تويتة

by حسين جمال

ديوان بالعامية - رباعيات

148 pages, Paperback

First published December 1, 2013

Reviews

[Heba Hossam · Rating 4 out of 5]

بجد اكتر من رائع نوع من انواع الكتب اللى لازم تكون موجوده فى عربيتى اقرا صفحه ابدا بيها كل يوم من حياتى تدينى احساس اكمل بيه اليوم
بتعبر عن حاجه جوانا
اكتر من رائع بجد
حسين انسان مهذب جدااااااااا و مرح وودود

[DỘn Mando · Rating 3 out of 5]

شهادتي مجروحة في حسين .. حسين انسان محترم جدا ع المستوى الشخصي
و مبدع جدا في اطار كتابة الشعر ..
فن كتابة شعر الرباعيات انقرض في زماننا دة
عمنا صلاح جاهين ساب لنا تركة كبيرة من الرباعيات
لكن للاسف مسبلناش ناس تكمل المسيرة
لكن تويتة بيظهر لنا شاعر جميل مستقبله مبهر اسمه حسين جمال
رباعيات لطيفة دمها خفيف اتكلمت عن كل شئ .. فيها طبع ميال للتفاؤل و الاقدام على الخير
فيها رباعيات ناقشت احوال البلد .. ناقشت الطبقة المهمشة فى البلد
الخلاصة اني استمتعت .. بعيب على الديوان انه حسيت خلط الفصحى فى ديوان عامية مكنش موفق فيها
و كمان في بعض الرباعيات غير موزونة القافية .. لكن غير كدة المجمل الديوان جميل جدا و عجبنى
و استمتعت بقرائته .. بالتوفيق يا حسين و متاكد ان اللى جاي احسن بكتير

[Bookworm · Rating 5 out of 5]

المتعه حين تتجسد في كتاب
تشعر به يتسلل بداخلك ليستل كلماته من قلوبنا لتخرج نابضه بمشاعرها و أحاسيسها الجميله
تبتسم مع كل حرف و كلمه و تتسآل
كيف أستطاع أن يصطاد تلك الأحاسيس البسيطه بداخلنا و كيف أستطاع أن يعبر عنها بتلك العذوبة
تقرأ الكتاب فتكاد تسمع كلكسات العربيات الممزوجة بضجة الناس و رائحة الديزل المجدول برائحة الصيف
كتاب يسحبك من يدك و يسافر بك الي حواري مصر و شوارعها و ناسها
كتاب استمتعت بقراءته

[Mohamed Magdy zinhom · Rating 4 out of 5]

يشرفنى انى اكون من اوائل الناس اللى بتقول رأيها فى الديوان اللى بيبشر بميلاد شاعر رائع و هيكون ليه اسم و مكانة كبيرة ان شاء الله :)

اخويا و حبيبى حسين حقيقى الديوان بتاعك ممتع جدا انا اول ما بدأت فيه مقدرتش ابطل الا لما اخلصه :)

ديوان خفيف و معبر جدا رغم بساطة الالفاظ الا انه يحتوى على معانى كتيرة جدا قوية

مواضيع جديدة فى الديوان و الفاظ سهلة فى التناول و فى نفس الوقت قوة فى الاسلوب

فعلا ديوان حلو جدا و انصح بقرائته :)

[Zaher · Rating 4 out of 5]

حاجات اللى محستهاش فى كل صفح الكتاب بالظبط 10 صفحات دول محستش بالقافية فيهم اوى غير كده الكتاب كله عاجبنى جدا والله من غير اى مجاملة و خصوصا الكام بيت بتوع جنود الامن المركزى
يعنى من الاخر كل الكتاب ماعدا كام صفحة قافيته محكمة و جميلة و تاثر فيك
و مفيش ولا صفحة فى الكتاب كلماتها مش مظبوطة
من الاخر الكتاب رائع و لازم تقروه
بالتوفيق دايما يا حسين :))

[Amr Atef · Rating 4 out of 5]

قليلين اوى الايام دى اللى بيكتبوا رباعيات..بس انت هتبقى ان شاء الله حاجه كبييره وقريب جدا كمان..اتكلمت عن كل حاجه عن البلد والطبقه المهمشه اللى محدش بيفكر فيهم اصﻻ اتكلمت عن كل حاﻻت الحب وعن كل حاجه ممكن تمر على الواحد فى يومه ..يعيب بس بعض الحاجات ان الوزن والقافيه مكنوش متظبطين ..اكييد الجاى هيبقى احسن من كده بكتييييير :) :)

[Omayma · Rating 5 out of 5]

ديوان رائع بكل ما تحمله الكلمة .. كل صفحة فيه كل كلمه فيه بتلمسك بتحس انك عيشتها بحذافيرها .. قدر الشاعر حسين جمال يدخل جوانا ويوصف كل حاجة كأنه عاشها معانا لحظة بلحظة .. اتمنى لك التوفيق يا حسين من كل قلبى انت شاعر عظيم وانسان اعظم :)

[Abd El-razek · Rating 5 out of 5]

مش عارف اقول ايه والله
انا لو قلت هيتقال علشان صاحبى
هقولك اللى اختى قالته: فظييييييع
بتاخد كلامك و تعمله تويتس فعلا

[Sherif salah · Rating 3 out of 5]

ديوان جيد عجبني بس فيه احسن من كده بالتوفيق لحسين جمال هوا عنده الموهبه والديوان الجاي يبقي احسن ان شاءالله
^_^

[Lai La · Rating 4 out of 5]

عندى إحساس إن توتية كان محتاج يبقى بالألوان ... كان هيتحس بطريقة اجمل ... جميل اوى ...

الفكرة حلوة بس كانت محتاجة تبقى تصميم احسن من كده

والكلام من جوا لا يختلف عليه (2)

ربنا يوفقك ان شاء الله :)

[Sheref Esmat · Rating 2 out of 5]

الإيجابيات:-

1/ الشغل اللي في الديوان من جوا صور عجبني
2/ طبعا الغلاف جميل
3/ في افكار حلوه من الفصائد

السلبيات:-

1/ الوزن والقافيه وقعين كتير
2/ في افكار متكرره

نظرة عامه:-

بدايه كويسه من الشاعر .. هو كتاب بسيط يخلص في قعده كده


سلاموووووووووووووووووز :D

[Ghada Mohsen · Rating 3 out of 5]

تصميم الكتاب الداخلى رائع
حسين جمال موهوب جداااا ..ف انتظار الأفضل ف الكتاب القادم

[Esraa Amer]

جاامد