Aano | ആനോ

by G.R. Indugopan

1962 ഫെബ്രുവരിയിൽ വിശുദ്ധനഗരമായ വത്തിക്കാനിൽനിന്നും അസാധാരണ വലിപ്പമുള്ള അസ്ഥിക്കഷണങ്ങൾ കിട്ടി. ഇതിന്റെ രഹസ്യമറിയാൻ തൊണ്ണൂറുകളിൽ ഒരു അമേരിക്കൻ ചരിത്രകാരൻ എത്തി. അദ്ദേഹത്തിന്റെ മുന്നിലേക്ക് അതാ ഇറങ്ങിവരുന്നു, അഞ്ച് നൂറ്റാണ്ടു മുൻപ് ജീവിച്ചിരുന്ന ഒരു ആനക്കുട്ടിയുടെ വിസ്മയചരിത്രം. 1511 ഡിസംബറിൽ, കൊച്ചിയിൽനിന്ന് ലിസ്ബൻ വഴി റോമിലെത്തി, ലിയോ പത്താമൻ മാർപ്പാപ്പയുടെ ഓമനയായി മാറിയ ഒരു 'വെളുത്ത' ആൽബിനോ ആനക്കുട്ടിയുടെ കഥ. നവോത്ഥാനകാലമായിരുന്നു. അപ്പോഴേക്കും മലബാർ-കൊച്ചി തീരങ്ങളിൽനിന്ന് പലരും പോർച്ചുഗലിലും റോമിലും എത്തിക്കഴിഞ്ഞിരുന്നു. മലയാളിയുടെ ദീർഘദൂരപ്രവാസം ഇവിടെ ആരംഭിക്കുന്നു. റോമിലും ലിസ്ബനിലുംനിന്ന് ഒരു ആനയും പാപ്പാനും മലബാറിനെ നോക്കി കഥ പറയുന്ന അപൂർവമായ നോവൽ. ദീർഘഗവേഷണങ്ങളുടെ സഹായത്തോടെ ഉരുത്തിരിഞ്ഞ ബൃഹദ് ആഖ്യാനം. ഉദ്വേഗപൂർണമായ വായനയുടെ ഉത്സവം സമ്മാനിക്കുന്ന എഴുത്തുകാരനിൽനിന്ന് വേറിട്ട ഒരു പുസ്തകം.

544 pages, Paperback

First published November 15, 2023

About the author

G.R.Indugopan, is a noted young writer in Malayalam literature who has written nine books, mostly novels. Regarded as a novelist with scientific bend, his Ice -196 C is the first technology novel in malalayam, based on nanotechnology and published by DC books. Muthalayani 100% Muthala deals with the issues of globalization. His other famous novel Manaljeevikal, focuses on the sad plight of people staying in the mineral sand mining areas of Kollam Chavara area. Iruttu Pathradhipar is a collection of short stories. He has bagged several noted awards like Abudabi Shakthi, Kumkumam, Ashan prize etc.
He is also the script writer of the Sreenivasan starred film, Chithariyavar, directed by Lalji. Recently he has scripted and directed the movie called Ottakkayyan where the director paints the screen with dark side of human nature to hint at the rotting core of this society.
He works as the senior sub editor of the Malayala Manorama daily. He lives in Trivandrum, Kerala, with his family.

Reviews

[Sreelekshmi Ramachandran]

പുസ്തകങ്ങൾ വായിക്കാനുള്ള പ്രചോദനം എന്റെ അച്ഛനാണ്.. അദ്ദേഹം ധാരാളം വായിക്കുന്നയാളാണ്. എന്നു വെച്ചാൽ ഇടതടവില്ലാതെ ബൃഹത്തായ പുസ്തകങ്ങൾ അനായാസം വായിക്കുന്ന ഒരാൾ.. അച്ഛന്റെ വായനയുടെ ഏഴയലത്തു പോലും ഞാൻ എത്തിപ്പെടാറില്ല. പുസ്തകങ്ങൾ എനിക്ക് suggest ചെയ്യാറുള്ളതും അദ്ദേഹമാണ്. അതും ഞാൻ അങ്ങോട്ട് ആവശ്യപ്പെട്ടാൽ മാത്രം.
ഇത്തവണ പതിവിനു വിപരീതമായി ചോദിക്കാതെ തന്നെ ഒരു പുസ്തകം അദ്ദേഹം എനിക്ക് suggest ചെയ്തു. ആ പുസ്തകം ഞാൻ ഉറപ്പായും വായിക്കണമെന്നും അതൊരു അസാമാന്യ സൃഷ്ടിയാണെന്നും ത്രസിപ്പിക്കുന്ന വായനാനുഭവമായിരിക്കുമെന്നും പറഞ്ഞു.
അങ്ങനെ ഒരു buildup എന്റെ അച്ഛൻ തന്നാൽ പിന്നെ മുന്നും പിന്നും നോക്കണ്ട കാര്യമില്ലല്ലോ. മനസ്സിൽ ആഗ്രഹിച്ചതും പുസ്തകം കയ്യിലെത്തിച്ചു...

ജി ആർ ഇന്ദുഗോപന്റെ ആനോ.. നൂറ്റാണ്ടുകൾക്കു മുൻപ് കേരളത്തിൽ നിന്നും റോമിലെ വത്തിക്കാനിൽ എത്തിപ്പെട്ട ഒരു ആനകുട്ടിയുടെ കഥ.. കഥയല്ല ചരിത്രം.. ഉദ്വേഗപൂർണമായ വായനയുടെ ഉത്സവം സമ്മാനിക്കുന്ന മനോഹരമായ രചന..
വായിച്ചു തുടങ്ങിയാൽ ബുക്ക് താഴെ വെക്കാൻ പോലും തോന്നില്ല എന്നു ഞാൻ പറഞ്ഞാൽ അത് അതിശയോക്തിയല്ല..
നിങ്ങളും വായിച്ചു നോക്കൂ..

[Ahtims]

One of the best books I have recently come across.
The story of an elephant cub sent to Portugal from India , by Calicut Zamorin, along with it's mahout, who had some hidden plans.
This book takes place from 1511 to 1517 when Portugal was at its zenith and Rome was ruled by the Meducci popes.

A scintillating tale which almost made me visualise all that was happening. The book is full of factual pictures, and enriched me regarding Indo Portugal history.

Will recommend to all malayalam readers.

This was also book 1 of my Bingo challenge, draw 24- a book > 500 pages.

[Dr. Charu Panicker]

1511 ഡിസംബർ കൊച്ചിയിൽനിന്ന് ലിസ്ബൻഡ് വഴി റൂമിലെത്തിയ ആനക്കുട്ടിയുടെ കഥയാണ് ഈ പുസ്തകം. അതിനോടൊപ്പം തന്നെ ആ കാലഘട്ടവും ആനക്കാരനായ ചീരനേയും അടിമത്ത വ്യവസ്ഥയും വരച്ചു കാണിക്കുന്നു.

[G-jo Vayalil]

1962 ഫെബ്രുവരിയിൽ, വത്തിക്കാനിലെ വികസനപ്രവർത്തനങ്ങളോടനുബന്ധിച്ച് നടന്ന ഖനനത്തിനിടെ അസാധാരണ വലിപ്പമുള്ള ചില അസ്ഥിക്കഷണങ്ങൾ കണ്ടെത്തുന്നു. വർഷങ്ങൾക്കുശേഷം അതിന്റെ പിന്നിലെ ചരിത്രം അന്വേഷിച്ചെത്തുന്ന ഒരു അമേരിക്കൻ ചരിത്രകാരന്റെ മുന്നിൽ തുറക്കപ്പെടുന്നത് അഞ്ച് നൂറ്റാണ്ട് പഴക്കമുള്ള ചരിത്രമാണ്. ആ ചരിത്രമാണ്, ജീവനുള്ള ഒരു സമ്മാനത്തിന്റെ കടൽ കടന്നുള്ള യാത്രയെക്കുറിച്ച്, ചരിത്രവും ഭാവനയും ചേർത്ത് വായനക്കാരനെ വിസ്മയിപ്പിക്കുന്ന തരത്തിൽ ജി.ആർ ഇന്ദുഗോപന്റെ ആനോ എന്ന നോവലിൽ പറയുന്നത്.

അഞ്ച് നൂറ്റാണ്ടു മുൻപ് 1510-11 കാലത്ത്, കൊച്ചിയിൽനിന്ന് ലിസ്ബൻ വഴി റോമിലേക്ക്, ലിയോ പത്താമൻ മാർപാപ്പക്കുള്ള നയതന്ത്ര സമ്മാനമാകാൻ പുറപ്പെട്ട ഒരു 'വെളുത്ത' ആൽബിനോ ആനക്കുട്ടിയും അവന്റെ പാപ്പാനുമാണ് കഥയുടെ കേന്ദ്രം. വേഗത്തിൽ മാറിക്കൊണ്ടിരുന്ന കാലമായിരുന്ന പതിനാറാം നൂറ്റാണ്ടിന്റെ തുടക്കത്തിലെ യൂറോപ്പിന്റെയും സമകാലീന മലബാറിന്റെയും കഥ, ചരിത്രവും ഭാവനയും ചേർത്താണ് തയ്യാറാക്കിയിരിക്കുന്നത്. അധികാരത്തിന്റെയും കച്ചവടത്തിന്റെയും പുതിയ വഴികൾ തുറന്ന്, വ്യാപാരത്തിന്റെ പേരിൽ കടൽ കടന്നെത്തിയവർ നടത്തിയ അധിനിവേശത്തിന്റെ ചരിത്രത്തിലേക്കാണ് കേശവൻ എന്ന ആനയും അവന്റെ പാപ്പാനായ ചീരനും നമ്മെ കൂട്ടിക്കൊണ്ടുപോകുകയാണ്.

കൊച്ചിയിൽ നിന്ന് മലിന്ദി (ഇന്നത്തെ കെനിയ) വഴി, ആഫ്രിക്കയുടെ തെക്കേയറ്റമായ ഗുഡ് ഹോപ്പ് മുനമ്പ് ചുറ്റി പോർച്ചുഗലിലെ ലിസ്ബണിൽ എത്തി, അവിടെ ഏകദേശം ഒന്നര വർഷത്തോളം ആനോ താമസിക്കേണ്ടി വരുന്നുണ്ട്, ജിയോവന്നി മെദിച്ചി പോപ്പ് ലിയോ പത്താമനായി തിരഞ്ഞെടുക്കപ്പെട്ടതിന് ശേഷം അവിടെ നിന്ന് ഇറ്റലിയിലെ റോം, ഇതായിരുന്നു യാത്രാപഥം.

യൂറോപ്പിന്റെയും ആഗോള കത്തോലിക്കാ സഭയുടെ ആസ്ഥാനമായ റോമിന്റെയും നവോത്ഥാന കാലഘട്ടത്തിലൂടെ നൂറ്റാണ്ടുകൾക്കപ്പുറത്തെ ചരിത്രത്തിലേക്കാണ് വായനയിലൂടെ നമ്മൾ പോകുന്നത്. ചരിത്രം പലപ്പോഴും പ്രതീക്ഷിക്കുന്നതിനപ്പുറമുള്ള യാഥാർത്ഥ്യങ്ങളെ നമുക്ക് മുന്നിൽ തുറന്നുതരുന്നു. മുൻധാരണകളെ തിരുത്തുന്ന അത്തരം പുതിയ തിരിച്ചറിവുകളുണ്ടാകുമ്പോൾ അത്ഭുതവും ചിന്താക്കുഴപ്പവും ഉണ്ടാവുക തികച്ചും സ്വാഭാവികമാണ്.

കേരളത്തിലെ സുഗന്ധവ്യഞ്ജനങ്ങൾ തേടിയെത്തിയ വിദേശികൾ, പ്രാദേശിക രാജാക്കന്മാരുമായി ചേർന്ന് സമാധാനപരമായാണ് ആദ്യകാലങ്ങളിൽ കച്ചവടം നടത്തിയത്. എന്നാൽ 1498-ൽ വാസ്കോഡഗാമയുടെ വരവോടെ ഈ ശാന്തത തകർന്നു. ആയുധബലത്തിലൂടെ വ്യാപാര കുത്തക പിടിച്ചെടുക്കാൻ ശ്രമിച്ച പോർച്ചുഗീസുകാർ, അറബി വ്യാപാരികളെ ആക്രമിക്കുകയും പ്രാദേശിക ഭരണാധികാരികളെ ഭിന്നിപ്പിക്കുകയും ചെയ്തു. ഗാമയുടെ രണ്ടാം വരവിൽ, കപ്പലിൽ മക്കയിൽ നിന്ന് മടങ്ങുകയായിരുന്ന തീർത്ഥാടകരെ കൊലപ്പെടുത്തിയത് ഉൾപ്പെടെയുള്ള അതിക്രമങ്ങളും കൂട്ടക്കൊലകളും മലബാർ തീരത്തെ ചോരയും ആശാന്തിയും നിറഞ്ഞ കൊളോണിയൽ കാലഘട്ടത്തിലേക്ക് തള്ളിവിട്ടു.

യൂറോപ്യൻ ശക്തികൾ തങ്ങളുടെ രാഷ്ട്രീയ-സാമ്പത്തിക ആധിപത്യത്തിനായി മതത്തെ ഒരു ആയുധമായി ഉപയോഗിച്ചിരുന്നു. മധ്യകാലഘട്ടത്തിൽ രാജാക്കന്മാർക്ക് മാർപ്പാപ്പയുടെ ആത്മീയ പിന്തുണ ഭരണം ഉറപ്പിക്കാൻ അനിവാര്യമായിരുന്നതിനാൽ സഭയ്ക്ക് വൻ രാഷ്ട്രീയ സ്വാധീനം ലഭിച്ചിരുന്നു. പിന്നീട് കേരളത്തിലെത്തിയ യൂറോപ്യന്മാർ, തദ്ദേശീയരായ സുറിയാനി ക്രിസ്ത്യാനികളെ നിർബന്ധിതമായി റോമൻ കത്തോലിക്കാ സഭയ്ക്ക് കീഴിലാക്കി തങ്ങളുടെ അധികാരം വ്യാപിപ്പിക്കാൻ ഇതേ തന്ത്രം തന്നെയാണ് പ്രയോഗിച്ചത്.

പോർച്ചുഗീസ് ഇന്ത്യയുടെ ഗവർണറായിരുന്ന അൽഫോൻസോ ഡി അൽബുക്കർക്കിന് കൊച്ചി രാജാവിൽ നിന്ന് ലഭിച്ച ആനകളിലൊന്നാണ് പിന്നീട് Hanno ആയി തിരിച്ചറിയപ്പെട്ടതെന്ന് കരുതപ്പെടുന്നത്. അൽബുക്കർക്ക് അതിനെ പോർച്ചുഗലിലെ മാനുവൽ ഒന്നാമൻ രാജാവിന് അയച്ചുകൊടുത്തു. പിന്നീട്, ഈ ആനക്കുട്ടിയെ രാജാവ് പോപ്പ് ലിയോ പത്താമന് നയതന്ത്ര ഉപഹാരമായി സമ്മാനിച്ചു. പൗരസ്ത്യ ദേശത്തെ കീഴ്പ്പെടുത്തിയതിന്റെയും അവിടത്തെ രാജാക്കന്മാർ പോർച്ചുഗീസിന് മുന്നിൽ മുട്ടുകുത്തിയതിന്റെയും പ്രതീകമായാണ് ആനയെ മാനുവൽ രാജാവ് പോപ്പിന് സമ്മാനിച്ചത്.

ആനക്കുട്ടിയെ സമ്മാനിച്ചതിന് പിന്നിൽ, ഇന്ത്യ മുഴുവൻ മാർപ്പാപ്പയ്ക്ക് വിധേയമായി സമർപ്പിക്കപ്പെടുന്നു എന്ന അർത്ഥത്തിലാണ് പോർച്ചുഗീസുകാർ കാഴ്ചവയ്ക്കലിനെ നയതന്ത്രമായി വ്യാഖ്യാനിച്ചത്. അക്കാലത്ത് ആനയെ കണ്ടിട്ടുപോലുമില്ലാതിരുന്ന യൂറോപ്യന്മാരെയും റോമാക്കാരെയും മാർപ്പാപ്പയെയും ഒരുപോലെ അത്ഭുതപ്പെടുത്തിയ ഒരു മൃഗമായിരുന്നു ആനോ.

ഇതിലെ പ്രധാന കഥാപാത്രങ്ങളിലൊരാളായ പോപ്പ് ലിയോ പത്താമൻ (ജിയോവന്നി ഡി മെദിച്ചി), ഫ്ലോറൻസിലെ പ്രശസ്തമായ 'മെദിച്ചി' ബാങ്കിങ് കുടുംബത്തിലെ അംഗമായിരുന്നു. പോപ്പ് പദവിയെ രാഷ്ട്രീയ ആയുധമാക്കിയ ഇവരുടെ ഭരണകാലത്ത്, സാമ്പത്തിക ധൂർത്തും അഴിമതിയും കാരണം സഭ വലിയ ആത്മീയ അധഃപതനത്തിലായിരുന്നു. പോപ്പ് ലിയോ പത്താമൻ കലകളെയും കലാകാരന്മാരെയും വലിയ തോതിൽ പ്രോത്സാഹിപ്പിച്ചിരുന്ന ആളായിരുന്നു. പക്ഷെ അദ്ദേഹത്തിന്റെ ആഡംബരപൂർണ്ണമായ ജീവിതരീതിയും വത്തിക്കാന്റെ സാമ്പത്തിക പ്രതിസന്ധികൾക്ക് കാരണമായി.

അക്കാലത്ത് ഏറ്റവും വലിയ വിവാദത്തിന് കാരണമായ,സഭയിൽ നിലനിന്നിരുന്ന 'പാപമോചന സർട്ടിഫിക്കറ്റുകളുടെ വിൽപ്പനയിൽ പണം വാങ്ങുന്നതിലും' (Indulgences) ആഡംബര ജീവിതത്തെയും ചോദ്യം ചെയ്ത അഗസ്റ്റിനിയൻ (Augustinian) സന്യാസി 'മാർട്ടിൻ ലൂഥറെ' Decet Romanum Pontificem എന്ന ഔദ്യോഗിക കൽപ്പനയിലൂടെ കത്തോലിക്കാ സഭയിൽ നിന്ന് പൂർണ്ണമായും പുറത്താക്കി (Excommunication). അതുവഴി പാശ്ചാത്യ ക്രിസ്ത്യൻ ലോകത്തിലെ നിർണായക മതവിഭജനമായ 'പ്രൊട്ടസ്റ്റന്റ് നവോത്ഥാനത്തിന്' തുടക്കമായതുമൊക്കെ പുസ്തകത്തിൽ കഥയോടൊപ്പം പറയുന്നുണ്ട്.

റോമിലെത്തിയ ആനോയ്ക്ക് വത്തിക്കാനിൽ പ്രത്യേകമായ വസതിയും ചെലവുകൾക്കായി നിശ്ചിത തുകയും വകയിരുത്തിയിരുന്നു. വെളുത്ത നിറവും ഇണക്കമുള്ള പെരുമാറ്റവും കൊണ്ട് എല്ലാവരുടെയും സ്നേഹം അവൻ പിടിച്ചുപറ്റി. പോപ്പിന്റെ ഓമനയായ ആനോയുടെ പരിപാലനത്തിനായി പ്രത്യേകം ആളുകളെ പോപ്പ് ലിയോX നിയോഗിച്ചിരുന്നു.

വാസ്കോ ഡ ഗാമ, ലിയോനാർഡോ ഡാവിഞ്ചി, കബ്രാൾ, അൽബുക്കർക്ക്, മൈക്കലാഞ്ചലോ, റാഫേൽ എന്നിങ്ങനെ വ്യത്യസ്ത പശ്ചാത്തലങ്ങളുള്ള, മലയാളത്തിന് പരിചിതമായ, ചരിത്രത്തിൽ മറഞ്ഞ പലരും കഥയിൽ കടന്നുവരുന്നുണ്ട്. ചരിത്രപുസ്തകങ്ങളിൽ ഏതാനും വരികളായി അവശേഷിച്ച ആളുകളും സംഭവങ്ങളുമൊക്കെ എഴുത്തുകാരന്റെ സാങ്കൽപ്പിക ലോകത്തിൽ ജീവൻ വയ്ക്കുന്നുണ്ട്. മനോസ്തംഭകമായ ഒട്ടനവധി ചരിത്രസത്യങ്ങൾ ഈ കൃതിയിലുടനീളം പരാമർശിക്കപ്പെടുന്നുണ്ട്, ആ സത്യങ്ങളൊക്കെ വായനക്കാരനെ പലയിടത്തും ആത്മസംഘർഷത്തിലേക്ക് നയിക്കും.

ചില കഥാപാത്രങ്ങളുടെ ദീർഘമായ സംഭാഷണങ്ങളും വിശദീകരണങ്ങളും വായനയുടെ ഒഴുക്കിനെ ചിലയിടങ്ങളിൽ ചെറുതായി തടസ്സപ്പെടുത്തുന്നുണ്ടെങ്കിലും അതൊരു വലിയ ന്യൂനതയായികാണാൻ കഥയിലെ ചരിത്രസത്യങ്ങൾ അനുവദിക്കില്ല.

മന്ത്രവാദം ആരോപിച്ചും സഭയുടെ വിശ്വാസപ്രമാണങ്ങൾക്ക് എതിരായി പ്രവർത്തിച്ചുവെന്ന് കുറ്റപ്പെടുത്തിയുമാണ് 'റിപ്പാബിയാങ്കയിലെ മാത്ത്യൂച്ചിയ ഡ ഫ്രാൻസിസ്കോ'യെ മതവിചാരണയ്‌ക്കൊടുവിൽ ജീവനോടെയാണ് ചുട്ടുകൊന്നത്. അവരുടെ കുലത്തിൽപ്പെട്ട ഒരു 'സ്ത്രീ', പോപ്പ് ലിയോ പത്താമനെ വധിക്കാൻ ഗൂഢാലോചന നടത്തിയ കേസിൽ കുറ്റം ആരോപിച്ചു വധിച്ച, കർദ്ദിനാൾ അൽഫോൻസോ പെത്രൂച്ചി, കോർനെറ്റോ, റിയേറിയോ, സൊദെരീനി തുടങ്ങിയ കർദ്ദിനാൾമാർക്ക് മുന്നിൽ ഭാവി പ്രവചിക്കാനായി എത്തുന്ന ഒരു രംഗമുണ്ട് കഥയിൽ. ​കർദ്ദിനാൾമാരോട് അവൾ പ്രവചിച്ചതെല്ലാം 'അപ്രിയസത്യങ്ങളായിരുന്നു'. പ്രവചനം കേട്ട് ക്രുദ്ധനായ കോർനെറ്റോ ചുമരിൽനിന്ന് കൈക്കോടാലി വലിച്ചെടുത്ത് അവളെ പുറത്താക്കാൻ തുനിയുമ്പോൾ, കർദ്ദിനാൾമാർക്ക് നേരെ സധൈര്യം അവൾ വിളിച്ചുപറയുന്നത് ഇപ്രകാരമാണ്

"ഞാൻ അവളുടെ കുലത്തിൽ പെട്ടതാണ്. (റിപ്പാബിയാങ്കയിലെ മാത്ത്യൂച്ചിയ ഡ ഫ്രാൻസിസ്കോയുടെ) സ്ത്രീ എന്ന കുലത്തിൽ. നിങ്ങളുടെ മതം എത്ര ചങ്ങലയിട്ടാലും വിചാരണയിട്ടു കൊന്നാലും പുരുഷത്വമേ, നിങ്ങളുടെ മേലേക്കൂടി ഞങ്ങൾ പറന്നുവരും; സ്ത്രീകൾ. നിങ്ങൾക്ക് ജന്മം തരാൻ ആകുമെങ്കിൽ നിങ്ങൾക്കൊപ്പം തോളോട് ചേർന്നുനിന്ന് ജീവിക്കാനും ഞങ്ങൾക്കാകും. കൊല്ലണമെങ്കിൽ പറ. ഇഷ്ടംപോലെയുണ്ട് ലോകത്ത് ഞങ്ങൾ. പകുതിയും ഞങ്ങളാണ്. ഞങ്ങൾ സത്യം പറയും; ചുട്ടുകൊന്നാലും. അവയൊക്കെ ഫലിക്കുകയും ചെയ്യും."
ചരിത്രവസ്തുതകളെയും ഭാവനയെയും സമർത്ഥമായി കോർത്തിണക്കിയ നോവലിലെ ഏറ്റവും ഉജ്ജ്വലമായ സന്ദർഭങ്ങളിലൊന്നാണിത്.

അധികാരത്തിന്റെയും പുരുഷമേധാവിത്വത്തിന്റെയും മുഖത്തടിക്കുന്ന ശക്തമായ മറുപടിയാണ് താൻ സൃഷ്ടിച്ച ഈ കഥാപാത്രത്തിലൂടെ എഴുത്തുകാരൻ നൽകുന്നത്. മറ്റൊരു കഥാപാത്രമായ ലിയനർദോ ദ വിഞ്ചിയെക്കൊണ്ട് പോപ്പ് ലിയോX യോട് "മതങ്ങളെ! നിങ്ങളാദ്യം മനുഷ്യവേദനകൾ പഠിക്ക്" എന്ന് പറയിപ്പിക്കുന്നിടത്തും, അധികാരത്തിനും സംഘടിത മതങ്ങൾക്കുമെതിരെയുള്ള എഴുത്തുകാരന്റെ ഇതേ പ്രതിരോധശബ്ദം വ്യക്തമായി കേൾക്കാം.

ജാതീയമായ അടിച്ചമർത്തലുകൾക്കും അസമത്വങ്ങൾക്കും ഇരയായിരുന്ന ഒരു സാമൂഹിക പശ്ചാത്തലത്തിൽ നിന്നാണ് ആനപാപ്പാൻ ചീരൻ സംസാരിക്കുന്നത്. സാമൂതിരിയുടെ രഹസ്യദൗത്യം ഏറ്റെടുക്കുമ്പോഴും, ആന കേശവനുമായി ആത്മബന്ധം സ്ഥാപിക്കുമ്പോഴും ചീരന്റെ ഉള്ളിൽ കനലായി എരിഞ്ഞിരുന്നത് സ്വന്തം കുടുംബത്തിന്റെ മോചനമായിരുന്നു.

​പോർച്ചുഗീസുകാരുടെ ചൂഷണങ്ങളിൽ മടുത്ത ജൂദവിഭാഗത്തിൽപ്പെട്ട സാറ, ചീരന്റെ ദൗത്യത്തിന് എന്ത് പ്രതിഫലമാണ് വേണ്ടതെന്ന് ചോദിക്കുമ്പോൾ,
​"എങ്കിൽ എന്റെ കർമംകൊണ്ട് എന്റെ കുടുംബത്തിന് സ്വാതന്ത്ര്യം കിട്ടണം. തീണ്ടാപ്പാടകലെ അവരെ നിർത്താത്ത ഒരു രാജ്യത്ത് അവരെ മാറ്റിപ്പാർപ്പിക്കണം. പറ്റുമോ? എന്റെ ഭാര്യ, മകൻ, അച്ഛൻ, അമ്മ എന്നിവർ ഈ ലോകത്ത് സ്വതന്ത്രരായി ജീവിക്കണം... എന്റെ ഭാര്യയ്ക്ക് നിങ്ങളെപ്പോലെ വ്യാപാരം ചെയ്യാനും രാഷ്ട്രീയത്തിൽ ഇടപെടാനും സ്വാതന്ത്ര്യം വേണം. അവൾക്ക് അതിനുള്ള പരിശീലനം കൊടുക്കണം. വ്യാപാരം പഠിപ്പിക്കണം. പറ്റുമോ?" താഴ്ന്ന ജാതിക്കാരനായി സമൂഹം വിധിച്ച ഒരു വ്യക്തിയുടെ ഉള്ളിലെ നീതിബോധവും, വ്യവസ്ഥിതിയോടുള്ള പ്രകടമായ കലാപവും, ഭാവി തലമുറയെക്കുറിച്ചുള്ള വലിയ കാഴ്ചപ്പാടുമാണ് ചീരന്റെ ഈ മറുചോദ്യത്തിൽ നിഴലിക്കുന്നത്.

മധ്യ ആഫ്രിക്കൻ തീരത്തെ (Expulsion of Jewish Children to São Tomé - 1493) സാവോ ടോം, കാലങ്ങളോളം പോർച്ചുഗീസ് കോളനിയായിരുന്നു. സ്പെയിനിൽ നിന്ന് പുറത്താക്കപ്പെട്ട്, പോർച്ചുഗലിൽ അഭയം തേടിയ ജൂത കുടുംബങ്ങൾക്ക് വൻ നികുതി ചുമത്തുകയും, നികുതി അടയ്ക്കാൻ കഴിയാത്ത കുടുംബങ്ങളിലെ രണ്ടു മുതൽ പത്ത് വയസ് വരെ പ്രായമുള്ള രണ്ടായിരത്തോളം കൊച്ചുകുട്ടികളെ നിർബന്ധപൂർവ്വം പിടിച്ചെടുത്ത് ക്രിസ്തുമതത്തിലേക്ക് മാറ്റുകയും തുടർന്ന്,
ആരും വസിക്കാത്ത ദ്വീപ് ജനവാസയോഗ്യമാക്കാനായി ഈ കുട്ടികളെ വിജനമായ 'സാവോ ടോമിലേക്ക്' നാടുകടത്തി, രോഗങ്ങളും കഠിനമായ കാലാവസ്ഥയും കാരണം ഭൂരിഭാഗം കുട്ടികളും യാത്രക്കിടയിലും ദ്വീപിൽ വച്ചും
ദാരുണമായി മരിക്കുന്നുണ്ട്. നോവലിലെ ഈ ചരിത്രസത്യത്തിന്റെ വിവരണം ഒരു നോമ്പരത്തോടെയല്ലാതെ വായിച്ച് പോകാൻ കഴിയില്ല.

പതിനാറാം നൂറ്റാണ്ടിൽ പോർച്ചുഗീസ് ഭരണവും കത്തോലിക്കാ സഭയും കൈകോർത്ത് ഗോവയിൽ നടപ്പിലാക്കിയ ഭീകരമായ അടിച്ചമർത്തലിന്റെയും നിർബന്ധിത മതപരിവർത്തനത്തിന്റെയും ചരിത്രമാണ് 'ഗോവൻ ഇൻക്വിസിഷൻ' (Goa Inquisition 1560–1812). പ്രാദേശിക സംസ്കാരങ്ങളെയും ആചാരങ്ങളെയും ആസൂത്രിതമായി ഇല്ലാതാക്കാൻ ശ്രമിച്ച ഈ കറുത്ത അധ്യായത്തിന് നേതൃത്വം നൽകാൻ ലിസ്ബനിൽ നിന്ന് പുറപ്പെടുന്നത്, പതിനാറാം നൂറ്റാണ്ടിൽ മാനുവൽ രാജാവിന്റെ കൊട്ടാരത്തിൽ ഏറ്റവും സ്വാധീനമുള്ള വ്യക്തിയായി നോവലിൽ അവതരിപ്പിക്കപ്പെടുന്ന കഥാപാത്രങ്ങളിൽ ഒന്നാണ്. 'നാരായണൻ എന്ന മിഖേൽ വാസ്' എന്ന മലയാളി പുരോഹിതൻ.

കഥയിൽ കടന്നു വരുന്ന നിരവധി ചരിത്രസത്യങ്ങളിൽ വായനക്കാരനെ പിടച്ചുലയ്ക്കുന്ന ചിലതാണ് പറഞ്ഞു വന്നത്. അധിനിവേശത്തിന്റെയും ആധിപത്യങ്ങളുടെയും കടന്നു കയറ്റം, ഭൂമുഖത്തു നിന്ന് എന്തിനെന്നറിയാതെ കൊലചെയ്യപ്പെട്ടവർ -എന്തിനെന്നറിയാതെ പാതി വഴിയിൽ ജീവിതം നഷ്ടപ്പെട്ടവർ- സാമ്രാജ്യങ്ങൾക്കിടയിൽ ദ്വിഭാഷിയായും ഒറ്റുകാരനുമായവർ. ഞെരുക്കങ്ങൾക്കിടയിലും മനുഷ്യത്വമുപേക്ഷിക്കാത്തവർ അങ്ങനെ ഒട്ടനവധി വ്യക്തികൾ കഥയുടെ ആദ്യാവസാനം നമുക്കൊപ്പം വരുന്നുണ്ട്.

പോപ്പ് ലിയോ പത്താമന്റെ അതീവ പ്രിയപ്പെട്ട മൃഗമായിരുന്ന 'ആനോ' (Hanno) 1516 ജൂൺ 8-ന് ദഹനപ്രശ്നങ്ങൾ കാരണം ദാരുണമായി ചരിഞ്ഞപ്പോൾ വത്തിക്കാനിൽ തന്നെയാണ് അവനെ സംസ്കരിച്ചത്. അവന്റെ ഓർമ്മയ്ക്കായി നവോത്ഥാന കാലത്തെ വിഖ്യാത ചിത്രകാരനായ റഫേൽ (Raphael) വത്തിക്കാൻ കൊട്ടാരച്ചുവരിൽ ആനോയുടെ മനോഹരമായ ചിത്രം വരയ്ക്കുകയും ചെയ്തിരുന്നു. പിന്നീട് നൂറ്റാണ്ടുകൾക്ക് ശേഷം, 1962-ൽ വത്തിക്കാൻ മ്യൂസിയത്തിന്റെ വികസനപ്രവർത്തനങ്ങൾക്കിടയിലാണ് ആനോയുടെ ഈ അസ്ഥികൂടം കണ്ടെത്തുന്നത്. ഈ ചരിത്ര സത്യത്തിൽ നിന്നാണ് ഇന്ദുഗോപൻ നോവലിന്റെ അന്വേഷണങ്ങൾ ആരംഭിക്കുന്നത്.

നോവലിന്റെ ഏറ്റവും വലിയ ശക്തി നോവലിനായി നടത്തിയ ഗവേഷണത്തിന്റെ ആഴമാണ്. ഏകദേശം പത്തു വർഷത്തോളം സമയമെടുത്താണ് ചരിത്രവും ഭാവനയും ചാലിച്ച് ഈ കഥ ഇന്ദുഗോപൻ മെനഞ്ഞെടുത്തത്. 'ആനോ’ പോലെയുള്ള നോവലുകൾ ഇനിയും ഉണ്ടാകണം. കാരണം, ചരിത്രത്തിൽ നിന്ന് മായ്ച്ചുകളയപ്പെട്ടവന്റെ, മതങ്ങളും അധികാരങ്ങളും ചേർന്ന് നിശബ്ദനാക്കിയവന്റെ, ഓർമ്മകൾക്ക് അവ ഇടം നൽകുന്നു. അധിനിവേശങ്ങളോടും അടിച്ചമർത്തലുകളോടും നിർബന്ധിത മതപരിവർത്തനങ്ങളോടും ചോദ്യം ചോദിച്ചുകൊണ്ട് അവ കാലങ്ങളോളം നിലനിൽക്കും. ചരിത്രം വിജയിച്ചവന്റെ മാത്രമല്ല; ചരിത്രത്തിൽ നിന്ന് പുറത്താക്കപ്പെട്ടവരുടെയും കൂടിയാണ്.

യഥാർത്ഥത്തിൽ കൊച്ചി രാജാവ് സൗഹൃദത്തിന്റെ പേരിൽ നൽകിയ ഒരു സമ്മാനം, യൂറോപ്പിലെത്തിച്ചേർന്നപ്പോൾ പോർച്ചുഗീസുകാരുടെ സാമ്രാജ്യത്വ അഹങ്കാരത്തിന്റെയും സഭയോടുള്ള വിധേയത്വത്തിന്റെയും പ്രതീകമായി മാറുകയായിരുന്നു.
ആനോ’യുടെ യാത്ര ഒരു സമ്മാനത്തിന്റെ യാത്രയല്ല. അത് അധികാരം ഒരു ഭൂഖണ്ഡത്തിൽ നിന്ന് മറ്റൊരു ഭൂഖണ്ഡത്തിലേക്ക് സഞ്ചരിച്ച കഥ കൂടിയാണ്. മലനാട്ടുകാരുടെ ദീർഘദൂരപ്രവാസം ആരംഭിച്ച കാലം കൂടിയായിരുന്നു അത്.

ചരിത്രത്തെയും ഫിക്ഷനെയും വേർതിരിച്ച് മനസ്സിലാക്കാനും, അതിലൂടെ ചരിത്രത്തിന്റെ ഇരുണ്ട ഏടുകളെക്കുറിച്ച് കൂടുതൽ അറിയാനുമുള്ള തുടർ വായനയ്ക്കും ഈ കൃതി സഹായിക്കുന്നു. ഡിസി ബുക്‌സ് പുസ്തക പ്രസാധനത്തിന്റെ അൻപതാം വാർഷത്തിൽ 544 പേജുകളിലായി നിരവധി ചിത്രങ്ങളും ഉൾപ്പെടുത്തി ആനോയുടെ കഥ പ്രസിദ്ധീകരിച്ചിരിക്കുന്നത്. അവസാന അനുബന്ധത്തിൽ നോവലിസ്റ്റ് ആനോ എന്ന കഥ ഉരുത്തിരിഞ്ഞതിനെക്കുറിച്ചും, വത്തിക്കാനിലെത്തുന്നവർക്ക് ഇന്നും ആനോയുടെ ശില്പം കാണാവുന്നതാണെന്നും പറയുന്നുണ്ട്.

ആനോ എന്ന പുസ്തകത്തിന്റെ അവസാന പേജും വായിച്ചു മടക്കുമ്പോൾ ഒരു ശൂന്യതയായിരുന്ന അനുഭവപ്പെട്ടത്, ചരിത്രത്തിലേക്ക് മടങ്ങിയ പലരും കൂടെയുണ്ടായിരുന്ന രണ്ടുമൂന്നാഴ്ചകൾ. നമുക്ക്‌ പിന്നിൽ മറഞ്ഞ ചരിത്രം, മറവിയുടെ ചാരമൂടിയ ഒരു തീക്കനൽ തന്നെയാണ്, ചിലർ അത് ഭാവനചേർത്ത് ഊതിച്ചുവപ്പിക്കുന്നു. ചരിത്രവായന ഇഷ്ടപ്പെടുന്നവർ തീർച്ചയായും വായിച്ചിരിക്കേണ്ട ഒന്നാണ് 2024-ലെ മികച്ച നോവലിനുള്ള കേരളസാഹിത്യ അക്കാഡമി അവാർഡ് നേടിയ, ചരിത്രപരമായ പശ്ചാത്തലവും ദീർഘകാല ഗവേഷണങ്ങളും അടിസ്ഥാനമാക്കി ഒരു ബൃഹദ് ആഖ്യാനമായ ആനോ എന്ന നോവൽ.

[Rithin Ravindran]

മലയാളത്തിൽ ക്രൈം/ഹൊററിന് പുറത്തുള്ള genre ഫിക്ഷൻ എഴുത്ത്‌ തന്നെ കുറവാണല്ലോ. അതിൽ തന്നെ ഹിസ്റ്റോറിക്കൽ ഫിക്ഷൻ വളരെ അപൂർവമായിരിക്കും. ജി ആർ ഇന്ദുഗോപന്റെ 'ആനോ' എന്ന ഈ നോവലിന്റെ ഏറ്റവും വല്യ പോസിറ്റീവ് ഘടകം തന്നെ ഈ genre ൽ ഒരു എപിക്ക് സ്വഭാവത്തോടെ ഒരു പുസ്തകം തയ്യാറാക്കാൻ പറ്റി എന്നതാണ്. കേരള ചരിത്രത്തിന്റെ ഏറ്റവും സുപ്രധാന സന്ദർഭങ്ങളിൽ ഒന്നാണല്ലോ 15- 16 നൂറ്റാണ്ടിലെ പോർച്ചുഗീസ് നാവികരുടെ വരവും, അവരുടെ മത രാഷ്ട്രീയ അധികാര ഇടപെടൽ ഒക്കെ. ആ പശ്ചാത്തലത്തിൽ ഒരു ഫിക്ഷൻ work ന്റെ സാദ്ധ്യത നമ്മുടെ ഭാഷയിൽ ഇതുവരെ ആരും ശ്രമിച്ചിട്ടില്ലേ എന്നത് തന്നെ ഒരു അദ്‌ഭുതമാണ്. സ്വാഭാവികമായി ഹിസ്റ്റോറിക്കൽ ഫിക്ഷൻ എഴുതാൻ ഒരുപാട് റിസർച്ച് ആവശ്യമാണ്. ആ effort ഈ പുസ്തകത്തിൽ തീർച്ചയായും കാണാൻ പറ്റും. വാസ്കോ ദ ഗാമയും, പെഡ്രോ കബ്രാളും, സാമൂതിരിയും, തുഞ്ചത്തെഴുത്തച്ഛനും ഒക്കെ കഥാപാത്രങ്ങളായി വരുന്നു. നോവലിന്റെ പേര് സൂചിപ്പക്കുന്നത് പോലെ കേന്ദ്ര കഥാപാത്രം ആനയും, അതിന്റെ പാപ്പാനുമാണ്. യൂറോപ്പുകാർക്ക് അത്ഭുതമായ ഈ ജീവിയെ കേരളത്തിൽ നിന്ന് മാർപ്പാപ്പയ്ക്ക് സമർപ്പിക്കാൻ വേണ്ടി കൊണ്ടുപോകുന്നതാണ് പശ്ചാത്തലം. ഒരു ഇന്ദുഗോപൻ നോവൽ പോലെ അതിൽ ഒളിഞ്ഞിരിക്കുന്ന ചതിയും, വഞ്ചനയും, സ്പൈ വർക്കുകളും, കൊലപാതക ഗൂഢാലോചനകളും, യൂറോപ്പിലെ മത രാഷ്ട്രീയ അധികാര പിടിവലിയും ഒക്കെ കടന്നു വരുന്നു. യൂറോപ്പിൽ എത്തിയതിന് ശേഷം പോർച്ചുഗീസ് രാജാവ് മാനുവലും, മാർപ്പാപ്പ ലൂയീ പത്താമനും.. ലോകപ്രശസ്ഥ ചിത്രകാരായ ഡാവിഞ്ചിയും, മൈക്കെലാഞ്ജലോയും, റാഫേലുമൊക്കെ പ്രധാന കഥാപാത്രങ്ങളായി കടന്നുവരുന്നുണ്ട്.

കൂടികാഴ്ചകളും അതിലെ സംഭാഷണങ്ങളിലൂടെയും പ്ലോട്ട് ഉരുത്തിരിയുന്ന രീതിയിലാണ് നോവലിന്റെ form ഉള്ളത്. അതാണ് ഈ നോവലിന്റെ ഏറ്റവും നെഗറ്റീവ് ആയി തോന്നിയ സംഗതിയും. പറഞ്ഞത് പോലെ ഗൂഢാലോചന - ചതി പശ്ചാത്തലത്തിൽ, ആരെയും വിശ്വസിക്കാൻ പറ്റാത്ത സാഹചര്യത്തിൽ പോലും, ആദ്യം കണ്ടുമുട്ടുന്ന കഥാപാത്രങ്ങൾ പേജുകളോളം അവരുടെ ചരിത്രവും അവരുടെ ഉദ്ദേശങ്ങളും പറഞ്ഞുകൊണ്ടിരിക്കുകയാണ് പല സന്ദർഭങ്ങളിലും. വായനക്കാർക്ക് ആ കഥാപാത്രങ്ങളുടെ ഉദ്ദേശം മനസിലാക്കാൻ വേണ്ടിയാണെങ്കിലും, പല സ്ഥലങ്ങളും too much illogical over-exposition ആയി ഇത് മാറിയിട്ടുണ്ട്. ആദ്യം ഈ നോവൽ വീക്കിലിയിൽ വന്നതുകൊണ്ട് അതിൽ അത്ര പ്രശ്നം തോന്നിയിട്ടുണ്ടാവില്ല... പക്ഷെ പുസ്തകമായി വായിക്കുമ്പോൾ ഈ continuous സംഭാഷങ്ങൾ ഒരുപാട് സ്ഥലത്ത്‌ മടുപ്പിക്കുന്നുണ്ട്.

പുസ്തകത്തിൽ ഈ ചരിത്രപശ്ചാത്തലത്തെ സാധൂകരിക്കാൻ ഒരുപാട് പെയിന്റിങ്ങുകളും, അന്നത്തെ map ഉം യാത്ര റൂട്ടുകളൊക്കെ ചിത്രസഹിതം കൊടുത്തിട്ടുണ്ട്. പക്ഷെ 'ഡിസി' യുടെ ലോക്കൽ പേജസിൽ ഒരു ക്ലാരിറ്റി ഇല്ലാതെയായാണെന്ന് മാത്രം. സാഹിത്യ അക്കാദമി അവാർഡ് കിട്ടിയ വകയിലെങ്കിലും, this novel deserves better pages and clear photographs എന്ന് തോന്നി.

[Gokul Krishnan]

G. R. Indugopan deserves all the praise for the brilliant brain work in Aano. Very enjoyable read. However, I believe a skilled editor could have made the novel even better.

[Saswathy]

The novel revolves around Hanno (Aano), the elephant gifted by Manuel I of Portugal to Pope Leo X in the early 16th century. While the historical record largely remembers Hanno as an exotic curiosity in Europe, Indugopan seems to flip the perspective entirely. Instead of celebrating a diplomatic gift, he asks what that journey meant for those who had no say in it, the mahouts, the local communities, and the land from which the elephant was taken.

What makes that premise compelling is that colonialism wasn't only about extracting spices, gold, or territory. It also commodified living beings, culture, and people. By following the fate of a baby elephant from Kerala to Renaissance Europe, the novel illustrates how imperial ambition reached into every corner of life. The elephant becomes less a royal gift and more a symbol of everything that could be possessed, displayed, and uprooted.

Historical fiction is at its best when the research never overshadows the story but quietly lends it authenticity. Indugopan appears to have struck that balance, using meticulous historical research to tell a deeply human story rather than merely recreating history.

The thought that lingers is a poignant one: colonial power didn't just conquer nations; it interrupted countless individual lives, human and non-human alike. Aano's journey becomes a reminder that even an elephant could become a silent witness to empire.

[Hilal Ahammed c c]

ചിലയിടത്തെല്ലാം കൊളുത്തിവലിക്കുകയും ചിലയിടത്തെല്ലാം ചരിത്രമായി പതിപ്പ് ചുരുങ്ങുകയും ചെയ്യുന്നു. രണ്ടായാലും കാറ്റും കോളും നിറഞ്ഞ കടലിൽ തിരമാലയുടെ അറ്റത്ത് തെന്നി നീങ്ങുന്ന കപ്പൽ പോലെ, ഇന്ദുഗോപനെ വായിക്കുമ്പോൾ മനസ്. നിർത്താതെ ത്രസിപ്പിക്കാനുള്ള അനിതരസാധാരണമായ സിദ്ധി.

[Farzeen Faizal]

May this kind of book find its way to historical fiction fans (me :p) always!

[Anupama C K(b0rn_2_read)]

3.5 stars

[Sofia]

Excellent novel... History, philosophy, romance, suspense.. everything blended smoothly. Never expected to read such a novel in Malayalam.

[Stephen Jose]

മനുഷ്യന്റെ ആഗ്രഹപൂർത്തീകരണത്തിനായി ഏതൊരു ജീവിയെയും അവന്റെ സ്വാതന്ത്ര്യത്തെ ഹനിക്കുമ്പോൾ, അടക്കിവളർത്തുമ്പോൾ തന്നെ നമ്മൾ ക്രൂരന്മാരായ മൃഗമായി മാറുന്നു. പിന്നെ രാഷ്ട്രീയലാഭത്തിനായി ബലി കൊടുക്കൽ കൂടി കാണുമ്പോൾ വികാരനിർഭരമാവുന്നു. ആനോയുടെ അവസാന കാലഘട്ടം നമ്മുടെ കണ്ണുകളെ ഈറനണിയിക്കും തീർച്ച. എഴുതിചേർക്കപ്പെടാൻ പോലും പരിഗണിക്കാതെ പോയ കേശവൻ. സ്വന്തം കുഞ്ഞിനെന്നപോലെ നിഴലായി മാറിയ ചീരൻ. രണ്ടുപേരും ഒരേപോലെ അനാഥരാണ്.

[Jithin K Mohan]

A very breezy read, even when this talks about a lot of atrocities of the 16th century, and as a historical fiction, there is tons of research, which is very apparent. But a lot of pages remind you a lot more about the writer's need to remind us of how much research has been done and how important the themes are; it breaks the suspension of disbelief that is important in fiction. The way the story moves is mostly through dialogue between people; it is not too reliant on internal monologues or descriptions of events, which made a lot of dialogue too out of place. The beginning of the novel was very intriguing. The way it weaved the history and fiction together with some great themes made it feel like a great start. But when it moved on, it felt like it was biting more than it could chew. There are just too many characters, events and themes that certain pages are devoted to just explaining stuff, which are direct events or themes in a way that doesn't feel like it flows with the rest of the book. Either the book should've been longer, or it just shouldn't have tried this much. I mean, I get the urge to include all the research you did and wanted to include as many historical figures of the time who could've been in the same place together. I would've definitely done that if I tried writing it, but an established writer should be better than that.
All the editing issues that were overlooked by DC while publishing it were also very distracting. I don't know if it's just in the print impression of the book I got or all the ones, but it is very sloppy editing.
Even with these problems I had with it, it was still an interesting read that had a lot of work done behind it.

[Lijozzz Bookzz]

ഏറെ ആകാംക്ഷയോടെ വായിച്ചു തീർത്ത ഒരു ഗ്രന്ഥമാണ് ജി. ആർ. ഇന്ദുഗോപന്റെ “ആനോ” എന്ന നോവൽ. ഏകദേശം 550 പേജുകൾ വരുന്ന ഈ ഗ്രന്ഥം ഒട്ടും വിരസതയില്ലാതെ രണ്ട് ദിവസം കൊണ്ട് വായിച്ചുതീർക്കാൻ സാധിച്ചത് ഇന്ദുഗോപൻ എന്ന എഴുത്തുകാരൻ സൃഷ്ടിച്ച ആശയലോകവും അതോടൊപ്പംതന്നെ അദ്ദേഹത്തിന്റെ ഭാഷയുടെ മാസ്മരികതയുമാണ്. പതിനാറാം നൂറ്റാണ്ടിൽ കൊച്ചിയിൽ നിന്നും റോമിലേക്ക് കൊണ്ടുപോയ കേശവൻ എന്ന ആനയുടെയും ചീരൻ എന്ന ആനപ്പാപ്പന്റെയും കഥയാണ് “ആനോ.” നവോത്ഥാന കാലത്ത് കേരളതീരത്തേക്ക് പാശ്ചാത്യ ലോകത്തിനു നിന്നും നടത്തിയ കപ്പലോട്ടങ്ങളും, മതത്തിന്റെ അവിശുദ്ധമായ രാഷ്ട്രീയലക്ഷ്യങ്ങളും, വെട്ടിപിടിക്കലും, തദ്ദേശീയരുടെ പ്രതിരോധശ്രമങ്ങളുമെല്ലാം ഈ നോവൽ ചർച്ച ചെയ്യുന്നുണ്ട്. മലബാറിന്റെ തീരത്തേക്ക് പാഞ്ഞെത്തിയ പാശ്ചാത്യ അധിനിവേശത്തിനെതിരെയുള്ള പ്രതിരോധം സൃഷ്ടിക്കുവാൻ പലപ്പോഴായി പലകാരണങ്ങൾ കൊണ്ട് പരാജയപ്പെട്ട മലബാറിലെ വിത്യസ്ത വിഭാഗക്കാരായ ജനങ്ങൾ ഈ അധിനിവേശത്തിന് ചുക്കാൻ പിടിക്കുന്ന പോർച്ചുഗീസ് ചക്രവർത്തിയായ മാനുവൽ രാജാവിലെ കൊലപ്പെടുത്തുവാനായി തിരഞ്ഞെടുത്ത ചാവേറാണ് ചീരൻ. അപ്രകാരം കൊച്ചിയിൽ നിന്നും റോമിൽ മാർപാപ്പയ്ക്ക് സമ്മാനിക്കുവാനായി കൊണ്ട് പോയ കേശവൻ എന്ന ആനയുടെ പാപ്പാനായി ചീരൻ നിയോഗിക്കപ്പെടുന്നു. ചീരന്റെ ജീവിതവും, അവന്റെ പ്രതിരോധങ്ങളും, അവന്റെ കലഹവും, പ്രണയവുമെല്ലാം ഈ നോവലിനെ ജൈവികതയിൽ മുന്നോട്ടുനയിക്കുന്നു. ഒപ്പം പാശ്ചാത്യ ജനതയുടെ അധിനിവേശശ്രമങ്ങളുടെ വേറിട്ട ചരിത്രവും ഈ നോവൽ അടയാളപ്പെടുത്തുന്നു. ജി. ആർ. ഇന്ദുഗോപൻ ഒരു വിസ്മയമാണ് ഈ നോവലിലൂടെ സൃഷ്ടിച്ചിരിക്കുന്നത്. കേവലം ഭാവനകൊണ്ട് മാത്രം ഉടലെടുത്ത ഒരു നോവൽ അല്ല ഇത്. അതിനപ്പുറമായി കഠിനമായ ചരിത്രഗവേഷണങ്ങൾ ഈ നോവലിന് പിന്നിലുണ്ട്. നല്ലൊരു വായനാനുഭവം സമ്മാനിച്ച നോവൽ.

✍🏻 ലിജോ കരിപ്പുഴ

[Akhila]

This is a fictionalised retelling of the tragic journey of Hanno the elephant and its mahout, a gift to Pope Leo X from King Manuel I of Portugal, all the way from Kochi to Lisbon and then Rome. Along the way, we get to know the history of the Portuguese in India in the 1500s, the atrocities of European powers in their quest for spices and other luxuries, the influential locals who supported them, slavery in its many forms across continents, and the politics and many hypocrisies of papacy and organised religion.

The sheer amount of research that has gone into this book is incredible.

The author has chosen to give us context not through a narrator, but rather through the conversations in the story. But that has often led to characters going on long monologues which, while an interesting choice, takes away from the immersion at times. I felt like the characters needed more distinction in their voices to really pull it off. One star off for that, but it was otherwise the kind of book that makes you go and do more background reading. Definitely sparked an interest in this period of history for me.

Some light reading regarding Hanno in particular:
1. That Time Portugal’s King Gifted an Elephant to the Pope
2. Hanno (elephant) - Wikipedia

[Rajeev Pillai]

This remarkable historical novel weaves an intricate tapestry of 16th-century life through the compelling narrative of an albino elephant and its mahout. Gopan masterfully intertwines fictional characters with historical figures, situating the narrative within the complex political machinations of the era, including an assassination plot that threatens to destabilize established power structures.

The author's meticulous attention to historical detail is particularly evident in the portrayal of Pope Leo X's ascension to the papacy and the subsequent ecclesiastical intrigues. Equally compelling is Gopan's nuanced examination of artistic rivalries among Renaissance luminaries under Medici patronage, exposing the delicate interplay between creative genius and aristocratic support that defined the period.

The relationship between the rare albino elephant—a creature of immense symbolic significance during this epoch—and its handler serves as an effective narrative device, offering readers a unique perspective on European Renaissance society and its fascination with exotic specimens from distant lands.

In sum, "Aanno" represents a worthy addition to the historical fiction genre, demonstrating Gopan's considerable skill in balancing historical authenticity with engaging storytelling. It is, without reservation, a volume deserving of one's literary attention.

[Mathew]

ഞാൻ ഈ വർഷം വായിച്ച ഏറ്റവും മനോഹരമായ നോവൽ . ഇത് ചരിത്രത്തോട് വളരെ അടുത്ത് നിൽക്കുന്ന നോവലാണ് . I mean the book is 96%historical and 4% fiction. Many historical figures like vasco da gama, albuquerque, King Manuel, da vinci, rafel, michalangelo, zamorin, Columbus, pope Leo, kunjali marakkar and even our ezhuthachan comes as characters in this novel. And the most interesting part is that a baby elephant from Malabar connects these characters together. The pope love for this elephant became one of the main reason for the counter reformation which happened in Catholic church. നമ്മൾ സ്ക്കൂളിൽ പഠിക്കുന്നത് ഇന്നയാൾ ഇത്രകാലം ഇവിടെ ഭരിച്ചു... അല്ലേൽ വാസ്കോ ഡാ ഗാമ ഇൻഡ്യാ കണ്ടുപിടിച്ചു... എന്നതിൽ നിർത്തും. നമ്മൾ വിചാരിക്കും ഇവരെല്ലാം ഇതിന് ശേഷം അടിപൊളി ആയി സുഖിച്ച് ജീവിച്ചിട്ടുണ്ടാവുമെന്ന് but that's not true. Many of their endings was miserable. We can find many contradictions here. For example King Manuel was the man who promoted expeditions and voyages which ended up in finding the sea route to india and south east asia but in life he rarely went outside his palace fearing assassination. The novel beautifully portrays the caste system in Kerala, politics of Europe and the hardships faced by Jews and their resistance. പിന്നെ ഇതിലെ ഭാഷ വളരെ വളരെ simple ആണ്.

[Bhavya]

Winner of the 2024 Kerala Sahitya Akademi Award in the novel category.
The novel tells the story of Hanno, an albino elephant from Cochin, who is sent to Portugal by the King and eventually becomes Pope Leo’s pet. There’s something about Indugopan’s storytelling that made me fully believe I was reading a real incident rather than fiction.

At certain points, especially in the passages involving characters like Sheikh Zainuddin or the Protestant leader, the conversations, rather extended monologues on progressive ideas, felt a bit forced rather than flowing naturally.
That aside, the novel is a gripping work of historical fiction. It’s clear the author has put in immense effort to weave together multiple events from the 16th century into a seamlessly connected narrative. Despite its size, the book never feels heavy—it’s truly a page-turner. The depth of the climax, in particular, stayed with me and left me reflecting long after I finished reading.

Reading this helped me in another way, too. I’d come across names like Aires Correia and Koya Pakki in academic texts and meant to learn more- but never did. Lazy me! This book finally gave me a clear picture of who they were. It made me feel that history would be far more engaging if every event had storytelling like this.

[Amal C S]

ഇന്ദുഗോപന്റെ മറ്റു പുസ്തകങ്ങളിൽ നിന്ന് തികച്ചും വേറിട്ട ഒരു രചനയാണിത്.

1511 ഡിസംബറിൽ നവോത്ഥാന കാലഘട്ടത്തിൽ കൊച്ചിയിൽനിന്ന് ലിസ്ബൻ വഴി റോമിലെത്തി, ലിയോ പത്താമൻ മാർപ്പാപ്പയുടെ ഓമനയായി മാറിയ ഒരു ആനക്കുട്ടിയുടെ വിസ്മയചരിത്രമാണ് ഈ നോവൽ പറയുന്നത്.
പോർച്ചുഗൽ രാജാവ് (Manuel), റോമിലെ പുതിയ മാർപ്പാപ്പയ്ക്ക് സമ്മാനമായി അയക്കുന്ന 'കേശവൻ' എന്ന ആനക്കുട്ടിയുടെയും 'ചീരൻ' എന്ന പാപ്പാന്റെയും മാസങ്ങൾ നീളുന്ന കടൽയാത്രയിലൂടെയാണ് കഥ വികസിക്കുന്നത്. കാലക്രമേണ കേശവൻ എന്ന പേര് മാറി അവൻ 'ആനോ' ആയിത്തീരുന്നു.
റോമിൽ നിന്നും ലിസ്ബണിൽ നിന്നും ഒരു ആനയും പാപ്പാനും തങ്ങളുടെ നാടായ മലബാറിനെ നോക്കിക്കാണുന്ന അപൂർവ്വമായ അവതരണശൈലിയാണ് പുസ്തകത്തിലുള്ളത്.
​കൊച്ചിയിൽ നിന്നും ലിസ്ബണിലേക്കും റോമിലേക്കുമുള്ള നീണ്ട കടൽയാത്രയുടെ വിവരണങ്ങൾക്കിടയിൽ, അധിനിവേശ ശക്തികൾ മനുഷ്യരെ എങ്ങനെ ചൂഷണം ചെയ്തിരുന്നുവെന്നും, അടിമകളാക്കി വിറ്റിരുന്ന ക്രൂരമായ കച്ചവടരീതികളെക്കുറിച്ചും നോവലിൽ പരാമർശങ്ങളുണ്ട്. വില്പനച്ചരക്കുകളായി മാറിയ മനുഷ്യരുടെ നിസ്സഹായതയും ആ കാലഘട്ടത്തിലെ ഇരുണ്ട യാഥാർത്ഥ്യങ്ങളും കഥയുടെ പശ്ചാത്തലത്തിൽ കൃത്യമായി ഇഴചേർത്തിരിക്കുന്നു.

ദീർഘഗവേഷണങ്ങളുടെ പിൻബലമുള്ള ഈ കൃതി മികച്ചൊരു വായനാനുഭവമാണ് നൽകുന്നത്. അധികാരവും യുദ്ധവും രാഷ്ട്രീയവും മനുഷ്യരുടെയും മൃഗങ്ങളുടെയും വികാരങ്ങളും ലോകത്തെ എത്രത്തോളം സ്വാധീനിക്കുന്നു എന്ന് ഈ നോവൽ വരച്ചുകാട്ടുന്നു.

[Sagar Sunny]

A historical fiction novel inspired by the true story of a rare white (albino) elephant gifted from Kerala to the Pope in the early 16th century. The novel begins in 1511, when a rare elephant calf named Keshavan is taken from Kochi by the Portuguese to be presented as a diplomatic gift to Pope Leo X. Along with the elephant travels his devoted mahout, Cheeran , whose journey carries a dangerous secret mission of his own. As Keshavan and Cheeran sail from Kochi to Lisbon and finally Rome, they encounter pirates, spies, political conspiracies, and religious power struggles.

The elephant, admired as a symbol of wonder and prestige, becomes a pawn in the ambitions of kings, church leaders, and colonial rulers. Meanwhile, Cheeran must navigate betrayal and intrigue while deciding where his true loyalties lie. The novel brings together several real historical figures, including Vasco da Gama, King Manuel I of Portugal, Pope Leo X, Leonardo da Vinci, Michelangelo, and Raphael, blending documented history with fiction. Beyond its adventurous plot, Aano explores colonial expansion, slavery, religion, political manipulation, the exploitation of both humans and animals, and the clash between power and compassion.

[Deepak K]

പോർട്ടുഗീസ് രാജാവായ മാനുവൽ, പോപ്പ് ലിയോവിന് സമ്മാനമായി നൽകാൻ ഒരു ആനക്കുട്ടിയെ കേരളത്തിൽ നിന്നും കപ്പൽ കയറ്റി ലിസ്ബണിലേക്ക് അയക്കുന്നു. ആന പാപ്പാനായി ചീരനും കപ്പൽ യാത്രയിലുണ്ട്. ചീരൻ പക്ഷെ വെറും ഒരു പാപ്പാൻ അല്ല, സാമൂതിരി രാജാവിന് പറങ്കികളോടുള്ള പക തീർക്കാൻ മനുവലിനെ കൊല്ലാൻ പോകുന്ന ചാവേറും ആണ് അയാൾ.

ഈ സെറ്റപ്പിൽ നിന്ന് കഥ വേറെ പല ദിക്കിലേക്കും സഞ്ചരിക്കുന്നുണ്ട്. ആഫ്രിക്കയിലെ അടിമവേല, പോപ്പ് ആകാനുള്ള മേടിച്ചി കുടുംബത്തിന്റെ വാശി, റോമിനെ സ്വാധീനിക്കാൻ രാജ്യങ്ങൾ തമ്മിൽ ഉള്ള മത്സരം, മൈക്കലാഞ്ചിലോ, ഡാ വിൻസി, റഫായേൽ എന്നിവരുടെ സ്വാധീനം, അങ്ങനെ പല ഉപകഥകളെ കോർത്തിണക്കുന്നുണ്ട് എഴുത്തുകാരൻ. ലിസ്ബണിലും, റോമിലും കേശവൻ നാട്ടുകാരുടെ പ്രിയങ്കരനാകുന്നു, ആനേ എന്നുള്ള ചീരന്റെ നീട്ടിയുള്ള വിളി പോര്ടുഗീസുകാർക്കു ആനോ ആയി മാറുന്നു. ചീരൻ ആണെങ്കിൽ രാജാവിനെ കൊല്ലാൻ ഒരു അവസരം കാത്തു നിൽക്കുന്നു. ആനക്ക് എന്ത് സംഭവിക്കുന്നു, ചീരൻ തന്റെ ദൗത്യം നിറവേറ്റിയോ എന്നുള്ള കാര്യങ്ങളാണ് കഥയുടെ ബാക്കി പകുതി.

ഇന്ദുഗോപൻ പൊതുവിൽ ഒരു rough, unpolished എഴുത്തുകാരനാണെന്നു തോന്നിയിട്ടുണ്ട്, ആ എഴുത്തു രീതി ഈ പുസ്തകത്തിലും കാണാൻ കഴിയും. എന്നിരുന്നാലും നല്ല imaginative ആയി എഴുതിയ രചനയാണ്‌ ഇത്.

[Shyam Mohan]

Aano is one of the best books I've read in Malayalam. The book seemed well researched and well narrated. The life of Kerala and european countries were interlinked from the time the Portugese landed India finding a sea path to our country. The history after that is well known, but this book dwells on the life of the keralites after the invasion. The people who are brought to Europe as slaves and as help according to the political necessities at the time. The book uses the story of an elephant who was transferred to Portugal by sea and its mahout and the political ramifications due to that act.

The story is narrated well by the author including the psychological and survival instincts of people, the changing geo-political situations in Europe and in India and mainly focuses on power politics and how it affected the life of ordinary people at the time.

I really liked the book and suggest it as a must read to all malayalam fiction lovers. It can be termed as historical, biographical and a thrilling read for book lovers.

[Deepak A]

Aano-
Brilliant, brilliant book and an incredible effort behind the research.
We often say that history should be learned as a story- this is the perfect example of that.

This book isn’t just about history-it includes love, politics, food, spices, caste, religion, medicine, art, geography, slavery, bravery, friendship, patriotism, adventure, diplomacy, world order, discoveries, inventions, feminism, and a thrilling storyline.

I can’t think of a single subject I didn’t get to experience through this novel.
It’s a rare kind of Malayalam book, brilliantly plotted from Kochi and Calicut to Africa, Portugal, Spain, and the Vatican.
Loved it from beginning to end

[Anumod]

ജി.ആർ. ഇന്ദുഗോപന്റെ 'ആനോ': ചരിത്രവും ഭാവനയും ഇഴചേരുന്ന ഒരു ഇതിഹാസയാത്ര

കേരളത്തിൽ നിന്ന് പോർച്ചുഗലിലേക്കും, അവിടെ നിന്ന് പോപ്പ് ലിയോ പത്താമന്റെ അരുമയായി റോമിലേക്കും എത്തുന്ന 'ആനോ' എന്ന ആനക്കുട്ടിയുടെയും അവന്റെ പാപ്പാന്റെയും വിസ്മയകരമായ കഥയാണ് ജി.ആർ. ഇന്ദുഗോപൻ ഈ നോവലിലൂടെ പകരുന്നത്. വെറുമൊരു മൃഗത്തിന്റെ യാത്ര എന്നതിലുപരി, ചരിത്രത്തിലെ പ്രഗത്ഭരായ വ്യക്തിത്വങ്ങളെയും സംഭവങ്ങളെയും കോർത്തിണക്കിയുള്ള മികച്ചൊരു 'ഹിസ്റ്റോറിക്കൽ ഫിക്ഷൻ' (Historical Fiction) ആണിത്.

എഴുത്തച്ഛനും ലിയോനാർഡോ ഡാവിഞ്ചിയും കൊളംബസും മഗല്ലനുമെല്ലാം ഈ നോവലിൽ കഥാപാത്രങ്ങളായി വരുന്നുണ്ട്. നല്ലൊരു വായനാനുഭവം തന്ന ഒരു പുസ്തകമായിരുന്നു 'ആനോ'.

[Anand]

എന്റെ ചെറിയ വായനയിൽ ഇത്രയും റെഫറൻസുകൾ നടത്തി തയ്യാറാക്കിയ ഒരു മലയാള നോവൽ ആദ്യമാണ്. ചിലപ്പോൾ മറ്റു നോവലുകളിലും ഉണ്ടായിരുന്നിരിക്കാം. എന്നാൽ ആനോ വായിക്കുമ്പോൾ ഞാൻ ചരിത്രത്തിലൂടെ വായിക്കുന്നതായിട്ടു അനുഭവിച്ചു.

[Subin PT]

It was a slow read at the beginning. I wasn't sure if I would complete it. Then the flow became faster and faster and I couldn't stop. This is a beautiful story. Of mankind, of the struggles and of the financial interests and power struggles. Made me think, sad and silent for a while.

[Jijo Krishna]

Great read

[Varna Binu Sasidharan]

I don't like elephants generally...but this one stole my heart ❤️

[Abhinand S Ampadi]

🏅🫡

[Jafar S Pulpally]

കിടിലൻ പ്രമേയം, ഓഞ്ഞ ആഖ്യാനം!