تذكر 36

by أحمد حسين أبو الرجال

يتنازل شهاب عن اختفائه ليقوم بعملية انتقام أخيرة ظن أنها ستنتهي سريعًا، لكنه يجد نفسه في متاهة وعالم موازٍ يقف فيه وجهًا لوجه مع مَن يتحكمون في مصير العالم.
وبمعاونة كيميائي وفتاة دموية ساحرة، تشتعل حربٌ شرسة، العدو فيها بلا مبادئ، حربٌ لن يبقى بعدها إلا منتصر واحد.
في رواية «تذكَّر 36» يعود الكاتب الأكثر مبيعًا أحمد حسين أبو الرجال ليكشف لنا جانبًا بعيدًا ومظلمًا في النفس البشرية، والخيط الرفيع بين العلم والوهم، وليجيب عن السؤال الأهم: متى يصبح الوهم أقوى من الحقيقة؟

عن المؤلف
أحمد حسين أبو الرجال صدرت له روايتان: «6 إنش» و«للقتل اضغط واحد»، وقد أُعيدت طباعتهما مرات عديدة.

336 pages, Kindle Edition

First published January 25, 2024

About the author

كاتب و روائي مصري،تخرج من كلية العلوم وتخصص في البيولوجيا الجزيئية ثم إلتحق بكلية الطب، ونشر العديد من القصص القصيرة في مجلة كلمتنا، أصدر رواية"6 إنش" في العام 2015 ثم "للقتل اضغط 1" في 2017. وأخيرا "تذكًر٣٦".

Reviews

[Karim Mattar · Rating 4 out of 5]

تجربتي التانية مع الكاتب احمد حسين أبو الرجال بعد رواية "٦ إنش" إللي تم نشرها سنة ٢٠١٥ وإللي هتفضل واحدة من أمتع روايات الاكشن و الإثارة من وجهة نظري.

وبعد رواية "تذكر ٣٦" أقدر أقول إن خلاص.. الكاتب ده أستاذ في النوعية دي من الروايات وحقيقي الرواية دي فيها مجهود كبير مبذول لأنها ببساطة مش مجرد رواية بتقدملك حبكة فيها إثارة وتشويق ولكن فعلا فيها إسقاطات كتيرة آوي ومعلومات كتيرة الواحد مكنش يعرفها.. لدرجة إني بعد ما خلصت الرواية بدأت أبحث عن بعض المعلومات والنظريات إللي الكاتب ذكرها في الرواية...

وأظن إن أفضل الروايات هي الروايات إللي تقدملك وتضيفلك شئ جديد مش مجرد حبكة أو قصة وخلاص..

شكرا أحمد أبو الرجال على العمل الممتع ده..
و أتمنى مزيد من الأعمال في المستقبل. وياريت متطولش علينا بين كل عمل والتاني : )

[الزهراء الصلاحي · Rating 3 out of 5]

نادراً ما أعجز عن تحديد موقفي من رواية.
هل أعجبتني أم لا وما الذي أعجبني أو لم يعجبني بها وهكذا.
هذه الرواية لم تكن في حسباني _فأنا لم أسمع عن الكاتب من قبل_ ومن الغلاف والعنوان شعرت أني أمام نسخة من لعبة بابجي لكن برواية😅 فلم أتحمس لها، وتشاء الأقدار أن تكون هى الرواية التي أفوز بها من الكرمة🤷🏻‍♀ وهنا قررت المغامرة.

من بداية الرواية وهى جذابة بشكل مذهل، بعد أن بدأتها على أنها رواية خفيفة سأقضي معها وقت لطيف وجدتني أمام عمل قوي يحتاج للكثير من التركيز، فهناك انتقالات في الزمن والدماغ!!
نعم، لم أكتبها خطأ. فالبطل لديه ورم في الدماغ يجعله أحياناً لا يشعر بالوقت، كما يجعل لديه قدرة غريبة على تخيل أشخاص وأحداث غير موجودة!!
وتخيل معي يا عزيزي أن بطلنا الذي لديه ورم في المخ يجعله يصاب بنوبات صرع ولا يشعر بالوقت ويتخيل أشياء غير موجودة قرر أن ينفذ بعض الأحكام التي يجد أن أصحابها يستحقون القتل!!

حبكة الرواية قوية ومثيرة، والشخصيات مرسومة بشكل متقن.

في النهاية، استمتعت بالرواية بالرغم من شعوري بالضياع في بعض الأحيان، وأعتقد ستكون لي تجارب أخرى مع الكاتب.

تمت
١٣ أبريل ٢٠٢٤

[Mazen Eladawy · Rating 5 out of 5]

خلونا نتكلم...الرواية من نوعية مختلفة شوية في الأدب وهو (mind twist) أو حاجة من ريحة أفلام نولان كده الي تحسسك إن فيه حد ماسك دماغك وبيخرمها براحة زي نبيل الحلفاوي لما كان بيخرم العسلية في الطريق إلي إيلات 🤣🤣🤣...الكاتب هنا كان دارس النوع ده وقدر يطبقه بشكل فوق الاسطوري انا بقيت طول مانا بقرأ مش مصدق إن ممكن ده يحصل...
رسم الشخصيات في الرواية كان حاجة رهيبة بصراحة وفاجئتني جداً بدرجة مش طبيعية انا حتي كنت بقول للكاتب انت الشخصيات دي عاملها اكنك انت كده او قابلت الشخصيات دي كلها... الأحداث بصراحة يعني كانت رهيبة وفيها كل شيء ممكن تتخيله...تحس إنك اترميت في فيلم چون ويك مع فيلم باتمان مع شوية من فيلم (inception) انت دخلت علي مفرمة حرفياً من المتعة والإثارة...
ولكن...كان في بعض المط في أحداث الرواية خلاني احس بشوية ملل بسيط...طريقة السرد بصراحة دي كانت اكتر حاجة مدروسة في الرواية فكرة إن كل شوية الادرينالين بيرتفع مع كل جزء في الرواية انت بتحس إن في اختلاف وفي روح مختلفة...
الغلاف الجوي للحدوتة كان قوي ومتماسك جدا وكان مخليك داخل في الأحداث كإنك جزء منها بالظبط...ليا تعليق بسيط علي اسم الرواية الي شايفه مكانش مناسب خالص الحقيقة لما تقروا الرواية هتفهمه قصدي...
الغلاف بصراحة كان رهيب جداً في الوش و الضهر عشان كده صورت الضهر وانا مش بعمل كده بس لأول مرة الاقي غلاف في الضهر مناسب للأحداث أو بيدخلك في عالم الرواية من النظرة الأولى...
الرواية تعتبر شبه مكتملة الأركان كان فاضلها تكة بسيطة وخلاص...انا مبسوط إن الأدب ابتدي يتحسن نوعاً ما اهو وحقيقي الرواية دي انا هعتبرها من احلي روايات السنة أو من احلي روايات المعرض.
تقييمي للرواية ٥/٤.٥.

[Amir Khadrawy · Rating 3 out of 5]

في البداية دي تالت تجربة ليا مع الكاتب بعد ٦ إنش و للقتل إضغط ١
الرواية فعلا واضح ان مبذول فيها مجهود كبير لانها علي عكس الروايتين اللي قبليها بتضيفلك شوية معلومات او بتخليك تدور هل المعلومات اللي تم ذكرها دي صحيحه ولا لا وده في حد ذاته نجاح!
ولكني لسه متوقف عند ٦ إنش ومش شايف ان اي واحده من الاتنين قربتلهم
نيجي ل تذكر ٣٦!
في البداية حسيتها هاتكون خفيفه لكن اكتشفت انها محتاجة تركيز كبير و كبير جداً كمان
تكوين الشخصيات حلو جداً ودي حاجة الكاتب مميز بيها!
لكن فيه حتت كتير في المطاردات والمواجاهات ماتتبلعش بسهوله! وإضطريت أعديها اثناء القراءه
من غير حرق بس النهاية حاسسها كانت ممكن تكون أفضل من كده سواء النهايه في حد ذاتها او انها تكون مخدومه اكتر من كده من حيث المساحه والطريقه
حسيت اني اتكروت كده بالبلدي!
بس ده لا يمنع برضه اني اتبسطت ومكنتش متضايق

[Ramy Ismael · Rating 5 out of 5]

أحمد حسين أبو الرجال
بقى علامة جودة معتمدة في النوع ده من الروايات الحقيقة
يعنى من وقت 6 إنش وكل رواية أقوى من الأول المجهود المبذول فى الرواية والإهتمام باالحبكة والتفاصيل ورسم الشخصيات
مفيش لحظة ملل أو إستسهال
فكرة الرواية حلوة جدااااااااا
السرد ممتع لأقصى درجة والحوار بين الشخصيات من أهم عوامل الرواية
عمل جميل جدا

[Salem.K · Rating 4 out of 5]

رواية جميلة بأسلوب متفرد استطاع الكاتب الجمع فيها بين الاثارة والفلسفة والغموض

[محمد الشافعي · Rating 5 out of 5]

رائعة

[Ahmed Mostafa · Rating 4 out of 5]

الرواية شيقة مسلية .. الخيال مكرر إلي حد ما في معظم الأحداث و بعضها جديد
حسيت اني بتفرج علي فيلم مكتوب اكتر منه رواية
التجربة عموما اكثر من جيدة

[Lady · Rating 5 out of 5]

Dark, mysterious, creepy... in a word, a mesmerizing new novel by one of Egypt's best young writers