ამიერკავკასიის დემოკრატიული ფედერაციული რესპუბლიკა 1918

by Adrian Brisku, რუსუდან კობახიძე (Translator)

გამოცემა წარმოადგენს ამიერკავკასიის დემოკრატიული ფედერაციული რესპუბლიკისადმი (1918) მიძღვნილ პირველ სამეცნიერო პუბლიკაციას. მასში შესულია საქართველოს, სომხეთის, აზერბაიჯანის, ჩრდილოეთ კავკასიის, საბჭოთა რუსეთის, ოსმალეთის იმპერიის, გერმანიისა და უკრაინის ისტორიის ქართველ და უცხოელ მკვლევართა ნაშრომები. პუბლიკაცია Routledge-ის მიერ 2021 წელს გამოცემული წიგნის ქართული თარგმანი გახლავთ.

თემატურად კვლევამ მოიცვა პოლიტიკურ, გეოპოლიტიკურ, სოციალურ და ეკონომიკურ საკითხთა ფართო სპექტრი. კვლევა დაეხმარება სპეციალისტებს, სტუდენტებს და კავკასიის ისტორიით დაინტერესებულ ფართო საზოგადოებას რეგიონის ისტორიის საკვანძო პერიოდის გასააზრებლად.

Genres: Nonfiction

344 pages, Paperback

Published January 1, 2023

Reviews

[Oto Bakradze · Rating 4 out of 5]

1918 წლის გაზაფხულზე სულ რამდენიმე კვირის განმავლობაში არსებული ამიერკავკასიის ფედერაციული რესპუბლიკის შექმნის თავდაპირველი მიზანი თეორიულად სავსებით ლოგიკური ჩანდა: ეკონომიკური და სამხედრო თვალსაზრისით სუსტი 3 ერი, ქართველები, სომხები და აზერბაიჯანელები, რომელთაც ერთი ცენტრიდან, თბილისიდან, მართვის ხანგრძლივი ტრადიცია ჰქონდათ, აცხადებდნენ მზადყოფნას ეროვნული სუვერენიტეტის ნაწილი დაეთმოთ და ერთად შეექმნათ საშუალო სიძლიერის მქონე სახელმწიფო, მაგრამ როდესაც ნათელი გახდა მანამდე ცნობილი პრობლემა, რომ ფედერაციის 3 შემადგენელი ნაწილი ვერასოდეს გამონახავს საერთო ენას და თითოეული მათგანის ეროვნული ინტერესები, უპირველესად ტერიტორიული პრეტენზიები, წინააღმდეგობაში მოვა სხვების ინტერესებთან, 1918 წლის მაისის ბოლოს ის დაიშალა.
სამხრეთ კავკასია ვერ გამოდგა შვეიცარია!

[Dimitrii Ivanov · Rating 4 out of 5]

A brief historical episode but with important implications and repercussions, expertly discussed from varied viewpoints.