Македонствување

by Десанка Николова

МАКЕДОНСТВУВАЊЕ*

Камените постели сами си ги пославме,

легло над нив си издлабивме.

И што направивме?

Каменот на срце си го ставивме.

Во стеблото отров ни сипаа,

коренот да ни суши - да пресуши,

фиданки нови да не пушти,

тие што ги има под друго небо да растат,

огнот во градите да ни го згаснат.

Ах, бездушни!

Бел ден да не видат!

Ни земаа сѐ што ни е свето,

на историјата ни ставаат вето,

малку им се сите клетви до колено трето.

Името ни го земаа,

за јазикот милост немаат,

градовите и селата ни ги испразнија,

во пустелии ги претворија,

по светот луѓето ни се селат,

им остана уште да не поделат.

А ние уште ли ќе молчиме?

Пак ли ќе премолчиме?

И семето и племето ќе си ги изгориме

ако и без борба не се бориме!

Ништо ли нема да сториме?

Зарем уште ќе бидеме

страдалници на векот?

Македонствувај!

Македонија ни е светост!

МАКЕДОНСТВУВАЊЕ е лекот!

* Македонствување е воскреснување и чување на македонското име/идентитет, македонскиот јазик, македонската култура, македонската традиција и македонските духовни вредности.

Genres: Poetry

Unknown Binding

Published September 1, 2023

Reviews

[Никола Митовски · Rating 5 out of 5]

Книгава ми е една од омилените стихозбирки, дефинитивно. Потпишувам петиција да биде задолжителна лектира во основно и средно. :D