جوز أمه

by دينا عماد

128 pages, Paperback

Published January 1, 2024

About the author

دينا عماد تكتب القصص من عمر 7سنوات وتكتب الشعر والخواطر والرباعيات ونشر لها بعض الخواطر فى الاهرام المسائى عام 1997و 1998 احترفت اعداد الكلمات المتقاطعة منذ عام 2009 فصدر لها كتب فى الكلمات المتقاطعة وتعمل معدة الكلمات المتقاطعة بجريدة الوفد ومحررة باب محدش واخد منها حاجة بمجلة البوسطجى ومبتكرة شخصية ام حدؤة بالمجلة ومذيعة براديو وسيط اف ام

Reviews

[دينا ممدوح · Rating 3 out of 5]

قلم دينا عماد من الأقلام السلسة التي تسحبك إلى حكايتها الواقعية فتغرس قدمك فيها ولا تخرج إلا وقد أنهيتها تمامًا.
في هذا الكتاب الذي يحتوي على مجموعة من القصص القصيرة الواقعية التي أعتمدت فيها على اختلاف الأفكار في النهاية، تبدأ القصة من نقطة وتنتهي عند نقطة مختلفة تمامًا.
بدأت مع قصة جوز أمه التي تحمل اسم المجموعة والحقيقة كان اسم لافت للنظر ويستحق أن يكون الاسم الأساسي لكل القصص.
من أجمل نقاط المجموعة هي ربط كل قصة منهم بما تليها بشكل ما على الرغم من عدم ترابط أيً من الشخصيات فيها.
النقطة السلبية الوحيدة في المجموعة هي أن النهايات متوقعة للغاية وكأنني رأيتها في قصة ما سابقًا

[Mohamed Metwally · Rating 3 out of 5]

مجموعة قصصية كل واحدة منها بتنتهي ببداية اللي بعدها، لكن كل قصة منفصلة بذاتها. تجتمع كلها على مشاكل عائلية بسبب زيجات فاشلة، وكل زواج منهم ليه سبب مختلف للفشل،مثل عدم السؤال الكافي عن أهل العريس، التصميم على انجاح علاقة فاشلة، الخيانة..

كتاب خفيف القراءة لكن ثقيل الوقع لبشاعة القصص، وأبشع ما فيها أنها ليست بعيدة عن ما يحدث في أرض الواقع كما أصبحنا نرى كل يوم.

محمد متولي

[Sarah Ahmed · Rating 5 out of 5]

قصص واقعية فعلا وبتحصل في حياتنا

[Donia Darwish · Rating 3 out of 5]

حكايات دينا دايما بتودينا
لباب بريد 💌 الجمعة 📰 وتورينا
مشاكل من أرض الواقع
لا بتسرح بيك بالخيال 🧐
ولا بتعيشك فى الأوهام 💭
بتاخدك كده فى شوية حكايات 📝
تشوف فيها بلاوى الناس
وتحمد ربك على اللى معاك 🤲🏻
وتفكر مرة واتنين 🤔
ازاى الناس اللى فى الحكايات ديه موجودين 🤷‍♀️
جبارين بشكل فظيع 🫣
مش قتل ولا جرائم 🔪خالص مش زى ما أنتوا فاكرين 🙅‍♀️
ولا أمراض نفسية 🤪محتاجة علاج 💊 وندى مبررات ونقول يا حرااااام ده متعقد من شىء ما وكان بتلسوع قبل ما ينام فهبت منه يوما ما
وقال يطلع البلا على اللى معاه …
لا ده شر بيور من غير مؤثرات خارجية
هما نبتتهم فاسدة من الأصل
فيهم خلل فى العقل 🤯
أغلب المشاكل أمراض قلوب❤️‍🩹 وعقول 🧠
فى 5️⃣حكايات شكلت دينا فى نوع المشاكل والأمراض اللى أصابت بعض الأبطال وآثرت على اللى حواليهم وغيرت من حياتهم وشوهت ملامحهم وحولت مستقبل البعض منهم لجحيم…

بحب كتابات دينا واسلوب عرضها للمشاكل بطريقة سهلة وبسيطة لكن مؤثرة وفى المظبوط 👌🏻ولا بتضخم ولا بتأفور بتعبيرات بسيطة بتوصلك حجم المشكلة وتصيبك أنت تتصدم فيها😄🤦🏼‍♀️
هتقولولى وايه يا بنتى اللى جبرك على كده
هو احنا ناقصين مشاكل ووجع
مش هقولك من باب اللى يشوف بلاوى غيره تهون عليه بلوته وكده …. لا خاااالص أنا بحب أنكد على نفسى 😄
لو ليكم فى النوع ده من الحكايات يبقى هنيئاً لكم ياولاد استمتعوا بالمشكلات 😄

#مكتبة_دنيا
#قراءات_٢٠٢٤

[Toka Elsayed · Rating 3 out of 5]

🟢️️اسم الكتاب : جوزأمه
🟢️️اسم الكاتبة : دينا عماد
🟢️نوع الكتاب : قصص قصيرة
🟢️️اصدار عن : دار الرسم بالكلمات
🟢️️عدد الصفحات : 84 على أبجد
🟢️سنة الإصدار : 2024
🟢اللغة : فصحى سرداً عامية حواراً .
______________________________________________

العلاقات الإنسانية والأسرية ليست منصفة ومريحه في
كل الأحوال ، في كثير من الأحيان لاتأتينا الصدمات الا من الأقربون ، أولئك الذين إإتمناهم على حياتنا ، مشاعرنا ، أسرارنا ...
مجموعة قصصية تحتوي على خمس قصص ..
تتناول القصة الأولى [ جوز امه ] الطلاق لأسباب عجيبة فقد تطلقت إنجي من حاتم لأغرب سبب طلاق رأيته !
كانت صدمتي كبيرة وستصدمون مثلي !
وفي قصتنا الثانية [ المشرد ] رجل كبير فالسن وجدوه يرتجف تحت المطر في الشارع يشعر بالجوع والتعب لم يجد من يحنو عليه ! لتتكفل به دار إيواء ، ليحكي لهم ان اولاده تركوه في الشارع ولم يسألوا عنه ! ولكن الجواب لايدل دائما على عنوانه ! فما قصة هذا الرجل !
وقصة ثالثة [ إنكار نسب ] هي الأصعب ما أصعب ان يخونك من وثقت به وحفظت عرضه وسره ، ما اصعبها من لحظات حين تجد نجزى نفسها متهمه في شرفها ! هل ستظهر الحقيقة وتنتصر على من خدعها !
وقصتنا الرابعة [ إختفاء ] اقلب عيد ميلاد أمل من فرح وبهجه لخوف وبكاء ، فقد إختفت أمل الطفلة ذات الصلاث سنوات من وسط عيد ميلادها ، في رحلة بحث عنها نكتشف أسرار خطيرة وقسوة قلوب وغدر و كره ! فأين اختفت أمل !
وفي القصة الخامسة والأخيرة [ ليلة القبض على ملك ] كانت ملك في سريرها تتصفح هاتفها المحمول ليسمع أفراد الأسرة طرقات متتالية ايقظتهم جميعها ، لتكن الصدمه مطلوب القبض على ملك ! ملك الفتاه فالثانوية العامة ما الجرم الذي فعلته وهي بهذا السن !!

🟢 رأيي الشخصي /

مجموعة قصصية متنوعة تتناول قضايا إجتماعية متداولة في حياتنا ، رغم صعوبتها وقسوتها إلى أنها للأسف تتكرر بيننا ، أجادت الكاتبة تجسيدها في هيئه قصص قصيرة تخدم الفكره وتوصل المعنى المطلوب ...

🟢الإيجابيات /

كتبت بنمط سريع لم يشعرني بالملل دمج فيها نهاية كل قصة ببداية التي تليها ...

🟢️️ السلبيات /

كتبت بلغة عامية في الحوار مع فصحى أثناء السرد لم أحب المزج بينهما وكانت لتصبح أفضل بالنسبة لي لو كانت كلها فصحى ..
وجدت قصص فكرتها مطروحه وكلن سهل لي التنبأ بها وددت لو طرحت أفكار غريبة مثل اول قصة انبهرت بها ...

🟢 الإقتباسات /

"أي إنسان هذا الذي يستطيع أن تكون حقيقته
على النقيض تمامًا مما يبدو للآخرين "

[Mony Abo Elhoda · Rating 3 out of 5]

▪️جوز أمه
▪️ دينا عماد
▪️دار الرسم بالكلمات
▪️128 صفحة
▪️تقييمي / ⭐️⭐️⭐️

▪️مجموعة قصصية مكونه من خمس قصص نهاية كل قصة هي بداية القصه التي تليها .
▪️اشتركت كلها في انها اجتماعية بالدرجه الأولى تحكي مشاكل حدثت او ستحدث من واقعيتها .
▪️ تأخذك معها بلغة فصحى و عامية سهله لتعايش الوضع فهي مصرية بالدرجه الاولى او متكرره في مجتمعنا العربي .
▪️ تعايشت معها واحسست كل المشاعر المؤلمة والمشاكل المؤسفة بين طلاق ومشاكل مراهقه وعلاقات أسرية وإنكار نسب وحقد وغل وغيرة ابدعت الكاتبه في إيصالها .

▪️ اقتباسات /

"أي إنسان هذا الذي يستطيع أن تكون حقيقته على النقيض تمامًا مما يبدو للآخرين. " .

شكرا للكاتبة عالتجربة الجميلة❤️

[Allaa Ramadan · Rating 4 out of 5]

كتاب : جوز أمه.
الكاتبة : دينا عماد .
دار النشر: الرسم بالكلمات.
عدد الصفحات: 128 .
تقييمي: ⭐⭐⭐⭐ .

----------------------------------------------------------------


الكتاب عبارة عن مجموعة قصصية بتناقش قضايا فعلاً مُهمة و انتشرت مؤخراً في مجتمعنا ، و أكتر قصة تفاعلت معاها قصة إنكار نسب .

السرد جميل جداً ، لكن اللغة حسيت إني مشتتة بين فصحى و عامية لو كانت حاجة واحدة بس كانت هتكون أفضل كتير .

أول عمل اقرأه للكاتبة و مش الأخير بإذن الله ، و بتمنالها كل التوفيق والنجاح في الأيام الجاية .♥️

الغلاف عجبني جداً.👏🏻♥️

[Salma Mahmoud · Rating 3 out of 5]

مجموعه قصصية من واقع الحياة المؤلم يمكن لو قريت القصص دي من عشر سنين مثلا كنت قولت يستحيل القصص دي تكون حقيقة أو حتى خيال
بس للأسف الواقع أبشع وأصعب
عندي تعليق للكاتبة
كذا قصة استلهمتها بشكل مباشر من القصص اللي بتنزلها على صفحتها تحت عنوان #حدث-بالفعل كنت وأنا بقرأ بتوقع الأحداث لأني قريتها قبل كدة عندها على الصفحة
حسيت أن القصص فقرة حدث بالفعل بس مربوطة في قالب درامي
بتمنى الكاتبة ترجع تكتب روايات اجتماعية لأن دة النمط اللي حبيته ليها زي بلاتوه ورزق ومعدية وباقي أعمالها عدا سلسلة حكايات من غرفة الإعدام وهكذا قطفت الزهور

[آية علي · Rating 3 out of 5]

أول قراءات معرض الكتاب، خلصتها في ساعة تقريبا أو أقل، وكالعادة أتشديت بأسلوب دينا عماد الممتع، السلس، وبخفة هتاخدك في كام قصة بين غريبة، ومؤلمة، وغير متوقعة، المهم إنك مش هتزهق، مناسبة لو عندكم ريدينج بلوك،أو عايزين تفصلوا بين روايات تقيلة، أو تفضوا دماغكم من الدوشة، دينا عماد مش أول مرة أقرأ لها وأكيد مش هتكون اخر مرة..

[Mohamed Hussein · Rating 4 out of 5]

مجموعة القصص رائعة وعجبني جدا سلاسة الحكي وكذلك وجود ربط بين كل حكاية وما تليها من حيث ربطه بالشخص في نهاية القصة

طول عمر�� متعود علي بريد الجمعة وكتب عبدالوهاب مطاوع وفعلا كتابات الكاتبة دينا عماد قريبة جدا من نفس الاسلوب الجميل

دي تاني قراءاتي للكاتبه دينا عماد واكيد مش هتكون الاخير

[fatma omar · Rating 2 out of 5]

القصص والأحداث وربطها ببعض حلوة ،لكن لغة السرد وحشة جدا خلط بين العامية والفصحى الافضل كانت تبقي بالفصحى كلها عشان تحتسب كرواية فعلا وعمل ادبى ذو قيمة عالية لكن اللغة برغم من جمال القصص والأحداث وتشويقها بشعه جعلتها مثل نشر بوست عن طريق الفيسبوك

[Sillysello · Rating 3 out of 5]

معرفش بصراحة قريت الكتاب ده ليه بس غالبًا كنت عايزة أقفل عشر كتب وعايزة حاجة خفيفة لقيت ده قولت ميضرش، الكتاب لذيذ عمومًا قصص قصيرة كدة نهاية كل قصة هي بداية اللي قبلها.
حلو يعني لطيف مش الكتاب اللي هو بس لطيف

[فاطمه · Rating 3 out of 5]

عجبني طريقه ربط القصص ببعض بالرغم ان ابطال القصص شخصيات مختلفه فكريا واجتماعيا وقصصهم بتحصل بشكل مستقل عن التاني

[Sara Mohamed · Rating 4 out of 5]

خفيف و لطيف يخلص في قاعده واحده 😁

[Basant Mohamed · Rating 2 out of 5]

مفيش اي ملل بس طبعا قصص تقليدية الي حد كبير جدا

[Mennatullah Radwan · Rating 5 out of 5]

دينا عماد كانت السبب اني احب القراية و اكون نوعاً ما قارئة نهمه، و دلوقتي بعد ما قريت/سمعت اكتر من ٥٠٠ كتاب/رواية لسه اي حاجة بتكتبها مقدرتش اسيبها غير لما اخلصها ف اقرب فرصة