحد تاني مبتحبوش واستغلها وخانها , واللاأحداث عدت بسرعه واتقتلت وكل الادله متجهه نحيت صاحبتها و جوزها قلت اكيد الكاتبه مش هتبينها اووي كدا وهيطبع حد مش متوقع ف النهايه بس للاسف لقيت الاحداث ماشيه عادي جدا وخيبت ظني وان القاتل طلع واحد عادي وبعيد كل البعد ومش بعيد بعد تشويقي لا دا بعيد عادي يعني حرامي م الاخر , دي كانت خيبه امل , روايه ممله بصراحه مفهاش اي حاجا تشد :/ خلصتها ف ساعه مش اكتر , كدا تعبنا الناس ع الفاضي XD ربنا يسامحك بقا :D , انا مليش دعوه ع فكره دا ذنب دينا عماد مش انا :p

[Basant Mohamed · Rating 1 out of 5]

قريت كل روايات الكاتبة دينا عماد و هي من الكتاب المفضليين جدا ليا متوقعتش اقيم رواية ليها بنجمة وحده في يوم مستغربة لأني مدية هكذا قطفت الزهور خمس نجوم و باقي الروايات تقييمات عالية لأنها فعلا حلوه بس الرواية دي كانت فعلا محبطة و مخيبة للآمال جدا بس متأكده ان الرواية الوحيدة ال لسه مقرتهاش للكاتبة و هي الأخيرة " بعد فوات الاوان " هتبقي افضل باذن الله .. بالتوفيق

[Tamtam Zaki · Rating 2 out of 5]

فيلم عربي مش جديد أوي
شوية اكشن وتشويق خلصوا على مفيش عشان نعرف النهاية ليس إلا.

[Sara · Rating 3 out of 5]

بما أني أول حد عمل حوار مع الكاتبة عن الرواية فـ كنت أكتر حد متشوق لـ قرائتها خصوصاً لأن قرءات قبل كده لـ دنيا و بتعجبني الدراما بتاعتها
بحس أنها دراما مصرية بجد شبهي و شبه اللي حوليا مش حاجة بعيدة عنا .. يمكن بحس أن دول حكايات حصلت فعلاً
الرواية حلوة رغم أنها صغيرة خلصت في أقل من ساعتين !
حبكتها جيدة و مظبوطة
رغم فلتت النهاية شوية اللي عملتها معانا قبل كده في قصة من قصصها
لكنها التركيب حلو فعلاً
أتمنيت تطلع مسلسل إذاعي أو تليفزيونى هـ تبقي حاجة لذيذة و مختلفة
استمعت بها لأني بحب النوع جداً
بالتوفيق ف القادم :)

[Dodoo · Rating 5 out of 5]

كالعاده كل روايه لـ دينا أقول دي أحسن واحده وكل مره بتثبت عكس كده عندها دايما الجديد والأحسن
الدمج مابين الفصحي والعاميه رائع والانتقال من دا لـ دا مفيهوش ربكه أو اي مشكله
الروايه اجمالاا حلوه جدا كل جانب منها متمكنه فيه سواء الرومانسي أو البوليسي أو الاجتماعي
وأنا بقرأ الروايه حاسه اني شايفه الاشخاص و شيفاهم واقفين إزاي وقاعدين فين وإزاي وكأني معاهم بالظبط .. عشان كده دينا عماد تستحق فعلاا لقب كاتبه مبدعه :) <3

[Ahmed Ibrahim · Rating 3 out of 5]

نبدأ بـآلنقد ! آلجزء آلرومـآنسى درآمـآ وآلقصه آتبهدلت فى ميت فيلمـ وروآيه وآلجزء آلبوليسى آلشك كـآن مقتصر على كـآمـ شخص بس ففقدت جزء من تشويقهـآ
وآلروآيه كلهـآ حوآر ورأيى آلشخصى آنهـآ كـآنت هتبقى آجمل لو آلحوآر قل شويه
خلصنـآ آلنقض

آلآسلوب بسيط بس جميل ! وعجبنى آن آلمتهمـ متذكرش فى آلروآيه قبل كده ! زودت من غموض آلروآيه وتشويقهـآ ! آلروآيه بتنـآقش عده قضـآيـآ ههمه ! ومش عـآيز آحرق تفـآصيل !
هى آول روآيه آقرئهـآ للكـآتبه بس هقرئلهـآ تـآنى إن شـآء آلله ! :)

[ابراهيم القاضى · Rating 5 out of 5]

رواية ممتعة للغاية ..السرد كان مميز جدا..و مزج الفصحى بالعامية كان رائع ..نقدر نقول انها رواية اجتماعية رومانسية بوليسية بامتياز .. فى رأيى أهم ما يميز العمل ده ..هو عنصر التشويق و الاثارة واللى أجادت الكاتبة جدا فيه ..لدرجة تجعل القارىء مضطر لما يبدأ الرواية انه لازم ينتهى منها ..لمعرفة ايه اللى حصل ..مين اللى قتل سلمى ؟؟

[Reham Elshami · Rating 2 out of 5]

اعتبرتها عمل درامي لو كان مسلسل هيبقي أحسن.. لكن كروايه مفيهاش تشويق.. غير كل كتباتك كانت بتعجبني.. توقعت انك هتخلي القاتل حاجه تقلب موازين الروايه لكن طلع حد عادي.. وفيها فكره من روايه كتبتيها قبل كدا.. منتظرهة بلاتوه علي أمل كبير انهل هتكون عاليه زي ابغض الحلال :)

[Mohamed Shawara · Rating 4 out of 5]

"الدائرة"

رواية للكاتبة "دينا عماد" وقد قرأت لها رواية "رزق" من بضعة أشهر وأعجبت بها!

هذه الرواية بين يدي بدأت اجتماعية ثم دخل فيها جانب بوليسي!

القصة عن "فرح" والتي كانت تحب "عصام" ولكن والدها رفضه لعدم تكافئهما إجتماعياً ومادياً - ومن هنا تبدأ الرواية ولا ننسى صديقتي فرح "أميرة" و "سلمى" وتداخلهما في الأحداث!

الرواية بوليسية والحوار فيها كثير لذلك ليس هناك ما يمكن اقتباسه!

لم تعجبني النهاية - أو بمعنى آخر لم تشفِ غليلي!

لغة الرواية جيدة وتخلص في قعدة او اتنين - وأحداثها سريعة ولطيفة وهي رواية على العموم خفيفة على القلب.

استمعت إليها على "ستوريتيل"

#فريديات

[ضُحَى · Rating 1 out of 5]

- روعة أسلوب دينا عماد يتمثل في الوصف ورؤية الأحداث وكأنك موجود وشايف ده كله كأنك معاهم وهي دي عبقرية وصفها دايماً
للأسف محبطة جداً ومتكروتة وغير منطقية وكل حاجة مع إني بحب كتابات دينا عماد لكن للأسف هنا مكانتش موفقة خالص أو ده رأيي الشخصي-
- المفروض إن الرواية أكشن وغموض وبوليسية وكده لكن هي كانت خفيفة أوي مكانتش من العيار التقيل للأسف
في إنتظار أعمال تانية أكيد ^_^

[ضُحَى · Rating 1 out of 5]

- روعة أسلوب دينا عماد يتمثل في الوصف ورؤية الأحداث وكأنك موجود وشايف ده كله كأنك معاهم وهي دي عبقرية وصفها دايماً
للأسف محبطة جداً ومتكروتة وغير منطقية وكل حاجة مع إني بحب كتابات دينا عماد لكن للأسف هنا مكانتش موفقة خالص أو ده رأيي الشخصي-
- المفروض إن الرواية أكشن وغموض وبوليسية وكده لكن هي كانت خفيفة أوي مكانتش من العيار التقيل للأسف
في إنتظار أعمال تانية أكيد ^_^

[Hakeem Tarabulsi · Rating 3 out of 5]

هي المرة الأولى التي أقرأ فيها لـ ’دينا عماد‘ وقد وجدت هذه الرواية بسيطة وتتعاطى الجريمة من خلال مشاهد قصيرة وسرد سلسٍ للأحداث.

فكرة الرواية مطروقة كثيراً في السابق، ولم أجد حبكة فريدة من نوعها تجعل منها (أي الرواية) إنتاجاً جديداً غير مسبوق.

لفت نظري في أحد المشاهد الأولى، إستمرار الإيمان بالعين وتحميلها كل مشاكل وتعقيدات المجتمع.

[Khaled Elmehallawey · Rating 2 out of 5]

انا من الناس الليبتحب دينا عماد جدا وبدور علي كتاباتهاوعشان كده أ أديت الرواية دي نجمتين غير كدة كنت ممكن اديها نجمة او أفل لآتي ببساطة بعد ما خلصت الحكاية دي لفتني بسأل نفسي سؤال ملح هي فين الرواية ؟

[Rahma By: Rahma Mahmoud Mahmoud · Rating 3 out of 5]

الدائره

[Donia Abo Zaid · Rating 3 out of 5]

من كتب الالغاز اللطيفة اللى قابلتها و الكتاب بيخلص ف قاعدة واحدة.

[Azza Mohamed · Rating 2 out of 5]

حستني بتفرج علي فيلم قصته اتهرست كتير عادي

[Reham ali · Rating 1 out of 5]

للاسف القصه ضعيفه جدا ومستوي الاحداث سطحي جدا بس الاسلوب مهذب واللغه لطيفه
اعتقد الروايه كانت محتاجه تبقا اعمق من كده

[Sana Al Abdulrahman · Rating 5 out of 5]

سمعت الرواية صوتياً في ستوريتل ، خفيفة وحسيت إني تابعت فيلم عربي واستمتعت فيه 🤍

[Youness NASREDDINE · Rating 2 out of 5]

كانت لتكون افضل من هكذا..
توجد في الرواية الكثير من المقومات لتمطيط وتقوية الحبكة قليلاً بعد، من صراعات نفسية للشخصيات، والأسلوب السردي للكاتبة.

[Mai El-Essawey · Rating 3 out of 5]

أعلم جيداً ان (الدائره) قديمه وليست بالحديثه..ومن يقرأ لدينا حديثاً سيرى مدى نضجها في اسلوب الكتابه بصفه عامه...
انهيت الدائره في يومين... نصفها في يوم والنصف الاخر ف يوم ...
احداث مشوقه ... دروس مستفاده ... اسلوب كتابه سلس... من نوعية الكتابات السلسه السريعة الأحداث لا تجد بها كثير من التعقيد
للأسف النهايه صدمتني ... ولم اتفق على جعل القاتل من خارج الأبطال او كما ذكرت الحكايه من خارج الدائره... شككت في سلمى منذ ان دخل عماد للنادي لأن دخوله لم يكن اعتيادياً...
توقعت ان سلمى تكون قاتله وليس عماد او صلاح كانت ستكون صدمه بالفعل ولكن ان يكون القاتل مجرد سارق هذا ما اثار ضيقي لأنه جعل اسم الروايه لا ينطبق عالنهايه
في حياة كل كاتب مستويات في كتاباته تدل على نجاحه وجهده... الدائره سلم من سلالم دينا التي صعدت عليها لتصل الى رواية قلوب مغلقه حتى الآن..
اعطيت الدائره حقها لكي أعطي بقية الروايات حق جهدها :) واتمنى ان تتفهم دينا مقصدي

[احمد محمود · Rating 3 out of 5]

الرواية كويسة بس هي مش رواية بالمعني الأدق للرواية
هي حاجة خفيفة كده تتقري في قعدة
حبكتها مظبوطة رغم كرهي للعامية في بعض الروايات وبشوف انها بتكون فجوة لللعمل لكن هنا العامية مظبوطة تماما وان لما الدادة او الام او الصديقة او حتي الحرامي يتكلم تحس من حواره بلهجته وحواره وشكله ووضعه وقت الكلام . واعتقد دي من احدي المميزات في الرواية
تاني حاجة انا مش مع فكرة ان النهاية من فصل واحد وان الرواية لمدة 17 فصل تكون ماشية في اتجاه وفي الفصل ال18 تتقلب 180 درجة مش مع الفكرة دي ومن رأيي ان المفروض كان يكون فيه تلميح عن المتهم الحقيقي من اول وقوع الحادثة .. موفقة ونرجو ان اي خطاء وقعت سهوا تكون مظبوطة تماما في الرواية القادمة

[Sarah Ahmed · Rating 5 out of 5]

اولا: أحب اهنئ الكاتبه علي الروايه الجميله دي
ثانيا أحب أقول لكل اللي لسه مقراش الروايه لازم تجبها لانها مزج مشاعر مابين خيانه والصداقة والحب والطمع والوفاء
اُسلوب الكاتبه بيعيشك القصه كانك موجود والاحداث دي بتحصل وبتخليك تتعاطف مع شخصيات وتكره شخصيات فيها جزء بوليسي شويه ومشوقة اووي
اكتر شخصيه عجبتني هي (أميره) طيبه اووي و وفيه اووي لصحبتها ...(فرح) كنت ساعات أتعاطف معها وساعات كنت كنت بكره تصرفاتها ...(سلمي) انا أصلا مش من محبي الاسم علشان كده كنت متوقعه انها هتطلع شريره ....(عماد ) ده كان نفسي اقتله هو وأبو فرح ناس ميهمهاش الا الفلوس ....(صلاح) شخصيه كرهتها في الاول وبعد كده اتعاطفت معاه غلط لما كدب علي فرح بس بردو صعب عليا في الاخر وكان وفي اووي لفرح

[Shima Sho · Rating 2 out of 5]

رواية تدور حول الخيانة بنوعيها ، خيانة الصديقه ، خيانة الزوج ، خيانة الحبيب
الروايه بسيطة وسهلة ومؤلمة جدا بس واقعية

ما أزعجني إنتقال الكاتب من مكان ومشهد لغيرة مختصر 5 سنوات -_-
حلو اني هعمل فﻻش باك بعد كده بس 5 سنين وحدثين منفصلين دا ازعجني ان يطلع القاتل اصﻻ مسجل خطر و القتل حادث سرعة بصراحة إعتبرتة إستخفاف بعقلي كقارئ ، ووجود بعض الاخطاء الإمﻻئية ودا أعتب فية علي المصححة اللغوية -_-
بس في المجمل أحسنتي ، أتمني الأفضل والتركيز أكتر ..
أتمني بﻻتوة تكون أفضل ..

[Fares Ali Jalal · Rating 3 out of 5]

الروايه جميله و مكنتش اتوقع انها بلوسيه بس استمتعت بالرومانسيه و الاجتماعيه اللي موجوده في الروايه غير كده الاحداث البوليسيه روتينيه بعض الشئ و القاتل كان بره الدايره .. ديه اول روياه اقراها ليكي و منكرش اني استمتعت و اني هقرأ حاجات تانيه و متأكد انها هتعجني لانك بصراحه كاتبه شاطره
اشكرك :)
بس مكنتش ينفع متومتيش فرح ديه كانت فرحه قلبي :)